Joey_kwan's Profile

5月中，男朋友生日，佢好鍾意食蠔，所以上網周圍八吓邊度啲蠔正。唔覺意睇到一間係九龍富豪酒店入邊嘅日本料理，仲見佢做緊優惠set，所以就同男朋友去試吓，點知....超級大驚喜，食才好新鮮，擺盤又靚，服務又好，最重要係CP值高。尖東地段，酒店入邊，店舖寬敞，交通方便。食過一次後，馬上約齊幾個女仔嚟返個閨蜜之夜。6月個優惠set更加優惠，就連朋友們都話估唔到尖東嘅酒店入邊有間咁有水準價錢又唔貴嘅日本餐廳。飲飽食醉，每人都係600蚊。又白酒，又生蠔，又龍蝦，又刺身，又壽司。一定會再幫襯❤️…Read More

從未去過嘉里酒店，係網上睇到環境唔錯，所以諗住試吓。差唔多6點去到，門口都有啲人排隊，但唔算多。6：00準時開始入座，安排咗一張4人梳化靚景檯比我，好正, 好大，座得好舒服。坐抵見有氣酒free flow$228，對於我呢啲酒鬼，緊係飲啦食物選擇都係一般大路嘢啦，但質素唔錯。由於我唔食肉，所以食物選擇對我嚟講真係唔重要，最重要係坐得舒服同服務夠好。呢度服務就真心覺得正，所有員工都好有禮貌，尤其係大廚哥哥們，去到邊個食物櫃檯，都有廚司哥哥介紹食物，又好笑容又有禮貌。今次戶外有個勁大嘅西班牙炒飯，大廚哥哥都會叫客人出去影吓相。真係好少會遇到大廚哥哥會主動埋嚟同客人傾計，多謝你，昨晚真係好開心，同你傾計真係學到好多嘢食飽飽落樓下行吓，吹吓海風，再去碼頭聽吓人唱歌，睇吓人放狗，真係堅正…Read More

其實呢編食評，真係一千萬個不想寫，原因就係你們太好，好到我怕寫完之後，從此就都訂唔到位了，但唔寫又真係好對你地唔住，真係好難做呢深水埗地段，有間不起眼又無咩人知的居酒屋，環境雖然是一般居酒屋的裝修，不豪華，但帶點日本feel。去得居酒屋，當然就係要那種輕鬆放鬆的感覺，辛苦工作一天，放工緊係要鬆一鬆，嚟到六本木，一入門口就是親切的笑容，熱茶冰水即時奉上，去得居酒屋，當然唔少得來一支清酒，一天幾辛苦幾忙碌，一杯酒喝下去，什麼煩惱都忘記佢。食物只是點綴，飲酒才只主菜，加上殷勤的服務，老闆的熱情，只能說句~能夠忘我境界盡情去食去飲去笑，真係只有呢度先做得到。有老闆甜美的歌聲。有員工親切的服務。有客人善意的交流。真係玩到唔捨得走。但可惜係疫情之下...一夠鐘就不能不散場希望日後營業時間可以延長一點，就可以再盡慶一點。…Read More

今日放假，見天氣咁好，即興約埋個朋友仔去西貢行吓，漫無目的慢慢遊吓遊吓，遊到嚟呢間餐廳，嘩...地方好正好舒服，好有渡假feel， 二話不說即刻坐低飲返杯酒先，同朋友摸吓酒杯底傾吓計，吹吹海風聽吓海浪聲，睇吓啲狗仔係海灘跑呀跑，好得意，唔覺唔覺由天光吹水吹到天黑，但入黑後有啲凍，因為著唔夠衫，現在嘅天氣，真係要帶多件外套先得。靚姐姐又好人，埋嚟同我地傾吓計，又幫我地影靚靚相。今次淨係飲嘢，無食嘢，下次會試吓佢地嘅嘢食。…Read More

