杏仁 ^(oo)^'s Profile

近來的星期六都要在銅鑼灣看舖，老公有時會過來陪我，我就會請佢食 tea，super sandwich 的 tea set 價錢唔貴但又多選擇，又坐得舒服，所以連續幫襯了幾次呢！今日老公遲放工過唔到嚟，午餐只好自己搞掂！超難食的茶餐廳無益外賣都要成三十幾蚊，見無咩生意就對自己好啲去歎個tea吧！平時同老公食，怕佢唔夠飽多數會叫公司三文治，不過今次自己食，叫個輕便的蜜味火腿 菠蘿 芝士飛碟 + 熱檸水就好了！ 相比食開的公司三文治…我覺得飛碟更好味喎! 因為我鐘意比較軟身的麵包三文治…而 super sandwich 的三文治應該要烘過底所以比較硬身。 而這個火腿芝士菠蘿飛碟更是我杯茶…半溶夠份量的芝士同火腿永遠都是好拍檔…加入菠蘿口感更見豐富…下次要試埋牛角包 tea set 先得呀! …Read More

已經好一段時間沒有在 open rice 寫食評了…我已經由一個人妻…變成一個準媽媽了。在這一段比較休閒的待產日子裡…希望可以有多一點時間去享受更多美食…記低囡囡在我的肚子裡吃過什麼好味的食物。相信好多住荃灣的朋友仔都有留意到 hit 了一輪的 beans…想試好耐…但是見到條人龍就放棄了。不知是否因為在隔離多開了一間分散人潮…今日居然只需排兩張枱大約15分鐘就到了。終於一嘗所願試到了…順便慶祝肚子裡的囡囡八個月生日…飲品先到…我點的是黑糖薑母茶…味道好鐘意呀! 而且又唔會太甜…好啱孕媽媽在冬天裡飲用。老公點的是凍咖啡…不過有點失望…這個我沒有試…聽聞好苦喎!再來…是忌廉汁蟹肉蟹棒意粉 ( $78 ) 意粉煮得啱啱好…煙煙 un un 好好味…而且忌廉汁又唔會太膩…蟹肉和蟹棒都不過不失…只嫌份量少了一點唔夠喉呀! 焦糖單骨雞翼 ( $42 ) 甜度剛好呀! 而且上碟時仲好熱辣辣…好香呀! 單骨雞翼都食得好方便…不過有兩隻雞翼size細得好過份…又係唔夠喉呀!!再上桌的是加餐的蝦餅 ( $15 ) 好抵食呀! 好鐘意 Beans 所有食物都是熱辣辣的。最後到的三重芝士三文魚薄餅 ( $78 ) 這個絕對是老公點俾囡囡食的…因為有芝士和三文魚…對於一個芝士狂熱份子嚟講…芝士味都算ok…但可以再濃啲! 而三文魚份量都不少…但略嫌鹹了少少，好在批底都做得幾好味幾脆口呢…值得一提的是…全店免加一喎! 依餐只係 $213 埋單…就試到咁多款食物…都幾抵食呢。孕期只剩低個多月…真係要多享受二人世界拍拖食飯的時光……Read More

近來 TVB 好多劇集都喺九龍灣取景呢! 其中裝修很別緻的 Bespoke 就更加成為咗新寵啦! 在附近上班的我，有時 lunch time 落街買外賣都有明星睇呀!沮喪煩惱的一日，決定來這樣吃個悠閒 lunch 平衡一下…在店外睇到餐牌，有棉花糖 mocha 喎! 正呀!! 唔開心，點都要食返啲又甜又肥的東西氹吓自己開心。叫了一個日式咖喱雞飯 + $12 轉棉花糖 mocha ，total $60哇…流哂口水呀! 一邊飲，一邊已經心情愉快了不少啊…朱古力可以令人開心的講法真係幾啱架! 相比而言，咖喱雞飯就比較遜色啦…不過同事的烏冬又比飯好食喎!不過anyway，依一餐都係開心的 lunch…就快要離開九龍灣啦…要趁仲有時間，再享用多(幾)次…:)…Read More

