Aoioa's Profile

第一次係誤打誤撞, 想搵間cafe kill time, 隨意入咗呢間。估唔到啡做得唔錯, 書架上仲有尐書可以借閱, 其中一本我非常有興趣, 自始每逢嚟太子就會入去飲啡同睇書。環境舒適, 通常我下午或傍晚去, 唔逼, 店內一般有6-8個客, 都係文靜嘅, 所以都幾好坐。我每次都點一杯咖啡, 多數係Flat White, 今晚試海鹽焦糖鮮奶咖啡, 味道討好 👍🏻 有驚喜。有次點咗件蛋糕, 店員話都係入貨返嚟賣, 我覺得就普普通通。熱食未試過, 評價唔到。但飲啡嚟講係一個好地方。…Read More

因在附近返工, 經常要買外賣。但呢個位置選擇一般, 好多時要跟VTC學生一齊買頽飯。自從屋台開咗, 我嘅生活水平即刻提升咗。屋台嘅外賣每日四款, 通常一款烏冬、兩款便當、一款魚生飯。四十至六十蚊不等。價錢一般, 但份量都足夠。以外賣嚟講, 味道算幾好。飯用返珍珠米, 軟熟好味。CP值高!…Read More

飯後經過這新的甜品店， 以養生做招徠， 裝修古色古香， 不禁駐足觀看。職員立刻過來介紹， 態度友善， 有禮貌。加分！以健康為主題， 輕盈的甜品吃後也沒有罪疚感， 於是入內一試。店鋪光猛， 坐位不會很擠， 算是坐得舒服。店內設有自助烏龍茶任飲，感覺貼心。豆花有黑白兩款， 配上自選配料， 可選兩選（＄26）或四款 （＄32）， 糖水可選沙冰， 豆漿或黑糖水。配搭有點似合成潮州糖水。以豆腐花來說， 索價並不便宜。餐牌上還有花膠系列， 大約＄4X～＄5X， 貴價甜品哩⋯⋯先試招牌豆花吧！豆花來了 ，分量尚可。選了黑豆花配芋圓黑糖石花凍， 黑糖水加黑沙冰做底。口味清淡。若大魚大肉後想吃少少甜品輕輕作結， 是不錯的。但若想吃點很有“滿足感”的甜品， 這就未必對得上了。總括來說環境和服務都很好， 食品一般， 口味新鮮， 值得一試。…Read More

響銅鑼灣返工, 咁O岩有一日公司無王管, 又咁O岩見到有任食團購喎~ 一班同事買O黎試一試。先講食物種類: 有四張LIST - 牛、豬、雞、海鮮、小食、沙律、壽司、手卷、蔬菜款式唔算好豐富, 因為七味牛舌當一樣, 鹽燒牛舌又當一樣。即係有D係一樣O既部位但唔同口味都會分開O黎寫。個人覺得LUNCH TIME O黎講可以接受。主打牛肉TOTAL七至八款 (以上述方式計算), 上檯時賣相幾靚, 排得整整齊齊, 唔係一般放題咁一大堆放晒落碟就算。讚! 牛肉幾靚, 好味! 有驚喜。豬就有三款係五花腩, 成班女仔所以無點過, 仲有一款係豬大腸, 又係不受同事歡迎。所以豬O黎講基本上淨係食豬頸肉。雞有雞翼、雞胸柳同雞上腿肉, 一般啦~ 雞翼就燒得耐D。建議一開始就放落去。海鮮有聖子 (腥, NO GOOD!), 帆立貝 (細細粒, 食味一般), 八爪魚仔。蔬菜方面, 有D難燒, 個蕃薯燒極都好似未得咁 麻麻O地叫O左個蕃茄沙律, 用日式醋, 夏天清清O地幾開胃。壽司有四五款, 試O左三文魚同魷魚, 以為會好行貨, 點知又唔係差喎, 當然唔諗住好靚仔啦, 入得口。團購四人以上有剌身, 見大家食剩, 應該都唔太吸引。團購亦包每人一罐汽水同一杯哈根大師雪糕。服務呢~ D侍應幾有禮貌, 雖然無話主動加茶, 但你叫一叫佢就即刻加, 幾好! 上菜速度亦算唔錯。無乜漏單。平均四人一爐, 坐位一般, 唔覺得逼。連埋服務費$108, FOR LUNCH,真係好滿足, 飽到第二日。所以呢個團購係成功O既!…Read More

