mschrishui's Profile

平時自己好少去鰂魚涌食野，因為唔太識路。有一晩好友話收工想食間好特別嘅日式料理，佢話：「三個不同食法既茶漬飯你一定少食🤔😝！」好！既然聽佢咁講，我就過去海光街陪佢食下啦！門囗格局好日和風，有別於一般日式料理，感覺好係日本人開嘅餐廳！內𥚃擺設好骨子，都幾有特色。睇真D原來真係有日本師傅係度整食物！我記得啦！日本東京都有依間店舖！果然真係過江龍！有信心保證！我地好快叫左三樣食物：兩款set都有味噌湯、蕃茄小鉢、醋啫喱同埋熱茶🤗當然唔少得秘製魚湯！1）皇牌海寶丼連茶漬飯高湯（$150）⭐️⭐️⭐️⭐️⭐️(大愛5粒星😍）嘩！賣相好吸晴！海鮮非常足料！飯面鋪上滿滿嘅真雪蟹肉、紅肉、白肉、鮭魚棒、蟹籽等等。味道一流，食材高質👍🏻除左平時點醬油加芥末食之外，仲可以試下加D醋啫喱，撈落D飯到好好食又醒胃，味覺好新奇！😋蕃茄配上酸酸甜甜醬汁很不錯👍🏻朋友話整體口感非常豐富又滿足：）2）吞拿魚二色丼連茶漬飯高湯（$160）⭐️⭐️⭐️⭐️（大愛四粒星🤗）新鮮魚生多多，而且丼飯飽肚感十足：）真係好食到不得了！自己食得出每款魚生刺身嘅鮮甜。食完魚生之後再將三分之一嘅海鮮飯，倒入魚湯就成為香濃茶漬飯：）3）牛油果豆腐（$45）⭐️⭐️⭐️⭐️（小吃之選）依一款小清新牛油果拌豆腐最岩我地，食落囗感幾冰涼，感覺幾舒服。搭配非常意外獨特，美味又健康！后記：未食過之前總會覺得晚市套餐價$偏貴，但食完之後覺得物超所值，因為有三個唔同食法再加上高檔食材配搭，喺香港真係唔太易會食得到！所以今晚真係大飽囗福⭐️👍🏻…Read More

平日同同事食lunch，都會經過樂軒台一帶家庭式餐廳，剛剛見到一間比較新派裝修嘅台式飲品小店，即時引起我地嘅注意。雖然舖位細細，但感覺佢地整野飲間局都算齊全，而且見佢地冲茶用明治奶，感覺用料都算有誠意我地分別叫左3杯飲品:1. 值得飲⭐️⭐️⭐️⭐️⭐️/5粒星 黑糖瀑布珍珠鮮奶（$28）建議叫無糖或微糖，咁就可以令到黑糖珍珠本身蜜甜搭配鮮奶，甜度岩岩好。而鮮奶搭配沖淡左黑糖珍珠嘅黏膩，珍珠就唔會太黏牙：）2.左：班蘭奶蓋加炭焙烏龍（$19） 值得飲⭐️⭐️⭐️⭐️/4粒星先講價錢，真係抵到無得輸🙅🏻‍♀️！已經加左$3奶蓋，兩杯價錢都喺$25 budget內，可能新開張優惠缘故～原先想叫原味芝士奶蓋，但店員推介班蘭味，飲落奶蓋多左份清香唔算太漏，而不失烏龍茶本身應有茶味3.右：班蘭奶蓋加萱武青茶（$22）值得飲⭐️⭐️⭐️/3粒星同事話飲落青茶有少少回甘，飲完喉嚨感覺淡淡清甜。後記：奶蓋沉得唔算太快，雖然佢地店員有溫馨提示話：盡快飲保持最佳味道，但我試過就算放耐左D，奶或茶都無淡味到！算有D驚喜另外見到響茶都有細心位，就係杯蓋做左旋轉型方便飲用，完全無因為飲管影響奶蓋層次味道之煩惱。值得一讚👍🏻下次會再試下其他款果茶先…Read More