年廿九出旺角買魚魚，見到好耐冇食海南雞飯，近近哋就入咗去食個 lunch坐低見其實都冇乜選擇，叫咗兩個穩陣$50海南雞套餐…凍飲加兩蚊…先嚟的是飲品，我的熱香茅薑蜜其實只係飲到薑味，而老公的凍青檸檬水真係唔係太飲到青檸味喎!再等咗陣，海南雞+油飯+冬瓜粒雞湯到啦!海南雞都幾滑，但係冇乜雞味…反而我鐘意個油飯喎!而個雞湯…都係味精湯啦!依家出街食飯真係愈來愈貴呀! 食兩個咁普通的飯都要成百蚊落樓…真係要努力啲搵錢同埋轉研廚藝先得呀!:(…Read More

真開心，連續兩日都可以出街拍拖搵食…星期日下午近近地在荃灣食 lunch，魚魚魚是我們的不二之選。以前的魚魚魚，無時無刻都大排長龍，依家擴充了，等位時間短咗，但係價錢貴咗好多，水準更有時會大失準。但…依然是死心塌地! 我這個潮州妹對他們的潮州炸魚皮好欣賞，炸得好脆口，是每次都必選的。見好耐冇食湯飯，今次就食吓!對我這個飯筒來講，我覺得湯飯仲好味過米線呢! 但我多手加的墨丸就真係好難食，好粉!:(而老公今日想試魚咀…加餸的都有兩個魚咀(魚頭)，其實無乜肉食，但係真的好滑好好味呢! 魚滑都是我們的必選 item，質數keep到，非常彈牙，真材實料!而魚湯湯底呢，其實我唔係太識分係咪冇加味精的魚湯! 但味道不會似其他米線的湯底段濃味，即係鹹…食完都不會太口渴!其實魚餅都好好食架…但下次真係要醒水，揀返他們自家製的餸會穩陣好多!…Read More

說來做了人妻已經差不多兩年，闊別 OR 真的足兩年。身邊陪食的，已經由哥哥仔變成老公啦!:)近來患有腳傷，日日都要出來擺低二百幾蚊睇跌打。日日跛住咁行，都無心機睇附近有乜好食。見近日病情好轉，就近近哋在搵食。其實附近沒什麼特別好的食店，這間睇落幾舒服，又唔係好貴，就入去啦!店內的佈置都幾簡單舒服呢…落單收銀區落完單就會俾個牌你，食物整好就會送到面前…我們點了一個$168 dinner set + 漢堡包先來的是傳統英式周打魚蜆湯 ( 跟餐 )好 creamy，又唔會太杰唔會太鹹，喜歡!品牌新鮮炒豆咖啡 ( 跟餐, 散叫 $22 )我無飲呀! 但聞落 ok! 如果想改其他特色咖啡加 $18，其實都唔算貴呀!自家手打美國牛肉漢堡配薯條 ( 散叫 $75 )其實由八月頭已經冇食任何熱血動物，只食海鮮，但因為隻豬腳醫生建議戒食蝦蟹和酸辣，真係十幾日來都冇啖好食。今日突然好想好想食牛，就破一破戒氹吓自己啦…唔知係咪太耐冇食牛，真係覺得好好味，而且熱辣辣好有牛味，讚! 但老公就覺得漢堡有啲散…最後來的是白酒芝士海鮮意大利飯 ( 跟餐, 散叫 $128 )好喜歡這個意大利飯的質感，不會過份黏口。不過，白酒和芝士味都欠奉喎! 好在海鮮算足料…一餐食得好舒服的晚餐…份量剛剛好，唔會食到頂住個肚。希望以後都可以有多時間可以好好去享受每一個二人世界的晚餐!…Read More

