pig's taste's Profile

星期日既午餐，兩個人，一共$488，叫左6樣嘢。1️⃣醉雞（文昌雞），失望，因為覺得偏鹹🫠，雞就同普通醉雞無咩分別2️⃣醬汁蘿蔔，幾好食，爽脆甜，調味道剛剛好，幾個餸我地最欣賞呢碟😛3️⃣老香黃雪山包（叉燒包），可能一早整好左，唔係熱辣辣，個味同個包都ok，一般茶樓水準4️⃣麻葉煎餃，第一次食呢個麻葉，我覺得幾新鮮、好食，不過老公就麻麻地5️⃣金不換焗鮮魷，香就好香，但個魷魚又係覺得好鹹🫣，佢d 配料就好味😋6️⃣福果芋泥，ok ge總結，味道唔算話好好食，比起普通樓貴DD，可能我唔係自己人（潮州人），覺得佢偏鹹，我未必會再食。*服務就正常…Read More

今日又係葵芳附近食晚飯，其實都係求其搵間餐廳食個晚飯，我係俾佢門口個燒雞牌吸引我😛點知有意外驚喜兩個人叫左一份燒雞餐，一份德國咸豬手餐，一杯凍檸水，一支啤酒，包兩碗湯跟兩塊多士仔，兩份甜品$356 無加一👏🏼👏🏼燒雞🍗配蔬菜🥦🥕有小小辣，可以選擇辣度，隻雞個醬醃得幾夾，個雞係多汁，一D都唔鞋，好味，佢連個個配菜莖🥦都有刨皮，真係令我覺得小店係有心機煮餸，不過呢個雞要等30 分鐘到（職員話可以提早打電話叫定），不過略嫌個蔬菜份量少左DD德國咸豬手個豬手皮脆得黎唔會好硬😛，個肉又唔係好咸，味道係岩香港人👏🏼薯條就正正常常，呢個餐個份量就好飽啤酒， 值得讚，因為有冰杯🤣服務： 小店服務，都親切有禮環境： 鋪面唔大，但有心機裝修，坐得舒服，有好多植物，覺得好舒服😌價錢： 唔算貴，$356 …Read More

今日想食酸菜魚，上網搵，見到屋企附近呢間酸菜魚，所以試吓，同老公兩個人叫左3 個菜，一枝大啤🍺🍺共$3751️⃣酸菜魚，都ok, 叫左個例牌，微辣，魚肉都算厚，份量正常，唔會等啖空氣2️⃣口水雞，好普通，唔係難食，但談唔上好食，可以唔叫3️⃣酸辣土豆絲，比想像中好味😋，蒜頭味好香，味道幾好👍🏽，值得一試4️⃣叫左支大啤，值得一讚既係佢會俾冰杯👏🏼環境： 環境一般，中央冷氣機會滴水，同埋d 碗碟d油積痴立立，店內俾熱水客人洗茶杯服務，正常總括依然，再久唔久食下既🤡…Read More

灣仔地區中午時間想搵間好食又唔使排隊既真係好難見呢間餐廳冇咩人排隊，所以就試吓，兩個人🔴吉列炸豬扒飯便當🔴燒鰻魚飯飯便當🔴雪糕甜品味道真係正常，無話特別好食灣仔地區嚟講，勝在唔使排隊😆但係，好似無冷氣咁，好熱🥵，今日食飯就天氣好熱，店內半開放式，但冷氣好細，冇風扇，怕熱嘅朋友就要考慮下價錢方面：我覺得有小小貴，因為份量少，男性黎講，未必夠飽😆女性就ok既，今日食左$420蚊多d服務： ok nice ，因為客人不多，所以無限時限刻話食幾耐就要走，服務員都係講英文環境： 店內算細，坐唔到多人，都乾淨…Read More

見好多人推介過….咩隱世cafe, 所以特登黎試吓佢門口係靚嘅，行文青feel ， 入到去樓底高，坐得舒服，不過望返出去都係公屋樓下不過d 職員就好似未瞓醒咁，木口木面，個女職員件衫，好污糟，好多污漬🙄️，一黎到就木口木面同你講： 用餐時間75 分鐘，QR code 自助落餐，就行去叫左個藜麥沙律🥗$88普通，無特別，正常香煎比目魚配蒜辣扁意粉$158份量比較少，而且一d 蒜味都冇，亦無見到一塊1蒜片or蒜粒，個魚煎到好香口，可惜偏咸，成碟野就偏油，重牛油味（可以話佢牛油香），份量就唔係好夠加左份蝦多士、雞翼$20x2蝦多士香口，我覺得幾樣野中最好食，雞翼就避風塘雞翼咁，無特別一杯凍美式$40, 一杯凍朱古力咖啡$60兩杯野飲無特別，朱古力咖啡就擺樣靚，兩杯味道都一般，不過算係最唔值嘅嘢飲冇咩特別服務，就+1服務，水都冇杯，又唔係好好食，覺得佢偏貴，唔值，甘樣就$425 ，都唔會再食…Read More

