Wendy Chan的個人專頁

學校搞programme要開檔企左好耐...食個lunch休息下...唔行得遠...同學仔話入去大家食食...因為佢地食過觀塘果間ok...我就未食過...都係食下粉麵姐..咪同佢地入去...坐底都幾餓....乜都唔識...問題少女又黎問問題..今次叫左個服務員姐姐黎問...逐個粉麵問....煩到姐姐唔想理我...姐姐話削搖麵係粗身d...話會彈牙d...咁我都想試下~~最後叫左個冬菇魚腐削搖麵 - 原味湯底(唔辣)~加個凍奶茶...野食黎到...第一個感覺...哇...咁粗咁厚既d麵...好似"綠箭香口膠"咁喎....食落口...正常人會叫呢d做彈牙...但我總係覺得好硬身....有d痴牙....個湯清清地..都ok...d冬菇都幾入味...但係好似未洗乾淨...有d黑黑地果d....魚腐普通啦....幾ok~~但個麵我真係...唔識形容...只可以話我真係受軟唔受硬...個麵太粗太厚令我覺得好硬...唔係幾岩我食啦.....21蚊係單拼麵...+5蚊多一個送....野飲好似另加5蚊??唔記得...下次應該唔會再去...如果真係同學叫到...一大班人...我都會去既....但一定唔會再試削搖麵...試第二d好過黎....…查看更多

其實成日都食佢d麵包..因為就腳..同埋佢d麵包好岩胃口...不過今次就講下佢既蛋糕啦...因為麵包好普通比較易整...但蛋糕整得好食就應該講下...當日我細佬生日...我放學返到屋企...阿媽先叫我去買個蛋糕....4點幾~~去得邊度買呢...想買靚d分分鐘都已經無...第一時間諗起呢間..就落去~~點知全部都係淨返d芝士蛋糕,黑森林,栗子果d我細佬唔食既...咁唯有問佢..訂既話幾時拎到...點知佢話比2個鐘時間...佢地立即叫師傅整比我...仲比d圖我任揀...最後揀左個2磅水果芒果蛋糕...要求佢唔好太多cream...盡量多d蛋糕...同埋加個生日牌牌~~~2個鐘之後去拎...食果時真係d cream薄d...蛋糕厚d...而且2個小時就立即起貨...真係幾好服務~~2磅蛋糕好似係120以內...真係唔係好記得..不過係幾抵架~~…查看更多

又係慶祝生日既關係..所以我一星期內..食第二餐BUFFET..今日就去左恆豐中心間紅煙窗度食..貪佢有COUPON,6人以上仲要有紅酒送..其實上年11月已經去過一次...今次再去..做左更多RESEARCH..都食多左好野...6點半入座...個場已經幾多人...第一時間去拎野食...等我稟報下D野食點啦...魚生: 一入場已經去夾..第一轉D魚生幾肥幾鮮幾好味...食完第一轉..第二第三轉D魚生...因為長期個雪櫃都唔關埋,可能因為放得耐..已經起晒"潺"...出晒水...壽司: 多款但D味就真係麻麻地....長腳蟹: 好咸...有幾支有海水味...佢比既器具..無TODAI D咁好...唔識用..所以都食少左..龍蝦仔: 咸到無命賠...D龍蝦仔食鹽長大既???生蠔: 都幾肥美..但有一陣怪怪海水味....燒牛扒: 麻麻地...牛肉味唔夠...日式爐端燒: 佢個主題...D燒野...全部都麻麻地...係個帶子比較好..但都唔代表係好食!!!!熱食方面: 都幾OK既..蒸比目魚..兩次去都好滑身好好味...係今日第二轉比較鞋左D..而佢有隻辣既螺...好惹味..我食最多係佢..其實我好怕辣,食得多都會胃痛..但都食左唔少!!!甜品: D甜品好睇唔好食...其實有幾個都OK...但其餘都麻麻地...MOVEPICK雪糕: 身為雪糕迷既我...一定係咁食啦...太好食喇D雪糕...大大話話我都食左4-5杯..不過果度係自助挖雪糕...食到中場..D雪糕已經比人挖到面目全非...仲要個"筆"雪糕個野比人整到污JOE晒...想食都搞到無心機去筆~~~服務方面: 非常好...我地8個人係度猜圍枚..輸左就要飲半杯水...D人係咁幫我地加水,都仲笑容滿面...仲同我地開玩笑玩埋一份....環境: 坐得幾舒服...而且燈光都幾柔和~~整體OK..但岩我食既野唔多...岩食既又唔係好食..所以都覺得麻麻地...…查看更多

