sosososososososo's Profile

沙田新城市廣場開左新泰式火鍋店，好特別同埋少見，燈飾好靚可以畀人打卡。門口有職員話有一人鍋，我就黎試下慢燉牛板腱清湯鍋。餐廳提供左三種特色醬料：青檸醬、酸辣醬及椒麻鼓油，並講解食法。未上菜前有蝦片零食，脆口不重味。美國雪花牛小排同埋生蝦都好新鮮，肉質美味可口，仲要混和以上三款醬料，十分滋味。泰國船面河粉已經夠飽，而且仲有好多蔬菜，份量充足。泰式芒芒碌碌配有西柚、椰汁和西米，適合我降火。最後不得不提係炭烤豬頸肉，燒得剛好，帶出到燒烤風味，肉質嫩滑，非常好味，大力推薦朋友要試試。…Read More

好耐冇嚟屯門食嘢啦，今日嚟到屯門市廣場一期3樓呢間California，見到差唔多坐滿晒人，生意好好👍我哋嗌左一份特色蒜香欖油意大利粉配雞肉，一份意大利辣肉腸薄餅，一份甜品（青檸批），兩杯飲品，飲品可以無限添特色蒜香欖油意大利粉：意大利粉煮得啱啱好，食落彈牙，唔會太硬太腍，雞肉粒好嫩滑，配料蘑菇好好食，蒜味濃郁，搭配橄欖油的香氣更加突出意大利辣肉腸薄餅：薄餅底酥脆，配上辣辣的肉腸，味道十分濃郁。辣肉腸的香辣風味與薄餅的酥脆口感相得益彰，配料搭配得恰到好處，每一口都能帶來滿滿的滿足感。青檸批：清新口味，全麥餅底令口感更加豐富，酸酸甜甜，女士一定會好鍾意❤️…Read More

位於荃灣地鐵巴士站附近，有一間特色燒雞店—流浮山窯燒雞，堂食大約有十幾個座位。門口有好多人等外賣，店內擺放了三個大型窯燒瓦缸，仲有一個大櫃風乾住很多原隻雞，讓雞隻有充足的乾爽度。我地提早預約落左一隻窯燒雞，只需等待10分鐘，而整個窯燒過程需時大約40分鐘，所以建議我地外賣的話，記得提前40分鐘電話預約，外賣盒內附送一把鉸剪，很貼心的服務。店員幫我地用剪刀先食雞脾同埋雞翼。雞皮極脆易咬，口感一試難忘，我地在燒味店都未曾試過有如此口感，而且肉質飽滿。雞內放左百里香、迷迭香、鹽等等醃製，將雞肉及香味層次昇華。一隻雞適合二至三人份量，店員建議我們用手撕開雞肉去享用比較好味，而且陳皮羅漢果茶樽同時清熱降火，化痰止咳，真係一個好好的組合。小食推介：鮮雞油窯烤竹筒飯，桂花車厘茄，爽脆鮮魚片，鹽焗鮮雞腎，新鮮沙薑雞腳。鮮雞油窯烤竹筒飯好有咬口，真係香噴噴，店員建議我地將雞隻底的雞汁搽上飯外，味道變得更加好。桂花車厘茄配上窯燒雞真係好襯，所有茄皮都剝左，甜酸味開胃，而且可以清熱。爽脆鮮魚片難忘可貴，涼拌魚皮，切得好幼細的魚皮，配上尖椒辣味，非常好味而爽口，愈食會愈想食，不會咸。鹽焗鮮雞腎： 份量非常多, 新鮮的雞腎很彈牙爽口。新鮮沙薑雞腳：雞腳唔會太腍，保留膠質有咬口。…Read More

