nicolecly's Profile

今日在旺角行街，甘啱見到”雞 翼 山”!! 之前在紅磡已經久仰大名，但未有機會試，依家開到嚟旺角T.O.P商場地下，簡直極方便！唔食都對唔住自己啦🤤🤤為左滿足我既味蕾，唔使多諗，直接選擇左set餐$118/12隻 (一次過試3隻味 + 一杯飲品)😙 食之前先聞一聞個味，嘩 已經非常吸引，令人食指大動。•文青風玫瑰: 果然是店內no.1，用食用玫瑰花瓣作裝飾，感覺又文青又浪漫，食落是甜甜的蜜糖味同清新的玫瑰花香味，無論外表還是味道都完全擊中少女心💕•避風塘蒜香: 地道港式風味，將蒜粒炸得勁香，再加上少少辣，辣得好過癮呢😆•港式鹹檸七: 一開始會諗呢隻味會唔會有少少伏呢？但估吾到雞翼同鹹檸七意外地夾，酸酸咸咸好開胃。我最欣賞就係即叫即炸，然後再兜一兜醬料，完全做到外脆內軟👍🏻肉質夠晒juicy。我已經諗定下次試咩味嚕......…Read More

雖然我不是茶道中人，但朋友話想試一試品茶，於是在工商大廈林立的觀塘區，竟然有一間如此幽靜的茶館。茶館裝潢簡約，以木系為主，只放左幾張長型木枱，空間感非常寬敞，環境清靜優雅，加上我地坐近窗邊的塌塌米，看着樓下的公園，感覺放鬆，非常適合放空😌可惜Tea time食物選擇少，只有幾款蛋糕和salad。加上有每人最底消費$80的限制，所以我地就點了2壺花茶和2款甜品。•花茶: 洋甘菊和玫瑰花🌹初嚐茶色會比較淡，而且有淡淡清香花味，再嚐花味更濃，我就較喜歡前者，清一清口腔，剛好可以中和甜品的甜度。茶館始終是茶館，對茶具都特別講究，一見到如此精美的茶杯，有種嘆世界的感覺😌•甜品: 柚子芝士蛋糕和黑芝麻石頭蛋糕🍰原本我是衝著豆腐芝士蛋糕來的，可惜已經sold out😣。幸好這兩款蛋糕並沒有令我失望，造型精緻，打卡一流，味道亦恰到好處，清新的柚子味食落不會太漏。而可愛石頭蛋糕有著濃郁芝麻味，口感順滑，又不會太甜，讚👍🏻兩款交叉食著，剛剛好又夾。最後，整體感覺很好，食客們都悠閒自得，絕對系一個人讓人放鬆的地方。…Read More

近年來，打著冰室旗號的餐廳愈開愈多，但有幾多真的是老牌冰室呢？一看這冰室就知道絕對是老字號之一，由外到內都充滿著濃厚的懷舊氣息，整個裝修從牆壁、窗戶、地面和吊扇都保留著舊式風格。記得以前細個在電影中經常看到這場景。可惜食物就真的只是一般。-黑白涼粉冰: 奶味淡，似乎加入太多水，而且略嫌過甜😥-奶央多士: 正正常常，無什麼特別。-炸脾薯條: 雞脾都幾大隻，外皮亦都炸得好脆，不過似乎炸得有點過，令肉質好乾。雖則如此，但店員姨姨的服務態度卻值得一讚👍🏻笑容親切，在現今冰室或茶餐廳文化中相對地少有。看來這只適合來懷緬香港舊式冰室情懷，食物就真的不敢恭維了。😕…Read More

