CrazyEatFoodie's Profile

餐廳環境舒適整潔，光線充足，座位間距適中，無論家庭聚會或朋友小聚都感覺輕鬆自在。店員服務態度友善，落單送餐效率都不錯，令整個用餐體驗更愉快。招牌菜荔枝柴燒鵝絕對值得一試，外皮微脆帶著荔枝木的淡淡香氣，鵝肉嫩滑多汁，油香與果木香完美融合，令人回味無窮。另一道咕嚕肉同樣令人驚喜，外層香脆，醬汁酸甜開胃，肉質軟嫩不韌，每一口都充滿層次感。這兩道菜無論味道、口感還是賣相，都見心思。整體而言，餐廳食物水準穩定，環境氛圍不錯，價錢亦屬合理，難怪成為不少食客的推介之選。無論想品嚐特色燒味，還是經典粵菜，都能在這裡找到令人滿意的味道，下次一定會再來試試其他菜式…Read More

今日自己一個食晏，諗住簡簡單單食個飯就算，於是就行到嚟佐敦嘅粗菜茗星館，之前食過都覺得幾抵食，有茶有湯有飯都係五十幾蚊起，加埋一都係六十零蚊相比晚餐實在性價比太高了👍🏻食得清清地，就揀咗個豆腐火腩飯食雖然50幾蚊，但係絕不欺場六七件火腩+六七件炸豆腐，再加一碗大大碗嘅飯，同熱辣辣嘅例湯差啲食唔晒🤭本人對湯10分執着，一定要熱辣辣先飲，所以呢度就絕對啱晒口味，佢啲湯拎出嚟係熱到辣嘴嘅程度，大愛❤️…Read More

多謝朋友帶我嚟食🍴，如果唔係佢帶路，真係唔知金雞商場入邊竟然有間咁高質嘅泰國菜🥳因為得兩個人，加上唔太肚餓所以嗌咗三樣嘢1. 豬肉碎生菜包呢個必須大大力推薦，豬肉碎落咗啲醉汁同辣椒，酸酸辣辣咁，夏天冇乜胃口就啱晒啦，食完兩啖即時胃口大開🤤2.串燒(豬同雞）各1串呢個都幾高水準，朋友話啲沙嗲汁好惹味我就覺得啲豬肉同雞肉都好嫩滑，唔會食到鞋口鞋面🤭3.菠蘿海鮮炒飯呢個都係正常水準，不過好抵食，$78蚊大大碟材料有青口，蝦，腰果，肉鬆，鮮菠蘿等等…因為朋友唔食提子乾，所以我哋係走提子乾嘅，如果唔係口感，應該仲豐富🤩…Read More