剛才到灣仔一趟, 路過再興, 以為今個lunch有啖好食。第一次光顧, 當然要試馳名叉燒。見有叉燒咸蛋飯, 大喜, 即買。數分鐘前回到公司, 坐下打開飯盒...整隻咸蛋放在飯面, 也太多了吧?沒關係, 最緊要叉燒好味, 先吃一口噢...........乾過我塊面...半點肥也不見, 肉汁也絕無僅有, 沒叫半肥瘦就會得到全瘦叉嗎????心裏浮起四個字: 不外如是。同意樓下食評所說: 求其一間都好食過佢。難怪對面馬路喜喜的外賣客比這裏還多。(我吃過喜喜, 是做得不錯的。)…Read More

去過幾次, 每次點有蝦o既點心/菜式/炒粉麵飯全部都好滿意。佢d蝦大隻又爽脆, 非常好味。其他d點心都有水準。一班同事食飯, 無加一, 埋單位位六七十蚊, 以呢個地點環境同食物, 係抵食之選呀! 附近差不多價錢o既酒樓, 呢間係最好!…Read More

同事要過九如坊做o野, 我o地成班黐車坐, lunch去一趟勝香園。聞名不如見面。地方一定唔會好乾淨, 預o左。不過o個日落住雨就有少少"哩hea"。企o左幾分鐘, 有張比較好少少o既檯, 即刻坐低。阿姐服務態度比想像中好。食佐個茄湯鮮牛豬扒蛋通, 一場o黎到, 食盡d。原來比正常雙併個碗大一半, 上檯o個時都有少少驚食唔晒。鮮牛牛味重, 但唔韌, 幾好味喎! 唔怪得出名啦~ 豬扒調味比較重手o左。梗係要叫返杯馳名奶茶, 仲要多奶o個隻。果然係香夾滑, 我係鍾意重奶味o既, 覺得balance得幾好, 心靈滿足啊! 又試o左檸蜜脆脆, 個名幾得意, 但我同d同事都係prefer 傳統少少o既味道, 下次叫咖央脆脆食o下先。…Read More

某同事心情好, 萬歲下午茶。大家興緻勃勃咁諗住嗌糖百府。因為上次嗌過覺得d中式糖水幾好味。打去落單, 點知係"百無"。(已經係下午四點幾)中式糖水得杏仁糊, 紅豆沙、綠豆沙、芝麻糊、花生糊等等等等...一律欠奉。 仲要逐樣問先話你知原來無, 如果得一樣糖水, 係咪應該一開始就講清楚好d呢? 有同事見只係幾分鐘路程, 想試o下外賣雪花冰, 預o左自己落去外賣自取, 唔駛間鋪驚d雪溶唔肯做。點知糖百府o既職員真係諸多推搪, 又話壓實d冰賣相唔好, 我話唔介意。佢就話驚d冰溶, 我話得幾分鐘路程無問題, 況且我o地外賣自取, 唔需要佢負責任。於是佢又出另一招話無咁大個盒, 分量會細o左......唉........佢叫我揀過第二樣, 咁佢要有第二樣俾我揀至得o架! 糖水得獨孤一味杏仁糊, 唔通我嗌六碗杏仁糊??? 於是我o地轉嗌石磨坊, 人家係餐牌上面所有item都有得供應!!!邊間似做生意, 看官自行判斷啦!…Read More

