平民食神's Profile

好耐無黎openrice寫食評了.一個人想食小龍包上openrice睇下有咩好食睇到都幾多人讚呢間店,先去食.自己食完落差都幾大.首先帶位幾好幾有禮貌, 之後落單同侍應服務極差.掛住係到同D熟客吹水.竟然可以容許個樓面坐低同個客請佢食野-_-..之後仲竟然將我早五分鐘落單的椰汁膏比個熟客食先.因為我好明顯早過佢個熟客好多黎.佢一落單就有我就8掛睇下佢張紙仔不出所料係我果碟之後我足足多等十分鐘先食返個熟客後點的椰汁膏.不過食唔食都無所謂..我從來未食過甘難食既椰汁膏,實硬無味好似食一舊膠入口.食左一舊如圖就掉低左.牛柏業又係成舊咬不開的象根甘..大佬點食...小龍包算ok.不過都係個皮超厚唔值25蚊4粒甘既價錢食完成肚氣.走人出返個投訴報告唔好再有人中招.…Read More

本人都係聽同事的推薦, 就黎呢間甜品屋試下. 但我又唔覺得一個30,40幾蚊的綿花冰有咩特別, 食舊冰入口都要咁貴. 所以叫返大路野, 芒果西米露和我媽叫了芝麻糊加湯圓. 真係意想不到, 一碗我從來都未食過咁難食的西米露. 要成$25一碗細細碗, 同許留山差唔多價錢. 我已經好久無去過許留山了, 因又貴又唔特別. 多數去松記, 小樽甜品屋, 或者係荃灣城市中心樓下間鴻福堂. 但是日食完後, 我即刻覺得去許留山無咁嬲. 先講返碗野, 成碗西米, 我無辦法找到粒係煙煙痕痕的, 淋pet pet 的, 如果一碗咁既西米露都可係一間甜品店售出, 我真係覺得阿豬阿狗都可開甜品店了. 碗芝麻糊我就無食, 所以無得講. 不過媽都話唔好食. 絕對係NO NEXT TIME~~~所以做生意真係唔駛樣樣掂, 你只要做到樣野係好好好掂, 其他野係垃圾都可大排長龍. 不過我就絕對唔會去試佢的綿花冰. 我相信都係不外如是多~~…Read More

昨晚一行4人到此店開餐. 朋友是區內人, 我們決定食西餐就去了此.未去前, 我已做足功課, 必叫飲品.......... 凍朱古力.... 果然不付眾望..... 正....... 我直頭覺得呢杯野已值30蚊了..一坐底先黎幾支面包條．都很特別．因太肚餓原因，先食了．現在想用湯送應該都唔錯．不過佢提供的沙律醬都很好．不過比我選，我都係覺得蒜容包係我最favour所選食品 : 1) T骨扒晚餐set ($78) : 店員建議5成熟, 雖然都真係好紅, 但一D都唔覺得好生的感覺. 肉質新鮮. 配埋佢果隻spicy 醬, 很好. 不過或者天氣太冷了, 件扒很快就凍左, 呢一點係環境因素, 無得評論了.2) 雞胸肉晚餐set ($78) :我朋友一叫雞胸，我已經想．．　唉．．．　鞋十十，一定唔好食啦．不過此朋友一見到什麼雞扒，雞胸，有個雞字的扒類都情有獨中．一上枱，就唔夠我叫的T骨扒大塊啦．好似唔係好抵食相比起．不過一試落口，就真係唔係鞋十十，唔似雞胸，肉質軟軟的，都唔錯．3) 雜扒晚餐set ($98)：牛柳配吞拿魚扒／雞串／青口（三選一）,我朋友選了吞拿魚扒．牛柳叫了４成熟，都很紅．但都唔覺得好唔熟的感覺．肉質亦很好．不過個人就未食過吞拿魚扒，今次食了就覺得無咩特別好食．以上sets 跟是日西湯和一杯飲品．是日西湯係菠菜忌廉湯，很濃的忌廉奶味．正．．　不過真係太細碗啦．．　不過其實可以用好細杯來形容．都唔係用碗裝，似係用杯裝．每碟主茶都配有適量的薯容，味道都係唔錯．所以都好飽，起初重以為件扒唔大件會食唔飽．4) Classic burger set ($68+$25) : 可選湯或沙律，我們選了沙律，都係唔錯．菜新鮮，醬好食．只係有些唔知咩菜真係太生，有些苦，唔鐘意食．個burger 件肉好厚，肉質很好，不過就無咩汁．我朋友話之前食唔係咁，所以昨晚的burger 比正常應該係差少少．伴碟有薯角，都係高質數的薯角，很重薯味．埋單唔知$337 or $347. 忘記左．由於地方細的關係，　將枱都好細．D碟頭又大，係放野位置上係有些麻煩．要就來就去．同埋一定要訂位呀．…Read More

