angelcs's Profile

今日天氣凍凍地，去食碗粥暖吓個胃。最後就揀咗旺角出名老字號——盛記粥麵。大大碗軟綿綿入味粥底，大大杯薏米水，非常抵食。食鋪頭喺旺角馬會對面，好易搵。雖然鋪唔大亦唔起眼，但好旺場。🍜 今次餐單：頭抽蝦籽撈麵：蝦籽份量勁多，香氣十足，啲麵彈牙。雲吞湯飲完之後唔會過份口渴。如果麵加返少少油應會更滑口。海蝦艇仔粥：粥底既入味又滑，粥底厚哋厚，食到尾唔會太出水。唔係死白嗰隻，入面有魷魚，花生，肉絲、有菜、有蝦。個人希望加少少豬皮仲好。炸兩：皮少少滑同薄，但入面油炸鬼脆卜卜。唔會似我以前食過D炸兩硬掘掘。會建議大家嗌一碟。鮮蝦腸：食落唔似雪藏蝦 ，入口彈牙。一條腸粉有兩隻蝦同韭黃。皮薄得嚟都好滑。桑寄生蛋茶（熱）：當初嗌完即時後悔，因為諗住嗌凍嘢飲，望到隔離成杯滿滿薏米嘅薏米水。 但夥記話食完有益有冇理由叫人換㗎，唯有照食囉。但最後都冇嗌錯，味道甜甜地，越食越好味。凍檸檬茶：正常發揮，幾大杯。整體食物水準高，出餐快，粥大大碗，份量足秤。性比較高。因店鋪細，人又多，要有心理準備好大機會要搭枱，大部分光顧食客為國內人士，當然都有本地。下次去就一定會嗌薏米水。…Read More

銅鑼灣時代廣場附近穿過一條比較窄嘅行就會去到一條食街。平時鍾意喺嗰度食拉麵，今次轉移目標試下味一食堂。有水準嘅食物加上認真嘅服務態度，咁先似樣㗎嘛。今次叫咗兩個晚餐定食：🍖 厚燒牛利定食配白飯、味噌湯、前菜、漬物同蒸蛋。牛利煎得香口入味、肉質爽口彈牙，配埋凍檸茶。牛脷配上醬汁同新鮮檸檬汁更入味。本身唔太鍾意食牛脷都覺 。茶碗蒸蛋味十足，連埋一隻大蝦。另一位朋友唔鍾意食茶碗蒸今次就竟然食。味噌湯一般正正常常味道。潰物都幾爽口。🐟 銀鱈魚西京燒定食 同樣配齊日式小食set，銀鱈魚西京煎得少少鬆脆，魚肉鮮甜滑溜。入面就咬味噌香氣濃郁，難怪係佢哋嘅招牌菜。個人鍾意食煎銀鱈魚試過好多間食肆。 Yummy house嘅銀雪魚係值得推薦。Yummy House 裝修簡約優雅，牆上有幾幅日本畫。餐廳播柔和鋼琴純音樂，氣氛舒適 。🎶 整體食物質素高，價錢合理。經理唔會揼低我哋唔理，食到中途都會問有冇啲咩需要或者味道係點。食物CP值相當唔錯。餐廳乾淨、服務又好，用餐過程暢順。穿過一條比較窄嘅行就會去到一條食街。平時鍾意喺嗰度食拉麵，今次轉移目標試下味一食堂。有水準嘅食物加上認真嘅服務態度，咁先似樣㗎嘛。…Read More

