donalduck's Profile

得知同仁四季椰子鷄專門店有晚市私房菜，又免開瓶費，今晚一於約埋好友聚聚，大廚出馬，開心歡眾，豐富大餐，大家都食到舐舐脷。炸大腸拼海蜇：口感酥脆，搭配海蜇的爽脆，絕妙組合奶油胡椒蝦：奶油香濃，胡椒提味，蝦肉鮮甜彈牙爵士燉湯：每人一盅，料足味香，細心為不食雞的朋友安排走雞奇趣帶子：帶子新鮮肥美，創意烹飪手法帶來奇妙口感紅炆班翅：色澤紅亮，魚翅軟滑，滋味醇厚，份量頗大鳳雕牛韻：牛肉質感豐富，配以精心雕刻造型，視覺與味蕾雙重享受琵琶豆腐：口感滑嫩，造型優雅，滋味清淡可口扇影金蔬：懷舊菜式，色澤鮮豔，手工菜大廚炒飯：米粒粒分明，配料豐富，碟底無多餘油份懷舊芝麻卷…Read More

見評語幾好去試試，首先位置都方便，近地鐵站。叫了牛扒，有肉味，以慢煮形式再入木盒上枱，有汁附但無最後加鹽上枱，味道普通。慢煮乳豬，肉質都ok，但皮不夠脆。龍蝦海鮮飯，都有成隻龍蝦，飯汁比較多，米是大米。餐廳沒有沙律菜，其他菜式不吸引所以沒有叫。雞翼太辣汁太多。環境算不錯，但傾計比較應聲。要注意寫收10點其實last order 主食8:30 甜品 8:45 9:00埋單 9:30就直接趕客走，咁就唔該更正資料餐廳收9:30吧！…Read More

香港-美食-高茶文華東方酒店馳名的海南雞飯，個飯真係好好食，成個碗上枱時都係熱的，湯都好香雞味同杞子味道，而個雞都係滑😋另外都叫咗個tea set ~ 甜點都係文華東方酒店嘅名物，友人生日當然要切蛋糕同開香檳慶祝一下😘…Read More

上次幫襯完正和軒，今次去同一集團係樓下嘅同仁四季椰子雞專門店，見天氣涼涼地就約埋友人試吓先😋椰子雞火鍋，見到有個全日套餐，今日試咗椰漿椰青海鹽文昌雞鍋半隻 、然後肉類選了美國安格斯肥牛、海鮮類就揀咗鮮龍躉、火鍋配料係有32款可以揀3款，我哋就選擇咗黃沙豬膶、午餐肉同埋炸響鈴⋯豬膶好新鮮無餲味，午餐肉好有heart😍煎香先上枱，炸響鈴都係熱辣辣⋯除咗龍躉一般之外，其他都好好。下次都係聽經理推介叫台灣白鱔片，魚身係爽口的⋯重有個湯底真係無得輸，煲起個湯頭好香椰味，也很甜！真係飲咗好幾碗～雖然位置係橋底唔多起眼，但座得舒服服務又好真係要多多支持💪🏻亮點係全日免開瓶費，帶咗枝香檳🍾去飲得特別開心🥳…Read More

話說包咗場做百日宴，咁我就影咗少少精華相片分享吓，有芝士焗加拿大龍蝦伊麵底，每人預咗半邊龍蝦，咁又好過一隻大龍蝦，肉得幾舊咁多人分，凱撒沙律伴百花釀蟹鉗，熱辣辣好好食～而家好多到都無釀蟹鉗食，紅燒花膠海皇燴魚翅、蠔皇玉掌扣原隻鮑魚，呢樣通常去飲宴都有上場，清蒸生猛海虎杉斑，都係蒸到啱啱好，金沙脆皮炸子雞，等等⋯掛住食影唔曬咁多餸添重有一圍枱可以安排齋菜圍，照顧客人唔同嘅需要。真係好好，又靚又多款式，連素粉果都有👍🏻👍🏻店內重係全場無柱、樓底特高、西式舞台、燈光系統投射機、無線咪、擴音系統、好啱包場用，重可以自彈自唱，當一個兩小時的唱作歌手吧！…Read More

