有了你開心D's Profile

上水街市小菜第一次黎上水街市食小炒，都係叫例排幾味，京都骨、青檸雞、金銀蛋時蔬，比較特別係原來有幾間餐廳夾埋都可以叫，泰國料理既咖哩蟹農夫包，咖哩味幾濃，個農夫包都做得唔錯，不過食完好滯！鵝片,打冷先食到既野，都幾好味！肉唔會太韌！炒花甲唔係好夠鑊氣⋯失望⋯街市環境真係幾差，上菜來的菜少少凍左，而且周圍好嘈，唔係適合聚會傾計既地方。…Read More

公司聚會選擇了花月庭，當然充滿期待咁去，記得好幾年前，同朋友成日都去食，甜品都主菜選擇都好多，頭盤主要係海鮮，龍蝦仔、蟹腳、蝦、不過蟹腳唔太新鮮有點失望，有即開生蠔，還可以～沙律吧選擇幾多，特色壽司有波子壽司，（炙燒三文魚壽司），好好味！！不過排隊等好耐～刺身方面都算新鮮，不過選擇唔多，甜品方面勁多，都幾好味！朱古力布朗尼不會太甜，勁濃朱古力味，有movenpick 雪糕（口味很多），棉花糖夠特別，日式和風主題甜品也很多，有waffle，朱古力噴泉⋯數不完，而且refill很快！但認真失望係員工既教育，煎牛柳和煎豬柳係同一個煎pan，血淋淋既牛肉煎完，用同一個煎pan煎豬柳，本身想食豬柳既我為之卻步⋯希望酒店呢方面能得到改善！！整體上覺得退步了～價格亦偏貴～…Read More

話說女友係奇妙處處通會員，今個月自助餐有六折優惠，所以就黎食，食物選擇不多，海鮮只有蟹腳、青口、凍蝦，不過都很新鮮，蟹腳很有鮮味，而且好大隻，凍蝦很爽脆鮮甜～👍🏻👍🏻👍🏻刺生方面只有三種，三文魚、吞拿魚、劍魚，不像一般酒店自助餐要排隊等師父切，係切好自己夾，可以夾好多，而且都好新鮮。熱食方面有燒牛肉、豬、雞、帶子，即炒意粉，點心，都算唔錯～甜品方面全部都好有特色，加入很多迪士尼元素，還有小熊維尼慕絲蛋糕、麵包布甸、焦糖燉蛋、芝士蛋糕，都幾好味！另外都仲有軟雪糕和朱古力噴泉～食物refill速度很快，收碟速度都很快，員工很有禮貌，食得開心又滿足！！唔洗$300真係抵～～～…Read More

第一次發文章，因為對餐廳有點失望⋯家人聚會選擇了怡東酒店一樓咖啡廳，自助餐來說價格唔算平，但對各方面都有點失望，今期主題-和牛壽司（每人限量的），和牛壽司味道尚算不錯，不過飯很大粒。長腳蟹，好淋，好細條，肉質唔夠新鮮（由八點開始都無refill過，賣相有少少差，無人想拎）燒肉眼，不會太韌，味道不錯！龍蝦，可以任食，都幾鮮甜！燉湯，花膠螺頭瘦肉，花膠很軟，但螺頭很韌，湯尚算清甜，尚可！刺身選擇只有4種，三文魚、吞拿魚、蝦、玉子，選擇很少⋯尚算新鮮～甜品選擇不多，而且到了9點居然沒有再refill了，有些就直接收掉，自助餐明明是到9點半的⋯唯一抵讚係Haagen-Dazs 雪糕任食，唯有食多兩杯雪糕充飢！…Read More