Candy_Haha's Profile

行街行到攰，見到呢間野裝修唔錯，於是就入去醫醫肚。前菜揀左個沙律同海膽烏冬，個沙律賣相麻麻而且個樣有d hea，海膽烏冬就唔錯，烏冬夠凍同好彈牙，加埋海膽同青瓜絲一齊食幾好味。野飲就分別叫左雜莓特飲同雜梅乳酸特飲，不過兩杯飲落其實差唔多。個餐湯就麻麻，味都算夠，不過好流質唔似平時飲開嘅西湯咁傑。我地叫左一個美國牛板腱同埋一個自家秘制紐西蘭，當我地問店員有冇得揀幾成熟果時，店員答因為係鐵板上，所以可以自己燒到幾多成。當d扒上嘅時候真係連埋塊鐵板成板上，而且塊板嘅溫度都好高下，但塊扒表面係熟嘅，未去到blue rare咁上。重點尼喇，我地好蠢地冇問到店員攞到碟仔，塊扒長時間放左係個鐵板上面好易燒到過熟，當然，如果食開全熟嘅梗係冇問題。到最尾，因為我果塊扒比較薄身，食到一半已經變左全熟。男友果塊扒就厚身d，所以食到一半果時目測有4至5成熟左右。其實對於唔識煮野同埋冇煎扒經驗嘅人尼講，要自己燒到想要嘅熟度係有d困難，同埋如果真係點呢個餐，一定要問店員攞碟仔！一定要問店員攞碟仔！一定要問店員攞碟仔！重要的事情要講三次！…Read More

朋友大推呢間嘅手打牛丸，所以我地尼左呢間食下午茶 ，冇錯係下午茶。朋友叫左咖哩手打牛丸伊麵，我叫左咖哩雲吞湯檬，佢一路食佢個麵，一路讚個牛丸好好食，一直叫我試下個牛丸，可惜我唔係話好中意食牛丸。而我果碗麵就令我幾驚喜，因為估唔到檬粉同湯咁夾，佢食落有d似湯米粉不過比米粉更加彈牙，另外鮮蝦雲吞好大粒，粒粒都好足料，有好大隻蝦係入面，皮又夠薄，同埋好彩朋友幫我叫左小辣，因為佢小辣尼講都算幾辣，可能加埋碗面熱掛，所以令到個湯更加辣。下午茶時段送野飲，兩個人埋單加埋都只係78蚊炸，仲要比出面茶餐廳食下午茶飽好多倍！…Read More

心血來潮行入呢間店度，第一眼感覺裝修唔錯，感覺好乾淨，拿拿淋坐低叫左個飯！個飯一上，未食已經知滑捋捋嘅溫泉蛋比起隔離隻雞脾更加吸引我眼球😂我已經自動ignore 左隻雞脾，即刻撩散隻蛋撈撈撈撈撈勻哂d飯。食左一半我先發覺我未掂過隻雞脾，所以就攞住兩條筷子，諗住整d雞肉出尼，點知岩岩係隔著枱送完餐嘅店員見到，佢好貼心咁遞上刀同叉比我，不過其實佢唔比我我都ok，因為隻鼓油雞脾醃得好好，三兩下就可以起到d肉出尼。整體尼講，雞脾好入味，溫泉蛋超正，仲有另一個要讚嘅係窩心嘅店員，順路行過屯門，可以一試呢間店！p.s. 隻雞脾真係好大隻…Read More

