malauchai的個人專頁

上次次排咗1小時15分先有位，今次等咗45分鐘就有位，感覺無咁痛苦😂 （雖然要等咁耐都係好無奈），重點係已經係平日下午嚟，其實佢全日無間斷都係排隊既，無耐性真係唔好挑戰，因為坐得低都重要等有得食，要食個pancake，等25分鐘係基本，鍾意食呢啲嘢既人應該唔陌生。有幸今次坐到窗口位，但係呢段時間應該慣堂落簾的，所以有冇景都無分別喇。我叫咗白朱古力草莓疏乎厘班戟，呢個好明顯係打卡用，要自己拉起營造熔岩效果，外型已經好特別，味道都唔錯，以為白朱古力好甜，原來都唔甜，加埋士多啤梨一齊色感覺好清新。捐軟綿綿嘅忌廉口感好豐富，入邊一家有少少白色朱古力脆粒，對比感好強，期間限定值得試吓。…查看更多

開咗咁耐都無嚟過，今日好順路嚟食下茶餐。下午茶時段唔算多人，員工見到我都主動招呼，佢地有聘用特殊人士，顯然見到客人會有啲緊張，但我覺得佢地都好有禮貌好細心，安排座位，送上餐牌服務好好。環境係日式大地色舒適佈置，有大量梳化位，空間感十足， 非常寬敞，員工人數亦較多，亦主動招呼。地方寧靜寬敞舒適，坐得幾舒服，都幾適合三五知己下午嚟呢度坐吓傾吓計，佢哋亦都有cake set供應。餐牌係港式餐廳食品，我叫咗西多士，西多整得幾好食，包與包中間有厚厚既花生醬，用餐擺盤精緻，西多配上蜜糖，食材用料唔差。跟餐配餐飲，我叫咗杯熱咖啡，黑咖啡亦配上打熱咗既奶，好有heart。社企都有社企既實力，並唔會差得過一間高級西餐廳。我都忍唔住寫個食評，希望會有更多人過嚟幫襯支持下佢哋。…查看更多

去到銅鑼灣想食碗拉麵，第一時間梗係去登龍街，揀咗幾間都食過，就係呢間未試過，而且冇乜人，冇用安心出行，店舖提供表格，填寫完放入收集箱。店員招呼正常，堂坐客都唔算多，我揀咗一個四人位，中間有膠板，坐低之後店員亦有送上一杯水。店舖環境一般，都係傳統拉麵店嘅格式，呢間舖頭已經開咗一段時間所以感覺都有少少舊。其實餐牌都幾多選擇，又有豬骨湯又有雞湯，我最鍾意食黑蒜油，就揀咗黑蒜油拉麵，拉麵有得揀軟硬度亦都可以揀幼麵或者粗麵。以上嘅選擇都可以喺表格上自己填寫然後交俾店員，就會幫你落order。本身我碗拉麵只配有一隻好細嘅鵪鶉蛋，所以我另外加咗一隻蛋，碗麵嚟到啦，感覺有啲怪，並唔係傳統嘅拉麵款式，上面有好多芽菜，而且配有部份青菜，我叫咗正常size但係本身碗麵都算大碗，麵條好多，幼麵OK幾好食，亦都係我想要嘅軟硬度，湯嘅黑蒜油味都好重，但係就覺得湯底唔算好清甜，反而覺得好重味精，鵪鶉蛋嘅味道幾好食，反而我另外加嘅隻蛋就唔太糖心，可能係煮內咗。叉燒只係得塊 ，而且比較薄，不過食落都係嫩口唔算好「鞋」。整體來講感覺一般，食物我覺得還可以，不過可以再煮得好少少，大家可以自行衡量。…查看更多

疫情影響，嚟到店舖都唔算好多人，我自己一個人去，去到就有位，可以選擇吧枱，服務員都好友善，坐低就已經叫咗柚子拉麵，聽講喺呢度王牌主菜，第一次嚟就即管試吓。拉麵嚟到啦，外貌同普通嘅拉麵都差唔多，不過就有一陣香香嘅柚子味，我覺得女仔會比較鍾意食，食落去感覺好清新，我幾鍾意佢嘅拉麵，係幼身啲嗰一種，食落係好彈牙，亦都有拉麵嘅口感，碗麵嘅表面放有紫菜，亦有幾片叉燒，叉燒厚度適中亦都好Juice，估唔到除咗聞到柚子香味之外，食落去都係一樣咁清新，本來以為覺得怪怪地，但係呢種感覺我從來都未食過，食完仲飲咗好多湯，感覺一啲都唔肥膩，我都算係第一次食到咁嘅拉麵，真係好特別，值得一試嘅。…查看更多