星期五晚上同左個友人去東大街食野，遠處一望依間餐廳感覺幾特別，同其他餐廳好唔同，感覺依度比其他餐廳闊落！一入到餐廳，環境好似去左西餐格局！見好多人排隊等位，相信依間都唔差🤔🤓唔怪之得，門外餐牌原來都show左好多款選擇：中、日、西式新派菜裝修都算喺咁，雖然坐位與坐位空間都近，不過依度都算坐得舒我地主要叫三樣試試：黑松露海膽凍豆腐$78依個頭盤賣相都算有特色👍🏻 豆腐切得都幾簿片，食落都算幾滑，豉油汁配埋海膽黑松露非常夾！開胃小菜之選👍🏻第二樣叫左蒜香海鲜籠仔糯米飯$68賣相很棒，色香味一流！糯米飯堆滿香蒜，糯米飯粒都幾煙un，再加厚身帶子、蝦肉、珊瑚蚌同蟹棒，相當惹味!之後我地又叫另一款梅菜豬頸肉籠仔飯$68不過味道就唔夠海鮮果款咁好食，梅菜味同豬頸肉配搭不過不失，醬汁比較多，如果下次落少D可能好D無咁咸。不過整體餐廳都有好多款fusion菜未試，南駅勝在菜式選擇多、囗味多變化！下次都會試下點海南雞飯…Read More

喺cwb一直都好想揾個靚同靜嘅地方食下野傾下計，心血來潮同好友走去附近V point 望望，好姐妹話想食炸雞🍗聽聞依間餐廳出名烤雞不經油炸都保持肉質嫩滑我地一於上去試下！餐廳位於25樓，一入到去望到個夜空同海景都幾舒服! 唔錯喎！每張枱座位的距離唔會好近!傾計唔會嘈到人😂行完街實在太肚餓，友人即刻叫左三樣野食先：韓式炒粉絲雞蛋卷 ($148)將韓式炒粉絲變一變，同卷物mix and match，加上有芥茉蜜糖醬、蕃茄醬配襯、青瓜紅、蘿蔔、午餐肉等配料，層次豐富。砂鍋魚糕湯 ($150)魚湯味道算幾清，天氣凍叫碢熱辣辣嘅魚糕湯真係最啱不過! 而鍋內有唔同款式嘅魚糕/魚肉丸，有三角形圓形等等，各有特色！顏色賣相都幾吸引!整體都幾滿意，貪佢唔辣清清地!果味蒜香烤雞+甜辣烤雞（$238）雞件共十多件，而且雞肉比較少骨，可以大大啖咁食!對於三個女生份量其實都足夠！兩款醬汁都好好味，我自己比較偏向食果味蒜香，勝在醬汁甜甜地，又幾惹味，雞肉烤得乾身又唔會好油膩;)食到咁上下，我地叫左幾杯飲品解下渴：😀蜜糖西柚茶（$38）好潤好清甜唔太酸！🍹藍莓特飲（$50）味道不過不失！🍺Hite Extra cold啤酒（$38）食完烤雞解渴就最啱了！整體食物質素不錯，環境地方一流，下次會再試下食午餐先…Read More

週末行完街，想搵返一個地方同老友靜靜地傾下計、食下野。今次我地試下上樓上舖食返個下午茶～我地一去到就好快被安排坐吧枱位～室內裝修好有心思，有好多花草佈置，感覺都幾舒服👍🏻由於之前未試過，我地主打叫佢地餐廳D皇牌人氣之選：1）草莓鮮奶$43🍓🥛飲落好多草莓果肉😻唔算太甜太漏士多啤梨同鮮奶調較份量比例恰到好處～最初以為中伏但最後令我地有驚喜👏🏼賣相不錯2）超級水果茶$45🍎🍋比我想像中大杯～賣相一般但一飲落去就知道水果茶所用到生果份量非常豐富：菠蘿、蘋果、雪梨、火龍果等等，啖啖果肉～味道入囗清新👍🏻叫野食就叫左龍蝦蟹肉包配薯角$168龍蝦同蟹肉份量都幾足料，上面鋪埋蟹籽增加咬囗感添呢！而每個包都內藏有牛油，食落非常香滑：）而薯角份量比較少，如果多返DD就perfect！熱辣辣好味道。而生菜配沙拉醬賣相怪怪，可能得兩塊咁少唔知食唔食好🤔，似裝飾多過會食用到～不過整體餐廳感覺算幾滿意，唔駛加一👍🏻環境闊落～旺中帶靜:)喺旺角多左一個食tea嘅好地方👍🏻…Read More