排緊隊入去食果時，有一個外地人好搞笑，佢問我同男友係度排緊咩（當時都幾多人一齊排緊隊），我指左指間舖頭，之後佢問好好食架？我笑左一下，真係唔識點比反應佢好😂我同男友分別揀左個煎三文魚扒意大利飯同埋黑松露啡菇露荀意大利飯，另外跟餐加左個八爪魚沙律同埋醬燒雞翼，果日做緊期間限定，身份證分別有「5」、「2」、「0」可以享有折扣加其中一款甜品，咁岩男友3隻字中哂，我地梗係拿拿淋揀左個日本紫薯心太軟，另外我再叫左杯朱古力曲奇咖啡沙冰。首先講下個八爪魚沙律，完全估唔到個八爪魚同沙律菜係咁夾，個汁有少少wasabi ，整體好好食。雞翼都係普通雞翼，個汁唔錯同埋燒得好香。不過個煎三文魚扒意大利飯就令我有d失望，我嚴重懷疑廚師應該係唔記得落鹽，成個飯完全冇味，件三文魚扒就還ok。所以我強行迫我男朋友同我交換個飯😂😂😂佢個飯黑松露味好濃，好香，啡菇非常好食，成個飯好好食。而杯沙杯亦都好特別，好好飲，上面d cream加埋朱古力好香好正。重點尼喇，日本紫薯心太軟，雪糕係椰子雪糕，因為我唔係話特別好紫薯，原本諗住我食雪糕，男友食個紫薯心太軟，但後尾調返轉，個心太軟比我食哂咁滯，佢個心太軟外皮焗得好香好鬆，而且入面嘅紫薯唔會好甜，成個感覺好夾，加埋杯沙冰，即刻唔記得哂頭先冇落鹽果個飯。…Read More

原諒我咁遲先寫食評，最近真係好忙😂情人節冇book位又想出去食，近近地揀左間餐廳慶祝，好在餐廳好識做，為因應情人節，專登將枱拆開兩張兩張咁方便情侶入座，但如果係一家人果日去食就要等耐好多。入到去，間野本身燈光暗暗地，而且因為佢本身係間bar，果日佢又加左枱，所以我地當日被分到張高身嘅枱櫈，好有feel。餐湯例牌紅湯白湯冇咩特別，主菜我揀左魚，男友揀左牛扒，配菜都係揀左薯菜。男友叫左4成熟牛扒，不過佢都係覺得熟過頭，但佢係食嘅過程一路係咁讚個牛扒汁好好味！我揀嘅魚就好特別，面頭有一堆好似炸粉嘅野，魚扒本身質地比較實，感覺唔似食緊魚。特別一讚配菜南瓜非常之好食，焗薯撈埋醬都唔錯！遲來的情人節快樂！…Read More

去食果時佢寫到明試業緊，但都已經有好多人係店出面排隊。好在唔係等左好耐就入到去食野喇。我同男友好好彩坐到個二人卡位，闊落d又舒服d，最緊要係張枱大d可以叫多d野食！先講個酸辣鳳爪，份量好多而且酸酸辣辣好開胃，不過個人覺得辣左少少。之後我地叫左兩個米紙卷，賣相好靚而且食落感覺到好足料，個軟殼蟹米紙卷最surprise，我地唔係最先食佢，但包住左咁耐入面嘅軟殼蟹都仲係非常酥脆！個撈檬就有少少失望，加左魚露準備撈果時發現d檬粉呈餅狀，不過燒牛肉好好食唔會韌。扎肉蒸粉包個扎肉好好食，粉包就外皮煙韌但個味道唔夠濃。去到最尾個咖哩都好好食，但無奈我地果時已經太飽，食左一兩啖已經食唔落要打包。整體尼講，無論裝修，出菜等候時間至食物質素都係中上水準，希望佢試業完左之後都露以keep返一樣水準！…Read More

天氣一凍，人又開始懶唔想煮飯。。。呢間野晚晚都咁旺場，我地遲少少到嘅話都要排隊等位！又係我最愛嘅生蝦呀，佢勝在夾埋蒜頭辣椒一齊食都唔算好辣🤤食泰國野必叫嘅菠蘿炒飯豬頸肉真心食到停唔到口小食拼盤就中規中矩牛仔骨韌左少少，不過調味粉好香海南雞非常嫩滑個人唔係咁中認食魚，不過湯汁好大陣香矛味，似唔辣版嘅冬蔭公咁非常足料，入面都算多魷魚、蝦同青口再一次食，野食keep得到水準，最後圍返差唔多每人二百蚊左右，但飽到嘔咁返到屋企！…Read More