唔知寫完食評會唔會比同學仔睇到呢..返學最後一日..final year project完成..又撞岩我同一位同學仔就黎生日..一堆人連埋miss就一齊去食buffet..搞手同學人周圍做research..個個都話todai好..多野食..所以就星期2一齊黎食喇~~7點幾入座...個場都無咩人..食到10點完場..都未坐滿...8個人坐一張圓檯,氣氛唔錯..圓檯可以傾計,無咁易冷場..佢都唔細...一邊係冷既食物..一邊係熱既食物...全晚食左好多野...甜品最少食...等我逐樣講下啦..刺身:有幾種..好似3種...魚生...唔算好唔新鮮..但都唔係好鮮甜..不過值得一讚係..一無就立即加返落去...幾好...壽司:好多好多款...但就麻麻地好食啦..不過好特別有海膽壽司..男朋友試左話ok~~燒牛扒:我覺得好好味...我大大話話都食左幾片...真係ok!~~龍蝦:第一轉出爐...d人都唔知好似排乜咁排(我見人排我又排)...食過..真係幾ok!!!不過唔值得我排隊..點知食到9點幾左右..唔洗排都已經有得拎...我都食多兩隻..不過呢轉就咸得好緊要...燒帶子:有沙..食兩隻都有沙...仲要係唔少沙~長腳蟹:初初唔識同佢黃色個膠刀,食得好無癮..之後男朋友研究左點用..仲拆左好多比我食!!不過長腳蟹,有d就麻麻..有d好鮮甜...有d淡到無味..有d一大陣海水味...蠔:食左幾隻..都幾鮮..熱食方面:只對炒海鮮有興趣...都幾好食...甜品:個咩豆腐芝士餅..好難食..無豆腐味,都無芝士味...其他甜品平平無其...不過個朱古力噴泉幾特別..唔係沾水果...有一種叫薄荷芝士粒..沾完朱古力..食落去好似薄荷朱古力咁..不過食得多都幾"漏"...食得最多係雪糕..隻隻味都好好味..最好係佢有個人專門幫手挖雪糕..唔會比人搞到一堆野亂晒..飲品:有無搞錯300幾蚊竟然野飲要另計...真係笑死人...服務:都幾有禮貌...同埋都ok...叫加水..收碟都幾快手...仲有...佢地好嚴謹要你分開生同熟既食物...我男朋友拎住隻裝熟食既碟去到夾生野食既地方...佢地會提你生熟食物身開放...我男朋友就頑固...係都拎人地隻夾生野既夾...夾生野落整左熟野食既碟...之後果度d人..立即將個夾收左,放隻新既出黎..310加一,9折...野食算多...我覺得都算值既...不過衰在..未夠10點就執野..一到10點就請你走人..傾耐d都唔得...…查看更多

經濟唔好...同男朋友收工搵飯食都搵d經濟實惠d..想話搵d好食又抵食既茶餐廳~上黎開飯搵..呢間野大受好評...所以同男朋友收工就去搵呢間野...唔識路...男朋友拎住個唔太準既iphone,用gps搵呢間野..行到去目的地...間野摺左-0-咁唯有行返轉頭...又餓到死..搞到我地想過隔離浦田食放題...點知行返去隔離街..見到間"榮式燒雞扒"..唔確定係咪呢度..係佢門口拎張紙睇睇..係喇..應該係喇..就入去坐低叫野食...d位都唔係幾舒服...好迫...不過無所謂啦...好味就好..我叫左個"雞藕天成"餐...我男朋友叫左個"魚香茄子,雞扒,撈檬粉"...個雞扒幾好味,但普通..個藕餅就唔錯...個飯特別在有d碎蔥,榨菜咁撈黎食..好好味...我男朋友個撈檬就麻麻...比較林...但塊雞扒真係好薄好薄...拎起黎咬,都無啖啖肉既感覺..不過都幾抵..46蚊個餐...跟湯,仲跟野飲...凍飲唔洗加兩蚊!!我地第一次食..唔知邊度埋單..走左出門口比左d錢個侍應...原來收銀係入面..比完錢,找果d錢就要係好入果度傳出黎比我地-0-不過果個男人應該係老闆黎..幾好人..問我地好唔好食..叫我地下次再去~…查看更多

呢間粥店近住我返工地方..男朋友又係灣仔返工..總係放左工就黎接埋我收工食飯...呢間野又就腳..所以都成日keep住去~第一次去,係咁岩大家都病病地...果時我又岩岩係灣仔返工..周圍遊想搵粥食就發現..原來呢間係正我公司樓下...唔理喇..收工鬼咁餓,立即衝入去食喇..心諗..粥,來來去去都係咁既味架喇...入到去..咩都唔識..淨係見到都幾貴(果時未減價..一碗平均都要35蚊以上)~我又係問題少女,係咁問呢個咩粥,咩係愛心粥..個老細係正隔離..逐個介紹..愛心粥即係老闆親自幫我地揀配料同整..心諗咁貴..邊個整都一樣啦...所以都拒絕左..但個老闆真係好好服務..好有禮貌..次次去都好好招呼,你叫多野少野都一樣...之後揀左個蠔仔粥,仲有男朋友最鐘意既豬潤魚腩粥...再叫多一個小魚..海蜇手撕雞..蠔仔粥個粥底,真係食得出一種清甜味,夠綿...都幾多蠔~而豬潤魚腩粥,一樣既粥底..不過我就唔鐘意d豬潤煲出黎果d黃色油...海蜇手撕雞..海蜇就係我至愛..d雞肉真係好鞋果d..我唔係幾鐘意食..如果可以海蜇拼其他野..會岩我多d...果時未減價,都好似食左一百三十幾蚊...後尾都有keep住去.因為覺得真係ok...點知有次去,佢減左價woo..係好明顯減左...基本上次次去都點蠔仔粥...後來有次叫佢講到出晒名既糉,我覺得還可以....我男朋友就好鐘意食...之後次次去都係叫糉食-__-而家都有keep住去既..不過d坐位就麻麻..除非坐卡位...…查看更多