hklife_sharing's Profile

岩岩個weekend就去左尖沙咀試左一間隱世居酒屋🫶🏻 點解係隱世呢，因為你唔專登搵都唔會去呢度食飯啊，門面都有點點兒神袐嘅感覺～ 所以好適合去surprise下另一半或者朋友，係特別日子帶佢地去食啊😋 蟹膏豆腐🦀香甜蟹膏放係凍豆腐面頭、鮮甜開胃、口感嫩滑，作為前菜就岩曬啦🫶🏻皮蛋芫荽豚肉卷鍾意食芫荽就唔好錯過啦，呢三樣搭埋一齊又幾好味，同埋都幾重口味～荔枝豚肉卷豚肉串中間包住荔枝令豬肉嘅油膩感減低、味道更清爽👍🏻 而且食嘅時候帶住少少荔枝甜味，值得一試～蒜蓉牛油燒日本元貝🫶🏻大大粒鮮甜元貝經炭燒過後香噴噴😋 面頭加上牛油及蒜茸令味道更濃厚，必食推介‼️澳洲特級龍蝦🦞呢個都係必食先選‼️特級龍蝦鮮嫩多汁、而且一擺入口肉質爽口彈牙，千其唔好錯過🫶🏻😍雞肩肉雞肩肉都樣嫩滑香口，大家不妨試試啦👍🏻雞皮 雞皮烤得恰度好處、入口脆卜卜😍 美味又邪惡之選✌🏻自家制免治雞肉軟骨每次見到都覺得好吸引🫶🏻 雞肉軟骨串軟腍、而且味道香濃鮮嫩，一定要配埋蛋漿一齊食先perfect 😍汁燒牛肋牛味十分香、肉汁多，而且不會煙韌，醬汁又正👍🏻😋紐西蘭羊架食羊最怕就係個陣騷味，但今次係SAKEH食嘅烤羊架完全冇騷味啊☺️ 而且肉質軟腍烤得岩岩好👍🏻海膽松葉蟹蓋甲羅燒 海膽同蟹膏擺埋一齊，一上枱味道就十分香噴噴😍 口味相當濃郁，配上梳打餅食就正啦👍🏻三文魚燒飯團🍙燒飯團外層烤到焦脆，咬落去脆卜卜、口感不錯👍🏻甜品拼盤🍰有多款蛋糕仔可以同朋友分享一齊食，最鍾意佢地嘅自家製巴斯克芝士蛋糕🍰 芝士味十分香濃，甜而不膩😋食串燒當然都要叫返啲酒飲下啦😍 SAKEH都提供左多款酒精飲品比大家選擇啊～ 當日試左支純米吟釀，入口甜甜地、飲到有少少甜瓜同香蕉嘅果香味，非常容易入口，口感醇滑～ 大家有咩唔明都可以問問店員架，佢地都好helpful講解同推介比你地🫶🏻 …Read More

如果大家行開港島東呢邊想食下日本野嘅話，不妨試下位於太古城中心嘅呢間 「北海丼」😋 個人認為性價比都幾高😍最近北海丼推出左特選午市套餐買一送一優惠🥰 最平連埋加一around$400已經可以叫到兩份午市套餐啦～ 總共有四款套餐選擇，詳情可以參考相裡面嘅menu~ 😙當日就試左餐牌上面個兩款丼飯啦😋 🔹紐西蘭龍蝦伴飽魚魚生丼份量十足，而且除左龍蝦同鮑魚，仲有吞拿魚腩同埋鰹魚啊😍 食材都十分香甜新鮮又唔會腥，鍾意食龍蝦同鮑魚嘅朋友就一定要嗌呢款試下啦🙌🏻 🔹香蔥吞拿魚腩海鮮丼呢款同樣都係咁好食～ 只係主要食材上同上面個款有少少分別咁姐～ 有吞拿魚腩、鮮甜大大粒嘅帶子、惹味甜蝦同埋鰹魚🫶🏻 配料同樣相當豐富同新鮮，值得推介比大家😋有興趣嘅朋友就唔好錯過呢個最近嘅買一送一優惠啦，除左丼飯仲有兩款鍋物可以比大家選擇，快啲去試試啦🙌🏻 …Read More