眼見以下小食，埋單收$1400（8折咗）重要1.5小時就問有冇野叫（last order)係OpenRice 訂枱2個鐘就要走，咁即是趕我哋走啦！想叫多支清酒飲都唔得，唯有快啲飲埋d酒埋單轉場囉⋯約咗朋友開得支720ml 清酒時就唔該講清楚啦！今時今日重可以有咁嘅態度係咪要戥佢高興？？😅 清酒$788 明太子玉子燒$108 只有玉子燒面有玉子醬！鹽燒白鰻串$136 燒得火喉夠但偏咸甲羅燒 $128 一份 沒什麼特別可言 燒牛舌唔似燒出嚟效果，氣炸鍋出品口感 三點剌身 蝦味還好，樂意為客人炸蝦頭，呢點一讚 但魚肉質地淋身，不太新鮮如果唔傾計飲酒去呢間「居酒屋」當食個快餐還可以，否則就搵其他好過#一次就夠 #真心說真話…Read More

因為上場未食完未飲完就補趕場之下，友人匆匆忙忙找找附近有什麼串燒可以繼續下半場？找到了一間行10分鐘就，9:00到打去留枱都話要等半個鐘，既然我哋興致勃勃再繼續慢慢行過去跟住就等位啦！去到門口話我哋已經到咗，因為店舖比較少，大概得10個位，咁我哋需要等一陣，然後佢哋好窩心就拎咗一支300ml清酒俾我哋飲住等⋯仲同我哋傾偈。今時今日咁嘅態度先係做生意㗎嘛，大約15分鐘就入坐。我哋三個人再叫多一支720ml $300大門清酒，呢個價錢係良心價。而佢哋清酒嘅價錢起跳係由$200起適合大眾化。首先就每人送咗隻溫泉蛋前菜，然後推介了雞唔同部份嘅串燒，連雞膊頭、雞心喉管都有得食⋯咁我哋重叫咗幾款唔同的部位，雞心、雞腎、雞胸脆骨⋯值得一提就係燻煙芝士係自家燻煙，同清酒超級夾。然後必食鹽燒吞拿魚下巴，入口魚油之香極正！其他串燒也是水準之作⋯在深宵食堂feels嘅小型居酒屋，係你面前燒⋯再一齊飲酒，真係補番上半場的失落感🫶🏻一間有heart 的小店，真心推介👍🏻記得打去訂枱啊！呢啲咪叫：你出粒糖，客人甘心輸間廠俾你啦！21:00去到仍要等位的福利，多謝老板係你面前即燒串燒送的前菜：温泉蛋加了自家調醬汁，好味以上都係串燒，係你面前燒，水準之作吞拿魚下巴，燒的時間比較長，要耐心等候，燒到魚油很香，很好送酒！真心推介…Read More

尋晚約咗多年冇見嘅朋友，諗住搵個地方坐吓食飯傾吓偈，搵吓呢一間覺得幾好，雖然睇評論就一般般，但我都會比一個機會去試吓！今晚去到真係冇人可以話包場，食到臨尾先至有一兩個客，我哋叫咗以下嘅食物除咗芝士薯條之外，其他都係水準之上，份量也不少！晚餐做到呢個價錢其實已經叫好好，我見佢散嗌嘅價錢都唔算貴，仲要有特價雞肉pizza先至係50幾蚊！味道也不錯啊！另外有主動拎水及加水，又嚟收碟無趕客走！服務係香港嚟講叫唔錯！我會再嚟幫襯👍🏻💪🏻加油…Read More

深水埗小炒，萬發真心唔係差吖！琴晚去本身要排三張枱，佢哋都即刻開埋對面鋪即刻入座，要開酒瓶器又無黑面。叫了雞，整得啱啱好，雞胸都滑～再蒸埋斑頭腩，無蒸過龍，魚皮都係滑～再上埋豉椒炒蟶子，地道肥美聖子。叫三様都無伏，所以或者改進咗，大家俾多次機會佢地啦！香港飲食業已經捱得好辛苦了！三五知己又飲又食我仍會選擇萬發…Read More

孭住個背囊，去找童年回憶，今趟真的要為澳牛平反，狹窄的地方仍給我摺凳放背囊🥰夥計嘅態度我不嬲都唔覺得係問題，入得去食就係享受埋佢地嘅速度。講返個早餐先，可以在早餐時段食到又慳咗$9，咁就叫埋個凍黃色#燉蛋，必食～由細食到大嘅澳牛有一定程度的萬有引力～滑滑流～佢地嘅炒蛋可以話係茶餐廳界的始祖，通粉嘅湯底真係無得輸！#澳牛…Read More