放假就系可以周圍食好嘢，之前已經心思思想試呢間店好耐，今日終於可以一償心願喇💓天氣甘熱當然先來一杯香芋milkshake🥤，瞬間透心涼，仲食到一粒粒香芋，香濃而又吾會過甜，又吾會太杰！真系師傅明白了😌唔怪得呢間野叫No milkshake no life. 真心正推介主角芝士治一出現，就忍唔住 嘩左一聲紅菜頭多士配上瀑布般的芝士，令整體顏色非常鮮艷，好crazy!!!絕對是IG-able。食落又唔會太漏，但一定要趁熱食哦。雖然極邪惡😈但超滿足！去到邊都要食Fish & Chips既我，黎到呢間都吾例外，比想像中大份，每塊魚都大過我手掌呢🤩就算攤放左一陣都依然脆而不油👍🏻最後，雖然店舖細，座位少，但食物同裝潢都值排隊等😉下次我會黎試埋其他味milkshake !😋…Read More

將軍澳海旁一帶新開咗幾間食肆，星期日下午帶著小狗散步甘岩經過，見到呢間泰國餐廳設有露天座位，非常適合一眾主人和毛孩一同進餐。而且對住海景，環境優美。可惜，呢份美好的心情由落order開始一點點地減去.....呼喚左幾次都冇反應，卻之後俾我捕捉到個waiter好幾次明明見到又扮見唔到喎😑(佢手上無做緊野的!)然後每次問拎水同餐具都要問幾次先比，真系令人好無奈...service方面真系有好大改善空間！至於食物方面，我地點左菠蘿炒飯，望落去色澤金黃，賣相吾錯，不過就飯太淋，炒得吾夠乾身。而炒金邊粉就份量少，錯覺以為自己叫咗下午茶，當時是午餐時間哦！之後還有個黃咖哩，又唔辣又淡味，唉 簡單啲來講又貴又難吃！☹️成餐唯一可取是椰青😂夠清甜。我認為食物就算一般都可以接受，但係服務差就真係會令成餐飯都食得不愉快。…Read More

一件baby blue蛋糕成為最近全港女性熱棒甜品之一，令到小妹都忍唔住要去朝聖一下。首先，當然要試下呢件洗版度極高的Earl grey cream cake. 賣相精美，藍色是以蝶豆花天然染色，再加食用花裝飾，感覺好fancy🤩除了打卡之外，味道十分有驚喜！食落口感鬆軟，而且帶淡淡伯爵茶香，又不會太甜，完全一個人都可以k.o一件🙈蛋糕實在太好味，一件唔夠喉，令人忍唔住再試多兩件😋-Chocolate cheese cake: 香滑濃郁的朱古力味，再配合中間果層帶有微酸的芝士，嘩 口感豐富 層次分明🤤又不會膩 又不會太甜👍🏻-Banana cake: 有驚喜🤩就算食完咁濃郁的朱古力蛋糕，再試呢件香蕉蛋糕，完全不會遜色，香蕉味既fresh又非常出色。Hot dish方面就試左牛油果奄列，相對地中規中矩，沒有什麼大驚喜。呢杯Blue earl grey latte絕對是指定打卡相之一，有拉花又有食用花作裝飾，頗有心思的，但可惜，伯爵茶味微弱，咖啡味就更加冇☹️如果真心想試吓咖啡，就唔推介呢杯。最後臨走，店員細心講番蛋糕主打低糖無麩質，很適合素食者或糖尿病患者食添。而且每隔一段時間都會轉下款式，讓客人可以試到更多口味，保持新鮮感👍🏻就算食多幾件都無有怕，死港女的我表示滿意🥳。 完 美 。…Read More

今次是第2次來食，雖然第1次是剛開業期間，排隊都差不多要一個鐘，但由於cp值高，實在令人回味。適逢今日lunch time經過，發現竟然不用排隊！哈哈 天助我也😆落單後不用等太耐，一個鰻魚重就熱辣辣地奉上。鰻魚一如既往地充滿炭燒香味，而且肉質肥美👍🏻但近尾位食到有不少魚骨，對於一個怕魚骨的我來說，不能夠大啖大啖地享受，感覺上差左一點。😓但最令我失望的竟然是飯太硬？！這是一個不應該存在的過錯呀！加上汁太多，over左，令整個飯味道都略鹹。☹️真的意想不到第1次和第2次食的落差這麼大🤷🏻‍♀️究竟是我不好彩，還是餐廳的水準飄忽不定呢？…Read More