鍾意食意粉嘅你地就唔好錯過今日嘅介紹啦～ 今次介紹大家位於銅鑼灣The L. Square 一間食意粉好出名嘅餐廳，當然佢地都有其他西式特色小食同埋pizza等等比大家揀嘅😊今次就試左兩款意粉同埋一款小食： 1️⃣黑松露醬鮮帶子意粉🍝一送到上枱就聞到陣陣香濃嘅黑松露味☺️ 平時好鍾意食黑松露嘅話一定要試下啦～ 意粉煮得岩岩好唔會太淋身，食落口感唔錯，而且醬汁亦都好入味，值得一試👍🏻☺️2️⃣ QB明太子醬北海道帆立貝意粉🍝呢款之前都有介紹過架啦，係我嘅最愛之一😍 明太子醬好creamy、好濃郁，重口味人士一定要試試👍🏻 加埋大大粒入曬味嘅帆立貝，冇理由唔試試佢啦🥹3️⃣香辣水牛城雞塊🍗🌶️呢款小食我自己都好鍾意👍🏻☺️ 雞肉入口嫩滑，醬汁夠香辣、濃郁，配埋yogurt點住食，絕對推介大家叫一份share黎食～ …Read More

通返關之後，泰國都係港人首選旅遊地點之一🇹🇭係香港想食到幾正嘅泰菜，可以去邊度搵呢？最近就搵到間系大坑嘅Fushion泰式料理，即刻分享比大家☺️ 1️⃣𝕋𝕙𝕒𝕚 𝔻𝕣𝕦𝕟𝕜𝕖𝕟𝕊𝕥𝕚𝕣 𝕗𝕣𝕚𝕖𝕕 ℙ𝕒𝕤𝕥𝕒 𝕨𝕚𝕥𝕙 𝕓𝕝𝕦𝕖 𝕞𝕦𝕤𝕤𝕖𝕝𝕤醉貓藍青口炒意粉🍝🌶️首先一送到黎已經覺得個賣相相當吸引☺️，Order個陣見到menu remark左呢個主菜系辣🌶️嘅，估唔到真系幾辣，連我平時食開辣野都覺得辣辣地，所以完全唔食辣嘅朋友仔就要留意下啦～ 但食得辣嘅就一定要嗌一份黎試！🫰🏻食落系有陣陣嘅冬陰公味，十分香辣惹味，而且意粉煮得岩岩好啊，食落爽口唔會太軟腍，仲有5大隻惹味﹑新鮮青口做配料，食落同聞落去一樣咁香辣惹味，值得一試！🥰2️⃣𝕊𝕚𝕘𝕟𝕒𝕥𝕦𝕣𝕖 ℙ𝕒𝕕𝕥𝕙𝕒𝕚 ℝ𝕚𝕘𝕒𝕥𝕠𝕟𝕚 𝕨𝕚𝕥𝕙 𝕔𝕙𝕚𝕔𝕜𝕖𝕟Padthai 雞肉短管面🐓黎到Ron Mak Mak一定要試下佢地嘅signature Padthai~ 平時去泰國餐廳我基本上都一定會叫一份Padthai試試，好鐘意個種酸酸甜甜嘅味道🤪而Ron Mak Mak更加提供左多款Fushion Signature Padthai比大家揀😚我試嘅呢款Padthai雞肉短管面就用左短管面取代金邊粉，食落幾煙韌彈牙，而且亦煮得十分入味，配料方面雞肉份量十足，再用埋雞蛋一齊炒，令到口感更加豐富，味道更加昇華！☺️3️⃣𝔾𝕝𝕦𝕥𝕚𝕟𝕠𝕦𝕤 ℝ𝕚𝕔𝕖 𝔻𝕖𝕤𝕤𝕖𝕣𝕥 𝕨𝕚𝕥𝕙 𝕄𝕒𝕟𝕘𝕠 𝕒𝕟𝕕 𝕎𝕒𝕗𝕗𝕝𝕖 ℂ𝕠𝕟𝕖雙色芒果黑白糯米脆筒🥭呢個又系賣相已經相當吸引眼球，非常適合打卡😍煙煙韌韌黑白糯米配合清新鮮甜芒果絕對系perfect dessert！椰奶份量可以自己調整，咁就唔怕會太甜啦，賣相同味道都十分值得大家嗌一份試下～😋4️⃣𝔹𝕦𝕥𝕥𝕖𝕣𝕗𝕝𝕪 ℙ𝕖𝕒 𝕊𝕠𝕪 𝕄𝕚𝕝𝕜蝶豆花豆奶🦋呢款又係非常「instagrmable」! 漸變色望落真係靚到唔捨到飲，味道係無糖香濃柔滑豆奶～😋5️⃣𝕋𝕙𝕒𝕚 𝕃𝕖𝕞𝕠𝕟 𝕋𝕖𝕒泰式檸檬茶🍋茶味十分香濃，而且好清新好refreshing，可以中和返岩岩食左比較邪惡嘅主菜～雖然甜度講明冇得改，但調得岩岩好，唔會過甜😝Overall用餐體驗💯分，食物同飲品由賣相至味道都十分完美，而且員工態度亦十分好，絕對推介大家黎試試～☺️☺️…Read More