週末出左去尖咀同朋友喺海港城行街，我地發現左一間時尚獨特Cafe位於high-end嘅連卡佛店裏面，餐廳天花掛住一排排嘅鎢絲燈、再配金屬椅子同雲石長枱，賣相非常玩味而高格調，感官上好似有多重驚喜感覺，於是吸引左我地去試下。餐牌非常多選擇，感覺每樣都好食。雖然食品價格比較偏貴，但我地抱著週末食好D嘅精神，都願意一試！友人先叫左杯crazy chocolate ($55) ，因為當初一睇果名已經好期待，夠Playful!朱古力奶味都算重，都接受到個甜度自己就叫左杯玫瑰烏龍香檳茶（$50），飲到玫瑰淡淡清香，有氣嘅烏龍茶入口感覺都幾特別👍🏻而食物我地叫左：1）是日新鮮海鮮配日本米意大利飯及雜菌（$148）賣相非常大愛❤️而且餐具碗碟非常精緻！我自己非常鐘意依個餐，因為依個茄湯醬汁飯稠而不膩！意大利米煮出來口感外軟內韌：）大蝦啖啖肉🍤非常惹味，相信下次必定再叫😎2）澳洲M8+和牛肩肉扒溫泉蛋飯（$138）和牛食落相當淋身，肉質嫰滑！燒得非常之香，而珍珠米再加上溫泉蛋汁，每一啖都係高級享受而甜品我地就選了紫薯同綠茶蛋卷兩款味道清清地又唔太甜，整體依個午餐我地食得非常満足：）…Read More

平時放左工我都仲意去康怡aeon行下街買下野，貪佢方便可以喺超市買熟食或魚生返屋企。不過買得多都有D厭，所以今晚我決定去Aeon美食廣場依間新進駐嘅拉麵店試試。遠望開放式廚房設計，可以見到師父即叫即煮麵！拉麵吧枱位置寬敞，坐得舒服。menu簡單而清晰，主要四款麵：白豚骨、赤豚骨、黑豚骨、味噌，另外再加一款沾麵。而每款拉麵都有兩種：普通及特製。如果肚餓的可以選特製，有多半隻溏心蛋再加多塊紫菜同豚肉叉燒。 我最後叫左碗白（特）豚骨拉麵$85，再追加$22叫多三隻餃子同飲品。等候時間未夠二十分鐘，就已經熱騰騰送上面前奶白色豬骨濃湯，再配香蔥、木耳絲、一隻半熟玉子、三塊紫菜、三塊叉燒。賣相不錯👍🏻叉燒半肥瘦，幾大塊，不過食落唔太漏。白身直條麵質有水準，入口煙韌，而且仲好掛湯。溏心蛋有流心口感，都幾軟腍。而我最欣賞嘅係餃子煎得幾香👌🏻食落味道不錯，餡料飽滿！依個set對於平時細食嘅我已經好飽肚了如果唔夠味，仲可以加蒜蓉、芝麻第配料口味隨意配搭整體依個拉麵感覺好好🍜，食材高質。而最重要係今次可以靜靜地自己一個享受用餐，喺aeon都搵到意外驚喜！…Read More

