大頭小花子的個人專頁

偶爾經過, 唔知幾時開左一間西餐店。門餐牌見到有特級安格斯牛肉漢堡，好想食🤩。但店裡面得2個客, 有d伏味🤔，心諗可能係新開定係時間太早所以無咩客？於是膽粗粗入去做吓白老鼠。2個人，點左「特級安格斯牛肉芝士漢堡鐵板薯條」，$72, （ 個名咁長,聽落好似好勁😅），另外單點左一客「焗肉醬意粉」，唔記得確實價錢，好似$50幾蚊。安格斯漢堡包一餐飲，點左水果特飲，叫左少甜。黎到真係超少甜，讚！焗意粉唔係餐,但配飲品有半價, 叫左一杯青檸梳打。意粉先上桌，好熱，應該係即焗。表面有好多芝士，肉醬蕃茄酸度適中，味道拍得住高級餐廳👍再黎係牛肉漢堡上桌，哇賣相一流，擺盤精致，配粗薯條，旁邊搭左2條沙律菜裝飾。即刻發揮港女精神, 相機先食😂牛肉漢堡個包有焗過，熱既，邊位有少少脆👍漢堡肉咬落超級juicy，正！ 漢堡裡面有芝士，火箭菜，洋蔥，蕃茄片，足料。2個人，埋單大約$14x, 抵食！可以回頭！見到隔離枱叫左份燒咸豬手，哇，好大份，睇落幾像樣。餐廳老闆推薦我下次要試！一間用心製作既小店，有驚喜，值得支持。燒咸豬手，你要等我，下次一定要會一會你…查看更多

適逢中秋正日，有好幾間幫趁開既小食店都無開，想食煎壤三寶，見佢賣相OK, $10/4件，就買左2件炸雲吞，2件炸魚蛋，落左小小鼓油。炸雲吞咬一口，有點失望:(，是凍的，皮微脆，味道正常。再試炸魚蛋，天呀，我到底食緊咩野？我當時心裡面好爭扎，到底要吐or 要吞？ 好難食，完全唔知食緊果舊係咩，凍，硬，一陣油溢味，好似咬緊舊刷紙膠！咁差既食物都可以攞出黎賣？老闆你如果有幸睇到呢個帖，唔該自己去試食吓先好攞出黎賣。…查看更多

星期日和老公中午經過這新開茶餐廳，見裝修格局ok,抱著一試心態，萬萬估不到就此中伏了！Lunch時間，差唔多滿坐, 無得揀位，同人搭枱，坐左餐廳右邊靠牆位，坐位有d迫，但係點解張櫈咁高？張枱又咁低，完全彎唔到身食野，要用手捧起隻碟來食，點可以咁樣設計？:(見到牆上黑板寫住3款廚師推介，就點左其中2款：瑞士雞翼撈丁麵 - 雖然雞翼很深色，但瑞士汁太淡，只有死甜，味道好單薄。個丁麵差到離譜，煮到淋晒，又無調味，感覺好似食緊白烚公仔麵，完全食唔到有味道。撈麵附送一個疑似湯既物體，裡面有d生菜絲，賣相還好，點知試了一口，又係無味道既，以為自己飲緊洗菜水，試左一口就放棄了芝士焗豬扒飯 - 賣相唔錯，面頭有好多水牛芝士，一揭開塊豬扒，感覺有d唔對路，d飯煮到爛晒，水份太多，飯無炒過就攞去焗，好似食緊白飯咁，失敗！塊豬扒就正正常常，唔難食。不過$52（配一杯凍0水）呢個價錢，呢個水準，我情願去食大X樂無咁嬲雞亦撈丁配熱飲$42，焗豬扒飯配凍飲$52，埋單總共$94。餐廳環境同裝修都幾好，但食物水準奇差，一d咁普通既菜式，都可以煮到咁難食！唔配收呢個價錢！（d相係食到一半先影，因為越食條氣就越唔順，決定要出食評）…查看更多

今次是第一次食8記車仔麵，裝修有心思和食物有水準的小店，特別顏色和裝飾如七、八十年代的感覺，門外可以擺放單車方便客人，是日和老公點了如下：豬紅大腸冬菇米 -值得一提是豬紅很滑，完全沒有散開，推介！另外米粉亦是亮點之一因爲是幼身和彈牙:)，（不是粗身和塑膠感的！）自家制辣椒醬勁到十足，小妹只要小辣已經夠噴火支竹肥牛豬紅油麵 - 肥牛份量多，油麵不錯湯底不油，老公叫了腩汁湯，幾乎渴完全碗，事後沒有口渴會下次再來支持小店😃😃…查看更多