尖沙咀有太多韓國餐廳，有時真的唔知揀邊間好？之前見一位朋友常常都食同一間韓國餐廳，經他介紹完之下都忍唔住黎試試。打開menu一看，菜色頗多元化，除了一般的燒肉之外，還有好多傳統韓食，而且仲有罕有的燒鱔‼️這並非很多韓國餐廳都有架，難怪朋友超推介食呢個😆因為太多唔知點揀好，阿豬媽就建議我地揀set餐，又有得燒肉又有韓食，好 唔使煩。雖然set餐無炸醬麵，而我又特別想食，於是阿豬媽就幫我將原本的炒粉絲轉為炸醬麵(只需補差價，肉類都可以的)。這體貼位 加分👍🏻-前菜小食: 我認為食韓食，前菜都幾重要架！😙而呢間餐廳就滿足到我，款式多，而且有些在其他餐廳比較少見，如茄子，蘆薈(圖1左下角的綠色小碟)。-燒肉: 一牛一五花肉相對地略為遜色，由於阿豬媽service非常好，他們會主動地幫客人燒，甘好service當然開心，但變相會少咗自己燒肉嘅樂趣。而且佢哋一次過幫你燒好晒，牛肉燒得有點過熟，加上會容易變凍，令到有啲浪費咗嘅感覺☹️-韓食: 炸醬麵&泡菜豆腐湯呢間餐廳的韓食很道地，很正宗👍🏻尤其是炸醬麵，本人認為係香港比較難搵到好食嘅炸醬麵，因為普遍都係偏甜，但呢個炸醬麵甜度適中，加上帶有微辣，意想不到咁好食，有在韓國食過的味道！我同朋友都大讚😋👍🏻朋友話如果唔係太飽佢想再食多個添😆必點！今次學精左啦，喺阿豬媽想幫我地撈麵之前，即刻話我哋自己嚟撈啦，雖然佢哋真係好好service但係我唔想冇咗呢小小嘅樂趣🤭最後發現店員基本上都係阿豬媽，聽住佢地用韓文溝通，雖然聽唔明，但係都有種親切嘅感覺，好似置身於韓國一樣☺️呢間餐廳我絕對會encore的，而且環境都夠大，下次可以叫埋一大班朋友試燒白鱔。…Read More

一向都喜歡試有特色的burger小店，於是朋友介紹元朗呢間超多好評的高質漢堡店。來到店門前，有一絲疑惑🤔點解店內只有一枱人在用餐？Friday night都無乜人？！不過既然一場嚟到，無理由吾試試既。之前見到有推介阿拉斯加特大魚堡，一心就想試呢個，但店員說menu換了，眼見burger得三四款可選，好唔吸引😔只好選了燒汁和牛漢堡& double和牛漢堡🍔Burger賣相並沒有令人感到高質，雖然和牛肉質是不錯的，但面包感覺鬆散，而且我吾明點解燒汁並不是搽在肉嘅上面，而搽咗係包底？！令到個包底又林又散，感覺不太好👎🏻山長水遠特登入到元朗試呢間完全吾值得，希望越大失望更大！☹️…Read More

聽說有金茶王之稱的奶茶師父在旺角新開了一間茶王冰室，忍不住前來試一試，睇下系咪真系傳說中甘正？！一入座已經急不及待地先點了一杯熱奶茶，看著茶王親手冲的，內心充滿期待☺️果然！入口甘醇香滑，有時其他茶餐廳的奶茶會帶有少少澀，但呢杯沒有，可見比例拿捏得很好👍🏻只需加少少糖調味就已經perfect. 令我停吾到口😋之後再點了一個炒蛋豬扒飯，眼見分量足夠，而且炒蛋色澤金黃，賣相感覺應該吾錯。先試一口炒蛋....我皺了一下眉，再試多口....忍不住”嘩”左一聲，無蛋味既！失望😐另外，豬扒落得太多梳打粉，令肉質太林，無晒肉味☹️大大減分，我認為只有4/10分的水準，看來食物還有很大改善空間呢。…Read More

