mank_lee's Profile

每逢打風都一定會好想打邊爐，最近呢個風球落咗之後就即刻喺屋企附近搵嘢食，真心超級有驚喜！ 個價錢真係好抵，人均唔使$300 ，但係就可以任食海鮮，肥牛等等火鍋材料，全部都好高質！最值得令人欣賞嘅係佢哋嘅服務態度，全部嘅服務都好好，又細心，尤其是有位同事：蘋姐，佢嘅服務態度真係超好。知道我太太懷孕，細心提醒佢有啲乜嘢要注意，要淥熟啲嘢食先好食等等，真係令人真心有驚喜！ 佢哋嘅性價比都係好高，海鮮好高質，鮑魚好大隻👍 牛肩胛等等都好靚，充滿牛香！ 同埋佢哋而家仲做緊啲優惠，可以任食榴槤同埋椰青，但係我自己個人嚟講就唔鍾意食榴槤😂 不過原個新鮮椰青真係好抵，我太太解胎毒一流，我哋仲會幫你開埋👍👍👍呢間真心值得推介👍👍👍…Read More

呢排天氣變化多端，時晴時雨，搞到個人都心情鬱悶晒，咁要解決呢個問題，最有效嘅方法就梗係食好東西啦！醫好我嘅五臟六腑😁揀咗去公司附近呢一間嘅西餐廳，先嚟一個三文魚凱撒沙律，個三文魚會包住整到成個玫瑰花咁，好靚靚喎！最欣賞係佢嘅配菜好多，除咗沙律菜之外，仲有好多小生果！真係開胃一流👍另外主菜我就揀咗呢一個虎蝦龍蝦汁意大利粉，龍蝦汁好Yummy ！ 超級濃，掛滿晒成個意粉，同埋佢哋同蕃茄仔個味道口感都好夾👍 個虎蝦都好大隻，份量十足！ 整體係好滿意嘅一餐👍👍👍…Read More

位於火炭坳背灣街工廈嘅友飯食，環境好闊落乾淨，價錢超貼地，吸引到我黎試下。下午茶款式多於十款，會包埋餐飲，就算嗌凍飲平均都唔過$50, 而家呢個range都幾少可有架。其中A-D餐入面嘅，仲會配埋沙律/薯條，抵到爆～！招牌炸子雞配薯菜+可樂 & 吉列豬扒配沙律+凍檸水。炸子雞有半邊，外皮好脆！！！肉質keep到幼嫩，招牌菜果然係正野黎！仲有啲薯條都好熱辣辣架～吉列豬扒都炸都好脆，厚度適中，乾身唔會過油，配沙律又可以中和返啲熱氣感。下星期會再黎…Read More

入面都幾懷舊，茶記檯凳setting，有電視睇，好多附近街坊、上班一族都過嚟食lunch，推介下幾款食過翻尋味嘅菜式先。1. 椒鹽豬扒飯每塊豬扒都做到外脆內嫩，外層炸到好香脆，加咗椒鹽、五香粉、炸蒜同紅椒粒，非常惹味。而肉質都幾鬆軟。2. 熱奶茶 嚟到茶記，又點少得一杯正宗嘅熱奶茶呢。3. 火腿芝士公仔撈公仔麵 滿滿嘅芝士覆蓋成碗麵，上面仲有大量火腿絲。將芝士撈勻，每條麵條都沾滿芝士醬，芝味十足，好邪惡呀！…Read More

整間餐廳都擺滿植物，水泥通窿牆壁設計，感覺好chill。我哋兩個就點咗一份沙律、一碟意粉同埋咖啡，一齊開心"些牙"啦。1. 三文魚牛油果油醋汁沙律$622. 香辣蒜片意大利麵$683. 西柚咖啡湯力 $48 一上枱，我哋不約而同都嘩咗聲，鋪排得好靚嘅牛油果花。一份好健康嘅沙律，清新又輕盈，份量都大份。意大利粉辣辣地，用蒜片炒，簡簡單單，幾開胃架~份量夠大，都幾抵食！ 咖啡加咗湯力氣泡水，飲落好特別，好有層次感。…Read More

