EatLoveFood's Profile

Omg 日本過江龍Gram係銅鑼灣開左新分店！❤️以前係日本食過一次佢地最出名的疏乎厘pancake，返到香港一直念念不忘。自從進駐香港之後我都去過幾次，真係keep到日本水準👍🏻新店多左好多款新panckae，焦糖蜜桃朱古力慕士pancake 同埋 意大利黑松露醬虎蝦pancake我都超想試！尤其係黑松露醬配pancake真係好令人期待🆙😍不過因為新年已經約好晒拜年飯局，所以今次只可以試下佢地新推出既外賣service先，真係無諗過pancake都可以外賣，好有創意！今次試新嘢 - Cool Premium！鬆軟的pancake夾住用奶油同自家製吉士醬混合制成的忌廉，口感好soft好軟滑，而且就算一直食都唔會覺得好甜👍🏻而家有埋外賣service，咁以後就多個選擇啦～…Read More

自從一月頭去完韓國旅行，返黎都無食過韓國野啦haha。休息完一輪再次出動！今次就食係美麗華商場裡面既新羅寶韓國餐廳🍴呢間韓式燒肉我之前食過一次，印象中都唔錯，今次係公司team的團年飯～book左間房可以俾我地十幾個人坐得舒舒服服，店員服務態度都唔錯，不過可能人手不足，所以有時都要等好耐先有人黎。因為人多，所以主要都係點左海鮮餅、年糕、韓式粉多，烤肉唔算食左好多，但係都覺得幾好食～d肉都幾新鮮～唯獨個海鮮餅有少少失望，本來以為會幾好食，但係食落就發覺麵粉太多但係裡面料唔夠，所以唔建議order～…Read More

Omg 我真係人生第一次見到咁大碗丼飯～近期丼丼屋搞咗個大胃王挑戰賽，可以4個人組隊參加，挑戰係15分鐘內KO食晒成碗MEGA南蠻雞飯～本來以為呢類大胃王活動既食物質素都係一般般，唔會太好食，結果原來有驚喜！雞扒肉質嫩滑，外層炸粉唔會好厚，而且肉質有鎖住係雞扒裡面所以好juicy～個飯係用日本珍珠米，所以食落煙煙軔軔，配埋獨特醬汁一齊食真係幾唔錯～～而且店員服務態度非常好👍🏻見到menu有其他set好似都幾好食，下次可以試下～…Read More

Avocado sandwiches 🥑🥪 我係一個超級鍾意食牛油果既人，基本上見到有牛油果既野都會心心眼😍。今日放假就同男朋友去左附近既POP UP食個靚brunch。佢就點左all day breakfast，我就當然係點牛油果toast啦～基本上牛油果配toast都係好safe既選擇，好難整得好難食。佢地既牛油果份量都算幾多，鋪滿成塊toast上面。而且係屬於少少似牛油果蓉，所以口感唔會好硬，唔錯～成間餐廳環境都唔錯，雖然係馬路旁邊唔會有景睇，不過光線充足所以令人有充滿能量的感覺，而且都幾適合同朋友慢慢坐social～…Read More

我真係好鍾意食泰國菜🇹🇭今次去到呢間椰子樹泰國餐廳，menu有好多選擇，樣樣野都想食 結果就叫到成檯食物😆點左燒豬頸肉，海南雞，串燒，冬蔭功火鍋，咖哩軟殼蟹，薄餅天寒地凍最like既冬蔭功火鍋🥘雖然而家天氣唔凍，不過食冬蔭功火鍋都正，火鍋料都幾多、d海鮮吸晒冬蔭功湯的味，好香辣好惹味。咖哩軟殼蟹🦀 都好正，軟殼蟹超大隻～好有泰國風味，個咖哩唔會好辣，反而帶少少甜味，好適合配埋蒜蓉包或者薄餅一齊食。燒豬頸肉都好推薦🐖好juicy估唔到成檯食物最後2個人慢慢食都食得晒 哈哈…Read More

而家地鐵未開通，所以去土瓜灣都未算好方便，不過餐廳係正地鐵站出口，所以以後就好方便啦。餐廳環境偏昏暗，頗有日本居酒屋🏮的感覺。餐廳推薦加拿大海膽 - 好大舊好鮮甜新鮮，而且價錢唔貴所以都幾抵食。牛油金菇 - 只要見到牛油焗金菇都必定會點，份量都幾多，不過食落有少少鹹，如果落多少少牛油會更加香！燒牛舌 - 都幾大舊，而且好厚切所以都幾好食。…Read More

和牛肉set - 每款都寫埋係牛的邊部分，免得食完都唔知食左咩😂，非常細心。一見到個紋理就知道係靚和牛！當然個價錢都唔平啦，不過如果多人食，咁每人都可以食到之餘攤分開都OK既。呢個午餐肉好正！因為好厚切，非常建議擺落麻辣味果邊，會更加分。旁邊的鴨血(?)我就無食，不過d fd 就話口感麻麻地，唔係新鮮整，所以可以唔使點。鵝腸 - 一定要點呀！好新鮮！同埋真係碌6-8秒就夠，就會好爽口，否則就會變到好難咬架啦～黃喉 - 第一次聽呢個名，聽店員解釋原來係牛的喉嚨，同鵝腸一樣都係碌6-8秒就食得，冇咩味但係好爽口。…Read More

