203bbs's Profile

約埋朋友去呢間小炒試吓，book咗位7個人有張大枱。地方新淨，冷氣夠凍。店舖在小巷內，需要由筲箕灣道尾上小巷好隱蔽下。我有些餸忘記影相。我地叫咗杏汁豬肺湯，豉汁蒸鱔，豉油王鵝腸，苦瓜排骨煲，炒通菜以上啲餸味道都OK，如果湯再多杏汁濃啲就更好。自己覺得最好味係 七彩蝦餅炸子雞及菠蘿生炒骨。睇得出廚師用心煑。連埋炒麵 洒水，7人價錢合共仟4佰幾。好抵食。最後老闆得閒走出來傾下計，先知道佢地做了好多年中廚，仲請咗我哋幾台客食糖水，大家開心。…Read More

見到OpenRice  評價，以為好差，原來唔係，經理及服務員服務都好呀，有禮貌。朋友未到齊，經理都有話唔好上 菜住，有問有答好正常，仲幫忙雪蛋糕，服務員態度都好幫忙我們影相。我們食一圍的餸菜，全包宴$3298/ 圍。樣樣餸都非常滿意，龍蝦都成兩格斤，乳豬全隻小小肥，但都脆皮，炸蟹鉗好食，炸子雞好味，餸的碟頭好大，12 人食唔晒。 而蟠桃壽包麻麻哋。下次人齊都會再去多次，有泊車優惠，不過泊車唔多時鐘位。…Read More

朋友推介呢間，專程去試過豬潤麵。平日lunch time, 自己1人，就試吓。無需等位。豬潤嚟到見賣相，心諗應該好鞋，食落口每一舊都有筋，好鞋放棄，無謂浪費自己膽固醇Quota，麵就普通。暫時應該唔會再試其他。…Read More

見到有咁多好評，經過西灣河去試吓，下午12:45 lunch時間，要排隊派籌，等咗5分鐘被安排入座，地方清潔，稍為坐位坐得密。我點選招牌蔥油香茅豬扒飯，朋友點咗咖喱豬扒飯。正常速度大概5分鐘就送上，我的蔥油豬扒每碟有3塊，有沙律菜伴碟，其實豬扒有啲鞋口及乾。而朋友的咖喱豬扒的都是3塊，伴有咖喱汁，及沙律菜伴碟。我有試朋友那碟的咖喱汁，幾好。但估唔到最差的是白飯 ，真係好乾好硬及唔太熱。我有同他們員工反映，他們回覆所有白飯一樣，冇得換。那沒有辦法，不會再去了。…Read More

朋友比了2張$100 coupon 我享用，咁就試下啦。打咗幾日電話都冇人聽，連電話錄音都滿晒，咁我諗唔通好多人book啩。終於提前一星期book到平日有位。7:40pm 來到大約坐了4-5成。原來呢餐係咁：一半固定set Dinner , 另外可以在任點餐紙的串燒。一坐低唔使30秒就已經嚟咗set 的部份，南瓜蟹肉湯（冇乜特別，唔夠熱），和牛飯一碗（非常差，凍飯，不知什麼牛肉粒），前菜三小樣麻醬凍豆腐（正常）.炸雞件（又硬又凍) . 海帶沙律（有浸味，食咗一條即刻放低）。關東煮（浸到脹晒又唔熱）30秒後再來魚生拼盤（睇様麻麻，唔可以講新鮮）。 以為串燒會好啲啦，原來都唔多得👎👎，請見相片；其實都唔算串燒，首先嚟一碟雜錦燒物（其實唔知自己食緊乜），再來雞軟骨，連其本的雞翼都唔對版，…….已冇乜心機再寫啦。最好食（我自來講)已經係燒菠蘿同埋秋葵, 可以再點多兩次當食飽咗。甜品是雪糕糯米糍，冇乜誠意。服務員的是有禮的，環境都可以。 但食物質素就👎👎👎總括應該冇下次了👎👎…Read More

應該有年幾冇去，今次去開深水埗見唔使等好耐又試吓：幾個人嗌好幾様試吓：order 咗芝麻湯圓唔使30秒就到應該淥定，真唔好食👎👎👎，湯圓冇乜彈性，冇煙韌感覺，個湯圓湯底都唔得，呢個大家有期望反而好失望。腐竹糖水都唔得👎👎👎，唔熱同唔好食。呢個一定冇下次。楊枝甘露芒果布甸，芒果香，朋友是楊枝甘露捧場客，佢話呢個OK。涼粉好食👍🏻👍🏻👍🏻有彈性。呢個最好食。總括嚟講價錢偏貴。 唔會特登再來…Read More

今次叫咗拉麵試下：慢煮A4和牛，雞肉及豚肉龍蝦湯拉麵、這樣配搭出奇地同龍蝦湯底又夾喎。我自己最鍾意食這塊豚肉好香。拉麵個麵質都有彈性也不錯。舖面睇得應該經常清潔，（還附送一張小消毒棉）員工有禮貌及耐性解釋拉/沾麵的不同。下次經過會試黑蒜濃湯。…Read More

咁啱經過筲箕灣，見到有間泰餐，想食個輕食lunch ，叫咗個青芒絲沙律，個樣非常好食落好爽，個汁教得非常好，雖然有些小辣但，越食停唔到口。見到隔離枱食菠蘿炒飯，炒菜，咖喱系列及泰式炒金邊粉都非常像樣，睇睇個餐牌價錢又唔貴有時間一定要試埋晚餐。員工又非常有禮貌及正宗泰國人。…Read More

夜晚經過見到有新開餐廳，原來是西灣的可可店分店，即刻試試。舖內剛坐滿人，稍等5分鐘。我只點了豬骨蠔粥及蘿蔔糕，好味。店員也好禮貌。見到晚飯其他人點的套餐，一個餸一個飯都係$40，分量唔少，下次再試。…Read More