Peppermint's Profile

上次到Green已經係兩年前係食午餐，今次食三道菜的下午茶，可惜服務水準下降咗好多，佢為一間教學酒店，我以為講理念底下，服務會由心多一點，可惜我太天真了。首先，坐低後睇完一輪菜單，找侍應落單，然後等咗大約10分鐘，跟住到上埋頭盤但一直都無比水或餐茶我哋，直至等到我哋開口問佢先識比。侍應上每一道菜都係放低就走。雖然可能每一檯客人點的下午茶都係一模一樣，就算你hea一點千篇一律念口簧，就算講完我都未必每款記得，但始終作為一間四至五星酒店，介紹一下食物係基本的吧！我都無期望你在口罩底下的面部會擠一點笑容出嚟，可惜拿一點服務熱誠都欠奉。講返食物，甜點令我大失所望，多數甜品只係得個甜字，毫無層次，有啲更加係甜到牙痛，只有scone還可以。我真心希望酒店會作出改善。…Read More

一向間中都有幫襯。今日閒日請咗一日假，諗住唔會太多人，1點鐘左右去到，要等十幾張檯，我話想等卡位，個知客話有排等，咁我都預咗，因為得幾張卡位。到1:30叫號，我話想等有卡位先，自問好有禮貌，話唔介意等，佢首先話「無卡位架喎」，我話「吓？」，佢跟住改口話有排等（果陣有一條隊排2點嘅下午茶，已經無乜人等正價）。然後隔一陣佢話有，我入到去有人舖緊檯，我問係咪呢張，佢話我張檯喺最入面窗邊梳化位，並唔係卡位，佢話卡位係留比4人或6人（而家係三月尾，仍實施緊2人限聚令），我話「得架咩」，佢面不紅耳不赤咁話「得架」❗️嗰位知客同所有服務員應該去再培訓，學習下咩叫做卡位，同接受思想再教育，唔好老點啲客。P.S. 原來樓上另一間酒樓彩薈軒暫停營業，要1/4至開番，所以呢度咁多人…Read More

搭完西鐵荃灣西落車，外面落住雨未停，因為星期日關係，好多食肆都要排隊。穿過灣景廣場天橋再到荃灣廣場，路過翠華，唯獨佢唔需要排隊，仲有我最喜歡嘅卡位，加上比佢放喺門口個餐牌吸引咗… 🤩厚切豬扒🤩黑椒汁… 都係我喜愛嘅元素，可以優先考慮🤓坐低咗睇完一輪餐牌後，發現佢係無炒粉麵飯嘅，睇真啲原來佢係「冰廳」😵‍💫好啦，就決定要晚餐啦，落單吧！點知經理話「厚切豬扒賣晒，會改為兩塊薄切！」咁都得？😧😧 我真係O咗嘴！唉，早知去商場對面嘅「紅茶」，不過我見外面落住雨又唔想走嚟走去，咁就妥協咗。朋友仔係公仔麵嘅鐵粉，叫咗個炒公仔麵。落完單過咗約半分鐘，經理又走過嚟話「黑椒汁賣晒，會轉燒汁」。。。嗰刻我呆了🐦🐦🐦 咩事呀大佬？個汁好難煮咩？定係無黑椒？我心裡有好多《👴🏿❓》如果唔係食食吓見個有人嚟見工，我真係以為佢係咪想賣晒啲貨就摺。感想：#做人唔應該咁易妥協 #又浪費咗一餐quota🤦‍♀️…Read More

呢排學人玩low carb飲食，加上唔係太餓，所以只係叫咗：🥢牙車快🥢燒乳豬牙車快：唔知越南食嘅芽菜係咪都係咁，無經任何處理，所以食落有草青味。可能唔係好食得慣，如果無陣草青味應該會好啲。燒乳豬：上檯熱辣辣，皮好脆，肉好嫩，好肥美（都幾大層油脂😬）。今次係第二次食，上次略嫌太多肉無乜油脂（似廣東燒肉嘅「沙梨篤」），今次正好多😋。豬肉唔算非常有豬味，但係至少無雪味😆 要批評就係跟上嘅汁太咸，希望可以改善一下。提外話，餐廳會用成架廚房堆碗碟嘅車推出嚟執檯，對成其他仲係用緊餐嘅客人來講，感覺好似唔係好衛生，話晒唔係屋邨酒樓...…Read More

第一次幫襯，諗住晚飯加餸。 Traditional chicken curry, 問我要16oz定要12oz跟飯嘅餐，我揀16oz。袋野拎出黎，我都覺得好少，不過第一次買唔清楚，咁咪信佢囉。點知返到屋企放上磅，真係唔夠秤囉！…Read More

又係不吐不快嘅時間😤今日買咗外賣，晚上6點取，7:45開飯。整體：賣相好好，牛肉份量都幾多，並非得面嗰浸（隻溫泉蛋係自家嘅）牛肉：每塊都腌得好入味，日式偏甜嘅燒肉醬汁，大部份都無乜筋，但係有啲有筋好硬紫菜：有4片，脆度OK芽菜：牛肉下面有一堆好幼嘅芽菜墊底，不過係無味無道嘅飯：貌似日本米，但係完全無飯味，又似隔夜飯，實到一嚿嚿，究竟係咩來歷會難食成咁，如果瞇埋眼真係唔知自己食緊乜嘢囉，真係超～超～超～超難食呀！下次係咪要好似廣告咁叫「走飯」？不過下次都唔會幫襯佢喇…Read More