今日兩個人經過，門口聞到好大浸筍味，所以試吓服務： 正常，不過不失。唔算大鋪，唔多位，無話趕你走，不過一食完就好快同你收野，咁你明啦🤭環境： 乾淨，係坐位小小逼，枱底有掛鈎，都接受到味道： 叫左一個黑蒜油、一個魚介，加左兩隻蛋，一份蔥。兩個都好濃味，麵都算彈牙（☝🏿冇硬同淋選擇）。味道整體都中上好好味😋。想讚佢個加蔥，份量算多，多蔥人士會中意🫶🏻價錢： $200 蚊，只收現金💰總括來講： ok， 可以再食，但又唔係話好想即刻再食，但荃灣黎講，算味道ok 好既沾麵👌🏽…Read More

因為成日排長龍，所以好想試吓。今日中午12 點去到，都排左近20 分鐘隊，就入去啦。建議大家可以單人 or 雙人，易啲有位，見到有3 個人又唔想分開，等得耐小小…環境： 比較狹窄，坐得唔係舒服， 一人一個餐盤位，擺多個餸都唔得服務： 上菜好快，自助落單，自己倒水飲，冇咩服務，不過會收你服務費食物： 因為呢度主打食麵，所以都期待😚，不過上到黎就覺得一般🤧我哋叫咗牛骨湯麵，辣牛肉麵，湯就ok, 但麵就比預期中腍，唔彈牙，唔係我自己想像中咁（不過有人中意咁既口感既🌝），同埋個辣牛肉麵，得幾條牛肉絲😥佢個冷肉，似厚切板既中式白肉，不過點韓國麻油加豉油，普通，同埋佢個醬好孤寒，好少份量，不過佢有再俾多碟我紫菜包飯就ok， 正常野佢個餃子🥟，又係普通正常，我覺得759 果d 凍韓國餃子🥟仲好食d佢d 小碟，就麻麻地…價錢： 呢個位置，唔算貴，正常價總之就食過就算，唔係好差，但就唔係好值排20-30 分鐘去食…Read More

今日同老公去試吓新店叫左一份普通西冷配酥皮湯，野飲一份限量肉眼配湯，野食一個雞翼小食一共$500 幾蚊西冷就正正常常，無特別Prime 肉眼就小失望，因為真係一般雞翼都係一般佢d 特色牛油，冇咩特色總括來講，就係冇特別，但又唔係好值呢個價位服務： d 人ok 服務既，nice 既環境： 麻麻，因為佢用石板上，現場好大煙味，開始多人就覺得小小辛苦，冷氣夠，但覺得又凍又煙見到好多人like…所以抱有期望，點知反而幾失望😞都唔會考慮再食…Read More

夜晚同老公去慶祝生日，又有朋友推介，話食過呢間幾好Booked左枱，話由晚上6點食到晚上九點半，我地就由7 點食到9點半，個人認為食飯既時間好充足，比起其他自助餐限時限刻，呢度就值得一讚服務：收碟速度開頭好快，但去到8點幾打後就好似冇咩反應。最後佢話有人無做泊車優惠，就幫我做多兩個鐘，令我好開心🥳食物質素：回本野：生蠔🦪，龍蝦🦞，鵝肝（DUCK Liver)，都係好味😍，其他凍海鮮就一般野，無特別熟食：有檔日本🇯🇵檔口，有串燒，天婦羅🍤都唔錯；其他就都冇特別沙律🥗：冇特別甜品🍮：有榴連主題既甜品、蛋糕，都一般個；個熱鮮奶🍑膠，就幾好味😋個人認為可以再食…Read More