難得星期六得閒，諗住去食同一條街好出名嘅座X食個麵，但係因為太多人排隊，泊車又唔可以太耐，唯有速戰速決，喺隔離幾間舖度搵到呢一間，見門口店員好熱心介紹，而且都有我想食嘅拉麵，所以就坐低咗。環境都係傳統嘅拉麵舖頭特色，入面有電視播緊日本綜合節目，旁邊亦都有一啲特色嘅人物簽名板，感覺都幾似係日本食緊拉麵嘅。我叫咗醬油叉燒拉麵，份量都幾多，拉麵質地比較爽，湯底比較鹹，不過係下常口味，叉燒有驚喜竟然有5塊咁多好多塊，係我食咁多間拉麵用呢一個價錢有咁多塊叉燒，感覺都幾滿足，而且叉燒整得幾林幾入味又唔乾。我最鍾意佢隻糖心蛋，入邊好軟滑，製作時間啱啱好。整體嚟講，食物環境都幾滿意，而且服務好好，唔明白點解個個都排隔離但唔試下呢間，可能因為呢間店食物太多選擇，除咗拉麵仲有其他便當餐，相對地感覺冇咁集中，少咗一種特色，但係見到真係由日本人經營，就覺得有一種毅力同誠意，希望之後可以越做越好，可以多啲人欣賞。…查看更多

其實平時都有幫襯開，不過要特登過海去尖沙咀食，而家喺銅鑼灣開店，仲要開喺波斯富街，好開心超級近，以後唔洗特登去咁遠都食到喇。新店好闊落，唔迫，坐得幾舒服，最重要係我只係買杯嘢飲都可以坐低慢慢飲，服務算唔錯，先俾錢後入座，堂座會比一個膠牌你，店員準備好之後會將食物送上，又唔使十1我覺得幾好。尋日食到好飽冇點到芋圓，只係叫咗杯芋泥牛奶，呢個飲品係我超級大愛，每次去尖沙咀我都會買一杯外賣，芋泥超香滑，唔會整到好甜，未試過堂飲，估唔到賣相咁靚，個杯仲有金邊，可以見到芋泥同埋鮮奶比例超級好，$29呢個價錢可以坐低慢慢飲唔錯，況且而家疫情喺街度飲嘢都唔係好方便，有得堂飲唔錯。下次留肚試吓佢哋其他甜品，睇吓係咪同尖沙咀嘅水準一樣先。…查看更多

純粹路過，又好肚餓，見到佢新開，又咁啱想食海南雞飯，就膽粗粗試吓。先講服務，基本上好似冇乜招呼，我喺門口等咗好耐，完全冇人理我，眼見有好多侍應行嚟行去，但又唔知佢係點，企左3分鐘都冇人招呼，門口個收銀姐姐似係見到我但係又冇諗住幫我咁，我自己主動問佢係咪自己搵位，先知原來自己入去就得，雖然佢都有放溫度計喺門口，但係疫情底下有呢類安排感覺莫名其妙，而且冇人帶位感覺戇居居，點解會好似快餐店咁嘅呢。希望佢地之後會有待改善。我都係搵個位坐低已經即刻諗住order，點知舉手舉左成分鐘都冇人理我，同一樣道理有好多侍應行嚟行去佢哋好似見到我但又唔係好想理我咁，點解唔可以主動啲？我只不過係想叫個海南雞飯同拉茶，好簡單姐，我又唔係麻煩食客，不解。講返嘢食，我覺得海南雞係幾抵食嘅，雖然佢價錢唔係平都要$88但係就好多雞肉，食落去都唔鞋口，而且本身有少少汁煮，味道可以。我最鍾意佢配上嘅三種海南雞飯汁，個薑蔥油加咗砂礓，點完好似食咗砂礓雞感覺好正，過油飯賣相OK，識落係有少少油溢味明點解，但係都好食嘅，至少係熱辣辣。加$10叫咗杯拉茶，拉茶幾好飲，幾正宗不過就冇上次我去馬來西亞餐廳飲嘅咁重味，覺得可以再好啲。食完之後先知係某大集團嘅新品牌，之後諗返就明白點解佢哋嘅服務會咁，大家可以留意下。…查看更多