凡高同好會活動順利舉行, 圓滿結束, 萬歲萬歲萬萬歲!和愛人九時到達, 發現顧客仍不少。侍應熱情招待, 讚! 愛人點了羊架餐, 我更要了個帶子黑墨汁扁意粉set dinner。cocktail有買一送一優惠, 我和愛各點了一杯: 黃色小屋和露天茶座, 味道不錯。前菜份量真的很小, 是一口size。湯的味道一般, 反而麵飽熱烘烘的, 伴著cream cheese一起吃, 極出色!main course的羊架有三件, 比一般餐廳的羊架厚身, 份量足夠。我試了一點, 卻發現有點韌。我的扁意粉亦有點澎湃的感覺, 最後也吃不完。帶子煎得香, 味道還可以。愛人的甜品是芝士餅, 我的是芝士凍杯。不錯不錯~~ 芝士又香又滑。後來發來忘了點餐飲!!!!!!!!!!!!!!!!!!吃完晚餐, 我們兩人仍賴著不走, 走到另一邊的千秋坐了好久, 坐在千秋上聊天和發呆好舒服。如果家裏也有一台就好了!!!之後又狂看人家的梵谷 (我還是喜歡這個譯名多一點)畫冊, 一邊討論著梵高的生平和晝風。驚嘆他的才華與生命力。直到侍應提醒我們要店要打烊。坦白說, 食物真的很一般, 不算美味。勝在份量足, 環境舒服, 偶爾來relax都是不錯的選擇。…Read More

在葵青劇場看完話劇, 想起這間食肆曾有不少好評, 便決定光顧。點了醬燒鴨、小籠飽、鮮肉鍋貼和風沙乳鴿。小籠飽 - 不過不失鍋貼 - 略嫌肉不夠鮮醬燒鴨 - 份量很少, 而乾得比豬肉乾還沒有肉汁。風沙乳鴿 - 炸得過龍, 又是乾巴巴的一道菜, 實在不合格 侍應服務不錯, 但結賬時, 另一位知客特意走過來和正serve我們的侍應小姐聊閒話, 有點令人覺得不專業。本來看完話劇心情很好, 吃過這頓飯後大打折扣。狐狸說, 永不回頭...…Read More

在天后區lunch time找吃的一點不易, 需求永遠比供應多。而這家長崎咖啡基本上每次一定要排隊等位, 但眾同事仍不時心思思想來光顧。本人捱餓等位全為這裏的手打烏冬。近月不少餐廳以手打烏冬作招徠, 卻不及這一家以咖啡做主打的cafe來得好吃。每天的lunch set總會有一個烏冬選擇, 而這烏冬是以一個石鍋熱騰騰地端出來, 放在客人面前時, 湯還在滾, 氣泡噗噗噗噗地跑上來。冬天吃固然一身溫暖, 夏天也會忍不住點來吃。說到味道, 湯底應記一功, 不知加了甚麼, 但甜得來不會很濃濁, 烏冬吸盡湯汁, 吃起來又滑又有嚼勁, 讚!如此精彩的烏冬, 暫時我還未找到可以匹敵的一家店。老闆娘Manlanie大大聲, 新客人可能未能習慣。實情Manlanie只是作風豪邁, 實則人很不錯。只要聽慣她的語氣, 就會發現一份親切感。餐後再加杯招牌的靚咖啡, 即時重新振作繼續工作。…Read More

忙昏了頭竟忘記5月10日是母親節, 星期一猛然想起, 但周末的行程排得密密麻麻, 只能擠出兩個小時吃tea buffet替狐狸奶奶慶祝, 怱怱忙忙找資料和訂位。幸好有位。母親節前一天沒加價不特止, 還有信用卡折扣優惠! 抵讚!!奇怪的是那天餐廳只是半滿, 所以不用排長龍爭食。服務員helpful。冷盤是standard那些沙律凍肉腸和蟹籽壽司之類。其實望到也不會拿。起初擔心熱盤太少長輩會吃不飽, 到場後疑慮一掃而空。排場當然比不上dinner buffet, 但仍有十多款熱盤, 而且不時轉款, 味道還不錯。值得一提的是有生滾粥攤位, 配料自選, 蝦蟹都有, 吃了一個蟹粥, 粥底雖淡, 蟹肉吃起來有鮮甜味道。除了粥攤位還有班戟攤位, 這個味道一般, 龍堡做得較好。我點了個蜜桃香蕉班戟, 加大量的朱古力醬和士多啤利醬和碎糖, 滿足呀!甜品方面也沒欺場, 蛋糕款是較少, 只有四款左右, 卻有木桶豆腐花和紫米靈等熱甜品補數。最爆的是有Movenpick的雪糕, 友人一聽就說好羨慕, 因為那是很有名的牌子。我親身試過, 的確名不虛傳。朱古力雪糕裏有朱古力碎, 士多啤利電糕裏有士多啤梨肉, tiramisu味亦帶香濃咖啡味。我們附近有一位客人就吃了四大杯。咖啡奶茶檸茶檸水有自助吧任飲。以價錢來說真是沒有可抱怨的地方。有機會應會試dinner buffet。…Read More

