Auscar's Profile

同朋友雙約去深水埗搵下有無好咖啡，路過見到店面幾有特色，就入去試一下。等左一陣就安排左座位，環境簡約得黎又幾放鬆，野食似日式cafe，叫左個鰻魚漢堡，同埋吉列豬扒三文治，漢堡包一般，反而豬扒夠juicy！其實係深水埗去左好多咖啡店，好多都係食物好過咖啡😅 睇黎要搵好飲嘅啡真係唔容易😬食物：⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️環境：⭐️⭐️⭐️⭐️番叮：⭐️⭐️⭐️#aus_cafe…Read More

近年深水埗真係多左好多舊屋改建的cafe，佢地嘅裝修特色，就係無咩裝修🤣 水泥+木+皮+植物，建構一種有種簡約嘅chill feeling😌食物比出面cafe有多啲特色，今次叫左脆雞三文治配是拉差辣醬，香口得黎又惹味，推薦！不過佢食物menu會更新，每次去都會有驚喜！咖啡方面不過不失吧～整體來講，食物比較出色，環境都好舒服，chill下hea下又一個下午了😌😌食物：⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe #coffeeholic #coffeelover…Read More

新開咖啡店，店外坐位有一種日系裝飾嘅感覺，絕對適合打卡🤩食物一試下有驚喜！咖啡好飲就基本啦，估唔到野食都好出色！因為我本身好少係出面食意粉，因為太易自己整到，今次咁岩佢哋賣晒包，肚餓之下就試左佢嘅番茄意粉，一個字：「好好食」！估唔到簡單嘅食物可以咁夾！辣辣酸酸好開胃！嘆完個意粉之後，梗係要試佢個啡啦，基本上都係好有親切嘅好味道（明就明），手沖都係好推薦嘅，比以前有好多唔同嘅豆選擇😏 咖啡師都好細心講解有咩味道，同埋會好樂意同顧客傾偈😌P.s. 係寵物友善餐廳，可以帶狗狗🐶過嚟試吓架食物：⭐️⭐️⭐️⭐️⭐️咖啡：⭐️⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️⭐️⭐️#aus_cafe…Read More

俾佢嘅龍蝦湯烏冬吸引，搵咗晚專誠嚟試吓嘅，嚟到嘅時候已經有唔少人等位，等咗10分鐘先入到去，坐低即刻叫咗佢嘅特色龍蝦湯烏冬，同埋咖啡！好快就有嘢食上枱啦，發現龍蝦湯係另外一個壺仔上，可以等你自己倒落去烏冬度，有啲似食沾麵嘅感覺，有得玩又新奇，幾得意。味道方面都同預期一樣，好食！唯一美中不足就係覺得份量有啲細，男仔當晚餐未必食得飽吧，同埋座位有啲迫，而且人流換枱都好快，俾人有一種食完就要走人嗰種感覺🥺 咖啡方面冇乜特色，不過不失，我覺得佢定位應該係一間食店，多過咖啡店🤣食物：⭐️⭐️⭐️⭐️咖啡：⭐️⭐️⭐️服務：⭐️⭐️⭐️環境：⭐️⭐️⭐️番叮：⭐️⭐️⭐️#aus_cafe…Read More

見到係ig推介呢一間咖啡店，啲食物相好特別，以地方名命名，去到一見餐牌，即刻明白，因為佢用唔同地方嘅特色去配搭食物，別具地方色彩！食物來講絕對值得去試，而且選擇都好豐富，但令我最深刻嘅係佢其中一個飲品，叫做齋鴛鴦，即係茶+咖啡，估唔到溝埋出嚟都幾好飲，真係有驚喜！整體來講，絕對係會再去食嘅一間咖啡店！食物：⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe…Read More

近排係銅鑼灣試吓唔同咖啡店，哩間絕對係首選！一入去已經欣賞周圍嘅設計，由環境都餐單名稱，都好有心思同埋創意，加分✅✅咁講返咖啡啦，叫左杯Espresso，飲完真係令震動靈魂，冇特別誇張到，因為aftertaste好舒服，再感受下現場嘅音樂，同埋從門口照入黎懶洋洋陽光，真係令人全身放鬆😌😌而杯flat white都好軟綿綿，好似食緊棉花糖咁，好好飲☕️ 最後就係叫咗個蜜糖西多，就算唔鍾意食甜野嘅我，都覺得好好味🤤😋呢間係我去咁多咖啡店，第二間整體都覺得有滿分嘅咖啡店，極力推介💯食物：⭐️⭐️⭐️⭐️⭐️咖啡：⭐️⭐️⭐️⭐️⭐️互動：⭐️⭐️⭐️⭐️⭐️環境：⭐️⭐️⭐️⭐⭐️番叮：⭐️⭐️⭐️⭐️⭐️#aus_cafe…Read More

其實呢一間係我好鍾意嘅咖啡店，基本上每個月都最少幫襯一次！先講佢嘅裝修，特別得來有新意，而且立場清晰，值得欣賞，再講就係佢嘅咖啡，我覺得係喺平均水準之上，有幾次飲到好飲嘅Aftertaste，而奶啡都會令人有一種好舒暢嘅感覺，平衡拿捏得好好❤️最後梗係唔少得要講佢兩隻真店之寶啦，就係貓主人，基本上係2樓打躉，完全唔驚人，你同佢去玩佢都會俾反應你，真係好自愈！所以無論係飲啡，食野，打卡，定係玩貓貓，呢個絕對係一個一流嘅選擇！食物：⭐️⭐️⭐️⭐️咖啡：⭐️⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️⭐️⭐️#aus_cafe…Read More