一行六人訂咗8：00pm房，朋友一位7：50pm去到，話有房，上到二樓又話未得，要返落樓下等，8：00Pm，我到，問門口姐姐有房未？佢問我齊人未？吓...唔係掛？我訂咗房，反正都有最低消費，你理得我幾多人到啫，我都係要比咁多錢架啦，最終8：25pm先入到房。坐低點餐，點個$1550~3至4人餐，話無，叫我點個$19xx，我話唔啱食，佢先話$1550有，只係$19xx抵食，喂...抵食同啱食係兩回事囉，又話鰻魚好食好食，要我地叫一條，我問佢幾錢，佢話$800，嘩...個餐牌都無$800一條鰻魚，得$400，佢話$400係半條，但個餐牌完全無寫400蚊係半條囉，好彩我問吓啫，唔問完全唔會講價錢。上菜又快，嘭嘭聲上，檯又細，放都放唔落。9：00pm就話 last order，9:15要你埋單，9：45開始叫你走，9：55pm又話再唔走比人捉到每人$5000。你老闆，你真係識趕客同識劏客囉。…Read More

今日天氣好好，選擇坐室外，不太熱可接受，原本坐二人檯，但太陽剛好曬到我，姐姐即刻幫我轉張太陽曬唔到嘅四人檯，坐得更舒服。姐姐推薦我地試吓佢地嘅手工茶同手工茶啤，見天氣熱熱地，緊係整返杯啤酒先啦，叫咗一set四小杯手工茶啤，味道唔錯，我最愛茉莉茶啤，超啱我口味。之後每上一個菜，都有驚喜，每一樣都好好味，可惜唔太餓，如果唔係一定會試多幾款。總括嚟講，服務好，食物好有水準，食得出係好用心去做，一定會再次幫襯。…Read More

係隔離食完日本菜唔夠飽，行過見到個雞湯好似好正，就入去試吓。坐位有啲迫，但明白香港地寸金尺土，舖租又貴，所以絕對係可以接受。樓面姐姐服務好好，都好詳細介紹下啲湯。我同朋友一人點一個麵，我要米線，朋友要刀削麵，平時唔鍾意食刀削麵嘅我，竟然覺得好好味，而我個米線我覺得啲麵質好滑。我唔食雞，所以比晒啲雞朋友食，佢話好滑。個湯底又係好好味，沙鍋上，熱到不頂了，最鍾意就係啖湯熱辣辣。最正係食完之後，成晚都無口乾，證明絕無味精。真心覺得好好食掛住食唔記得照相😂…Read More

原本去另一間食，諗住6點鐘早食就無訂檯，點知無位，就求其搵間食啦。舖頭細細，被安排坐面壁位，好迫囉，好彩一問之下，樓上仲有位比我地。上到一樓，靚仔哥哥就話我地無訂檯，所以比咗最尾張二人檯我，ok啦，有張檯仔食餐飯，唔洗面壁，已經好好啦。上壽司速度都ok嘅，但越嚟越多人，坐到全場爆滿，我地見啲嘢食仲未上，都唔敢追，但靚仔哥哥好主動行埋嚟問我地點解無嘢食？仲即刻攞張單嚟問我仲差啲咩未到，話幫我追。但....等呀等，又再等，太耐啦，我就同靚仔哥哥講：如果未整就算啦，佢都即刻幫我取消。埋單時不停講唔好意思。明白星期五真係好多人，生意好，其實做客都好開心嘅，所以唔覺得有咩問題。但最大問題係：你好攪笑囉，服務又好，又主動，雖然唔係好食得飽，但你嘅服務態度已經搭夠。食物一般，服務一流。…Read More

喜來登五星酒店，食物質素一定有保證，服務亦都係五星水準，環境更加係無敵，面對維多利亞港， 一覽無遺。8月24日晚上的巴黎之花香檳之夜，更加係無得頂重頭戲當然係一支9L的大香檳，還邀請客人一同開香檳同倒香檳，9L真係超級重手由 wellcome drink的開胃小食，到六度菜的主食，以為吃完了...原來仲有餐後小點，每度菜都食頂瓜瓜員工的親切笑容，各來賓的熱情態度，令到全場人都玩得好開心又過了一個飲飽食醉愉快的晚上…Read More