排幾長龍都要食，因為好快排到你入坐，牛通炒蛋𪗋多最住配搭，炒蛋係滑，牛通個湯底係金寶雞湯。重要介紹熱黃色（燉蛋）幾十年屹立不倒係有原因嘅！熱鴛鴦少奶，有茶味又有啡味👍🏻 最後要讚揚各位夥計們，齊心合力，就算已解除口罩令亦戴好口罩開工，做食肆呢點真係好重要！…Read More

叫咗$348特上壽司併盤，飯係正常壽司的一半，壽司面的剌身薄到食咗等於無食，完全無口感可言。唉！已經叫個特上以為係好野啦！雖然呢餐係用消費卷食，但真係好後悔入咗去幫襯。加埋一成$38x 所以真係要分享下食評…Read More

魚無魚味，唔知食咗乜！基本野連鼓油亦唔係嗰回事，無冷氣，連杯茶都無茶味囉，一個午餐「逸」收$258其實重可以有好多選擇。最好食只有個三文魚籽軍艦！最後上咗個三文魚手卷味道重有點發臭😡個前菜芥辣八爪魚係第二選擇比我食曬！其他真係令我好失望😮‍💨 試一次就知有幾親民？仲有呢個裝修比爭x 還要差，其實都無得比，爭x講明平，但呢間呢？…Read More

上年已經有朋友推介相馬食大閘蟹放題架喇，今年友人提開食大閘蟹，所以book咗荔枝角相馬試吓，大家記住如果係book大閘蟹放題一定要打電話去book, 用OpenRice 途徑係不接受的！講番大閘蟹喇，因為都好極端的評價。本身都15、16去唔去好。但我哋最後都係決定比次機會佢💪🏻第一輪蟹大約坐低10分鐘到，比較細隻（如圖）但每人每次上兩隻蟹的蟹雖然細隻，但都有膏和熱上我哋好有衣食連腳同蟹鉗都食埋先叫第二轉第二和第三轉既蟹係比起第一轉大隻而每隻蟹既膏都好平均我哋19:00入座，食咗三轉蟹（每人六隻）其實已經好滿足等蟹期間其實可以打邊爐/串燒/炸物，因為我哋兩個手同口都好忙，就只係影咗以下相片比大家參考牛食咗三碟咁大的，牛既質素以放題來講已經叫好。另外有豚和雞無影相但我哋都有食哂架而海鮮每樣叫咗少少，蠔同大頭蝦我哋有再叫，刀貝就唔係好新鮮串燒叫咗雞翼、菠蘿、雞皮、金菇牛肉卷總括來說，我覺得食物質素算係咁服務員都無漏單又有反應係個廁所好差我要落去D2 Place幫襯最討厭就係坐附近d大嬏食膏咬兩啖就唔食曬再吹住追蟹～～～雖然放題但真心希望大家不要浪費…Read More

同朋友慶祝生日，他們很鐘意前老細張先生，所以book咗仙后同佢哋黎慶祝，而我自己今次係第二次幫襯～環境一流，早在booking時已經特別要求坐舞台一邊，因為上次我坐咗另一邊，私心下想坐舞台嗰邊好靚呀！～很開心安排了卡位比我哋～麵包，重牛油味，似牛角包既味道，唔駛加牛油都可以～頭盤全體相，而我本人叫咗豬腳，哈～豬腳原來走骨再炸，特別！意想不到的～好味～南瓜湯，熱上唔太濃。但包已經食咗，如果有得襯麵包就好了～主菜我叫咗藍帶豬扒，但原來炸件上，沙律另上⋯我個人覺得太炸，中間有流心芝士。反之試咗朋友的芝士意大利雲吞幾好食，個汁好夾。另外個紅酒牛面都整得好諗, 都係不錯的選擇～叫咗齋啡，隻杯好靚，啡也好啡唔太酸～壽星女叫了泡夫，待應好叻，我之前訂枱要求在甜品到寫字，佢哋可以唔駛問主角是誰就中了！呢點真係值得一讚👍🏻，而家好多餐廳都唔識趣，一係一入去就問邊個生日，一係就攪錯曬。其餘我哋三個一同叫了杏仁撻，唔太甜，啱我個人口味～總括來說，保持水準而又飽肚的法國菜！我會推介仙后如果話有乜要改進的話，就係廁所要加消毒液比客人抹廁板，重有木廁所板而家好似唔太衞生，個廁所有噏味:(…Read More