Lunch成日過黎食, 今晚朋友過黎搵我唔使諗一定係帶佢過黎食呢間泰國菜.豬頸肉船河: 好鍾意食河粉, 豬頸肉又係至愛, 兩樣都有就真係太好啦, 河粉唔會太腍, 豬頸肉彈牙, 香口, 份量又多最重要係個湯底超好飲, 酸酸地又甜甜地, 我地爭住飲, 真係飲晒手工泰式春卷: 春卷皮薄脆口, 餡料多但又唔膩, 蘸埋泰式辣醬更加好味泰醬酸辣黑豚肉: 見到新產品無理由唔試, 一半沙律一半豚肉, 啱啱好可以配搭到, 黑豚肉酸酸地辣辣地, 辣度唔會太高, 唔食得辣都完全食到, 份量好多, 食極都仲有咁, 真係大滿足特別版- 椰皇四重奏: 平常係三重奏, ,今次呢個多佐椰肉, 四重口感, 唔會太甜, 成個感覺好清新, 真係好好味,  榮獲今晚我最喜愛甜品…Read More

好鍾意去居酒屋, 有齊晒鍾意食既刺身, 串燒, 炸物, 酒. 又可以同朋友放鬆暢談的好地方, 今次黎到銅鑼灣呢間好隱世既居酒屋, 環境優美, 符合晒我地既要求.菜式名全部都好特別好有創意日落薯仔: 薯仔口感綿密細膩, 配搭大大隻櫻花蝦, 好開胃的前菜.吞雲吐霧: 仙氣十足, 用佐蘋果木煙薰芝士粒, 配炸酥脆紫菜, 好新奇的配搭, 紫菜非常香脆, 芝士粒咸香, 配埋一齊好夾.特上刺身盛 (4點); 刺身睇得到既新鮮, 件件都厚切, 口感肥美, 超大滿足.馬友一夜干: 首先見到非常之大條, 好厚肉, 魚皮煎到好香脆, 魚肉鮮甜結實, 加檸檬汁或點醬汁食會更惹味, 我地食到一乾二淨. 冬菇: 次次食串燒我一定會嗌既就係冬菇, 因為好吸調味料, 係非常入味, 一定要食既菜式.豚腩肉: 又係必叫, 識食一定係食有肥膏既豚肉, 脂肪融化口中, 多汁香嫩.手羽先: 無可能唔叫, 個個都啱食既嘢, 燒到好乾身, 更加香口, 啱我口味.一口牛: 七成熟, 有時會唔係好捨得叫既一口牛, 但次次都受唔住誘惑, 牛味非常突出, 口感非常之嫩滑, 真係好好味.白燒鰻魚: 另一款有時唔捨得食但又會叫既嘢, 一入口已經感受到濃濃既鰻魚味, 完全無腥味, 鰻魚質地爽脆, 實淨, 令人回味無窮.…Read More

今日黎到尖沙咀山林道一間好靚充滿藝術氣息藍色裝潢既餐廳食Lunch.叫佐一份Set Lunch, 飲品簡單點佐檸檬水.是日餐湯唔知係咪磨菇湯, 超級熱超級好飲, 喜歡香蒜炒蝦有四隻, 四隻都好大隻, 鮮甜香口, 好食紐西蘭頂級肉眼-6oz  五成熟啱啱好, 保持到鮮嫩多汁以及牛肉既原汁原味, 配搭我最愛既薯角, 非常令人滿足. Tiramisu 有濃郁既酒同埋咖啡味, 入口即溶, 甜度适中, 奶油絲滑, 層次豐富, 每一啖都好有驚喜, 必點…Read More

今日五點幾黎到旺角呢間漁家莊，見到好似未有人， 望真啲門口先知原來有落場時間,，要五點半先再開始營業，不過職員好好,，同我地講可以入去坐下先，襯住未有客,，我順便影下內部環境，睇落都好乾淨。之後陸續好多客人入黎，即刻變得好熱鬧。天麻豬展燉魚頭湯：眼見每枱客都點呢個湯, 可想而知有幾受歡迎, 細份都好足料, 單單雞腳已經有六隻, 魚頭湯清澈透明，湯底鮮甜濃郁，融合了天麻和豬展的香氣，極具滋補功效。魚頭肉質鮮嫩，入口即化，搭配湯汁的滋味更加突出，我地連湯渣食得一乾二淨。呢個湯燉煮得恰到好處，真係一道美味又有營養價值的湯品。家鄉特色炆鵝：鵝肉鮮嫩多汁, 搭配濃郁的湯汁，散發出濃郁的香氣。薑蔥蒜芫茜等等香料融合鵝肉的風味，最驚喜係冬菇, 炆到非常之淋, 入口即溶, 成道菜口感豐富。湯汁濃稠，入味均衡，帶有微微甜味, 好適合配飯, 值得一試。大閘蟹特價 $28 咋, 點可以唔試下, 不過真係要小心啲蟹鉗蟹腳, 一拮到就見血, 大閘蟹size正常, 唔算好大隻,  蟹肉肉質鮮甜，蟹黃豐富，口感滑嫩。絕對是令人回味無窮的美味享受。…Read More