剛剛上星期工作忙到有氣無頂抖@@，一到放假周末時間，好想搵D靜靜地又少人嘅地方食返個tea享受一下！我今次約左一個好耐無見朋友喺科學園見面，等待其間發現依間餐廳，可以靜靜地傾下計。餐廳外觀佈置有好多綠色植物，感覺好舒服！而坐位很多，感覺很包場哈哈！環境開揚寬落！相當不錯：）睇下有咩食先:)下午茶選擇都有幾多款～供應時間由3pm 至7pm 都算耐👍🏻我地叫左唔夠二十五分鐘，食物已經ready好送到。我叫左一個T9黑松露烤菇薄餅$62雖然pizza望落簿身，但冇諗到黑松露同芝士都好夠味，幾足料。而我朋友就叫左T5煙三文魚牛油果牛角酥配粗薯條$38賣相不錯！朋友話喜歡牛角酥餡裏有一片片牛油果肉而不是醬蓉感覺！而薯條本身唔算冧，炸出黎熱度剛剛好。我都食左一半，又幾好食喎，酥皮都幾香。當然喺好心情底下，我地再追加兩個是日甜品🍮各$款25芝士蛋糕同雲呢拿布丁，芝士蛋糕望落好厚實，入口即溶，食落啖啖芝士清香，而布丁味道奶滑香濃，唔算太甜，我地整體都好滿意甜品水準。飲品我地叫左檸檬茶，當中加了青檸，飲落去幾清新唔太甜另一杯伯爵茶也不過不失…Read More

如果想喺銅鑼灣食好D，往往都要行上好高嘅商業大廈又或者係甲級商場嘅地方。不過最近就發現，一向人流唔算多嘅白沙道，都有一間新hit餐廳，而佢果名都幾吸引我去留意—叫「犇之食堂」。眼見左邊有台式奶茶外賣，更想入去試試依間台式料理，畢竟餐廳外觀都幾「吸晴」！趁中午時段仲未有人潮，唔駛等好快就有位坐底左：）一入到去見到好多植物擺設，環境感覺🍃好清新🍃自己同友人急不及待點左依度嘅招牌菜：1）鹽酥雞鹵肉飯就咁睇賣相份量感覺細小，不過食完都幾飽肚。鹽酥雞塊炸得剛剛好，肉質唔會太乾，食落唔會太油膩；仲有少少蝦片作伴碟感覺仲加更香趣：）鹵肉飯嘅肉粒唔算太碎，鹵汁加鹵蛋，再配搭埋台灣粒粒珍珠米比例分量恰到好處，粒粒分明，食落好有咬口感：）2）清燉牛肉麵我朋友就覺得依款麵湯底清甜，麵條爽滑彈牙，食落煙靭，厚厚牛𦟌肉煮得非常之「𣺉」！平時鍾意食清清地嘅朋友叫依款就最啱👍🏻至於飲品方面，自己叫左杯香芋奶綠，當時侍應仲主動提出問我要唔要少冰少甜，感覺服務對食客都算細心。我叫左杯餐廳推介之一嘅香芋奶綠（少糖少冰），平時少食芋頭嘅我都覺得接受到，奶滑而清香，仲可以食到碎芋頭肉，唔錯之選！另一杯係抹茶拿鐵友人一向仲意抺茶，特意點了少甜，比較飲得出抹茶獨特嘅苦澀味，發現抹茶香氣唔錯，喝起來有清楚的抹茶味道，混合著香醇嘅鮮奶，所以唔會覺得苦。佢話如果加左糖，苦味應該唔太明顯，整體口感相當順口。感覺每款台式飲品杯杯都算係誠意之作：）整體上無論環境丶食材同服務都算不錯，性價比高，食得出台灣味道用餐後二人心情都好愉快，好似置身左「小台灣」悠閒感覺。…Read More