哥哥仔難得放假的星期六，當然要出去拍吓拖啦!不知是否我倆近來都宅了不少，每個星期想去哪兒都想到頭痛。天氣很熱，我們決定在人不會太多又有冷氣歎的又一城閒逛，逛累了逛到餓了，就去找吃的。突然想起了 Pizza Express，沒有訂枱本來都沒有抱很大期望。只不過是七時多，已經有人龍啦! 不過好好彩，等位的多數是多人枱，就在我行過去隔離 simply life 八卦的時候已經有位啦!一坐低，先選Pizza再選頭盤…雖然款式不算多, 但是也夠我們諗了! 最後哥哥仔拍 pizza 板，我拍頭盤板。第一道來的是雞肉凱撒沙律這個沙律好足料，雞肉好嫩口，一啲都唔鞋! 而且鹹鹹哋幾好味，加上大量的菜，開胃一流。再來的是焗磨菇誤會是上次跟同學仔的四色芝士，有點失望都不過不失啦…因為我是菇人，什麼菇都喜歡，所以這個有幾款口味的磨菇都算是合我的口味! 碟邊由磨菇裡面流出來的汁，用來點麵包波波都幾好味呢。最後當然有四季pizza老實講，我對這個 pizza 有點點失望。我倆都喜歡吃熱騰騰的東西，但這裡的東西碟碟都只可以用暖來形容，而 pizza 的溫度更是不能用暖來形容。還在味道還可以，材料也算是豐富，彌補有餘。而特別一提的是，waiter 的服務態度值得一讚。為博小朋友一笑，主動送上汽球。雖然外面排長龍，但都沒有趕客之意，全場氣氛不錯。可以休閒地吃一餐，真是一大relax的節目。…Read More

下午三四點空住肚來到荃灣，本來想是但在快餐店吃個下午茶醫肚，但又給我想起了吊腳的嘉樂，腳痛住都要行去搵食…今日算是好彩了，嘉樂有開門，而且人龍不算太長，等三四張枱就有位了。本來我們都拿不定主意要吃什麼，但見到人人都叫一碟火腿奄列，應該不錯吧，就跟住叫一個小的試試。想吃奶油多很久了，又叫一客。因為我們今日都冇食過嘢，就一人再多叫一個飽肚的麵，一杯飲品…第一樣上枱的是火腿小奄列，哇…真的好大份啊，好在沒有叫大的。而且賣相好吸引，拿拿聲影完相就開動囉…不過略嫌有小部份蛋煮得老了一點，而且火腿也不夠平均，而且加了美極的味道好像怪怪的，下次真的要記得走美極…之後到的是奶油多，真的好久沒吃奶油多了，多士烘得剛剛好，不會太乾，而且醬落得一點也不孤寒，好正!我的豬朳米都接住上枱，一拿起已經有好大陣薑蓉味，好在我都好喜歡吃薑蓉。米粉算是煮得可以，但豬朳好乾好硬。:(再來紅豆冰，未攪均時的顏色好靚呀! 一看以為紅豆會煮得好爛，但飲落才知道紅豆煮得剛剛好，又不會過甜，可以翻炒。紅豆冰上完後，已經催了一次咖哩牛腩麵和茶走。侍應忙到頭暈暈，應了我們一句：好，幫你跟呀吓…但等到我的豬朳米都差不多吃完，咖哩牛腩麵和茶走都未到，惟有再催多次啦…侍應立刻兇巴巴地說：啲茶仲焗緊呀! 不得不頂一句過去：你之前都冇講，我點知呀!咖哩牛腩麵五分鐘後到，賣相味道都不錯，可惜要乾啃。:(等了差不多半小時的茶走終於都到，不過練奶沉哂底，搞了很久才令成杯茶走夠甜，沒有驚喜。吃完飽到上心口。$91 for 兩個人的早餐、午餐、下午茶，都幾抵呀! 有機會我真的要再來，下次我要試阿華田奶昔。不過真的不能多吃，只計火腿小奄列，蛋的數目都過哂每日所需啦! 而且出菜速度真的太慢了，我聽到隔望想要兔牛治都要半小時…人流去得太慢也可能是門外長龍的主因…而且他們唔憂做的服務態度，令好多朋友都試不到這間冰室呢... …Read More

This is the first English Entry in OpenRice.Got a sore throat & cough these few days, wearing face mask and cannot stop coughing on the way I back home. Luckily, my boyfriend's mom gave me a coupon for one "Stewed Bird's Nest with Harsmar in Coconet" in Hui Lau Shan. So, I got off the bus in city one and got to have my "medicine".I have chosen the hot style one. The waitress passed the cocont to me which is full of coconut smell.. so attractive.Actually, seems no bird's nest for this dessert but many Harsmar inside which still very tasty.My throat felt better after enjoying this dessert, and full so warm for Auntie's caring. :) …Read More

