anthonymariner1458's Profile

對上一次光顧已經係8年前，今日突然想坐街邊食打冷同小菜，就唸起屋企附近發記。真心推介鵝片拼盤，鵝肉大大份，味道剛剛好不會太鹹，鵝腸爽脆而無油腥味（因為師傅去油去得好乾淨）。我貪心加$20拼多一份墨魚，以為都係少少地，點知墨魚份量多到食唔曬！大大份鵝片三拼都係$165，好味過果d所謂米芝蓮潮州店多多聲。然後，另一驚喜係酸辣湯。個人認為係最足料最樸實但好comforting。口味不會太辣令人食到標汗，作為開胃餐前湯就最合適！重點係入面除左有一般酸辣湯料外，仲有足料雞絲、鮮蝦等。我唸住叫一碗，點知上菜時先發覺好大碗，個份量夠三個人食！最後意猶未盡叫多個菜飯，都令人好impressed，因為個菜飯係用雞油加蒜炒出來，香噴噴，唔係一般嘅味道。個菜飯嘅份量同酸辣湯一樣，起碼有普通家庭兩碗半份量。個餐牌上面仲有好多其他嘢好想試，菜式個range都好大，心入面禁不住要讚讚個廚師。無奈得兩個人叫唔到好多餸下次一定要試試其他。…Read More

兩點鐘過來食嘢，又話最好味垃沙，最平餐廳。於是我叫左喇沙、豬頸肉、墨魚餅同炒飯。一路等左好耐就飲啤酒先。結果成六點幾先上曬菜。飲左六支啤酒同一杯菠蘿冰。埋單一句sorry都無，盛為$615。原來啤酒$45一支，其他19嘢就係要等四個鐘先食到。大家睇路不要上當。…Read More

呢一區用呢個價錢食個lunch真係好滾動。重要係白飯白粥例湯任裝。可以兩送 ($40) 到 三送 ($50)，仲要附上兩種唔同蔬菜！真係好有住家蔡味道！有外國朋友想食地道菜一定要帶來呢度。可惜啤酒得一種，有其他選擇會更好！…Read More

是咁的，我在坑口東港城居住，間中都會光顧貴店於坑口的分店。於今晚（5月19日）晚上大約7點20分，我order左一份炸雞，當到我攞雞時，我自己行埋去，心唸唔使你地d staff哎得咁辛苦，點知隨即就俾貴分店一個很高大的”店長“大聲呼喝，話我阻住曬，我解釋話我唔知，唔好意思，但係提議以後要加表示order同攞野的位置，佢就即刻用粗口，係，用粗口，仲要大庭廣眾，鬧我咩X野提議，又鬧我咁X多爹云云。請問這是否貴集團的營商之道？待客之道？竟然可以眾目睽睽下公然怒小自己的客人，把分店經營的不善委過於人，這是否貴公司的生意手法？如有需要，我可以提供事件片段以供參考。謝謝。…Read More

理想與現實，原來仲可以推到一個極致。。。看相片不解釋。我即刻問個部長，應曰：我會反映嘎啦。然後絕塵而去。完。你的相片說“得”，可是你的成品卻很誠實。我以前都有叫過，唔是咁樣law。。。。唔知有無違反商品說明條例？！…Read More