店鋪嘅裝修由門口已經十分日系，環境十分適合大家坐低休息下同埋打打卡☺️ 佢地主打嘅系日本進口嘅精品咖啡生豆，有非常之多款比大家選擇，目測之少有50款以上🥳 而負責生豆採購嘅日本團隊擁有多項專業資格，誓要將最靚嘅咖啡豆帶比大家品嚐🥰 今次我就試左以下嘅咖啡同美食🤪： 1️⃣ 𝕄𝕒𝕥𝕔𝕙𝕒 𝔼𝕤𝕡𝕣𝕖𝕤𝕤𝕠 𝕃𝕒𝕥𝕥𝕖首先，呢杯咖啡唔講味道，一睇到賣相已經相當吸引😍 最正系味道亦都相當不錯🥰 咖啡同抹茶夾埋一齊嘅味道相當唔錯，互相配合令味道更昇華，唔會有邊一方搶左對方嘅味道，反而令到味道入口更香濃、配合香甜絲滑嘅牛奶，值得一試啊🖤2️⃣ ℕ𝕚𝕥𝕣𝕠 ℂ𝕠𝕗𝕗𝕖𝕖平時我就最愛Americano，因為可以消水腫🤣 當然最重要係可以更仔細、直接地品嚐咖啡嘅香味～ 今次試嘅氮氣咖啡，望落好似啤酒咁，都係面頭有一層泡泡🫧 飲落去面頭有一層綿密嘅泡沫，飲落去比起美式咖啡更順滑、甘甜☺️3️⃣ 𝕊𝕥𝕣𝕒𝕨𝕓𝕖𝕣𝕣𝕪 𝕊𝕟𝕠𝕨 ℂ𝕒𝕜𝕖呢款士多啤梨蛋糕賣相好可愛，大部分女士見到都忍唔住想試～ 蛋糕嘅甜度岩岩好，鮮忌廉嘅奶香同柔軟嘅蛋糕配合得好好😁 士多啤梨🍓亦都十分香甜，絕對係配咖啡嘅最佳甜品之一🫣4️⃣ ℙ𝕒𝕚𝕟 𝔸𝕦 ℂ𝕙𝕠𝕔𝕠𝕝𝕒𝕥呢款朱古力酥絕對建議大家整熱食！朱古力酥食落外脆內軟，整熱左之後朱古力溶溶地咁味道更出～ 麵包味道亦十分香🫣 怕蛋糕太甜嘅話其實佢地都有幾款pastry比大家揀架，唔使怕冇野黎配咖啡啦～有興趣就咁個weekend去試試啦～ …Read More