不嬲係上環街坊，每星期都定期飲茶痴，因為個綿芝奶蓋💯 真心正，但最近居然出埋有開心果，心心眼出動，忍唔住一定要打一篇食評😆😍😍😍🧋研磨開心果燕麥奶茶 $45世一呢杯開心果，強列懷疑店主落重本，勁濃厚開心果味，食緊啖啖開心果🤩🤩🤩上面仲有奶蓋同鋪滿開心果碎添🥳 仲要用燕麥做底，好健康呀‼️🥤綿芝青森蘋果 $46好清新，夏天飲一流，佢係用日本青森縣蘋果做😍超級清甜無比再加埋綿芝奶蓋! 口感好厚身又滑, 仲有濃郁嘅芝味, 2者味好夾, 飲多多都唔覺得邪惡🤭…Read More

依家周圍都係連鎖餐廳，難得有小店當然要大大力支持啦，今次去左位於黃大仙一間小店食潮州菜，餐廳開左好耐已經係老字號，今次叫左佢地既招牌菜，味道有驚喜 炸鯪魚球六粒 $45 炸鯪魚球好似枱枱都有叫，大大粒入面真係有鯪魚肉，入口彈牙有魚香，最緊要係冇腥味幾好食可以沾埋醬汁一齊食更惹味潮州咸菜炒大腸 $45 大腸份量多，口感軟諗，咸菜帶咸香好惹味唔會太膩，炒得好有鑊氣，建議可以叫個飯下配埋食好好味另外要讚下佢地個價錢都好抵，下次會再來食…Read More

每次喺旺角行完街都一定會食呢間，嘢食真心高質，環境又舒服，忍唔住一定要推介比大家😆😆😆必食：Mobin “UFO” crispy cheese burger $115見到超誇張好特別，真係成個UFO 咁，外層包住芝士脆片，呢個芝士脆便真係好好食，好煙靭一啲都唔漏，入面仲有煎香左嘅煙肉同流心蛋，再配埋餐廳自製嘅特製醬汁，底下仲有好多signature嘅墨西哥脆片，好惹味！ 好鍾意食佢個芝士脆片同埋特製醬汁，點埋墨西哥脆片超夾👍Salmon Tartare Cracker $85坊間比較少見呢一個牛油果醬既他他，味道好清新，同三文魚好夾，配埋脆餅食一流，個牛油果醬好惹味，食多多都唔覺膩Yuzu Cheesecake $68甜品揀咗我最愛嘅芝士蛋糕，同柚子味好夾，好清新！ 再配埋雲呢拿雪糕，啖啖滿足❤️Cucumber Gimlet $60琴蕾·青瓜，青檸氣泡水：味道清新，推介Ginger Latte $43 （H) 岩晨呢係天氣飲，薑味啱啱好，為冬日加添暖意呢度環境都好好，好舒服，岩曬過呢個休閑既晏周❤︎…Read More

屯門出名多小店，今次為大家帶來一間甜品小店，位置係紅橋附近，行過嚟呢邊都有好多平野食！地方唔算好大，店員有同我推介一啲出名啲既甜品，選擇都好多，下次一於帶埋成班朋友黎食🤤今次叫左個麻糬鮮果仙草凍$48麻糬份量好多，口感煙靭，食既時候有飽肚感，好少見仙草同麻糬一齊食，不過又幾夾！仙草入口甘甜清爽，夏天/天氣熱食透心涼上面仲有好多新鮮既水果，酸酸甜甜有助解膩另外佢地仲有榴連/椰皇系列，見倒隔離枱食既狗仔粉同河粉都大大份好足料，下次會再黎…Read More