屯馬線沙田圍B出口附近嘅金沙角美食小廚大排檔風味鑊氣十足。好多街坊幫襯之餘仲有各區嘅食客特意品嘗。食客唔使熱辣辣坐喺室外食塵，大排檔貼出好多手寫餐牌（好彩手字睇得到）、一個中型海鮮魚缸、啤酒推銷女郎、平日去氣氛唔錯。🦀 金沙蟹（鹹蛋黃炒蟹）少數地方能夠點到嘅美食，餐牌見到眼前一亮，即點嚟試下。肉蟹大隻厚肉嫩滑，鹹蛋黃炒得香口又入味，而且係流質，唔係一舊舊，考大廚功力。喜出望外，絕對推薦，值得一試，嚟緊會再encore.🦪 粉絲蒜蓉蒸扇貝 自己一直鍾意食嘅菜色，所以會點。味道唔錯，唔多油，粉絲面去到淋，略嫌棄少硬，可以再蒸耐啲。唯一問題係扇貝脫落時並未有一嚿細嘅肉黐住喺塊殼度。🫛 豆豉鯪魚炒四季豆四季豆都係我鍾意食嘅菜色。而呢碟四季豆材料非常足，超多豆豉鯪魚。我已經盡量夾多啲豆豉鯪魚但仍然去到尾聲時都仲有好多。四季豆炒得夠香又惹味，完全唔慳料。🐟 椒鹽白飯魚一般大排檔都有椒鹽九肚魚，但白飯魚就唔係度度有。椒鹽味未夠重，但勝在炸得脆同薄。🪿 豉油皇鵝腸份量十足，味道濃郁。鵝腸爽滑。💰 埋單大約 $650，兩人食到好滿足。隔離枱亦有20人幫襯。唔多遊客，大部分街坊生意。好過有次去港島區熟食檔食咗八百幾蚊仲要唔飽唔好食。金沙炒蟹已經值回票價。…Read More

🍜【荃灣貓貓拉麵推介｜友拉麵】係荃灣搵食，發現滿滿貓貓佈置而拉麵又好食嘅小店——友拉麵😽。 今次餐單：黑蒜油拉麵（曲麵／硬麵）：湯底香，黑蒜味惹味突出。拉麵爽口有咬感，火焰叉燒大大塊，有大塊味付，一條粟米芯，溏心蛋同木耳，多餸得嚟份量足😆。櫻花蝦拉麵（直麵／普通硬度）：滿滿櫻花蝦，配搭入口軟綿綿嘅慢煮叉燒同每啖都鮮味十足嘅湯底。同黑蒜油拉麵一樣都有一隻溏心蛋同爽脆木耳絲。炸棒棒餃子：個人鍾意皮薄，所以呢碟餃子符合口味。雖然比較少食炸嘢，但希望今次啲餃子可以再炸得脆口啲，就會更加好食。餃子餡味道大致同出面其他餃子差唔多。希望會加埋軟骨落去就就更加完美。（不過咁樣就變咗炸棒棒軟骨餃子啦😂）友拉麵食物嘅份量非常慷慨，係正常size嘅 1.5倍。兩個女仔食到好滿足，價錢唔貴，好抵食。如果食得唔多嘅話食到七成先至再決定嗌唔嗌小食就唔會浪費啦。拉麵店喺細商場入面，由荃灣天橋要經過一連串商場同食肆，記得保持定力去到拉麵店😉。個人最鍾意店舖有好多可愛貓貓裝飾😽，不防影相。其中有啲相係店主嘅貓貓添😻當日晚上全餐廳滿座，好彩唔會趕客限時。不過放心，又唔會等好耐。…Read More

今次推介旺角嘅放題餐廳——御滿屋 主打日本料理。 大眾化美食，最啱一班人去，總有嘢啱食，最緊要係個個啱食唔使諗，地點又方便。📍 御滿屋日本料理（旺角）地址：旺角彌敦道655號胡社生行1樓（雅蘭商場側對面）電話：3622 3338 / 3622 3336💰今次揀咗 $288 A組合放題，最吸引一定係有大日本長腳蟹🦀。🍣新鮮又爽甜。 刺身有三文魚🐟、油甘魚、甜蝦🦐、池魚、虎蝦、 象拔蚌、同我最鍾意嘅希靈魚等，選擇非常多。貝殼類種類齊全，熟食方面都有唔少驚喜，包括串燒🍢、牛舌、雞軟骨，味道都唔錯。另外仲有各式🥗沙律、 🍉生果冷盤小食如魚皮。炸物🍤又點會少得？🥟有炸雞翼、炸雞球、炸生蠔，全部可，以自己拎。 湯品包括蟲草花煲雞，人蔘雞湯。餐廳仲特別提供中式菜式，啱晒一班朋友口味唔同。飲品成個雪櫃任你拎，啤酒🍻同燒酒🍶任飲，仲有汽水、檸檬茶、韓國汽水🥤同台灣🧃飲品。甜品都相當豐富， 有布甸🍮、蛋糕等。成個冰櫃🧊裝滿，雪條，Mövenpick雪糕🍦，成餐都食得好滿足。 落單嘅食物都好快送到，效率高，雖然有機會漏單，但情況唔過份。 環境寬敞，唔使逼埋一齊炒埋一碟。 當日唔算嘈，傾計輕鬆。 侍應服務態度唔錯。另外餐廳加設榴槤放題，不過個人就唔鍾意食榴槤。😅…Read More

