hiukawn's Profile

平安夜去邊度食都貴 ，有同事介紹呢間餐廳本來睇見差評就唔想嚟，以為好差，最後男朋友話要嚟試下，結果嚟試到 ，發覺食物質素ok 價錢三百幾蚊仲唔可以任飲1664 ， 啲菜又嫩， 海鮮同肉類都ok ，職員係好忙，但係有個戴眼鏡嘅姐姐佢會主動問我哋需唔需要幫我哋攞啤酒 我食咗咁多年任飲任食場嚟講都係第一次問我主動問我需唔需要攞啤酒畀我，我覺得服務都唔差，我同男朋友都覺得又唔係太貴又有雙爐，食物野飲款式都算多，服務唔太差已經算係好。…Read More

而間店真係好搞笑，諗住打電話叫定外賣，去到就唔洗等咁耐。諗住叫5杯，店員話要6杯先可以落單，我話我只係叫定 唔係要你送喎，佢都係話唔得，我再打去成功落6杯野飲，我同店員講我有現金券，佢又話唔用得，要用卷一定要落店舖落單，一定要去到等，最後我唔飲，我覺得好不知所謂我覺得只係落單整定嘢飲等人哋去攞舉手之勞都而樣唔得果樣唔得。我真心想問下貴公司點解唔得？ 點解電話落單一定要六杯先肯幫人落單，一杯唔係生意咩？…Read More

今晚收工未食飯就去搵食，行下行下都係抱住求其醫下肚既心態，無諗過會好好味的。無影相，但叫咗雞全翼（燒再脆啲就更好）， 腐乳豆卜（好味 唔咸 小小甜），燒土豆片（好味），一口和牛（都幾好味 但幾舊58就貴啲），牛仔骨（好味）， 蘆筍（好味），粟米（唔好彩 無味） ，金菇（好味），雞皮（好脆）， 煙肉鵪鶉蛋卷（都係有驚喜 入面 鵪鶉蛋好嫩 ）， 蒜蓉包， 八爪魚， 娃娃菜。其他都好好味整體黎講，師父超用心燒，燒出黎既野都好好味。價錢就費…Read More

等咗40分鐘只係到咗頭四款，但係有三樣係唔使煮嘅， 之後有一家三口入咗嚟 可能佢地叫貴野，我係叫餐， 所以佢哋啲嘢嚟得好快。 芝麻豆腐沙律好普通， 澳洲龍蝦尾 彈牙嘅， 不過冇驚喜， 再加咗個燒蠔，明太子玉子燒 一個蟹肉火舞棒 ，等咗45-50分鐘，開始吹佢第一次 ， A4和牛超級一般 ，蟹肉火舞棒仲要唔熟嘅， 明太子玉子燒難食嘅， 蛋皮包住好多醬汁，醬汁同蛋都好唔夾，味道完全唔夾， 個燒蠔足足燒咗45分鐘， 叫佢幫我取消佢就永遠都話等多陣好快跟住拎到個燒蠔出黎，個侍應仲要話生蠔就可以好快，因為呢啲要燒所以就要等咁耐，我即刻嬲咗 ，一千蚊純對唔值…Read More

叫咗A餐一人用 但番到屋企食 得三舊完整既肉 其他都係雞翼 ，一盒有成3隻雞翼尖，6舊雞翼位，我知道有人鐘意食而啲位，但咁啱我唔鐘意，就變咗好小肉食。我覺得落雞都平均啲，一盒3隻雞翼尖6舊雞翼唔太合理，我覺得一隻翼尖兩舊雞翼就合理，唔好俾人感覺將啲人地唔要果啲放埋落一盒度填位咁，謝謝…Read More