餐廳位於酒店一樓，一出lift就見到有2隻小羊等緊我🐑(其實系擺設🙈)一入店就見到一整排木櫃與各種綠色植物小擺設，充滿著清新田園風，令人感到很舒適 可以很放鬆地進餐。好欣賞餐廳呢種小小心思💚然後店員遞上一杯藍色的水，唉喲 好特別😃(應該是蝶豆花)各種小心機會令你更加好奇餐廳既食物質素系如何？-小食: 炸甜番薯角😋香脆可口，比起炸薯條呢個更適合女仔食👍🏻推介-Hot dish: 芝士焗菠菜大啡菇，焗得剛剛好，很juice-Main: 青醬帶子扁意粉&明太子蟹肉扁意粉份量很足夠而且比想像中多👍🏻對於我哋2個女仔來講會食唔晒🙈味道夠濃😋尤其係明太子意粉，睇相就知蟹肉同蟹籽好大方，一入口滿滿的蟹肉蟹籽加明太子令口感味道都非常豐富🤤 如果吾喜歡太濃味，可以選擇青醬果款，相對地味道較清淡同fresh，就算食完明太子再食番呢個，青醬味都依然喺度。無論食物定環境，都令人感覺到十分滿足👍🏻p.s.: 建議揀平日會好點，因為星期六日真的很爆，之前打襯電話來book都話full晒，而且系未來3個禮拜的六日唷！！😵幸好朋友夾到時間可以轉平日夜晚來咋…Read More

由於之前食過一次，印象中都吾錯既，所以今日决定再食，一入店會有點疑惑🤔明明今日星期六加上是晚餐時間 但點解都無乜人？！我估因為餐廳位置並不顯眼，雖然係位於K11，但需要系另一個入口落B1 自成一角。冇乜人都有好處，因為店內相對地靜，而且播住日文歌，真的有種在日本深夜居酒屋既feel💕因為我地2個女仔吾系大食既關係，只係叫咗幾款野食- 前菜: 豆腐salad正正常常，豆腐幾滑(好似bb塊面甘滑溜👶🏻)-壽司: 幾新鮮👍🏻 本身想order海膽，但個waiter話剛剛有客人試左，話今日既海膽唔係咁鮮，吾建議食😳嘩 我即時對呢間餐廳增加大大既好感！ 好明顯 他們對食物品質既堅持👍🏻我最欣賞呢種-燒物: 試左黑豚肉露筍&雞翼麻麻地。燒得有點過左，而且露筍吾夠嫩 有點遜色。最後值得一讚就係service👍🏻店員好貼心地經常幫你加熱水，但又唔會做埋啲小動作 例如不停過黎幫你收野(你明的 即系想你快食完 快點走果種🤨) ，令客人唔會感到有用餐嘅壓力👍🏻👍🏻…Read More

太子食店有很多，但唔似深水埗咁多特色小店，又唔似中西區咁多休閒cafe.... 對於一個想系工作中唞啖氣的打工仔來說並唔容易.....千辛萬苦之下終於搵到一間有質素的cafe🥳雖然位置不是太方便，但勝在人流不多，加上懷舊式style，感覺好休閒寧靜😌可以慢慢地品嚐杯咖啡☕️因為感覺太自在，一個禮拜我已經嚟咗兩次😆第一次試咗呢杯Dirty，將一杯expresso加入凍鮮奶，口感冷熱交替👍🏻至於食物方面，原本想食bagel，但甘岩無晒，只好轉另一款，不是太特別 但係配咖啡是OK的第二次試埋我平時愛飲的Flat white，咖啡味冇咁濃，適合咖啡新手嘗試，相比起 Dirty會出色少少。整體感覺我都幾喜歡，呢度應該成為我平日來偷閑嘅地方😚…Read More