尖沙咀山林道不嬲都有唔少餐廳。今次去「意式輕鬆」，環境舒適，走少少文青路線，用咗大地色系嘅裝潢設計。食物定價合理，（ 條魚好抵食）啱朋友，情侶聚餐。🍽 今次餐單：🍲 南瓜湯＋沙律＋餐包南瓜湯香滑濃郁，唔會太甜。沙律蔬菜 新鮮。餐包熱辣辣，外脆內軟，配湯一流。[IMG:13]主菜：1️⃣ 燒原條石斑魚配秘製香草汁原以為好似龍脷柳 嘅份量，結果…… 一整條石斑魚上枱！賣相夠晒震撼😂 魚肉嫩滑冇腥味，魚皮煎得好香，加埋香草汁同配菜，喜出望外，極力推薦。2️⃣ 香煎北海道帶子配南瓜忌廉意大利飯帶子外脆內嫩，入口鮮甜，南瓜忌廉醬汁香滑濃郁，意大利飯米芯嚼感啱啱好，配搭和諧。小食：🧀 焗芝士安格斯牛肉墨西哥玉米片玉米片焗到香脆，芝士香味濃，配埋安格斯牛肉好滿足。每啖都有醬汁同芝士拉絲效果（見圖😂），份量唔吝嗇。🥤 凍檸檬茶， 桂花綠茶檸檬茶中規中矩，桂花綠茶清香，清清地都唔錯。其實 餐廳 有好多唔同飲品。📸 環境＋服務：意式輕鬆文青風裝潢＋大地色系，啱打卡影相。年輕員工好有親和力，傾得埋，感覺好輕鬆。 整體餐廳內嘅音量視乎在場其他客人會唔會嘈， 咁就要睇彩數啦。💬記得一坐落快啲嗌咗條魚先，因為要等。 之後先慢慢嗌其他嘢😜。 兩個人以上餐單都好滿足了，份量唔會少。 慢慢坐，唔會俾人趕。鍾意亦都可以同店員交流，佢哋好樂意講點煮嘢食。 服務態度都好，輕輕鬆鬆唔會拘謹。 唔使嗌到成張枱都係，都可以食得飽嘅西餐廳。🐟記得叫魚🐟🐟記得叫魚🐟🐟記得叫魚🐟…Read More

🥩【太子懷舊扒房】金翠餐廳｜60-80年代味道＋打卡必到。屋企人話以前鋸扒係好貴，出嚟做嘢先第一次鋸扒。 如今好多餐廳可以鋸扒，價錢平民化。 太子嘅金翠餐廳擁有濃濃懷舊味嘅港式扒房。成間餐廳裝潢有60-80年代感覺，仲有少少九龍城寨嘅氣氛。影相打卡一流，坐低已經感受到滿滿港式情懷。🍽 今次餐單：1️⃣ 鐵板豬扒餐熱辣辣鐵板送上枱，香味撲鼻。有兩種醬汁選擇即時喺食客前淋係扒上。 平時打嘅我覺得豬扒煎得香口多汁，入口鬆化。有傳統港式扒房味道。2️⃣ 芝士焗龍蝦海鮮飯半隻龍蝦上枱，賣相超澎湃！芝士焗到金黃拉絲，元貝大粒，配海鮮飯真係邪惡到不得了， 相對非常飽肚。🥖 餐包＋ 羅宋湯跟餐嘅2個餐包熱辣辣，配埋兩碗紅湯，經典配搭。湯底濃郁，唔會太辣。🥤 飲品：凍檸檬茶＋凍杏霜🍮 黑加侖子味啫哩啫哩用懷舊不銹鋼（應該係？）啫哩杯盛載， 花奶淋面。😍📸 環境特色：裝潢走懷舊風，有強烈嘅60-80年代香港感覺。餐廳內有歐陸色燈柱，廣告燈牌，懷舊扭彈彈波機，成排啷啷。收銀處佈置似舊式士多。打卡出嚟好特別，一秒帶穿越時光。💬 感想：金翠餐廳唔單止食物有水準，環境仲好有特色，係一間融合懷舊同地道港式扒房味道嘅餐廳。下次想搵個地方食扒、影相同歎懷舊氣氛，不防去試下。…Read More