其實以前喺ELEMENTS嗰陣我已經成日去食，佢整嘅班戟好穩定，味道好好配搭嘅食材亦好多。確實佢嘅西餐我就冇乜意見，但係班戟佢整得幾好食。 以前地方環境舒服pancake又有水準。今次就嚟搬咗舖之後試下重係咪一樣咁正。Banoffee Crème Brûlée Pancake 🥞🍌🧈好驚喜，估唔到佢可以係軟林林嘅梳乎厘班cake上面做Crème brûlée既焦糖面，脆卜卜，入面重有好多吉士醬同香蕉🍌，口感好豐富，食晒成份都唔覺膩，加埋嗰個cream是無敵，肥到爆炸，但我無理lu😂我叫咗杯flat white，咖啡就唔特別的，正正常常入口ok 但唔苦澀，似澳洲風味。服務佢哋算係唔錯，主動為你點餐，而且好快手，呢part我無乜意見☺️註：今日真係好想食疏乎厘班戟，一心去觀塘新開嗰間人氣餐廳，但實在太多人，因為時間嘅關係，我放棄排隊了。結果都係去返一間比較少人啲嘅，少啲人食唔係代表佢唔好食，可能係未有人識得欣賞佢。😄…查看更多

已經唔係第一次嚟幸福班戟，今次終於都係一個人利息，其實我覺得呢間鋪嘅位置幾好，唔算太密集，又唔算好多人，行入嚟完嘅時候其實又有一種好chill嘅感覺。今日係星期四下午2:30 pm，其實以前感覺佢都會好多人喺度排隊，唔知係咪因為疫情嘅關係，人流真係減少咗好多，基本上一去到已經有位，完全唔使等。之前嚟嘅時候平日都有好多人，特別係星期五，真係今時唔同往日。見到餐牌，其實對我來講已經好熟悉，因為已經唔係第一次嚟食，今次想靜靜地食一個原味班戟，另外叫咗一杯mocha。當我以為仲要等好一段時間先有，就拎支酒精紙巾出嚟清潔枱面同手啦，都未清潔完，我個班戟已經到咗，由落單到嚟到只係用咗3分鐘，點解會咁嘅呢，我估佢哋係不停生產，但係又因為太少人嚟食，似乎係冇乜人order，所以我好快就已經有得食。心情有啲複雜，平時覺得要等好耐先有得食嘅嘢忽然間可以即刻食到好似唔係好抵咁，點解會有種咁奇怪嘅心態呢。講返個pancake，當然原味仍然都係最好食，不過嚟到嘅時候未嚟得切影相，上面舊cream已經跌咗落嚟，應該唔關佢事嘅，主要係個pancake熱，Cream好快溶化，不過都無損佢本身嘅味道，佢哋嘅Pancake係做得好好，好實在有質感，但係又會好鬆軟，賣相同水準仍然一流。杯摩卡就普普通通，冇乜特別，有個拉花咁。講返環境本身，因為而家疫情限制店內座位數量，相對地坐得舒服，我幾鍾意佢哋比其他人睇到佢哋嘅製作過程，因為廚房係玻璃相隔，唔係遮遮掩掩咁樣。店員普遍都係友善既，不過唔知係冇乜客定係點呢，我覺得冇之前咁熱誠，希望佢哋嘅水準可以一直保持落去啦。…查看更多

🇲🇾Nashi Lemak 烤雞髀🍗飯疫情下好多食肆都做唔住，但係偏偏呢啲時候，蘇媽就係咁開舖，嚟到銅鑼灣門口都排晒隊咁。我一個人食，等咗一陣有位了。叫咗餐牌上既雞肶飯，我係為咗食綠色💚飯入咗嚟，隻雞髀🍗幾好食，好香脆既皮，肉又夠入味，其實我最鍾意個辣醬，好有馬拉大排檔食野既感覺，同埋啲魚仔花生，好夾。再叫咗杯拉茶，印象中我喺馬拉都飲唔到咁好味既拉茶，杯面重有好多熱泡泡好得意，趁熱飲咗啖，好正。待應好好人，即叫即到，幫到你。邊食邊諗，確實係有啲想去旅行，因為三年無出國，究竟幾時先可以有轉機😂太飽，下次先食多士。…查看更多

尖沙咀飲品店其實好多，估唔到上咗商場都有間咁好味既，重要咁黃，而且眼見都幾多人買，難得難得。因為喺樓上食完拉麵太飽，諗住買杯野飲當甜品，落幾層就見到呢間飲品店，幾十蚊杯野都有啲位坐下，唔洗邊行邊飲咁徬徨。叫咗杯招牌麻薯芝麻烏龍奶茶，賣相勁型，潑墨造型好正，飲落去好濃好香芝麻味，口感好好，但又唔覺得係好肥好甜嗰種，整體幾好，有驚喜。不過服務員唔係好夠笑容，好cool，唔知係咪做咗成日太攰定點，除咗杯飲品型之外，估唔到連服務態度都咁有性格😅…查看更多