上年都有幫襯過呢間，覺得佢d蟹既質素幾好，所以今年再黎，但真係好差，下年唔會再黎，亦唔會推介俾大家首先，人手非常之短缺，冇咩人招呼客人最重要係佢上大閘蟹既速度非常之慢，佢冇得俾你點，係蒸完就上，派俾全場我坐左個幾鐘，佢派左3 隻俾我，大佬阿，我黎任食大閘蟹家！你同我講唔夠派？你做唔到就唔好學人做大閘蟹任食啦，其他小菜任食有鬼用咩！成餐飯兩個鐘，食咗七隻。😫😫到最後仲要話：唔會再蒸，冇晒了，我真係好很嬲阿😭😡🤬仲有啲蟹既質素：👎🏿七隻蟹裏面只有一隻覺得好味，其他蟹膏都係苦嘅真係貼錢買難受，食餐飯勁谷氣，食到發脾氣，以後唔好諗住我再嚟…Read More

經過門口，見裝修有啲心思👍🏽，就同男人去試呢間西餐廳🍴🔆一入門口，就已經覺得油煙好大，因為佢係開放式廚房，抽氣系統做得麻麻😷😷😷，不過繼續試🔆佢晚市0830 後，有幾款優惠，我就試左post 相到IG, 用$99 嘗試個 霜降牛扒，同一份豬鞍set，一罐手工啤酒🍻，埋單$390，價錢唔算貴，正常價錢。🔆湯：蘑菇湯，好飲👍🏽👍🏽👍🏽沙律：正常野牛扒：叫咗五成熟，剛好，不過牛肉味較為淡，但$99，算好味。豬鞍：肉質唔嫩，但肉質幾腍，味道ok但偏鹹🤭，飲左三杯水😑😑😑手工啤酒：60幾蚊一罐，唔低飲，但男人要飲🥺🥺🥺🥺🥺🔆成餐飯，油煙太大，扣分👎🏿👎🏿👎🏿🔆總括而言：不過不失…Read More

今日係附近返工，收工同男人搵下附近有咩食，用open rice 睇下啦～見到呢間食評唔錯，所以試下，仲用open rice 卜，賺小小里數😂😂😂大家記得用😆所有既海膽都好新鮮好好味😍😍，但兩個人食左4樣野，1杯啤酒，份量唔多，但就已差不多$ 1200， 係嫌貴左D🌝唔係咁抵食野食味道：鮑魚雞翼味道幾好但偏鹹小小；海膽冷麵，麵偏淡，沙律不過不失，味道有新鮮感服務就正常，不過不失晚飯時間8點，都算少人，所以唔算擠迫…Read More

係Facebook 廣告見到，又一次伏🥺因為係Facebook 見到韓國素食放題，幾新鮮，同朋友仔所以去試下星期一來準時來到，店員帶位坐底，等左10幾分鐘，無人理我同朋友，問店員，佢先介紹返個放題： 就係個放題上既野食，order 就會來，唔係平時甘樣出去拎野食。中間第一轉食完，無人執野，叫佢埋來落單，佢都唔會執，直到第二次野食來，無位擺，佢先拎走d 碟😡注意⚠️食唔晒野食同飲品，係會再收返正價！唔知真定假基於唔想晒野食，先係叫左個沙律🥗，🌽同素魚餅好快，野食來。好大既份量，沙律🥗配勁大碟麻油🤮，可以唔落既，但好曬lol 🌽古計有兩條，偏甜，我覺得好食，但朋友仔就覺得太甜炸魚餅，正常，味道中上，但係勁大塊實既炸豆腐x 5 塊🥺之後再order左一個素豬肉丸，又係勁大粒x 5-6粒🤮仲有薯條🍟，蕃薯🍠條，偏甜，但都好味，份量又係大碟眼前隔離台食肉食，份量都好細，放題就勁大碟，覺得唔低食未試過放題食得5個餸，無甜品（要再加錢）但多人塊去食，佢d 選擇又算好少😣無下次🥵…Read More

好味既香港上海菜，唔係傳統既上海菜，係香港人口味既上海，味道唔係好重，唔會好油，不過可能我叫果幾樣唔係油膩野🤪小龍湯同灌湯餃，都好味，湯汁鮮甜👍🏽魚雲吞湯，好鮮甜！唔錯藍莓山藥，呢個可以唔試，一般，可能期望太高🙊醉豬手，好味，最緊要有肉食😂可惜，服務麻麻，唔主動收野，可能太多乂客，太少侍應…Read More

第一次係香港立食，服務態度幾好，師父會提你點樣食係最好😛味道方面，叫左個海膽飯，海膽新鮮，但份量小左d🙊..但味道真係好正😍，鰻魚壽司，好味，下次中午試吓佢個鰻魚飯🤤其他壽司，都好味，食材新鮮既整體而言，係好味！價錢正常，唔算太貴，味道中上😊可以再試但記住，立食會有少少攰🙈…Read More