Anthonyatin's Profile

阿女學校轉了指定書商在九龍城，臨近開學便到取已訂的課本；天氣又悶又熱🥵想搵番以前啲風味：黃明記、義香行到出哂汗都找不著，又攰又熱便走入九龍城廣場地庫Food court睇下有咩嘢食？原來哪裡很多不同種類美食！然而吸引我的是位於舖位凹咗入去嘅「楚苑花甲粉」餐牌圖片未係好精緻；但想食開胃嘢，所以就點咗一個冬蔭功花甲粉😋唔知係老闆娘定係職員態度非常親切有禮，仲有盒飲品贈送！不過可能是1人主理，所以等候時間都稍長；如果趕時間就...講番碗粉真材實隻🦐新鮮彈牙不特止仲有九隻花甲咁多而且隻隻都好靚，絕對冇甩皮甩骨的出現，值得一讚👍…Read More

去完旅行回港，思鄉美食又發作，有皮蛋瘦肉粥同义燒都好想食。同老公行到海堤灣畔的十足風味，咁啱下午茶時段，叫咗個义燒湯瀨+凍奶茶，真係十分滿足👍另外，仲叫咗個星州炒米+凍啡，都唔錯，兩位加埋都係$111…Read More

係內地食肆橫行,差不多大部分香港人都北上消費嘅環境；本地食肆真的只能掙扎求存，出盡心思，務求留低食客的垂青。週日和老公試吓去南昌站的V-walk覓食，兩年前嚟過「紅螞蟻」食下午茶唔錯，便諗住食過番尋味；帶老公試試，老公話星期日可能冇下午茶，唔緊要，午餐都可以。正準備落單之際，侍應哥哥遞上假日下午茶menu，問我哋啱唔啱食，正合我意，因只差3分鍾便可以落下午茶單。整體食物質素和環境都很好，就連對上兩篇食評，有人投訴員工態度惡劣；我要為他們平反，由踏入餐廳>就坐>清潔枱面>提醒有下午茶>遞熱飲時多番提醒>到埋單 。每個都很有禮貌，甚至幾乎在門口送行。將心比己 ，行業艱辛難持，若香港食肆能用心待客，客人是感受到那份專業和尊重的。…Read More

週日心情麻麻，惟有尋求以食為先去調節吓，正考慮荃灣定葵芳去覓食，係OpenRice睇到呢度台式滷水，便決定一試。首先碗滷水熱騰騰，香葱又夠，色藝雙存👍可是台味奶茶就比較淡和稀！唔知係咪台味便是這樣呢？所以冇飲哂，留下胃口吃其他！…Read More

行經佐敦，搵食理應大把選擇，一心諗住食啲平時小吃的菜式，其實本身住嗰區冇乜平民車仔麵，便想食囍記，點知太多人，便一直向前行，見到金陵湯包門口貼住餐牌，好鬼抵食，便入去一試，店務員哥哥見我一丁人，都畀我卡位隨便坐，我隨即叫咗個$48乾燒雙鮮大碗菜飯，有魚塊有蝦仁同洋蔥，酸酸辣辣咁好惹味😋仲包埋餐飲，而且選擇多，因為平時啲上海舖只有豆漿揀，下次要試下小籠包、雲吞同上海粗炒等家鄉嘢食先得。真係好抵食👏…Read More

相約好友吃飯聚舊，最最緊要搵個舒舒服服靜靜哋可以坐好耐嘅地方。搵到嘞，呢道地點都算方便，相約12點半，想早過上班族的午膳時間。殊不知可能樓上舖關係，只得一至兩枱食客😧搞到突然想撇，但行入到又真係舒舒服服，仲靜靜地可以坐好耐🤭不過沒有分配到窗口位，比較暗啲啲。…Read More

結婚紀念日，慶祝一番，聽聞東涌東薈城二期，開了一間日式西餐廳，儘管試下。 週末的晚上到處等位食飯，QUE是用撳票攞籌形式等位或預先訂位；我選擇了前者。唔知係咪日本人的管理及訓練，餐廳接待員和侍應生都友善有禮，感覺如同置身京都一樣。今次唔單只食品質素高👍服務態度都畀🫶。…Read More

星期天下午,周圍都佈滿搵食的人潮。特別是大型商場食肆,疫情放寬後,更人龍再現。五臟廟要控訴時,不能再等,便走進裝修獨特,有如在機場等待登機的感覺。座位寬敞,職員親切介紹和解釋;即時加分。由於太餓,沒有選放題,選擇了定食。食品質素都不錯,賣相都相當"正”👍個人認為再食機會很高🤭…Read More