話說呢間人氣班戟店，夠晒正宗日本感，令到一眾班戟控趨之若鶩，我都唔例外，就簡個平日嚟食，唔想同人迫🤪 MegaBox位置其實本身就唔算就腳，不過呢間Pancake店喺一樓，都算易搵，而且有少少玻璃窗位，高樓底，都算幾舒服，店員禮貌服務，整體感覺滿意。平日下午嚟到，大約3:30pm 唔算多人，不過都有啲人喺度食緊下午茶，飲下咖啡傾生意咁。睇一睇餐牌諗都唔諗，就叫咗太陽蛋🍳梳乎厘班㦸🥞，真係好得意，班㦸質地比其他品牌嘅梳乎厘班㦸實淨啲，不過好重蛋香，白色嗰啲係cream，蛋黃整得好真，我覺得味道可以喎，其實佢諗到咁整都幾有趣呀，我成個食晒🤣 好明顯係要狂打卡產品，我欣賞佢有新意，夠特別，整得靚，而且仲幾好食。另外叫咗杯rose latte 🌹🥛，賣相唔錯，秋天飲rose latte 覺得特別浪漫😌奉勸大家，唔想排隊，不如試吓都係搵日平日嚟食啦。…查看更多

食過咁多間Pancake，仍然冇忘記過呢一間最食得出日本風味嘅店，雖然環境冇而家新開嘅Cafe咁靚，不過佢都係曾經日日排長龍嘅人氣pancake店。能夠吸引到我食完再食嘅原因，只有一個，就係佢哋用嘅材料仍然好有質素。宇治抹茶cream 香濃，配紅豆同綠茶雪糕，最鍾意係抹茶糖漿，蕨餅好煙韌，Pancake口感最細滑，不過影影下相冧咗😂😂😂，可能真係太軟熟。抹茶🍵雪糕好濃好滑。相比起其他店，食得出佢既蛋香同奶香，賣相亦都唔輸蝕，好睇好食，永遠唔失望。…查看更多

又一個好想食pancake既下午，諗住去銅鑼灣食，第一時間都係諗起flippers，先唔講顏色，其實佢做得唔錯既。叫咗期間限定既栗子🌰味，有糖漬咗既栗子好甜好淋好香栗子味，另外佢地用栗子打咗一半cream，一半原味cream 一半栗子cream，幾特別，如果再濃味啲會更好。碟上配上一小杯好似紅桑莓既jam，可能佢地怕太甜太漏，所以配上呢個酸酸既jam，我本人就覺得一般，因為太酸...😅另外叫咗杯綠茶沙冰，飲落係milk shake，幾creamy，杯頂有cream，topping重有綠茶餅碎，幾細緻，整得幾好。環境方面都無乜改善，始終係無窗既餐廳，點攪都係好似臨時搭建咁，都幾年了，唔知佢哋有冇諗過搬地方。不過fair啲講句，今次食好大驚喜係服務變得超好，店員好有禮貌已經唔再黑臉，覺得好高興見到佢地咁大進步，希望繼續keep到啦。…查看更多

食蛋🥚專門店!?去咗新嘅商場北角匯，星期五下午3:00去到，人唔算多，即刻有位😁，服務員好多，態度亦友善，服務唔錯。環境感覺好係傳統集團式經營，全店黃色為主，有啲似快餐店感覺。下午茶時間，散叫咗幾樣食物：-焦糖蜜桃🍑梳乎里班戟🥞係好有蛋香，但賣相唔算好靚，相比其他梳乎厘班戟專門店無咁實在，比較濕同林。不過味道ok。玫瑰🌹熱朱古力🍫自己鍾意玫瑰花味，就算明知係糖漿，我都OK，陣味同朱古力都幾夾，我覺得可以。滑蛋豬扒飯🐽🍱無乜特別。😅明顯我地係叫錯既，因為見人地嗰個蛋包飯其實整得幾靚。黑松露醬薯條🍟呢個比較失望，雖然薯條炸得幾好食，但個醬並唔係某幾家店所出現既黑松露，而係得少少味既沙律醬...好普通。菠蘿🍍梳打🥤味道清新，賣相唔錯。總括而言，餐廳其實無乜問題，只係感覺普通唔算好特別，或者下次食返佢地招牌菜再為佢平反。☺️…查看更多