好難得入元朗，食家地主介紹大雞大，不過，每次只食兩塊仔都會喉嚨痛，我們一行七人share一塊就最啱啦…我們要了小辣，原來都幾辣喎! 雖然跟台灣士林夜市的那個雞塊還差一段距離，但雞塊不算鞋口，味濃，真的好惹味，不過真的不敢食太多，勁熱氣…大雞大真的有進步，因為…真的食一塊都已經會喉嚨痛! …Read More

Pend 住好多、好多篇食評要寫，多到無從入手。愈拖愈開不到頭寫落去，不如就由最新的作開始，落落補落去啦!前兩日在 salon 整頭髮的時候，拿起了本舊 U MAG 來消磨時間，剛好那本是講在佐敦美食，見到喬寶寶都讚的 Bombay Indian Restaurant，價錢平又正宗，所以就記低地址， weekend 來找食。來到門口，見到門面都幾靚呀，起碼好過隔離阿龍。吓? 點解一個人都冇?!我們兩個人點了一個 $85 的晚餐，再加精烤酸甜餅乾($25)和一個燒魚($65)先來的是送的脆薄餅。鹹鹹的、小小辣、多多脆，好醒胃。雖然，全場得我們一枱客，但是出菜起碼等了十五分鐘，好在有薄餅咬吓、印度 MTV 不停播放，要不然你眼望我眼都幾悶。先上的是精烤酸甜餅乾和燒魚我比較欣賞鐵板上的燒魚，當我們點上檸檬汁，出煙程度仲勁過朳王之王，是名副其實的即叫即整，之前等的時間真的沒有白費。切開魚塊，真的以為是薯仔呢，食落，好香好滑好夠味又不會乾，而且份量好足，一人都分到好多件。接下來到套餐的…先有咖哩角+炸什菜+無骨燒雞咖哩角一定好味過佐敦咖哩多多聲；炸什菜不會太乾，炸得岩岩好；無骨燒雞啖啖肉，好重香料味但一點也沒有 over 的感覺。再來也是跟餐的烤餅+咖哩羊+白飯…烤餅是最最最驚喜的，摸落好軟綿綿，食落真的好鬆化，岩岩出爐怪不得要等到最後啦。咖哩羊都好好味，不會太騷，又夠林又不會黐牙，送飯送烤餅一流…好在，到我們走的時候，人客已經坐滿成間餐廳了。值得一提的是，全店免加一，而且惠顧後還送上九折咭，希望更多人識搵食搵到來這裡…p.s 日日都會帶相機出街，但今日專登去找吃，居然忘了帶，手機拍的相片真的好肉酸……Read More

努力在趕畢業功課，很久沒有撐枱腳了。在沒有車的日子，選在公司附近的德福用餐，之後又可以乘巴士好快就回到家繼續博殺。本來打算食赤丸，途經夏麵館。一直都過門而冇想過入，今日仔細看一下餐牌，原來都幾抵食喎!好啦! 今日我們吃上海菜。先上的有糖醋小排 ( $38 )酸酸甜甜好開胃，不過肉有點硬，糖有點黐牙! 但都不過不失。再有我的主菜 - 嫩雞煨麵 ( $38 )好香雞味，不過沒大驚喜。雞湯裡的雞好足料，但感覺就似在吃泡飯，但就換成了麵而已。哥哥仔的主菜 - 醬爆豬肝麵 ( $38 )出奇地好吃。當知道哥哥仔選了豬肝之後，就幻想到好難入口的樣子。不過，這個豬肝入口完全沒有一 pat pat 的感覺，反而咬落去爽口的。我應該是幻想錯了豬肝是另一種食物。而兩個麵咬下的質地都不太一樣，煨麵比較淋，而且雞味滲入麵裡面，我覺得比豬肝麵較硬身的麵來得好味。最後有紅油抄手 ( $24 )一向都幾鐘意食紅油抄手，所以見到有得食一定不會放過。曾經吃過一些辣到嘴唇都發麻，免為其難地吃，完全吃不出味道來。但夏麵館裡的紅油抄手，辣的程度岩岩好，而且皮又不會過厚，而且幾抵食。推介!!總括來說，這一餐吃得很開心，坐得好舒服，而且價錢也不算貴。不過抵食度要扣小小分，只俾 3 分，因為居然要收每位三元的茶錢，但茶又不見得好好飲。埋單時才發現收了共 6 元的茶錢，慳妹上身的我頻呼：「早知飲多幾杯啦!」…Read More