我同屋企人都好鍾意食烤魚，每次去食一條都唔係好夠喉😜比我發現到有烤魚放題，立即帶埋屋企人嚟食。一開始個海鮮拼盤都幾高質，尤其是海蝦，肉質依然爽彈，唔會蒸得過熟過老。跟住就要食我哋今日嘅重頭戲烤魚！最正嘅係每次都可以叫唔同嘅口味🫶🏻我哋有兩款都好鍾意，金湯酸菜魚同埋重慶麻辣烤魚。酸菜魚個湯底好濃郁，同埋夠熱真係好重要👍🏻酸酸辣辣好開胃，而且食魚唔肥，所以都好放心食🤪而麻辣烤魚都好出色，夠辣夠麻，呢度調味真係要讚，好啱我口味。食完烤魚就可以打邊爐，配料都有好多選擇，食完真係大滿足。總結，呢個價錢有依個質素真係冇得挑剔，一定會介紹朋友試下。…Read More

市下大家都追求健康，連素食都upgrade！除咗賣相吸引左款式都越多越多花款😆今次黎左位於大角咀既呢間素食餐廳食自助餐，價錢唔價，星期六lunch黎爆場，一坐低即刻出去拎野食，試左幾款味道都好有驚喜煎釀三寶好好食！熱辣辣仿肉餡好似食緊真肉咁💓炒肉片好有鑊氣😁調味剛剛好，配飯一齊食好惹味另外佢地既蔬菜壽司都好吸引，壽司卷入面包左青瓜呢啲爽脆既蔬菜，入口更有口感值得一讀滷肉飯醬汁甜甜地好惹味，滷肉整到好似平時食既滷肉一樣好好食🤤另外佢仲有好多甜品，值得一試🤤…Read More

趁着秋涼，梗係要帶埋小朋友去濕地公園度放電，天氣涼涼地又唔太凍，玩完成身汗最啱梗係要食越南嘢招牌燒牛肉越式法包個法烤得好香脆，又熱辣辣，最緊要係有勁多燒牛肉，啱晒喺呢個時候食，好開胃其他嘅餸都好好味，去骨手撕雞撈檬，蒜蓉牛油雞翼，金絲網春卷等等，全部都好入味，醬汁好惹味，岩曬送飯最重要佢哋嘅服務態度超級好好親切好友善， 帶着小朋友去餐廳搵食有陣時其實都好驚佢哋會搞到餐廳好麻煩，不過呢間餐廳嘅員工全部都好有耐性，仲會同佢地傾偈，推介食物：⭐️⭐️⭐️⭐️⭐️服務：⭐️⭐️⭐️⭐️⭐️性價比：⭐️⭐️⭐️⭐️⭐️…Read More

見人地隔離枱好多都試烤魚，但因為我對魚不大興趣，所以就嗌左佢地既小菜，再配埋白飯🍚咁樣又輕鬆搞掂我地兩個人個晚餐🥣-酸辣土豆絲首先呢到既土豆絲好爽口🥔而味道都好入味，辣道方面只係小辣，唔會好難接受-香辣干鍋蝦呢個蝦量都算多，佢係有唔同既配料，例如炸蒜同辣椒乾，所以好惹味🔥-辣子田雞平時都係食雞多，難得呢到有田雞都想一試🐔食落我個人認為係比較juicy，而份量都算多，無因為係田雞就少啲🤣…Read More

一場嚟到長洲，梗係要掃街啦！ 最令人印象深刻係呢間雞蛋仔，離遠已經聞到超香蛋味，唔怪之得3:00都排晒隊，價錢又平，有超級香嘅雞蛋香，仲要係脆卜卜熱辣辣，好味呀😍😍😍😍 嚟到長洲一定要食佢啊😉…Read More

出色韓國菜，太古真係有好多嘢食，不過我最鍾意食嘅就係韓國菜，呢一間亦都好印象深刻。 最鍾意係佢哋個all day breakfast … 好豐盛乜嘢都有，最重要係熱辣辣，之前食過一啲西餐廳，上菜反而係凍冰冰，所以最欣賞呢一間，除咗有典型嘅韓國菜之外、居然仲有其他菜式，仲要保持到一定嘅水準👍👍👍…Read More