第二次嚟旺角上海街頂樓呢間蟲二， 仍然保持高水準美食 蟲二由做pancake起家， 固然pancake好食，（上次食過）但今次就唔試pancake，食其他嘢。今次餐單：🍱 一汁三菜配汁燒三文魚燒得啱啱好嘅三文魚外脆內嫩。配埋三款小菜、白飯同熱熱地嘅高湯，簡單但有質素。 注意三文魚係 魚鰭（ 胸鰭）位置， 前部分有肉，後部分比較多骨。🍜 半湯豚肉冷烏冬夏天食就一流。烏冬爽滑冰涼，豚肉鹹香啱啱好，食落開胃，打卡又好睇。🥤 柚肉檸檬蜜梳打柚子加檸檬嘅清香，又有汽水嘅刺激感，飲完即刻refresh晒。🍰 Tiramisu Cake層層口感細膩又唔會太甜，食完主菜加返件甜品收尾就完美。📸 環境／影相打卡位：📍 室內裝修清雅，燈光柔和，富文青感，影人影食物都一流。🌇 天台戶外位可以望晒成個旺角景，夜晚影相靚同浪漫感。…Read More

Mobin主打多國菜式，帶啲墨西哥風味嘅Mobin 位於佐敦逸東酒店地下。喺油麻地同佐敦地鐵站兩站之間，全程平路，唔會行得辛苦。個人認為係彌敦道個邊進入就最方便。今日食咗4野樣，各有特色。『前菜』三文魚牛油果醬他他配玉米片牛油果醬口感厚creamy同滑，配上新鮮三文魚粒。新鮮整嘅玉米片, 熱辣辣脆卜卜。『主菜』8〞墨西哥蕃茄芝士脆批(雞肉) 今次想試墨西哥菜，所以叫咗個脆批。口感似Pizza，脆卜卜，雞肉鮮嫩。 『主菜』法式紅酒燉牛肉意粉 紅酒燉牛肉，勁鬆軟。牛肉超入味，完全品嚐到紅酒嘅甜。意粉都唔會太硬或軟，十分爽口。『飲品』青檸薄荷氣泡水今次想試清新嘅飲品，叫咗氣泡水 ，成杯飲品都足料。不過食唔到少少草，葉味嘅嘅就叫另可D嘢飲啦。（我連崩大碗都得，所以呢杯好好飲）另外Mobin有靚BAR枱，專業調酒師，有書讀，可以打卡，望住出面嘅街景放鬆下。…Read More

成間店由頭到尾都係貓貓：碗、筷子、托盤、檯面，全部都係貓貓圖案 😺🍜 特製牛奶拉麵湯底香濃帶淡淡奶香，唔會膩，仲有印有貓貓樣嘅鳴門卷， 搞到唔捨得食。🍜 特製黑醬油拉麵黑醬油淡淡香味，麵質會較為煙韌，一入口就知道係有心機之作！都有貓貓鳴門卷！仲要係唔同樣嘅貓貓！🥤 特製草莓椰果梳打成杯Cream都好靚，用嚟打卡一流。草莓味香甜清爽，入面仲有啖啖椰果，飲落好解渴。🍑 特製白桃烏龍奶茶特別嘅fusion飲品，白桃甜香同烏龍茶味平衡得好，感覺清新。🍨 三色芭菲三種口味＋層層配料，可打卡，食落甜而不膩。🐙 章魚燒外脆內軟，口感唔錯，係拉麵以外飽肚小食。全間店都係mofusand嘅貓貓插畫，啲碗碟、檯面、牆身，甚至menu都係貓～影相位多到唔停得手。另外仲有Mofusand 拉麵碗，tote bag，扣針等可愛商品可以換埋返屋企。…Read More

