cocotoo's Profile

朋友是抹茶迷，見到有雜誌介紹綠茶甜品，即雙眼發光要我陪佢試，我當然樂意奉陪。在戲院旁的餐廳走白色格調，牆壁枱櫈都是白色，予人明亮整潔感覺。大約6:30到達，餐廳半滿，幸運能被安排梳化4人枱坐，比較鬆動舒適。除了精美餐牌內多種單點選擇，還備有包沙律小食的意粉餐等。由於我們目標是甜點，所以只選了全日早餐2人分享，另外還叫了個多士和梳乎厘。「英式全日早餐」$88先上桌的是「英式全日早餐」。英式早餐包括有腸、薯條、茄汁豆、沙律菜、自選的火腿、炒蛋和牛角包。薯條炸得香脆但份量略少，牛角包牛油味重但唔特別出色，炒蛋太淡沒甚蛋香，其他都是一般貨色沒特別。這質素這價錢不是很值，尤其炒蛋是一敗筆。「宇治抹茶多士」$78我們一早照侍應提醒，進食全日早餐到一半時便叫廚房準備多士等，因為製作需時。果然要很久呢，我們吃完早餐還等了十多分鐘才送上。三層多士上是一大球的抹茶雪糕、忌廉、紅豆，還有少許杏仁片和芝麻餅，賣相很吸引。多士有甜甜蜜糖味:)，雖然好吃但包邊有點過硬。紅豆甜度適中，但主要的綠茶雪糕卻味道很淡，不是movenpick 真的有差 。芝麻餅反而不俗，芝麻味濃～「宇治抹茶梳乎厘」$68不知是否真的要這麼久或是特別安排，差不多吃完多士才送上梳乎厘，時間剛剛好。大大的梳乎厘用美美的杯子盛著，很高貴的感覺。除了梳乎厘，還附有一小球抹茶雪糕和一壺抺茶。對比抹茶雪糕，梳乎厘的抹茶味很濃，質感鬆軟，杯底還有甜甜紅豆。一口梳乎厘配上一杯抺茶，這才滿足了這餐的目的。…Read More

過年後，天氣稍微回暖，心不期然想食凍野。一於坐言起行，行去食雪糕。 咦，有新口味？仲係黑芝麻？不用想定要試試呢個「特濃黑芝麻醬配北海道牛乳軟雪糕」！雪糕可選牛奶、扭紋、抹茶，而我選了抹茶。一口咬下，黑芝麻味好濃，配上軟滑抹茶雪糕，啖啖抹茶味透心涼好味道，滿足了～～…Read More

雖然明明是準備去午饍途中，行過 little mermaid 卻被麵包香氣吸引，忍不住買了個丹麥酥和年輪蛋糕試試「北海道吉士丹麥酥」（$16）好像是新出品，聞落很香，食落也沒有令我失望。酥皮鬆脆帶牛油香，中間吉士幼滑香甜，令人回味。「年輪蛋糕」（$15）年輪蛋糕在日本有時會被用作祝福賀禮，臨近新年，讓我也嚐嚐自我祝福下～ 蛋糕有成18層，每層厚度均勻，有蛋香味道還可。…Read More

愉景新城開始大裝修後好少去，因為實在太亂，轉黎轉去咁。今日終於重回舊地，裝修仲未完，但就有好多新店已經開左。行過見到有間新麵包舖，藍色小店裝修美美的，好有歐洲感覺。見價錢ok便買了幾個麵包返去試試。「朱古力牛角包」（$16）除面層朱古力包中還有兩片薄薄的朱古力，朱古力味濃但牛角包沒甚牛油香。「黑椒煙肉芝士軟法包」（$16）包外層夠脆，內裏有大大舊芝士和煙肉，足料蠻好吃。「黑豆合桃包」（$9）包鬆軟但合桃不多，包面滿佈黑白芝麻，咬落啖啖芝麻香，幾好。…Read More

下午茶時間經過 mira mall，決定上去食個 tea。叫左個 tea set，一件蛋糕加杯咖啡或茶（$68）。朱古力同pear之間選了pear tart。個撻麻麻，撻皮太淡味同淋左d，真係好想淨係食左d梨算，不過不可以浪費呢。咖啡轉 Mocha 要加 $4，幸好不似個撻，味道ok，咖啡同朱古力比例剛好。下午無咩人，可以悠悠閒閒咁嘆。女待應由入去到走都帶笑有禮，抵讚…Read More

今日終於一嚐咖啡弄，幸運一去到就可以入坐，不用排隊～！限時90分鐘，捉緊時間，快手睇餐牌落單。自問真係對d “限定”、“推介” 既字眼無抵抗力，所以最後出現我面前既係數量限定既「咖哩牛腩飯」……「咖哩牛腩飯」（$68）既牛腩份量ok，仲有大大件薯仔。牛腩薯仔入味亦夠腍，只是其中有一件牛腩燶左要減分。咖哩好香好好味，初初食唔覺，但食落辣味慢慢滲出黎，好在今日係叫左凍飲…………！即刻飲啖「冰鮮果茶」（$58）撲火～ 內裡鮮果眾多，有蘋果、火龍果、橙等，味道酸甜，不俗。滿意的一餐，不過未去台灣食過，所以無比較，唔知台灣會不會再好食d呢～…Read More

朋友生日，又有機會食蛋糕了！今次去了文華餅店買蛋糕。櫃內有多款蛋糕其實都好吸引，但朋友喜歡朱古力，所以最後選了「Baked Two Layers Guanaja Chocolate Tart」（$328）方形撻扁扁的卻有兩層，在濃濃的Guanaja 朱古力層上還有層朱古力海綿蛋糕。朱古力味濃幼滑，整件吃來不覺膩。美中不足撻皮淡些，個人喜歡牛油香較多的，不過整體還是很美味！…Read More

行過見有新餐廳就走左去試個午餐。一入到去就俾色彩繽紛既吧枱吸引，抬頭望一望，天花掛了很多竹飾物，望真原來係用竹織編成既魚型裝飾，好貼切。坐下看看餐牌，選擇都不少。當我正苦惱中，見隔離枱個鐵板餐幾吸引，就跟住叫左個試試！叫左「極上牛肉鐵板飯」（$72），跟湯及汽水。餐廳唔多人，鐵板飯好快送到。鐵板夠熱，仲聽到美妙既“吱吱”聲。賣相ok，牛肉同飯份量足，除牛肉仲有少許粟米粒和小番茄等。趁熱加醬汁撈匀，牛肉上枱時眼見已有7 8成熟，撈完就差不多全熟，如果喜歡生d既可能會有d失望，我就覺啱啱好。牛肉肉味濃，醬汁不俗，加上黑椒撈匀幾好味，成碟差不多清晒。雖然比 pepper lunch貴，但計返環境等還可以，有機會都會想試下其他食物。…Read More

之前經過uniqlo抬頭見到已經想試，今日終於有機會。平日下午一點幾去唔多人，可以隨便坐慢慢嘆。先去收銀處落單，叫左個「香蒜芝士脆脆波」（$58）。本來想要mocha，但落單既韓國男生落錯左，變左焦糖咖啡（$33）……俾完錢攞個號碼牌揾位坐，唔多人既關係，等左一陣咖啡同脆脆波就先後送到。成隻手咁大既「香蒜芝士脆脆波」賣相吸引，麵包上面舖上火腿、年糕、芝士，面層芝士不少。麵包外脆內軟，配上煙韌年糕與芝士，意想不到的好味！！不過麵包加年糕，一個人吃都幾飽下。見餐牌仲有炒年糕雪花冰，下次有機會要試下。…Read More