好普通...........所叫食品1) 炸蝦餅 : 只可以講係不過不失. $442) 泰式炒雜菜 : 都少少spicy, 又唔太油. $383) 黃咖喱雞 : 都係不過不失 $584) 薄餅 : 好似圓的薄餐似的. 超唔滿意. 係葵芳某間泰國野食過的薄餅, 都唔同. 人地果D 係打到D面粉好鬆, 完全係低次薄餅. $222人吃, 加多4蚊茶錢.......我們間唔中都有食泰國野, 不過呢間係中等價錢, 所以食品都係好普通. 無咩驚喜.…Read More

睇到openrice 好似幾高分.又去開果頭,今日兩口子去食...叫左一個牛肉,一個芝士牛肉...淨食無叫野飲(想飲隔離綠茶多d)點知....真係同紅X的X新差好好好遠,食開時X果間有肉咪而且真係有汁..呢間野..d肉好似爛布無黎肉味而且好鞋的肉,塊漢堡扒仲要鬼死咁細塊,大佬廿幾蚊個包.個包就大,個扒得個包一半都無.真係激死人.呢個價錢,比埋油錢去紅X食兩個仲好.唯一叫做ok的就係生菜同番茄真係新鮮的.個包就幾特別.M...個人認為行多兩步去M記食算數.係M記係無咁好食.但係價錢係佢既3份1…Read More

今晚同老公去呢度試下, 因都知佢好多人, 所以我地6點幾就入去食. 2人食, 所以叫唔到很多野食.1) 鹵水鵝片($68) : 肉質唔錯, 份量都ok. 2) 蠔餅($42) : 呢味同出面的有些不同, 係好多蠔, 蠔多個餅的. D蠔都唔"聲", 所以我食到. 我平時唔係好食呢味野, 老公就食開. 不過他說喜歡真係一塊餅的蠔餅.3) 豉椒炒蜆($48) : 味道唔錯, 真係有少少spicy. 不過有好多空殼. 我地叫了支啤酒, 入席時佢會有碟花生/橋頭, 你可叫話唔要, 就等於免茶, 不過幾錢就唔知啦, 因都免左了. 此間店味道都唔錯. 大夥兒食大排檔野可選呢度. …Read More

因工作關係成日都經過又成日都要係呢到到食野.先排先話原佢..得三條豬扒.唔係塊係"條".但係就大量飯...改好左一陣.宜家d豬肉好貴?今次又食今次有兩條1cm闊瘦的豬扒,一條1cm的肥豬肉...味道呢.....咁大碟飯得三條豬扒...食左一半飯就已經難食到再食唔落.但係我仲係好肚餓...仲有個羅宋湯唔係湯係"羅宋水"可以淡到一dd味都無.同飲水無咩分別...睇著佢起.睇著佢衰的感覺不好受.之後北上後補左個大家樂先ok...…Read More

行一陣愉景新城, 就走去此間店試下啦. 之前睇D 網友話價錢唔貴. 就去試一下. 一到門口, 看到一本登記薄, 果然如呢度的網友講, 呢間野真係無service 的. 連reception 都係自己寫名, 等人叫. 因我去時是下午3,4點, 所以當然不用帶位啦. 自己入去等人派位了. 都企了一陣先有人帶位. 一坐底, 星期六, 日, pubilc holiday 無得叫餐, 要散叫. 我們就叫了蒜蓉焗田螺($20), 菠蘿煙肉pizza($28), 茄汁蜆肉意粉($29). 先講個蒜蓉焗田螺, 超唔得. 粒田螺都無咩味, 浸係D 油度. 終至食雞亦好過. 好似實在少少, 又同價錢. 再講個菠蘿煙肉pizza, 又係無味既. 茄汁又唔夠, 我勁落cheese 粉同pepper, 都係無咩味. 勁差. 最後到個茄汁蜆肉意粉, 從未食過有海水味的意粉, 我老公話應該係隻蜆輕輕洗過就炒. 唔知係間店特登或是點. 我老公就話唔錯, 因隻蜆都好新鮮. 我就覺得D蜆都幾新鮮既, 不過就怕其實有海水味係唔係即係D 食材洗得唔乾淨, 不過so far 都無肚痛既. 飲品都係自己去drink bar 到拿的. $13 任飲. 總結, 應該唔會再去, 就算去一定唔會再食田螺和pizza, 或者會試下D 意大利飯. 因都幾平. $22 都有一個. 我老公話呢度的侍應好似啞咁既, 都無咩聽到佢地有聲的. 就算下order, 佢地一埋黎都係唔出聲, 係我地先出聲. 根住佢好快又好細聲咁覆一次你的order. 真係表現了無加一服務費的服務態度了.........…Read More

