Curtismum's Profile

環境嘈雜，嘈到街市咁，食到頭痛。樓底矮燈光不夠，中環區食肆冇諗過咁差。食咗個大閘蟹餐，啲蟹肉梅嘅，可能係死蟹。蟹餐除咗蟹，其他食物味道尚可。但服務差到離晒譜。首先食咗兩個點心，跟住上蟹，之後出甜品，中間啲湯羹、菜、飯，全部漏曬。追左三四次先出齊。明明見到服務員攞住我碟菜，行去隔離左右問咗幾張枱，係都唔問我果枱就走左，攞住碟菜遊完街先上枱。最好笑就係，食第一輪蟹時，比隻懶係靚嘅大碟比我食蟹，食第二輪換隻細碟比我，都唔知可以放蟹定放骨。我問佢可唔可以比番大碟我，佢話唔可以。唔知佢哋係咪全埸得4隻碟，係咪洗唔切呀？中環食肆要隻碟都話冇，係咪唔夠餐具？衰過茶餐廳。…Read More

食物美味，環境舒適，可能因為平日，人不多，服務非常好。一個平平凡凡的garlic bread, 外脆內軟。雞胸肉沙律，醬汁好味，菜量多，夠健康。蟹肉龍蝦肉意粉，我哋食得慢，芝士凍左都冇變一舊舊硬哂，凍左都好味。芝士蒜片蝦pizza，好特別😋😋全部食物都有蒜頭，但又唔會怪怪的，好好味。我們8點去食飯，坐到11點關門，難道服務員仍不厭其煩地為我們加水。…Read More