有時返工中午食晏都想食好D。最近又俾我搵到一間唔錯嘅越泰菜：）一出𨋢門，已經見到有大大個搶眼招牌！一入到餐廳，感覺好光猛醒神。由於依度人流都算多，客人大多數都係上下層公司D同事飯腳，都有兩三張枱可以足夠容納6-10人坐既位置，感覺都幾熱鬧！而今次我同左五位同事上黎都好快就有位坐👍🏻我地主要食兩款心水皇牌午飯🥣先要俾個讚服務員友善又細心！落完order不用十五分鐘就已經送上面前！而且服務員仲好好人咁問我地夠唔夠飯？同事個個都話添加半碗飯😱依家好少可聽到D餐廳主動問客人話添飯，無疑令我地對依間餐廳印象分都幾高，同時依度嘅油飯真係好好食🤗食完大家都好滿足🙂至於食物方面，推介以下兩款俾大家：1）皇牌海南雞油飯不可錯過！今日D雞肉好嫩滑，再點埋酸辣醬食起黎非常惹味，而清雞湯本人覺得剛剛好中和返口腔𥚃的辛辣味😋開心😍啖啖肉～肉質嫩且肥瘦均勻，煮出來自然肉嫩又多汁！完全食到不是白切雞之分別～雞湯唔會太油或太濃味，健康人士最岩飲😃2）泰式豬脾飯都係好食之選豬脾肉質嫩滑又夠「淋」，我平時會走皮食，但依個餐我連皮食都唔覺得肥膩～因為食材都算肥瘦均勻，而豬脾肉底就墊左少少芽菜～再加半隻滷水蛋，配搭味道都ok！3）越式雞扒飯不錯不失之選:)如果食厭左之前果兩款，亦都可以選擇以下款式，我同事貪佢塊雞扒大大塊又燒得夠惹味，當然配埋油飯同醬汁味道同樣好食👍🏻整體食物同服務都好滿意，相信我同同事們日後會繼續幫襯：）…Read More

最近天氣涼左D，自己好想食D烚下烚下嘅野。早前剛經過太古發現依間近排新開溫野菜，門口裝修寛敞，眼見座位都多客人坐得舒服，於是同朋友決定試試。入面餐廳環境都算大，人客多但不見焗促。服務員亦好迅速提示落單及介紹最新優惠套餐，不過到最後我地二人選擇散叫。一落單，食物很快二十分鐘內就送上枱前很有效率👍🏻我地叫左以下東西：1) 鰹魚湯  ⭐️⭐️⭐️(清清地之選）2) 秘傳月見壽喜湯  ⭐️⭐️⭐️⭐️(甜甜地）3)中華麵 ⭐️⭐️⭐️(面身尚算煙韌）4)蝦丸⭐️⭐️⭐️(咬囗感不錯）5)車麩  ⭐️⭐️⭐️(感覺似響鈴類別）黑松露免治雞肉   ⭐️⭐️⭐️⭐️（香濃松露味配打碎雞軟骨，十分滿意！）野菜五品盛合 ⭐️⭐️⭐️⭐️（蔬菜整體新鮮）6)美國牛肋肉   ⭐️⭐️⭐️(肉身鲜紅高質）7)丹麥雞腿肉  ⭐️⭐️⭐️⭐️(雞腿嫩滑！）8)炸白身魚魚餅 ⭐️⭐️⭐️(口感彈牙）9)八爪魚魚餅 ⭐️⭐️⭐️(ok!無乜特別）10)秋葵 ⭐️⭐️⭐️(算幾清爽）11)丹麥皇冠豚梅肉 ⭐️⭐️⭐️(梅肉味道一般）12) 津輕完熟林檎蘋果汁 ⭐️⭐️⭐️⭐️(入囗清甜果汁，大愛的呢!）13) 西柚燒酎梳打  ⭐️⭐️⭐️(自己榨西柚汁不太方便，不過味道算ok易入口）以上份量兩個女仔都已經好足夠～整體食材都幾新鮮。…Read More

如果平時喺柴灣或小西灣區工作，每日諗食午餐其實都算係幾頭痛嘅事～因為好食既選擇始終少之有少！不過近期無意中發現小西灣區內有一間食台灣料理小店，雖然依度餐廳裝修外觀唔太起眼，但店小小得入面裝修尚算「骨子」～剛剛過了午餐繁忙時段～人少少感覺很不錯！室內簡潔～都坐得算舒服～雖然午餐選擇不多，但有幾款味道真係不錯！必食之選1）祕製鹽酥ス雞魯肉飯每碗平均大約有5-6粒雞塊，有濃濃嘅鹽酥味～口感雞肉外脆內軟。2）招牌紅燒牛肉麵如果女仔本身唔太肚餓叫依款就最岩～牛肉夠鬆化夠「淋」，食材不是用了全瘦牛肉。而麵就用左扁身嘅刀削麵⋯⋯咬口尚算煙紉。另外，午餐配送一杯台式奶茶，可以order微甜少冰囗味，如加珍珠就要再加$～雖然感覺奶味比茶味道重一點，不過都有誠意之作。整體黎講，食物水準都不錯。不過最大要改善嘅地方就係餐廳室內抽風系統，因為食完出店外，身上已經沾有濃濃嘅鹽酥味～希望餐廳日後會改善以上情況！…Read More