剛好經過粉嶺中心，就想說很久沒吃過拉面，買一個外賣回家吃好了（一個人比較不喜歡堂食，感覺會很礙桌子什麼的）選好要豬軟肉拉面以後，特意要求店員要湯和面分開裝，店員就說為了確保面不會糊，所以湯和面一定是分開裝的。好吧，這一點是比較用心，可當然多用外賣盒子就是要加錢的。之前和朋友堂食的時候選過那加錢的湯底，可我忘了那叫什麼湯底，反正就個人覺得湯頭比較濃和咸了一點，所以這一次就選了不加錢，原來的湯底好了。回到家以後，面是一餅這樣子，可是沒有到糊啦，有點可惜的是溏心蛋翻了，不知道是裝的時候翻了還是我沒拿好弄翻了，但是不得不說，這蛋做得挺好吃的，不會太咸，可是又很有味道，而且裡面蛋白的部分還有一點生生的，嫩嫩的這樣子，可惜就因為翻了，沒拍到照片。面的部分個人覺得還好，不過不失。肉的部分很嫩，軟骨很容易咬開，絕對沒有太硬，咬到累都沒辦法吃完這樣子。到重點我最愛的湯頭部分了，比較上一次那要加錢的湯底，我個人更加喜歡這個不加錢的湯底，味道一樣很濃很有味道，可是又不會很咸，上次那個加錢的，湯一定要和面一起吃，不然就會很咸，這個就很好，我超愛喝湯的，這個給我兩碗我都可以把他喝完。就在粉嶺來說，給果要吃日本料理，就只有元氣，爭鮮，不然就要走進一點到聯和墟，這家地點就比較方便一點，味道也不差，除了拉面，也有壽司，刺身的，可以一試。…Read More

家中大大生日，想食d特別d ge 野，之前係粉嶺都食過間泰國野，不過味道就麻麻地，之後仲執埋，之後屋企人又撩起話想去呢道食，咁就即管book位啦。但真係要講一講ge係聽電話果個個態度真係好麻麻，如果5係屋企人想食，我真係諗住book過第二間算。不過我地有野做，最尾係cancel 左個booking，要walk in。去到果時真係好多人，係出面排哂長龍！都等左一段時間先入到去。食泰國野，又點可以5食生蝦呢？不過除左點左個汁有少少辣辣地之外，整體尼講個蝦5算特別。呢個粉絲比我個印象好深，一開始見到紅當當咁，以為佢好辣，點知食落，甜甜地咁又幾得意呀，原來紅當當果d5係辣椒，係蕃茄。呢個咖喱就咁食佢真係好似有d嘥咁，佢本身又冇飯跟，所以要自己另外野尼撈d汁，不過今次我地叫左蒜蓉包尼撈佢個汁。個咖喱幾好食，不過都係覺得佢個味5夠濃。其他d餸都係ok啦，不過食完之後個印象都5係好深刻。其實最好食係佢個甜品！個芒果糯米飯真係好高質！當然我本身就中意食佢，如果佢再甜d就好喇，可惜都未影相d甜品就比屋企人夾走左😂總括尼講，粉嶺係真係好難同九龍果邊尼比ge，但係粉嶺食到呢d餸，起碼5係淨係得春卷同埋咖喱咁就話係泰國菜，選擇都算多，都算係咁啦！…Read More

今日早餐食得太多，有d飽，本來諗住hea食午餐，點知同事又叫話出去食，仲要食我中意ge泰國野，姐係要我個肚爆炸姐😩一入到去，侍應姐姐即刻幫我地酙水，一見到咁特別ge杯，點可以5港女上身影返張相！佢攞尼裝調味料ge盤都好特別呀！有個好中意食雞ge同事，佢話去泰國餐廳，就一定要叫海南雞飯咁話！我本身麻麻地海南雞，不過就幾中意佢個油飯！同事話我冇咩胃口，最岩就係食菠蘿炒飯，可能我真係要食返d酸酸甜甜野開胃啦，我平時都麻麻地菠蘿，見到提子乾更加會夾開佢，但我今次竟然將佢地全部食哂，仲突然覺得d提子乾好好味！呢個牛肉芒果沙律，一睇就知係我order架啦😂我冇胃口吖嘛。第一次覺得牛肉應該少d，芒果應該多d。比人知一定話我5識貨，明明牛肉貴咁多。但佢個芒果真係好好食，好甜同埋好香！…Read More