我第一次喺咖啡店食奶醬多，真係超有罪惡感😈 話說呢間咖啡店感覺都係一啲外國西式咖啡店，以黑色金屬風設計為主，入到去選擇多數是麵包和咖啡，所以忍唔住試咗呢個邪惡嘅花生醬多士🍞 食住西多，嘆住咖啡，聽住好有活力嘅音樂，感受住出邊嘅陽光，感覺成個人都好放鬆，最適合喺度食個早餐，再開始新嘅一天旅程😌食物：⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️#aus_cafe…Read More

好耐冇去搵新嘅咖啡店試吓啦，今次近近地嚟到天后呢一間，純粹亂咁嘗試嘅一間咖啡店，最主要係俾佢門口嘅狗仔吸引，而且內部裝修都唔錯，就用一個嘗試嘅心態入去😬整體而言，不過不失，主要都係一間有咖啡飲，有輕食嘅cafe，而且可以同狗仔玩下，好多街坊都專登嚟探狗狗，有一種樓下街坊咖啡店嘅親切感覺，唔錯😌食物：⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe…Read More

上網見到觀塘有間有超大露台嘅咖啡店，即刻9衝去chill先。假期去好多人，平衡20分鐘先有位，真係建議平日去，或預留多點時間等位。不過入到去坐低，感覺係值得嘅😌叫左個all day breakfast，每樣食物都有用心去處理，但咖啡方面就比較一般，沒什麼記憶點，但係其實你呢度主要都係想食個景，享受一下假日嘅陽光☀️食物：⭐️⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐⭐番叮：⭐️⭐️⭐️⭐⭐️#aus_cafe…Read More

朋友推薦哩間blossom唔錯，所以專登去搵哩間店試吓。 一開始叫咗個all day breakfast，同埋奶啡，「好食喎」係我第一個感覺，奶啡都好夾，再坐係對窗嘅bar枱，中午嘅陽光射入黎，成個感覺好放鬆😌😌之後叫多杯手沖，感覺一般，不過佢都有唔少非咖啡嘅特色野飲，大家有機會可以試下！食物：⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️#aus_cafe…Read More

第一次認識ZERO係黃竹坑，今次係太古城再相遇🤡 好似講到識女仔咁🤣以cafe黎講，佢嘅野食算多元化，而且味道都好食！all day breakfast，溫泉蛋飯，冷面，意粉，沙律，基本上都唔會令你失望！😏咖啡相對就一般啦，個人推薦手沖多過奶啡！最後以環境黎講，個人推薦去黃竹坑試吓，會chill好多！食物：⭐️⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe…Read More

有個飲啡嘅朋友，推薦話呢家嘅抹茶latte，可能係佢飲過最好飲嘅，淨係佢呢句說話都值得我試吓吧🤡門口睇到裝修，已經有一種暗黑日本風嘅感覺，入到去見到中間有棵植物，有一種別有洞天，煥然一新嘅感覺！快快手揀個靚嘅位置坐低，叫咗嘢飲同嘢食，嘢食就一般般啦，而可能因為太大期望嘅關係，我覺得佢嘅抹茶latte，係好飲，但係未去到咁神級😅但係如果真係想再喺附近享受一下，chill下飲下啡，我都會揀返呢一間嘅😌食物：⭐️⭐️⭐️⭐️咖啡：⭐️⭐️⭐️⭐️ 互動：⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️⭐️#aus_cafe…Read More

其實黎過九龍城幾次，每次都俾佢嘅門面吸引，入去睇吓佢嘅古道具，今次終於的起心肝入埋去餐廳試吓佢哋嘅咖啡同埋食物🤡先講個環境，有別於一般嘅咖啡店，簡單嘅木枱，昏黃嘅燈光，已經有令人好陶醉嘅感覺！食物方面都係精心炮製嘅，不過對於一個咖啡控來講，我就唔落墨太多啦。而咖啡方面，我只係覺得不過不失，好飲但沒有驚喜😬整體來講，有每人最低消費，對於只係想飲杯咖啡嘅朋友來講，可能會有啲壓力，而且整體用餐價錢都係偏貴，我會覺得值得一試嘅，之後就……🤡食物：⭐️⭐️⭐️⭐️⭐️咖啡：⭐️⭐️⭐️⭐️⭐️互動：⭐️⭐️⭐️環境：⭐️⭐️⭐️⭐️⭐️番叮：⭐️⭐️⭐️⭐️#aus_cafe #coffeeholic #coffeelover…Read More

啡·嚐 @ HOW to Live Well第一次去HOW係幾年前係觀塘了，今次喺K11再試，都係好有家嘅感覺，無論裝修同埋枱枱凳凳，都令人好舒服好chill。咖啡同埋食物都好精緻而且多元化，推薦佢哋嘅特色咖啡，試過shakerado同raw coffee，真係唔錯，建議可以去坐窗邊，暖暖嘅陽光曬落嚟，作為一日嘅開始就真係一流啦！食物：⭐️⭐️⭐️⭐️咖啡：⭐️⭐️⭐️⭐️互動：⭐️⭐️⭐️⭐️環境：⭐️⭐️⭐️⭐️番叮：⭐️⭐️⭐️⭐️#aus_cafe #coffeeholic #coffeelover…Read More