今次我又再同同事黎喜筷食lunch～由於今次早左出黎，去到餐廳已經有好多食客喺度（繁忙時段），感覺人客比上次仲多，眼見服務員加左兩張臨時枱喺門囗位置。今次發現menu價錢調高左少少，同埋有幾個熱門餐款已經賣曬😢所以感覺比上次有DD失望～ Endup 我地兩個叫左以下款色：吉烈魚柳、滑蛋、粟米伴白飯:今次叫唔到我最仲意食既紅酒汁牛肋條飯，唯有試試其他款色，賣相都唔錯！今次魚柳炸得幾香脆，至於蛋飯都幾有屋企味道～粟米汁比較普遍，不過整體感覺總算不過不失～至於同事就叫左all day breakfast:整體味道唔錯～份量細細份幾岩女生食👍🏻有煎蛋、煙肉、香腸、薯角、鬆餅、茄汁豆、蕃茄同沙律菜。食得出有落心機。不過我始終都想再食返紅酒汁牛肋條飯～希望餐廳日後會多點供應～…Read More

有時食得太多肉都想轉下囗味食下多D蔬菜令個人健康D！最近發現尖沙咀沙林道有間裝修白色簡約風嘅餐廳🍴⋯⋯好似開業仲未夠一個月但已經有好多人排隊等位～當時我同朋友六點過去以為無人，點知都有好多一早book定位嘅食客已經不急及待入去拎野食～（建議不要walk-in ，因為一定會等好耐）今晚餐廳有好多合家歡一家大細嘅食客，反而少有後生80后90后一族黎食～入到去食物位～眼見都幾多款式～主要中式為主⋯⋯平時少食素食嘅我反而覺得今次自助餐好有驚喜！因為留意到餐廳食具都好環保👍🏻有時最怕D碟太重～用竹製餐具感覺易拎又時尚!同埋食物賣相很不錯！早前有睇其他食評話食物補給慢但今次好快速，服務員不時都check住食物情況～相信開業了一排送菜補給情況已經漸漸改善！而大部份口味都算清淡唔太濃味！感覺都幾健康！由於選擇多～我食完一round之後，已經搵到其中6款係我再encall要食嘅野：1) 鮮椰汁焗南瓜🎃椰汁配南瓜食落香甜，比我想像中又唔太漏：）2) 綠茶芋泥餅賣相夠新𩓙！～未食前仲以為只係綠茶餅～咬落原來有薄薄嘅芋泥蓉餡喺入面，而餅邊鋪滿左芝麻所以整體味道非常香口～我食左好幾塊都唔覺得太漏👍🏻 3）香蕉扙絲依款食物相信唔多地方見到有得食！第一時間見到就夾左一個去試，炸得香蕉好香，甜甜地很不錯：）4）香煎藕餅大大塊又香又脆, 啖啖都好爽好有口感！5）金銀蒜木耳蒸勝瓜賣相很吸睛！勝瓜口感清爽，鋪上炒香蒜蓉特別惹味;)6）必推👍🏻合桃咕嚕肉👍🏻以合桃取代排骨可以話係創意之選，配以酸甜獻汁保留左咕嚕肉風味!整體上食左一個鐘都已經非常飽飽：）大滿足～…Read More

去到山道見到傳說中打卡勝地— brew bros coffce！外牆粉藍色～另一邊是可以推開的活動窗～咖啡店無論內外設計都極具特色！  下午時分，人客已經滿滿～不過無損我地食野好心情～我同友人分別點了Iced Matcha with soymilk，重重抹茶味而豆奶唔算太甜。及Iced Latte味道都不過不失😊我地再叫左個French toast一齊食～店員推介我地都有興趣試試!~ French Toast 面層有雲呢拿雪糕、士多啤梨、香蕉、藍莓，賣相都幾吸引～而香噴噴多士食落去都算軟熟。整體我地都仲意依個傾計好地方～無論環境同食物水準不錯👌🏻…Read More