平日放假，做完Facial行到太子，搵嘢食😋見到「老街」啱啱過咗午餐時段，可以食下午茶，又冇乜人，座位間隔都👌就衝咗入去試新嘢！叫咗個下午茶(小)肉燥湯麵+3款小食：梅子甘薯、木魚炸豆腐、宜蘭餡餅。先談肉燥湯麵，份量雖少，但有3款小吃陪襯便剛剛好了。小食先要讚木魚炸豆腐，外脆內軟+滑，油而不膩👍另外梅子甘薯，酸味味的梅子粉撒落脆炸的蕃薯，本來飽飽地，胃口都重開🤭…Read More

天氣涼涼地，想食返啲熱騰騰，又有湯的午餐或下午茶，走去兆和衔，有很多選擇🤔千挑萬選，行咗入「潮樂」用橙+綠的招牌，地方頗為寬敞，衛生👌乾淨，地下冇黐立立，坐得唔逼，叫咗個下午茶：四寶河，有魚片、墨丸、魚皮餃加埋潮州手打魚蛋，河粉幼細，湯底鮮味😋真係隔兩日又再幫襯。再試牛腩粗麵，牛腩黐住少少肥膏，入口溶化，並帶啲啲羶香，瀰留在口腔與齒縫之間，真係好鬼正👍下次一定要豬手飯，因為聽到好多街坊嚟叫外賣，試完再報告畀大家知😆…Read More

而家啲飲食業，唔搞下啲下午茶優惠，好難維持得到。惟獨呢間小店，大約座位只有15個左右，又冇早餐、午餐和下午茶供應 ; 全部炒散，飲品另計，實屬罕見。直得一提，昨天33.5度高温，走進咖啡室，充滿人情味，只點了回鍋肉米粉，侍應阿姐即遞上新鮮冰涼哈蜜瓜兩片，說是老闆買了回來，請大家吃。所以，我連🥤也省錢了😚…Read More

自從疫情後，很少往鳳凰邨哪裡。曾經居住在這區，剛巧親人入了聖母醫院。趕去探病，便勾起了很多美食回憶。順興的粉麵很好吃，尤其是牛腩/牛肚。每次經過都忍不住入去食番碗先。食完又唔會太口渴，加上街坊的人情味濃，價廉物美。'…Read More

到上環驗眼，順便拜會一下，聞名的上環KFC，聽說食物品質好之餘，員工態度仲好友善； 地方又乾淨，雖然下午茶時段，冇乜食客，但一有人離開，員工就即時執枱，好有效率👍相比起尖沙咀諾士彿臺,簡直差天共地。嘗過一些KFC超咸的炸雞後，竟然有超水準的KFC，無論葡撻、格格薯、蘑菇飯都很好味😋，不會食完勁口渴。期望每間分店都能仿效上環店。…Read More

睇完多啦A夢，要去醫吓肚，女兒不二之選就是「抹茶館」之前食過，佢鍾意，唔反感，就唔會試新嘢😒食極都唔厭。今次叫咗:柚子香葱蜆湯烏冬套餐，有兩件炸雞，有兩件三文魚壽司，有焦糖布甸+兩粒車厘茄仲有一杯飲品，我哋加咗$轉忌廉鮮奶枺茶。先談蜆肉烏冬，真材實料，數吓數吓，足足有10隻以上，而且無乜沙 ; 算清洗做得頗足。再講吓杯忌廉鮮奶抹茶，又的確茶香而不膩，口腔留甘。而我就試咗期間限定:卡邦尼黑蒜豚肉拉麵，卡邦尼汁香噴噴，黑蒜惹味，最正係熱騰騰，另減醣嘅我，要破戒一次😅…Read More

記得五年前轉工，喺觀塘返工，同事介紹去觀塘廣場地下一間羊肉米線店;心諗🤔大熱天時，熱死辣辣，食乜羊呀? 原來嗰度不只吃羊，仲有好多種類選擇，包括素食都有🥔土豆絲。好食程度，次次都要排隊，食完就要快啲走，因為坐得好逼，好多人等…之後「啊老表」搬咗去觀塘工業中心，哪兒地方大好多，冇咁逼，但都要等😅(值得的)到公司搬了去荃灣，已兩年沒吃過了，久違了的味道，遇然在佐敦重遇，感動到即刻入內，喝一口酸辣味湯，吃一啖白菜餃子，回憶重拾當年同事一起嗶咧巴啦，趕頭趕命去食，食完又衝返公司開工的情景。(雖然辛苦，但快樂)。…Read More