KEIlwy's Profile

今日去左尖沙咀呢間Happy Land食野，特登去試佢地嘅廚師發板。Book左6點半食，早左15分鐘到入面都唔係好多人，有好多位可以揀，2個人做坐4人檯，環境佈置得好靚，有種好warm好溫馨的感覺，餐廳入面有好多唔同嘅桌遊可以俾客人等食物個時完下，同朋友屋企人傾下，非常好。叫左個廚師發板， 另外再叫左個小食拼盤，入面有芝士焗有機大傘菇、醬爆雞翼同芝士豬肉醬爆雞翼，仲叫左杯薄荷巧克力。首先講下廚師發板，入面有成9款嘅食物，非常豐富。食之前仲有人介紹唔同嘅菜式嘅食法，仲會教你由咩開始食先，非常貼心。發板上面仲可以俾你自己揀寫D咩字，例如Happy Birthday、Happy Day等，最岩同FD／屋企人慶祝去。最鍾意個牛肉檸檬汁剪帶子刺身同香剪加拿大特大虎蝦，帶子刺身煎到半熟，然後同牛肉汁一齊食非常吸引。另外就係特大虎蝦，佢地會將虎蝦切開一半，方便客人進行，而且好大隻，好抵食。再講下小食，最鍾意係面有芝士焗有機大傘菇，又大又多汁，上面加埋芝士好惹味，如果鐘意食菇同芝士嘅朋友一定唔可以錯過。醬爆雞翼同芝士豬肉醬爆雞翼就一般般，唔係好夠入味，但係D雞翼都好大隻，好抵，醬爆雞翼點甜酸醬最好食。呢間餐廳嘅服務態度非常好，環境都非常舒服，入面仲有2隻貓可以同佢地玩下，有機會會再去試下佢地嘅怪獸雪糕。…Read More

今次去左大埔嘅薩莉亞食lunch。11點幾去到冇乜人，有好多位，不過樓面得1至2個員工，叫人比較麻煩，好彩有鐘禁叫人，方便好多，唔驚店員睇唔到。lunch set有好多選擇，會有無限添飲。我叫左鐵板漢堡加白飯。漢堡好大塊d肉好厚，好抵食，仲好好味，仲有d栗米同薯角，上面有多一塊蛋，好多野食。雖然睇落份量唔多，但會飽腹，但是男生食就未必夠了。另外今次仲叫左雞翼，佢地嘅雞翼有少少辣，唔食得辣嘅人就要諗諗，仲鐘意食辣嘅人就未必夠過隱。…Read More

上星期約了大埔食放題，之前已經食左一次，今次再去食。今次去送左每人一個鮑魚，非常爽口，有少少檸檬汁，令到鮑魚更加好食。漁屋嘅魚生好新鮮，又多選擇食，特別鐘意食呢間嘅三文魚，好厚好正。呢間嘅飲品都有好多特製，其他放題店未見過嘅。漁屋嘅火炙壽司非常多選擇，個味道都好正。小食特別推介蒲燒饅魚，好厚好大塊，好抵食。另外魚干都係好值得一試嘅，點埋蛋黃醬食仲好。呢間放題嘅員工非常有禮貌，服務態度非常好，下次會再去。…Read More

下午茶時段去了抹茶館，叫了一個抹茶白玉雪糕餡蜜下午茶餐。下午茶餐包1杯飲品，指定飲品免費，亦可叫其他特飲減10蚊。我今次叫嘅下午茶餐上層有d小丸子、紅豆餡、抹茶雪糕、水果等，賣相非常吸引，小丸子好有咬口，食落中間冇粉，軟硬度剛好，將雪糕、紅豆餡同小丸子一齊食互相配合，非常好食。第二層應該係綠茶白玉加透明啫喱，食落冇乜味，所以加黑糖醬落去撈埋食先會有甜味，不過就咁食都食到少少綠茶味，如果唔鐘意太甜可以就咁食或者淨加少少黑糖醬。整體而言，個人比較喜歡上層。…Read More

星期二晚上8點幾放工後好想食芝士火鍋，一諗就諗到呢間。大約9點去到，唔係太多人，可以坐卡位鬆動d。2個人各自叫左個芝士火鍋，加左3樣配料，分別係牛肉，年糕同壽喜燒。芝士火鍋好多料，有菜、蟹柳、壽喜燒、芝士丸、芝心獅子狗等，湯底係芝士濃湯。個火鍋好快滾，幾分鐘幾滾，10分鐘就食得，d料吸曬d芝士湯，非常好食。火鍋仲有1個麵同牛肉，芝麻醬，將牛肉點芝麻醬食非常夾，仲可以添醬，唔夠水可以加普通湯。落年糕落去慢慢煮，吸左d芝士味非常滿足。1個人食個火鍋唔加料未必夠飽，但係味道非常好。…Read More

今日去左村爺爺食，7點幾8點去都好多人排緊隊，大概等左半個鐘左右先入座，3個人食叫左2個泡飯2個小菜。泡飯交左極上龍蝦湯泡飯同鮑片鮮雞海鮮泡飯，小食交左薯角同蠔油生菜。首先講下極上龍蝦湯泡飯，呢個泡飯有好多海鮮，魷魚、墨魚仔、青口等等，仲有龍蝦頭，好足料，不過如果想食埋龍蝦肉就要叫殿海鮮龍蝦湯泡飯先有。泡飯足料不過味道冇太大驚喜，湯底應該用好多料煲所以味道較濃。另外一個鮑片鮮雞海鮮泡飯味道我fd食話似病人餐，同極上龍蝦湯泡飯比較起味道較清，雞肉都幾嫩，都有幾片鮑片同小小海鮮。兩碗泡飯都有菜同好多料，價錢也算得上划算。小食薯角就有小小乾同唔夠脆，生菜都系平時個味道。夜晚去要記住每人最少叫一份正食，老闆嘅服務態度非常好，很友善。…Read More