近來跟舊公司的朋友仔真的約得好密好開心呢!約了幾個星期，終於約到好耐冇見的同事聚舊。本來想試新野，最後我只不過選了馬泰，同事知道我選了這間都好失望…因為她們 lunch 已經食過好多次…雖然是普通了一點，不過我未來過，對我來說是新餐廳來的啊! 哈哈…好在放工去到葵芳都只不過是七點多小小，有兩隻小動物都未放到工…於是我們三個先到的就負責點菜。最先到的有花生薄餅。好味道，花生味剛剛好又不會太膩。再有油鬆餅，這個點咖哩好好味!還有，我要求的馬拉盞炒通菜。不過我覺得再落重小小味會更好，大大碟好抵食!接落來有特式拼盤。款款都 ok 架! 上菜時款款都熱辣辣，我覺得春卷尤其好味。咖哩雞相對來說是比較平淡沒驚喜，雞好明顯是一般的雪藏雞，沒什雞味，好在汁夠多可以讓我們任點鬆餅!而值得一提的，是特價 29 元兩杯的飲品，我選的荔枝冰不會太甜，好好飲!我們食完坐了很久傾計，waiter 都好好地不停為我們添茶，服務可以記一個小功!下一次要約得齊咁多隻鐵腳，都不知要等到幾時啦!…Read More

昨天錯過了好好意頭的九九紀念日，於是今日我請食雪花冰補數!我選了清清哋的牛奶底，加上乳酸 Q 爆 + Oreo 做配料，乳酸 Q 爆酸酸的，又開胃又得意，而 Oreo 粉撈埋落牛奶冰入面一齊食都好夾，成個都清清淡淡的配上濃情朱古力醬，不會太甜又膩，配合到我愛清淡但又愛古古力的口味! 不過雪花冰剛到，一分鐘都未夠雪就開始塔下來了。 而哥哥仔選了阿華田底，阿華田味略嫌不夠濃，但朱古力可可米配埋雪花冰一齊食真的好好味呀! 而我自己本身不太喜歡吃紅豆，對蜜紅豆就沒什麼好感了。此外，楝奶都略嫌孤寒了少許，不夠滿足。我覺得我選的配搭比哥哥仔的好味呢! 始終是第一次食雪花冰，在沒比較的情況下我覺得可以翻兜，不過下次還是 share 好了，食到尾凍到打冷震! 而且 28 蚊一客都不算便宜呢…努力慳努力慳!…Read More

在荃灣看電影前，貪快貪方便去了珊瑚堡晚飯。之前在大埔試過，知道質素大約去到邊，但原來荃灣店更差！:(已經俾足一個小時去食這餐晚飯，但點完食物，等了很久什麼都沒有上，連水都冇杯！乾啃了麵包，嗯，我不太喜歡食硬包呢！而且食到成張枱都是麵包碎。隔離枱的情侶應該都是趕看電影的，見他們催了兩次主菜都未上，我們都順手一齊催。但等了起碼二十分鐘才到，見這樣的情況，我們還是早早先點餐飲穩陣。食物質素真的強差人意，七成西冷都好硬，好在鐵板上都算夠熱，但真的要費盡九牛二虎之力才切得開呢。而居然是碟上的 T 骨呢，真的好大塊..... 骨! 又是一個字.... 硬!好在有100元現金卷，但仍然要補六十幾蚊! 一百六十幾蚊食這質素的食物，好似貴咗小小喎! 好在，我們食到一半就埋定單，都趕得切準時入場!…Read More