大概幾年前黎過一次，印象中記得呢度的食物幾好食，而且環境又幾舒服，所以今日趁放假就再黎食。不過今次的食物質素就令人有點兒失望。我記得上次點的菠蘿炒飯好香好好食，不過今次大家都想食多幾款所以就無點飯。咖喱雞配蒜蓉包真係絕配！好香口好惹味！但係雞肉份量顯得有d少，如果多幾舊會好d。🍢串燒除左價錢有d貴之外真心好食，因為整得好juicy好入味，一d乾身的感覺都無。其他都係一般般，好似上次黎的時候好食d。…Read More

岩岩同屋企人去完歐洲旅行，返到香港當然要約班朋友聚下加派手信啦～食左咁多日外國野，突然好想食返d地道香港食物，最後決定去食雞煲🐔😃麻辣雞煲當然係必點架啦～無意之間見到menu有醉雞煲👀 真係眼前一亮，醉雞都成日食，但係醉雞煲真係好少見，所以我地點多半隻醉雞煲試下～麻辣雞煲平時我都食得多，不過煮極都咁滑既雞我真係第一次食😱平時食雞煲 煲耐少少都好驚d雞「鞋」晒要快d夾，但係呢度既雞竟然完全無呢個問題！超級大加分👍🏻輪到個醉雞煲，未食已經聞到好香花雕酒味。平時食醉雞通常都係作為頭盤冷食，今日我第一次食到火鍋食法，熱辣辣既醉雞原來係好好味架！個感覺就好似隻雞走左落去浸一個花雕酒溫泉♨️然後d花雕酒完美咁滲透入d雞肉入面☺️ 雖然d fd 唔係好理解我呢個比喻，但係個個都食到停唔到口～最後忍唔住再encore多半隻🤣食完晒2個雞煲本身已經飽飽地，但係難得叫左醉雞煲點都要試一試落其他配料～特別推介豚肉同埋蜂巢豆腐！用醉雞煲去煮好好味！🤤…Read More

朋友一直向我推薦灣仔的一間餐廳，佢地的船麵出晒名！今日終於去試下啦～單係一個船麵就已經要$128，而且份量唔算多，其實有點小貴，不過既然可以吸引到咁多人排咁耐隊都願意食，應該一定有佢吸引之處。湯底望落好濃郁，食麵之前試一試個湯，非常香而惹味！據講湯底用新鮮豬骨加埋大量香料熬制而成，真係忍唔住飲多幾啖。湯內食材種類豐富，有牛腩、和牛、牛丸及豬皮。每樣餸都完全地吸收左濃郁嘅湯汁，所以味道好正，和牛片非常嫩滑。面嘅質地比較遠，口感似粉絲但係又帶點煙韌，同樣地吸收晒湯的味道，真係無介紹錯呀❤️…Read More

之前係附近返工，所以其實都已經食過好幾次。之前食過佢哋嘅pizza，肉醬螺螄粉覺得都唔錯，而且份量唔會好大，對女仔來講啱啱好。今日同朋友喺附近買野，行到攰決定再次食下呢間餐廳。今次點左吉列豬排窩夫，賣相都算唔錯，雖然炸粉略嫌太厚，但係個豬扒肉質都OK唔會好乾，夾埋waffle一齊食口感都幾得意！以呢個下午茶嘅價錢同食物質素，算係幾唔錯。…Read More

同best friend食完晚飯，覺得要食返個甜品先算完美，佢問我有無食過源記桑寄生蓮子蛋茶，我完全地黑人問號👱🏿‍♂️❓因為我連聽都未聽過😂 佢好大反應，話一定要帶我去食下，因為呢間係佢覺得全香港最好味既桑寄生蓮子蛋茶，而且對女性健康好好，好養生，聽佢講到咁好味，搞到我好期待🤩黎到源記，望到環境已經完全感覺到佢係一間老字號，但係地方好乾淨整齊。全間舖都係賣中式糖水，我地目標清晰，點左2碗桑寄生蓮子蛋茶，糖水用傳統湯碗，有懷舊既感覺。望落去好似中藥但係味道入口好甘香，甜度唔高(我最怕糖水整的太甜好似食緊砂糖咁😂)，一邊飲已經覺得自己彷彿好似健康左😆…Read More

想去食好耐，終於有機會去食啦。去左西環分店，店鋪座位唔多，食飯時間真係大排長龍，等左差唔多一個鐘先有位。點左魯肉飯，蚵仔煎，鹽酥雞。🎈魯肉飯肥瘦岩得宜，充滿油香味，入口即化，魯肉舖滿飯面好足料，飯用的係珍珠米，每一口魯肉同飯一齊食感覺真係好幸福。🎈蚵仔煎煎得好香，偏乾身，唔會顯得好重麵粉口感👍🏻配合埋醬料，好有係台灣食的味道。🎈鹽酥雞都好好食，平時最驚食到粉太多雞太乾的鹽酥雞，但係這裡的做的岩岩好。…Read More

同朋友係尖沙嘴食完晚飯想有個完美ending，搵到呢間係金馬倫道的人氣特色小店食個甜品。餐廳設計行可愛風，有毛毛雲造型吊燈，仲有好多可愛毛公仔提供俾客人影相，所以都係個親子用膳的好地方。Menu上有好多選擇，但因為同朋友已經食完飯，所以今次目標係佢地既人氣甜品。我地揀咗小雞棉花糖雪糕！小雞造型超級可愛，真係唔捨得食呀！…Read More