netnet.sumsum's Profile

屋企人生日，喺度訂咗個蛋糕，順便喺度食埋生日飯，個牛扒一上枱，大家嘩咗一聲，又大份又靚，沙律菜好新鮮，薯條脆得嚟裡面係軟綿綿嘅，牛扒好嫩好有牛味，仲細心切好，啱晒我呢啲懶人😂龍蝦海鮮黑糖包係近期我嘅至愛，黑糖包好好食，有剝咗殼好新鮮嘅龍蝦😍😍😍，仲要100蚊都唔使，好抵食👍🏻鍾意佢哋嘅蛋糕，好重手㗎，唔會好似啲連鎖餅店嗰啲食完好似食咗陣風咁，之前食過佢哋嘅栗子蛋糕超好食，今次加埋水果仲正試食新甜品，好味喎，下星期五六日有😍新飲品，西瓜咖啡，好清新好解渴好清甜，用西瓜天然甜味，所以唔會死甜😋…Read More

玖作一直以來經常創新，又嚴選食材，認真製作，無論嘢食定嘢飲都好高水準。最近聽見甜品師話要退出，即刻過去，樣樣都想食，一下子諗唔到食乜，大廚提議比目魚，好喎！大廚問配乜，我話蝴蝶粉丫，大廚話用白汁煮，就係咁，食到餐牌以外嘅白汁比目魚蝴蝶粉，嘩！好食到黐線，比目魚表面脆脆，裡面魚肉好滑好嫩🤤，個白汁唔會太杰唔會太稀，啱啱好包住啲蝴蝶粉，啲蝴蝶粉軟硬適中，點可以煮到咁好食架？遲啲無得食咁好味嘅嘢，真係好可惜😢…Read More

年三十好多舖頭都收咗爐，之前見有人推介過呢間，打電話去問，年三十有開，一於同朋友去試下。小店喺勝利道近何文田嗰邊，地點都算方便。店內乾淨企理，店員招呼親切。打開menu樣樣都好吸引，串燒餐好抵食，有兩串串燒，一個主食同埋一杯飲品。因為暫時要戒生冷嘢，我揀咗安格斯牛肉烏冬，啲牛肉好嫩滑，串燒我就揀咗牛舌心同帆立貝，牛舌都厚身，帆立貝好大粒，燒得啱啱好，表面香口，內裡好juicy，忍唔住即刻嗌好好味😋。我哋仲加咗原味玉子燒，啲蛋好軟熟好夠味👍🏻，下次試埋芝士味先🤤。…Read More

今年中秋無出巿區，兩個人留喺屋企又悶咗啲，於是過屯門花火漁屋食。平時極少去山景良景嗰邊，完全唔熟路，落車兜咗一大圈先搵到，真係好隱世😂。好老定咁無book位，原來中秋節咁多人，好在去到時都有位唔使等。之前睇佢社交媒體網站專頁見啲晚巿定食已經好想食，尤其是有壽司又有刺身丼嗰個set，所以諗都唔諗就叫呢個壽司定食配輕怡刺身丼😁，屋企人就食個好豐富嘅特盛刺身丼定食，見到實物我都好想食🤤，真係隔離飯香😂。刺身好新鮮又厚切，壽司飯軟硬適中唔會好易散，沙律菜都係好新鮮，醬汁調較得好好。份量勁夠，男士一定夠飽，女士就應該要叫少飯😂。好味又抵食，一定會再去幫襯。…Read More

見到佢出咗呢個Pandan ChiffyCake幾日，好想試，唔可以食咁飽，要留肚，所以少少哋叫咗個哥基不高配藍莓芝士醬先，個哥基pat pat勁靚😂。試佢哋新出嘅signature coffee，好得喎，差啲俾嗰陣柚子味呃咗，但其實原來裡面無柚子架😂，微甜，茉莉花茶果凍有淡淡嘅茉莉花味，好飲😋。個蛋糕靚到呢，欣賞咗好耐先開始食😂，狂影相😂，勁香椰子班蘭味，雪芳蛋糕餅底好似棉花咁軟熟，好好味呀😋😋😋。…Read More

今日大西北36度高溫，無乜胃口又唔想企喺條街等咁耐，於是WhatsApp 俾Toasting 落定單，去到即刻有得攞✌🏻。屋企人要咗份在茜方的紅玫瑰，啲芫茜迫爆個吐司咁滯😂，茜友一定要試😋。我就要份Salmoncado，煎香嘅吐司包住滿滿嘅三文魚同牛油果🤤，好味得嚟又健康。話說以前食親Toasting 吐司會一地都係😂，不過經佢哋改良過包裝，再加我日久練成嘅功力，已經無再跌餡啦😂。仲有唔可以唔試就係蝶豆花青檸，打咭勁靚，飲落酸酸甜甜好啱夏天飲。…Read More

試過好多間咖啡店，都係佢嘅espresso tonic最好飲，試過佢嘅cold brew同不是檸檬茶，都好好飲。嘢食方面，最鍾意佢嘅慢煮鴨髀蕃茄意粉同埋素食早餐，唔只靚，仲好好食，而且一定夠飽😂。今日唔太肚餓所以食漢堡，但原來都好大份，食唔晒😅。韓式慢煮手撕鴨髀竹炭漢堡，鴨髀慢煮手撕，稔得嚟唔會太乾，煎蛋係脆邊㗎！個包軟熟，連沙律整體食落好balance👍🏻。Espresso Tonic 外觀層次分明，啱晒打咭，飲落都好解渴好舒服，啱晒夏天飲，聽講支tonic  係靚嘢，性價比好高。…Read More

和屋企人去試，我已book了位，去到見屋企人站在門口位置等候，原來一直沒有人理佢哋，咁我就走入去求其向一個侍應講我book 咗位啦，點知個侍應口黑面黑掘雷槌咁指住門口話同出面嗰個講，行到出去都無人，跟住有個喺度對住部電腦落單，完全聽唔到我講嘢咁，終於有個人埋嚟問係唔係book咗位，然後先安排我哋入座。到落單啦，叫經過嗰個侍應，點知黑口黑面行過，跟住等多一陣，見另一個侍應行過先幫我哋落單。食到一半叫人斟水啦，個侍應攞咗個水壺後無回頭囉，終於隔咗好耐先叫到另一個開過壺茶俾我哋。最搞笑叫人埋單，個侍應走嚟掉低張單乜都無講就行咗去，我對完單係咁揸住張咭都無人理我，係我屋企人話好似見到人哋自己出去埋，完全無諗過咁嘅價錢仲加一服務費，係要自己出去埋單囉，咁我唯有攞張單出去埋啦，又無指示喎，行到去門口先有人話收銀喺另一邊，行到過去原來喺兩個廚房之間囉，個收銀完全無理我，自己喺度唔知搞乜，搞咗一陣先幫我碌咭，點知又按錯銀碼，又要void單再碌過，真係唔係飽到頂心口，係興到頂心口呀，一定一定一定唔會再嚟呀！…Read More

上星期同媽媽入元朗行下，媽媽想食素，醒起網友推介呢間，所以黎試下。平日晏晝過左食飯時段，唔駛等位。因為兩個人食唔哂兩個餐，所以只叫左一個特餐再加一個餸，份量都幾大，勉強食得哂，但就勁飽。最後跟餐加8蚊叫左杯洛神花蜜，酸酸甜甜幾好飲。通常素食都偏向多油，但呢度就無乜油，夠健康，味道都好好，賣相又靚，值得再黎食。…Read More