今日係農曆新年假期，睇完戲想搵個地方坐下，食下小食。話說個friend好鍾意食牛腩，比佢門外張酥炸牛腩嘅相吸引咗，於是入去試試。唔知係咪新年都要開工，所以個個店員塊面都面黑黑。Anyway。碟牛腩上到檯，睇落都OK，點知一咬就唔對路！原來佢係順紋切肉......OMG!!!!! 勁。難。咬！切肉係要斷紋切，這是常識吧！查實件牛腩本身唔算韌，但因為佢係順紋切，搞到舊肉咬唔到囉！浪費晒！希望間食店會檢討下啦！…Read More

今日諗住隨便食，行行下見到間上海舖有人龍，諗住好食，所以決定排隊。等咗大半個鐘，終於等到啦，佢叫我地入去坐圓檯搭檯。一坐低，見到隔離張卡位D人走，諗住轉檯，點知知個女侍應好無禮貌同大聲咁講：「唔！可！以！後面仲有人等緊！」咁我地唯有坐返低。點知之後入黎坐卡位嘅都係得兩個人。然後過了一陣卡位又有人走，咁我地問可唔可以轉，跟住佢就話我地入黎嘅時候無講唔搭檯所以唔可以！吓！真係一頭霧水！入黎嘅時候你真係無講清楚囉！同埋我覺得係你態度問題，如果你好有禮貌咁同我解釋我會接受，而唔係一句「dut」埋黎！…Read More

先講客觀環境，門口等位處放了不少座椅，但卻無法使用！餐廳門口對上安置了多部冷氣，噴出大量熱風，兼且滴水；而且門口對出不遠處有個垃圾收集箱，發出陣陣惡臭，在此等位簡直活受罪入正題。當日打算買外賣，買了豬扒檬粉，等了又等，不對勁，於是入去問一下。門口位哥哥走入廚房，跟著出來話：「未有呀，豬扒要等至少15分鐘...你都唔想D豬扒生架（附帶嬉皮笑臉的口吻）？」吓？我落單時你為什麼無告訴我要等咁耐？！最後等了差不多半小時！回到家，發現我等了這麼久的豬扒竟然長這樣！還是有一點紅紅似熟非熟的地方，但又好像隔了一夜的樣子⋯⋯…Read More

好少到沙田食飯, 本來打算到ikea食肉丸, 不過因為落雨唔想行出去。o係呢層樓真係花多眼亂, 唔知食咩好, 唔想等咁耐, 所以揀左呢間。等左大約五分鐘, 門口位小姐o係我地入去前同我地講, 佢地會收每位$8茶錢, 因為佢地d茶係自家製咁話。一坐低就覺得坐得好唔舒服; 張櫈係木板櫈, 雖然有靠背, 但係又直又硬, 攪到我都無心機叫o野食, 想拿拿林食完走。於是叫左個d定食, 老公食鰻魚, 我食燒鯖魚。一黎到見到真係hurt晒, 所謂定食, 只有個飯, 一小碟前菜同湯, 仲用個令你咩胃口都倒晒o既cheap托盤載住, 賣相其醜, 味道當然唔駛講, 我求其三扒兩撥食兩啖就算。最離譜係杯茶, 唔講都唔知佢係茶, 茶餐廳杯茶可能仲似茶過佢。埋單共$170幾。呢間餐廳, 真係比錢我都唔會再黎食。…Read More

好耐之前o係時代廣場時食過, 想知道仲有無keep得咁好味。我地都係叫左最多人食既set A, 另外加個焗田螺做前菜。個焗田螺而去殼, 用d薯蓉墊底, d薯蓉加左d蒜蓉, 好香, 不錯。個set的鵝肝煎得"火農"得滯, 個人不太喜歡。個扒以這個套餐價錢來說, 不敢奢望, 尚算可以。甜品心太軟的確不錯, 不太甜。而我個心太軟來到時個心漏了出來, 叫他們換過, 他們也say sorry.值得一讚是我們要求熱水, 他們另有壺上, 不用開口也常常check有沒有水。他們的服務態度, 令食客非常開心!…Read More

我和老公於平安夜行完街, 大約10:00pm到連城, 點知間間都好多人, 見呢間有位, 咪入去. 唔知係咪佢地平安夜都要番工好唔happy, 個個伙記口黑面黑. 我地坐係離門口大約十呎八呎既卡位, 食食下唔知係咪佢地趕住收工, 有個女職員竟然拿起門口塊"歡迎光臨"地毯起勢度拍塵...大佬, 人地仲係度食緊野架, 想趕客都唔係咁離譜掛. 另外有個唔駛著制服的類似經理既男人, 以為佢好d, 點知都係咁, 埋單時老公簽卡, 佢多謝都無句, 仲將張卡"pat"係檯面. 呢間野, 我以後都唔會再去!…Read More