【 深水埗人情味車仔麵 】具有人情味嘅店舖賣少見少， 就算連小區社區餐廳都未有。 家庭式經營嘅聚來車仔麵先劇透 —— 阿華田 花生西多士意外地係重點！深水埗呢間由一家人打理嘅小店雖然位置唔係地鐵直出行少少說到，但有佢嘅魅力。食飯時會見到老闆同家人喺度招呼客人、仔女坐埋一邊做功課，有講有笑，好似去咗朋友屋企食飯咁。只要食客問問題，老闆們就會開「傾計模式」。😂🍜今次餐單：🔸 車仔麵：牛筋、牛柏葉、白菜餃、豬紅、黑木耳、蕃薯粉、瑞士汁牛筋同牛柏葉得入味，木耳爽脆，白菜餃皮薄餡靚，蕃薯粉少彈牙🍜🔸 第二碗：豬大腸、鹵水雞臀、魚片頭、炸魚皮、生菜、河粉、腩汁豬大腸爽唔羶，炸魚皮酥脆，雞臀鹵得入味，河粉吸腩汁。🥤 凍檸茶（兩杯）🍞 阿華田花生西多士 無意之中牆上嘅 西多士海報覺得幾吸引，所以就嗌。外脆內香，重點係中間夾咗暖笠笠嘅流心阿華田醬，加埋花生醬，甜而不膩，咬開會爆醬，唔好太熱食。 車仔麵店冇諗到重點去咗西多士😂。下次經過深水埗，記得入去坐低食碗麵，飲杯凍檸茶，再嚟件阿華田西多士， 同老闆們傾計，就會明白「有緣相聚，歡迎再來」。…Read More

間店喺個唔起眼嘅位置，要上樓梯，係閣樓有間華記潮州滷水車仔麵值得推介。餐廳乾淨企理，無一般街坊車仔麵店咁污糟。蝦餅用原隻蝦同蝦肉醬做，底面會有一片雲吞皮。食落係脆卜卜，咬落去啖啖蝦肉 。唔似預炸再翻熱。生腸爽口唔腥，醬汁有啲豆瓣醬味，惹味開胃，但有啲辣。 滷水牛雜河嘅湯底，個味香得黎唔會太鹹。牛雜新鮮無羶味，啖啖滷香，河粉夠滑。豬紅＋金錢肚＋魷魚+ 烏冬。全部配料都好爽又入味，豬紅唔腥好滑，而金錢肚處理得乾淨。魷魚比較淋個人就唔係太鍾意， 但至少唔會韌到咬到牙痛。值得一提係啲伙記非常爽朗隨和，唔係平時茶餐廳預咗 有唔好嘅服務態度。…Read More

Asked for two cups of water with ice for 5-6 times. Waiter delivered it to the wrong table, hence order again.  It never arrived. They know my companion so once he joined they delivered the cold water right away. (that means they ignored my request).Ordered a dish of fried rice with shredded chicken. It's OBVIOUSLY overcooked to the level you can TASTE and SMELL it. The rice also appeared black in color, I requested to change but my companion asked to remain silence and ate the dish. (Honestly I really want to vomit, the taste is so bad!)Not to mention the rice bowls are not clean, it's with food leftovers stuck on it.  Thus there are obvious black dust/dot thingys in the cup of ice honey grass.It's just purely disgusting.I can't even believe how my companion said he dined there for MANY TIMES with his gf!Some male customers will even take their tops off because it's hot. Unless you are looking forward for worse than pig meals rotten on dirty dishes, I suppose grabbing a piece of bread instead works better than going there to eat.…Read More

之前食過都唔好食,俾多次機會...午餐set lunch 叫炭燒香茅雞翼湯河:1.轉金邊粉照俾河, 同佢换.2.33 收加一,service 唔得3。返回來嘅粉係硬，末熟, 同佢地講竟然回覆係爽！！！！4。雞翼兩小隻，惨過小朋友食嘅size ,仲要overcook (lon)5.涷飲加$8! 唔係一般$2-36。雞湯冇味7。D菜係啡黄色…Read More