很久無去荃灣覓食了, 看到荃灣好似多了很多我未食過的店, 星期日就同老公出去展開美食團. 先食了了些小食, 就等無咁大雨, 去了找沛公甜品啦. 一去到, 原來只係一間好細的店, 因當日是下雨天, 都無位坐的. 他只是將枱放街邊的. 間店本身只係一個好細的正方形. 所以只好看下有什麼野食可以帶走食, 又方便. 就看到所有布甸和果凍買一送一. 本人偏愛芒果的, 所以叫了芒果布甸和strawberry布甸. 味道都質感都唔錯, 唔太硬身, 又唔太軟身. 內裏重會有果肉tim. 下次天氣好些, 應該會再去試下其他野. 買一送一, 共$14. 即係7蚊個ja.........…Read More

前幾日係呢間野食晚餐.兩個人點左: 金茹肥牛煲菠蘿京都骨人就真係好迫.我果張6人枱足足坐左3對夫婦.但係真係唔知點解會咁迫人.味道全部都係普通貨色,唯一可取就係十蚊三支玻璃瓶裝可樂.但係望下個餐牌中午食飯28蚊包飲野又好似幾抵.今日lunch行過又食下.點了set lunch E, 甜酸魚柳飯...上到黎見到個色已經深知不秒...個色好假好似人地D...橙汁色....再食入口...個味仲假...唔通用預先包裝的醬料?都應該係...成碟飯食左兩口就無食..真係難食得離哂譜..本食神好少會食剩野..但係真係好難食...甜到爆..酸到出眼淚...再飲左兩啖..凍0茶...又係超甜..仲甜過陽光o茶...前後5分鐘都唔使放低28蚊走人...…Read More

前日剛剛返來香港,晚上9點在上水站,真係無咩好選擇下.想起不如又試下美心焗豬睇下有無進步到.入到去無咩人可能9點幾的關係.好普通的環境不過買完"飛仔"後拿去拿食物果個counter時..好明顯就聞到一陣臭味.我申個頭入去望望就明白咩事...個地下真係好濕又好好好dirty見到都唔開胃.不過真係好好好肚餓.好快佢就拿了我的焗豬+西湯->我的最愛.成為34蚊.自從上次complaint左美心一路都無再去食過,今次先睇睇有幾多塊先.1 2 3 4 5 6 7....今次有7塊約1cm的豬扒都算合理.咁大集團能夠收到食客的反映係好事.味道亦算合理.不過比個意見.香港人其實唔係好多人鍾意食西芹(有好些人係討厭食)其實睇下去飲的時候個西芹永遠都係食淨的就知.西芹可以係Optional就好.先聲明我係唔討厭,但係亦唔喜歡果隻.有咪食,無就唔食.因為西芹加左上焗豬,有一陣"菜青"味搞到個焗豬不輪不類.…Read More

先講返比網主聽呢間野開返,聽街坊講係同以前金運同一個老細,不過重新裝修改左名地址變左地下4號.自己家住青衣食過哂青衣所有食店,食來食去的感覺就係又貴又難搵位又唔好食.去青衣城食,成日都人山人海.唔知以為好好食.但係比我的感覺除左潮流同稻香係可食用外,其他都比我blacklist左.正宗又貴又唔好食Service又差.青衣都有好多其他地方有野食價錢都係差唔多.不過食物的質素就好參差.呢間野岩岩開果時我就即時去試,因為佢位處的地方都已經有幾間茶餐廳係到.夠膽重開即係有料到...點知都係失望而回又慢又唔好食價錢就普通一個晚餐35-40蚊有湯有一杯野飲.前日星期六同honey兩個人又懶又但係又好肚餓之下又去試下呢間野睇下有無進步.一個A餐一個B餐.真係有驚喜 36蚊一個餐有小食(三個咖喱角),湯+野飲+飯.我honey要左個焗豬頸肉飯.我就要左個豬扒意粉.咁既價錢...竟然有咁既質素...好誇張好食.咖喱角整得脆又好食.湯就普通野羅宋湯好普通,飯就真係有驚喜.焗飯出奇好食.唔似普通快餐店死命加茄汁...食得出有蜜桃,少少番茄.肯定無茄汁不過唔知係咩汁.我自己果個意粉唔係整定哂.好彈牙唔會軟都無力.豬扒就普通.兩杯iced lemon tea!好有茶味唔知佢個茶膽點配好少飲到呢隻味的茶.我地兩個食唔哂d野...我都要包返d飯拿走返屋企夜d食左^_^…Read More