今晚黎到靚靚裝修的燒味餐廳—江記燒鵝冰室，落左必食推介的乳豬飯及燒鵝飯, 一碟油菜, 兩杯熱飲. 一杯檸檬茶一杯菜蜜, 檸檬茶檸檬有三大片,我們先食油菜—菜心，份量不會少，兩個人食都足夠。完美燒鵝飯：燒得好靚，第一口便是香脆的鵝皮，口感豐富，會有陳皮味道，而鵝肉鮮甜美味，醬料配上好襯，配上熱氣騰騰既白飯真係好滿足。乳豬飯：乳豬皮薄，易咬入口，好適合女士，而且燒得剛好，肉質鮮嫩，還有淡淡的咸香，完全不膩，份量充足。…Read More

晚上黎到西餐廳—The Pantry & Chips Republic, 裝修環境優美, 空間感舒適, 燈光充足。香煎比目魚柳配紅椒蕃茄醬：比目魚柳配上酸甜的紅椒蕃茄醬真係好好味，值得一試，魚柳煎得適中，外皮保持脆口。烤露筍帶黎額外的口感。最後配上薯茸，令人好飽足。美味可口: 燒肉眼牛扒, 忌廉薯茸, 炸洋蔥圈, 紅酒燒汁(五成熟) 肉眼燒烤過後維持住嫩度, 鎖住非常濃郁的肉汁, 口感帶有炭烤風味, 搭上紅酒燒汁可以昇華口感同味道, 豐盛既感覺。薯茸質感好滑, 入口即融。炸洋蔥圈皮酥脆，內層鬆軟甜美。Berry Berry Milkshake：奶昔混合了莓果，味道酸甜可口，好似甜品一樣。有機子桑莓葉茶：慢慢等左大約十分鐘，我地先開始飲。草本風味和清新的口感，同時又有微妙的苦味，放鬆身心。…Read More

朋友介紹呢間叫''秘''既日式燒肉餐廳, 今次呢間係荃灣, 平時經過見到好多人排隊, 我嗌佐一份安格斯牛小排, 一碗好大既飯, 有溫泉蛋, 牛小排份量多, 唔會食唔飽, 價錢合理, 味道唔錯, 有牛味, 都算有汁嫩滑, 普普通通, 間唔中都可以黎食下. 唔知吉列牛味道如何呢, 見好多人都嗌, 下次黎試下先. …Read More

