longaryin's Profile

今朝十点幾揸住張3蚊優惠券嚟旺中味千拉麵食早餐， 餐種有日式， 西式和拉麵套餐任你揀。 我叫咗個蕃茄豚片煎蛋拉麵和即磨熱咖啡 ，店員好快就送上食物， 賣相精緻， 食慾大增。拉麵爽口好味， 啜一聲就食曬， 跟住食埋隻蛋， 再把配菜粟米連蕃茄湯成碗飲哂， 茄物濃鬱好味， 飲完仲想再飲 ，其他快餐店嘅蕃茄湯拍馬都追唔上。 加上座位舒適， 空間感大， 店員和藹， 食完玩下手機順便寫埋食評都冇人趨你走。 原價38蚊嘅早餐扣減三蚊優惠，35蚊就搞掂，性價比高， 簡直係人生享受 ！…Read More

今日去呢間新店食拉麵， 店舖裝修新穎， 坐得舒服，食得舒適。職員親切有禮，我叫咗碗職人叉燒拉麵，好快就送上。賣相好靚， 湯熱香濃， 叉燒軟滑， 溫泉蛋靚，麵質爽口， 食完回甘，連湯都飲曬， 拍得住百幾蚊一碗嘅拉麵， 食完想再食。餐牌仲有好多美食， 好似五花溫泉蛋丼、 壽喜牛肉溫泉蛋丼、 麻辣牛舌拉麵、 最啱素食者嘅野菌醬油湯拉麵、 小朋友嘅飛機或砵砵車兒童餐。 仲有小食柚子蜂蜜手羽、 唐揚炸雞、 吉列蝦餅， 各適其適， 非常好食，梗有一款啱大人或小朋友食。…Read More