放左工之後約埋同事一齊食飯，同事個個都好食得，所以揀左食放題！因為有個同事可以早d到，所以佢一早就拿拿聲叫定成枱野食等我地到，我地一到就即刻5客氣開餐喇！果日餐廳咁岩做緊promote, 如果一枱有兩個人就送一板海膽，4個人就送兩板，如此類推！呢間野有得自由酙啤酒！d刺身好正，同埋佢個三文魚勁厚切，一食落去就feel到勁滿足！其實佢最正ge係個象拔蚌，可惜我5記得左影相😭壽司方面，有我最中意ge花之戀😍😍😍😍個炙燒三文魚都5錯，但個牛肉壽司就略為失色，d味5係好夠。食到最尾，梗係要食返條雪條啦（因為食5落甜品，但好出奇地雪條可以食到兩條。…Read More

十萬分感謝公司ge lunch 放得早，因為我認真覺得好多人一5知食咩，都會去食三哥，貪佢夠大碗又多餸。而呢間野，每次食完之後，都一定見到大堆人係哂出面排隊，所以真係好彩lunch放得早，5洗同人迫。每次尼三哥，都一定會同同事share一個過橋米線尼食。因為佢真係認真大碗同埋好足料好多餸，我同同事每人都食到兩碗米線，加埋d餸，就算兩個人分尼食都覺得好夠飽，實在係又經濟，又實惠。身為一個酸菜ge忠實粉絲，勁中意三哥個酸菜，撈埋個米線一齊食，正呀！…Read More

今日又尼到土瓜灣蒲，諗住一條友就求其食個麵就算啦，點知竟然比我誤打誤撞食到好野！今次尼到呢間雲貴川風味道，我見有我最愛ge米線，咁就二話不說衝左入去！係其他麵店我多數都係叫開酸辣湯底，咁尼到呢道，冇理由5叫返個酸辣米線啦，有比較先知邊間比較好食加嘛！我見佢除左麵食之外，仲有好多小食，其實我好想叫多個拍青瓜，因為見到隔離枱果碟好似好好味咁，但我又5係太肚餓，怕食5哂，十五十六之後都係冇叫到。個麵終於上枱喇！一望落去個湯底同埋聞落去都知佢味道夠哂濃！d米線撈埋個湯一齊食，認真冇得輸！再加上佢面頭ge芫茜同蔥花，成個麵就咁比我9秒9旋風式吸入！…Read More

不嬲係呢間野都係食開兩餸麵，但原來我一直都睇漏左個menu，原來佢係有涼拌米線食架！你只要畫左要涼拌米線，揀埋要咩辣，就可以等食喇！岩哂有選擇困難症ge我。碗野一上忍尼果時，我已經無限心心眼😍因為我一眼就望到我最愛ge花生呀！！！同埋佢ge配菜都幾多下，我覺得食涼泮米線真係好似抵過食平時ge兩餸麵！一尼佢平d之餘，我覺得涼泮ge米線好似比兩餸面ge多d。同埋最最最重要果點係，佢5係熱辣辣面，5會食到成頭汗呀！大愛涼泮米線！…Read More

有時慣左係朝早果時會係東海堂買三文治做早餐，之前其實一早都係叫開吞拿魚三文治，但今日比眼尖ge我發現有個新ge牛油果三文治，身為牛油果忠實粉絲ge我，梗係要捧下場啦！望落去，個包裝已經同其他三文治好5同，好似高級d咁，但暫時仲未見到牛油果ge蹤跡。一揭開個三文字，見到好多雞肉，好足料，但牛油果得果薄薄地一浸😖不過我諗佢賣得咁貴ge原因係因為佢真係有好多雞肉，但佢d雞肉落左黑椒，搶哂d味，最重要係我食5到牛油果味😞但佢個三文治都幾大個，d料都幾足下，食完都幾飽，但真係5值三十幾蚊。…Read More