Kurtas's Profile

究竟點解一份$32嘅蔥花炒蛋吐司可以咁Sad。而一份$36嘅鹹牛肉炒蛋吐司個樣如此正常，但係唔知點解係甜既。可能佢真係將馬來西亞嘅口味帶嚟香港但係真係完全唔啱我食，同埋咁樣嘅價錢咁樣既野食，我真係接受唔到。鮮橙梳打極淡，個水吧師兄今日應該買馬輸好多錢。 冇計⋯⋯⋯得佢一間可以坐吓，當比錢嘆冷氣。 不過更多既係焗冷氣。 …Read More

點解個著制服既呀姐會好串咁咬住蘋果咁問你要咩。而另一個藍色衫牛仔褲收銀女人又可公然咁大大聲咁吐痰入廚房個冇蓋垃圾桶。個收銀女人仲大大聲同啲同事咁用國內方言傾計，成間餐廳都係佢地既笑聲。先唔理好唔好食，都唔理價錢，大家會想係咁既環境食野嘛？PS 又貴又唔好食…Read More

1: Fish and chips 魚肉可以又乾又柴但係個皮又炸到硬而唔脆係佢既一大特色.2: 火灸帶子墨魚汁闊麵，算唔錯。3: 冬陰Pizza, pizza 底好食，lemongrass 醬汁都好味，可惜上面啲用料就冇味既雪蝦。4: 蟹肉南瓜湯， 南瓜湯可以咁水又係另一個突破，蟹味少少咁啦。5: 四個人叫埋四杯野飲每位$200, 食啲咁既野，可唔可以比個合理既解釋我？ P.S. 我估係因為佢租金真係好貴。…Read More

屋企附近開咗呢間新茶樓，咁近屋企諗住試吓啦。點知佢簡直挑戰我容忍難食嘅底線！呢度嘅食物分兩種：1/ 賣相極醜，又唔好食。2/ 賣相ok ， 但同樣唔好食。試過一次，唔洗再黎。…Read More

開展其間每日收到佢地派外賣紙，諗住打去試下啦，果陣十點半度。打電話去問佢送唔送入會展會場，佢就好惡咁講： 我手上有百幾張單呀，你叫唔叫呀！ 未叫就成肚火！大家唔好再幫襯等依啲賤人壯大！ …Read More