同朋友行街 諗住搵間cafe坐下食下野吹下水 跟住就喺open rice搵到呢間貓cafe 我同朋友都鍾意貓貓 所以就抱住試下嘅心態上咗嚟上到嚟之後 間鋪雖然細咗啲 但入到去之後唔會有啲貓屎尿嘅味道 而且店主同店員都好nice好親切 我同朋友坐低咗之後 店主就開始介紹啲貓貓俾我哋知 呢度total有8隻貓 佢哋全部都好可愛亦都好癡身🥰同朋友叫咗一份卡邦尼意粉 一份雞扒意粉 仲叫咗一份炸雞配薯條 卡邦尼意粉比我想像中更加好食😋我朋友食嘅雞扒意粉都話好好食 兩個意粉都係落足料去整 個炸雞薯條唔會好似出面咁 炸完出嚟係灰灰黑黑 而係金黃色 食完之後叫咗一杯熱情果綠茶（熱）同西柚特飲 呢兩杯飲品都唔會太甜 之後我哋見到有芝士蛋糕同伯爵茶卷蛋 但我哋怕太甜所以問咗店員 店員都好有耐心咁解答我哋 我哋試咗之後的確冇想像中咁甜 而且唔係嗰種甜到漏 食完一啖就唔想食嗰啲 而係食咗一啖仲想繼續食落去嘅感覺🤤整體嚟講 服務態度同食物嘅質素都偏高 值得下次再嚟試😉😙…查看更多