可能是童年回憶吧,因本人小時候家中付近只有一家食店就是美心快餐.所以由小到大都比較喜愛去貴集團吃飯.但本人對於貴集團的焗豬扒飯真的十分失望.事源於五月初本人到貴公司上水美心快餐點了一碟你們所謂的新出品"焗豬扒飯"賣相真是好好.但整個焗豬扒飯只有"三條""約一公分闊,十公分長"的所謂的豬扒.其他大部份都是茄汁.番茄,西芹等等那時本人已經想對貴公司作出投訴.但想想可能是個別事件吧,間中一碟半碟"當自己唔好彩".而本人亦急於離開香港就忘記了.到7月6日本人於大家樂晚飯又吃了一碟焗豬扒飯.足足有一塊半差不多兩塊豬扒.到7月7日又在上水美心點了一客焗豬扒飯...當那碟飯我拿上枱上時就記得上一次在同一家吃過"三條焗豬扒飯"就先找找是不是和上次相同.今次不是三條.是4條.對貴公司十分十分失望.本人有美心選擇下都會選擇貴公司一來是童年回憶,二來是貴公司有時比吃家貴,但質素會比其他公司好點點.但本人不能接受條裝焗豬扒飯最慘就是只有幾條.我還以為你們在賣茄汁雜飯?西芹番茄汁飯?只有幾條的焗豬扒飯.…Read More

昨天一行4人到花滿樓食媽媽飯, 因媽媽愛食上海野, 平時去開荃灣中染的嚼江南, 今次見網上評分唔錯, 就去試下. 叫了以下食物 : 小龍包($28, 4粒) x 2: 多汁, 夠熱, 本人覺得皮厚了少少, 味道可接受.炸銀絲卷($10) x 2: 不過不失回鍋肉($48 or 58) : 太salty, 都幾多肉, 不只是菜.上海粗炒($38) : 不過不失酸辣湯(例:$68) : 幾辣, 偏酸擔擔面($28 or $38) : 因太辣, 家人叫我唔好食. 他們話好唔錯.高力豆沙($28,4粒) : 麻麻地總結 :只是不過不失，我地一致認為荃灣中染的嚼江南好食些．加上服務有某一位女士係我地落單的時間，要我地讀號碼比佢聽，講名唔得．因呢間野一坐底會比碟一式３款的前菜的，收$10.我地食後覺得有一隻幾好食，想問可唔可以好似叫送咁叫，因見到有一個送好似．問她時，她的解釋能力極差．同佢叫了罐可樂，又無落單．上菜好慢．所以非必要都未必會再去．上菜慢好有問題，因本人食野一向快．另外, 廁所好細.…Read More

第一次去呢間野, 都係比佢的日本野吸引, 由於自己係壽司迷, 盡管熱食過得去, 都覺得佢好食. 已是07年的時候了. 到08年3月14日, 再去, 因老闆請, 已經係好失望.日本野食: 都保持不過不失啦.不過天婦羅就唔得啦, 個炸醬都唔知似咩. 未食過咁難食的天婦羅.生蠔: 同事話好難食長腳蟹: 都係好鬼咸.熱食: 除了羊扒係好少少, 其他無樣得.甜品: 都保持不過不失啦.服務差　：全程係無人加茶的. 可能佢預了人地會飲野掛. 叫佢加時, 又唔知係咪見到有2位同事有啤酒飲緊, 7人的杯加了5個人的遮, 唔知咩原因. 因無酒精飲品係任飲的, 所以可加的. 但無次佢都會問我係飲什麼, 無他既, 因每次都係我飲完先加. 所以服務真係差.星期一至四: $278 加一, 任飲的無酒精飲品係$22-26星期五至日: $298 加一, 任飲的無酒精飲品係$22-26即係都要300幾一人, 如覺得只食日本野同甜品的自助餐可接受, 都可去既.最激氣, 我地7人比左張6人枱我地.因我遲去, D同事都坐底晒, 唔係我實嘈.…Read More