朋友約食飯，話要食泰菜，要近地鐵站，就揀咗呢間，因為一出旺角地鐵唔洗3分鐘就到，而且係二樓，就算電梯排長龍，行樓梯都無問題啦其實今次已經係我第三次幫襯了，因為之前兩次掛住食，無影相，因為人太多了，掛住傾掛住食囉今晚靜靜地同朋友兩個人食，食物一定有質素，如果無，我一定唔會再幫襯，生蝦必食，但如果食唔到辣，就一定要蝦同醬分開上，因為我食得辣都覺得辣呀我鍾意佢個春卷，炸得好脆口，一啲都唔油，又夠薄身， 明爐烏頭好滑，今晚因為得兩個人，所以叫唔得多嘢，但上兩次都有8至10個人，個個餸都好好味，而且服務好好，所以值得一去再去…Read More

其實之前已經幫襯過，因為員工話每天4：00pm-7:00pm做緊50蚊一位任食串燒，30蚊，0.5L生啤，所以就同朋友落嚟happy hour，都係個句，服務一流，所有員工都係咁好笑容，大家都打成一片，就連去洗手間，經過 live band台，歌手們唱緊歌都會同你笑一笑揮一揮手， open kitchen的廚司們都會同你say個hi，今時今日的餐廳，好多服務員，都是一張不願做的樣子，但這餐廳真的令我有個家的感覺。當晚由下午4點坐到零晨一點，同朋友傾吓飲吓，員工有空檔時間又埋嚟傾吓， 氣氛十分好，感覺好舒服，星期一的晚上，全場爆滿，原因只因為，您們真的做得很好，很用心去招呼每位客人，謝謝您們…Read More

上 OpenRice 睇過有室外，啱晒我呢啲鍾意摸吓酒杯底＋食吓煙仔＋傾吓計嘅人，環境唔錯，室內有 live band ，比較熱鬧，室外比較靜，傾計會舒服啲，食物有質素，但只可惜份量比較巨型，兩個人唔可以叫多啲款式嚟試。員工服務一流，笑容好，初初我地坐高檯，但越坐越大風，我同哥哥講，佢就馬上幫我地轉檯，又主動幫我地影相，就連我行出去行個圈，哥哥都主動跟出嚟幫我影相，同埋介紹一吓餐廳，無得頂呀。是晚兩個女仔飲咗4支香檳，真係飲飽食醉，又過了一個愉快的晚上…Read More

已經是第二次到餐廳，第一次就在三天前，吸引我三天後再到的原因是餐廳的員工實在太好，好笑容，好禮貌，而且餐廳在20樓，可以望晒全個維港景色，真係好靚，食物有質素，景靚，服務好，真係唔去唔得。今日同一位女朋友食飯，點了三瓶酒，四個菜，經理知道我生日，還送上一個寫有happy birthday 的甜品給我，多謝你。由6:30食到11:30，仍然意猶未盡，還想繼續開酒，和女朋友把酒談心，但只可惜餐廳11:30關門，如果能夠再開夜一啲，就更完美。今晚很開心，謝謝你的生日甜品，好好食…Read More

打電話訂檯，接電話的女員工已經很有禮貌。晚上到達餐廳，由樓下接待到樓上侍應，都係笑容滿面。餐廳地方寬敞，檯與檯之間有一定的空間，坐得好舒服，有室內有室外，我選擇坐室外，室外裝修好有日本feel。坐低第一時間叫咗支sake。之後去魚池睇吓有咩食，點咗象拔蚌同螺刺身，非常新鮮， 象拔蚌size剛剛好，啱晒兩個人食，唔係大大條見到都食唔落個款。我係睇到FB飲食男女介紹呢度而上嚟，片中話只要like佢地個FB再分享，就可以玩一手蝦，咁正嘅優惠點可以錯過啊，馬上做啦，員工亦馬上攞蝦比我地，一手攞到7隻，隻隻都好大隻，唔係蝦仔，員工馬上係我地面前燒，再點了(拖羅)，新鮮肥美。再嚟燒烤類，有~鮑魚， 蟹膏甲羅燒，龍蝦，全部都好味道，而且員工親自燒，生熟程度剛剛好，如果自己燒，食材幾靚都無用，一定燶曬過晒火。(唔該晒你地，無你地幫手燒，邊有好嘢食啊)最難得係員工邊燒邊同客人傾計，有講有笑，唔係黑住面整比你食，見到我地酒杯無酒馬上加，服務真係頂瓜瓜。過了一個愉快的晚上，飲飽食醉，一定會再次幫襯的餐廳。…Read More