以前有位外藉同事每朝例必在brenda order一客外賣早餐, 後來見兩三位同事加入brenda早餐行例。似乎值得一試。試過之後, brenda已經成為我們全部門的御用外賣店, lunch留在公司開工要叫外賣第一時間想起brenda。(出街食一定不能揀囉, 全店得6個位, 包場都不夠坐)皆因外賣的西餐不多, 有水準的更是罕有。brenda做到價錢相宜得來有良心。(1)它的lunch set不時轉換, 由三十元到五十多元都有, 豐儉由人。還有紅糙米飯和扁意粉任君選擇, 配一杯湯或飲品。(2)有時可以不要湯/飲品轉為生果, 很貼心。(3)不論平貴都落足料, 但在食肆中算少鹽少油, 屬健康之選。而且份量足, 有時我會分開兩餐吃。(4) 真的有吃西餐的感覺, 不是茶餐廳行貨意粉(5) 是日餐湯也不是行貨的雜菜湯, 而是西蘭花忌廉湯, 德國薏米湯等等美中不足的是(1) 外賣時間, 叫了外賣通常要半個鐘頭左右才送到, 各位OL要預早落單了。(2) 外賣找贖, 全單$271元, 我給$300也不能找贖, 有點那個囉anyway, 自力更生的良心小店, 值得表揚和支持啊!…Read More

我多數去食lunch, 首先唔可以用味精拉麵o既價錢相比, 因為大家o既質素真係唔同。五十幾六十蚊響銅鑼灣算係正路啦~ 但係份量就真係多。 因為佢o既午市套餐有一個麵跟一個飯/飯糰。初頭以為每樣少少, 點知o黎到見到碗鰻魚飯都唔係一兩啖食得晒o既size。而所謂o既小拉麵, 都同regular size差不多, 女仔o黎講食佢碗麵都已經夠飽。豬骨湯幾甜, 麵亦唔錯。係叉燒比較瘦, 遜色o左。飲品係罐裝汽水, 就算飽得滯唔飲, 拎走都好方便。overall o黎講真食得過。…Read More

見咁多人讚, 一心o黎"朝聖"。 放工一個人上去, 居然唔駛等位, lucky。但一位女侍應招呼完我坐低睇menu之後, 就不了了之。驟眼見到有個男侍應放低d o野, 以為佢放低清水之類, 無多留意, 叫住佢落單先。揀o左個叉燒拉麵。跟住一路睇書無留意檯面。麵o黎o左, 一睇... 咦? 水就無o勒, 得前菜兩碟。即時間門侍應啦, 佢話係compulsory o既。 好多日式食肆都係咁, ok, 但係可唔可以講聲先...同埋, 點解係兩碟, 我一個人之嘛。同個侍應講返, 可能另一個senior o既侍應見到, 之後我隱約聽到佢o地兩個有少少微言。 o下? 日式食肆喎, 咁o既態度? 係講都走去我見唔到o既地方丫。之後再向侍應要杯茶先至有d o野濕o下個口。明明其他日本客一坐低已經有杯水, 我要搞一輪先有呢? 咁樣折騰一番之後, 都幾影響心情。開始食麵, 第一啖o既感覺係: "呢個質素都有咁多人讚??" 唔係差, 不過唔算出色。麵真係唔算彈牙爽口喎, 同區我prefer 888 多d。豬骨湯底同傳聞中一樣偏咸, 叉燒就做得幾好, 半肥瘦, 幾軟滑。叫碗$65 o既麵, 最後$82.5埋單, 係有少少覺得唔抵囉。今次唔係食o左好多o野, 會俾多次機會, 下次多d人o黎試埋其他o野。如果都係咁....梗係以後唔o黎啦~…Read More