位於銅鑼灣皇冠假日酒店1樓既西式扒房，主打唔同地區既明火炭烤牛扒🥩🥩🥩有美國、澳洲、日本等等...今次我就為左👉🏻美國20 日乾式熟成咖啡渣肉眼扒👈🏻慕名而來的，聽餐廳介紹呢款菜式係用Lavazza咖啡渣混合其他秘製材料再塗抹係牛扒上，聽落已經心郁郁好想試，所以就即刻帶埋朋友黎試試佢🤤🤤餐廳環境幽美，闊絡又舒適，坐下傾下計嘆下酒都坐到不知時日過，好chill🤣就連枱面盞橙都好有特色😚😚單點既餐牌上有前菜、主食同配菜，選擇唔係話真係好多，不過因為我早已有目標，其他都是浮雲🤩美國 20 日乾式熟成咖啡渣肉眼扒 340 克🥩!!期待已久既牛扒🥩一上菜已經令人垂涎三尺，不論係表面定內裡都烤得好靚，生熟度適中，唔會太熟好煙韌亦唔會太生，證明大廚炭烤得好專業😋😋一食落去肉味濃郁肉汁飽滿🤤再係咖啡香味既襯托之下，雖然有少少少少苦澀但呢種味道係可以令到牛扒別有一番風味，如果覺得咖啡味唔夠濃碟邊仲會有啲咖啡渣碎可以蘸上👍🏻我就覺得本身味道都好濃所以就冇額外蘸~再配埋旁邊既油封蒜頭，食落去軟糯又香甜，幫牛扒調味之餘就咁食都好好食😋果然冇令我失望🎉仲叫左個Maryland Carb Cake，佢有珍寶蟹肉、芝麻菜同柚子他他醬，成個Cake都係用蟹肉製成!!所以每咬一口都有濃濃既蟹肉味，而且質感淋淋的好易入口，配埋柚子他他醬酸酸甜甜咁十分之開胃😋羊奶芝士蛋糕，食之前見到係羊奶都驚驚地，不過食落味道一啲都唔騷，好易入口👍🏻伴碟仲有焦糖燴啤梨同雲呢拿雪糕，焦糖燴啤梨味道就酸甜清新，無焦糖既苦澀味👍🏻👍🏻配埋凍凍地既雲呢拿雪糕是絕配💯準備離開既時候經理向我地推薦下次可以過黎試下LUNCH，係SEMI BUFFET形式，先選一款主食然後無限量供應冷盤、沙律、是日餐湯同甜品🤩🤩聽落都覺得好吸引，所以我同朋友都已經決定好下次會再黎食LUNCH了🤣…Read More

今日一行10人去佐長沙灣廣場三樓Mr.O 食Lunch, Lunch Set有得揀南瓜湯或沙律, 之後一款主食, 仲可以加錢嗌小食, 但小食好似係無優惠價加, 送飲品, 想食甜品又可以再加錢食, 不過我地今次無人叫甜品. 生蠔有海水味有少少咸, 不過都幾大隻, 我食三文魚扒, 覺得幾好食, 但係唔够飽, 好彩大家嗌佐好多小食, 炸魷魚鬚小食好好食, 水牛雞翼超大隻, 見到漢堡扒都好大份, 應該會够飽, 薄餅餅底好薄好脆, 唔錯幾好食. …Read More

一行三人, 職員話二人餐再加個小食都够食, 所以嗌佐特選二人餐, 啤酒包兩杯, 另外再加一杯, 啤酒有得揀黑啤白啤, 職員介糿佢地既黑啤相對黎講算易入口, 但我地平時唔識飲酒, 都係驚飲唔到, 所以都係揀返白啤算. 蝦, 赤貝, 沙律都好新鮮好好食. 炸物都炸得幾好, 清酒煮蜆大大隻無沙, 好似有九隻十隻咁多, 牛柳粒都唔錯不過切得有啲大舊同埋有少少太熟, 炒野菜又炒得幾好幾香, 黑松露炒飯炒得唔錯但黑松露味唔太出, 可能落得唔多. 最後嗌佐兩款甜品, 焙茶蒟蒻卷蛋同埋芝士蛋糕, 好好食喎. 不過可能要食佐焙茶菩蒻卷蛋先, 因為味道比較淡, 而芝士蛋糕味道比較濃, 會冚住佐個味, 可惜窩夫賣晒, 如果唔係會想試埋.…Read More

實在太鍾意飲茶啦, 又唔想成日食同一間, 唯有間間都試下, 今次試下呢間個名又簡單又好好聽既星點心, 原來都有好幾間分店, 次次飲茶嗌既嘢都差唔多, 蝦餃燒賣基本嘢, 馬拉糕灌湯餃必嗌, 糯米雞就睇心情嗌, 好多時都未必好食, 呢間都唔錯, 够熱, 點心不過不失還可以. …Read More

荃薈有間樓下冰室聽聞蕃茄湯底超正, 今次終於黎試, 果然無失望, 個湯底真係超級濃郁, 我以前其實麻麻地蕃茄湯, 但自已打邊爐食佐之後發覺原來都幾好味之後就無咁抗拒, 但最令我驚喜既係佢地既瑞士雞翼, 超好味, 好大隻又入味, 真係好正 …Read More