mmavis43's Profile

呢間台灣餐廳好ma ma。首先，返工lunch time, 等咗快20分鐘，有個senior d化濃妝既女侍應，拎住個空碗過來，加埋一個唔知咩醬，放底左，無講野就走了。我就問佢我既排骨飯係咪都黎緊呢？她竟然話：「我得兩隻手咋！！」午餐時間等咁耐，我都冇催佢，直到佢放底野想問下，呢種態度，連基本正常應對都做唔到，真係一個差字。成條街好多餐廳都執左，希望佢識得反省下。講返食物，我點咗何首烏排骨飯，湯味道淡d，唔熱，大部分肉係硬乾，豆腐好味既，ok既 , 無對佢有好大期望。至於熱飲，放喺杯入面，唔知係咪耐熱膠，但喺外面完全唔覺得熱，飲落口好易燙親，呢個要小心啲。…Read More

野食ok，算係正正常常，我向tea time叫左海鹽pancake，野飲就正常，叫左熱朱古力。講到staff，一個唔知咩事向一邊一直玩電話定咁電腦； 一個戴眼鏡長期避開人既視線，一直叫唔到人，要叫人落單既話要俾d耐性。。。等左至少20分鐘，我個pancake係同另一個遲黎我約15分鐘既客一齊上既，唔知係咪要等埋一齊整，要食野既話就要再俾d耐性。餐廳唔多人都可以咁樣，綜合所有野，我諗我都唔會再幫襯呢間野。…Read More

第一次黎食，成餐晚飯，我只係聽到門口果位好大聲既員工（或經理？）不停鬧其他員工，我實際上睇唔到其他員工有咩做錯，因為佢地都已經做到無停手，凳有d唔乾淨都即刻抹走，好surprised，態度好好，野食又黎得好快。我同朋友坐向門口位，成晚就係聽到一d好難聽既鬧人內容，都覺得好嘈，好嘈，令人精神好緊張，食得好唔輕鬆。 不過，果位大聲既員工對客人係有禮貌既。而野食呢個價錢都係OK的。但因為實際令人好唔舒服，我都係唔會再去。…Read More

都好surprise點解咁多好評，野食真係難食，我食鴨胸risotto，睇到相你都應該覺得無味吧，食落去真係無味，d鴨胸一粒粒咁，鹹鹹地，油油地，我再食唔到有咩其他味道可以再形容到呢碟野，總之就係無鴨胸味啦。 朋友叫豬鞍，肉淋既，但都好油，d汁咁深色都係無味既。 野飲正常既。 服務方面： 2個人打橫坐，d野食永遠都係放向一邊要自己移，奇怪...... 環境方面，有打卡位，好多裝飾向餐廳入面，仲有戶外枱，我就無出去，所以無comments。 我唔駛打卡，但周圍既餐廳都好多人，得呢間有位唔駛等先黎，下次都唔會黎了。本身都無諗住寫食評，所以無咩影相。…Read More

周末食晏，打去問有無得book位，一位女員工接聽不耐煩既態度覆我： 無！俾佢唔友善既聲氣嚇親，但照去，食晏時間1點幾去到，唔駛等位，無見到有人龍。第二次再去都唔駛排隊。叫左全日早餐，食材新鮮，蛋滑，好味！擺盤靚！份量仲好多！另一個係有帶子既包，帶子都係新鮮，鹹鹹地，但食埋個包，又中和返，野食唔錯！仲有手沖咖啡，應該有6款。最衰d位迫，枱又細，但應該會再去的。泊車既話，附近有個停車場，周圍既路都比較窄。…Read More

It was my first time buying a parfait here. I ordered a 5 layers one. Without having many choices for toppings, I ordered chocolates, m&ms and oreo bites.The parfait is normal, being sweet and very sweet. Without any fruit provided for toppings, please do not expect it to be healthy. Another thing that made the experience even worse is that the female staff taking my order had no patience at all. She just whispered behind her mask and we could hardly hear what she said. By then, she just got pissed and shouted. …Read More

環境方面，樓頂好高，落地大玻璃，270度海景，裝修好特別，木台之間又闊，員工又唔會將全部人推埋一邊，坐得好舒服。野食，慢煮乳豬好滑好juicy啊，皮又脆，肥死啦，但食哂，銀雪魚西京燒甜甜地又好滑，2款都好滿意。而甜品就係，暖既綠茶味流心既餡餅，加埋vanilla 雪糕，唔太甜，一熱一凍味道配合得好唔錯！最重要既就係，餐廳員工好好人啊，幫我地就哂角度影相，又好有笑容，野食又介紹得好詳細，仲成日會遠望我地有無野要，服務無得頂，宜家真係難搵。平時唔多寫食評，今次真係覺得呢間餐廳值得推介！…Read More

1. 地方窄，無開哂成個場，所有人都迫向一個細area，都可以見到campsite既裝飾，遠望都幾靚既，但太迫。而張枱就好細同窄，仲要放個大玻璃水樽，唔小心就會掃左野落街。2. 服務態度有待改善，staff黑面，野食等左30mins，叫佢地check下，staff聽完行開，唔知佢去check定點， 最後野食都有黎既。3. 野食，Egg Benedict，正常，只係麵包有d燶。宜家搵個真comment都難，所以打d野支持下。…Read More

不知為甚麼，侍應，疑似餐廳經理（除左外籍既一位女侍應）全部都係黑口黑面，經常表現等無耐性，又趕住收野，野食牛乾，豬ok，其他都無感想了，只係好似茶餐廳一樣咁，完。…Read More

朋友介紹，諗住試新野，叫左幾款壽司，三文魚壽司無咩特別，無特別厚或薄 ，帆立貝壽司得好細粒，大概切開後細過一個一蚊銀，不是厚肉，之後叫左海鮮茶碗蒸，入面有一粒蝦，一片魚，無咩味既，蝦壽司最好食，蝦都大隻，又厚肉，而吞拿魚腩壽司都好新鮮，但好似大概$25一舊，值唔值就見仁見智，海膽都ok，唔俾book位，要去到咁飛，向門口由7點等位等左一個鐘，要8點半，很攰了，正方形枱超細，侍應生人勿近，唔會再去了。…Read More

食物麻麻，海鮮濕炒有d八爪魚都還好，馬拉盞牛肉炒河得牛肉碎。不過呢d都算，最可惜係大部分女侍應都態度惡劣，問非所答，倒瀉野落人件衫都唔會講sorry。下次唔會再去。…Read More