天氣涼涼地，打個邊爐就岩曬啦☺️ 成日聽啲朋友講温野菜好正，今次終於第一次試🫣 我地試左最basic個款牛嘅放題套餐（set B, 價錢可參考最後一張圖✅） 雖然係最basic個set, 但啲牛嘅質素都已經好掂😳 入口即溶、牛味香濃、油脂分布平均☺️ 我地嘅湯底就試左壽喜燒，牛肉點落生雞蛋度食仲正☺️ Menu上面仲有好多其他小食、配料可以揀嘅，例如麻醬凍豆腐同韓式辣醬椰菜沙律我自己都幾鍾意😆 當然仲有好多其他丸類同飲品可以選擇品，自己用手機落單就得架啦，好方便～ 另外一樣我鍾意係温野菜食嘅原因係職員態度都好好👍🏻 呢樣好重要～ 而且位置之間間隔唔會太近，唔怕講野隔離坐太近會聽曬、冇曬私隱咁啦😁…Read More

Weekend 晏少少起身食brunch, 推介大家去試試銅鑼灣呢間𝔹𝕣𝕦𝕟𝕔𝕙 ℂ𝕝𝕦𝕓 & 𝕊𝕦𝕡𝕡𝕖𝕣🍳☕️佢係一間樓上舖，如果大家好似我地咁咁岩坐到窗邊位，一邊望住出面嘅風景一邊食野，真係幾舒服～ 試左以下呢兩款brunch: 1️⃣ 𝕋𝕨𝕠 𝔼𝕘𝕘𝕤 & 𝕋𝕙𝕣𝕖𝕖 𝕋𝕠𝕡𝕡𝕚𝕟𝕘𝕤 𝕠𝕟 𝕋𝕠𝕒𝕤𝕥 🍳呢個set勝在夠多選擇，由蛋至麵包種類再到toppings都可以自由選擇，而且可以揀嘅食物種類都好多✌🏻 試心推介佢地嘅raisin & walnut toast真係幾好食😋 Toppins就推介Parma ham 😋2️⃣ 𝔼𝕘𝕘 𝕎𝕙𝕚𝕥𝕖 𝔽𝕣𝕚𝕥𝕥𝕒𝕥𝕒佢食落去有啲似平時係連鎖cafe食到嘅Quiche (法式鹹派）餡料大家有三款可以揀，我地就揀左smoked salmon 😋 呢款都幾正，值得一試🤓…Read More

大家都知道灣仔利東街附近好多好野食啦，今次想帶大家睇睇最近新開嘅一間Burger店🍔☺️ N+ Burger係灣仔地鐵站附近，係正利東街隔離，大家happy friday 可以去試試佢啊😍 N+ Burger 嘅一大賣點就係佢地採用全天然安格斯牛肉，而且佢地有自家牧場養育牛牛🐮佢地嘅漢堡、薯條醬汁全部都係自家製架～😍 今次我就試左佢地以下呢兩款嘅burger: 1️⃣ N+ 經典培根單層漢堡包🍔佢地有兩款醬汁比大家揀：蒜蓉醬/ 千島醬 我就揀左惹味香濃嘅蒜蓉醬啦，重口味人士必選😍 令到burger味道更香濃惹味😎 Burger採用嘅係最近大家都好鍾意食嘅酸種麵包🥯 裡面就係全天然安格斯牛肉，食落口感嫩滑又juicy、整得岩岩好可以鎖住肉汁、而且牛味十分惹味香濃☺️ 值得一試！ 2️⃣ N+ Limited 日式芥末醬單層漢堡包 🍔平時鍾意食芥末醬嘅朋友揀呢款就岩曬啦～ 惹味juicy嘅安格斯牛配上香濃日式芥末醬，有少少辣亦有少少酸甜感覺，口感很不錯～ ☺️ 連同burger裡面嘅蕃茄、生菜，食落更惹味啊～！每個burger set都會配上一份薯條/薯角，兩款我都試左，同樣係岩岩炸好熱辣辣咁比你食，佢地有自家製嘅蕃茄醬汁/芥末醬可以配，兩款都咁正😋 飲品方面就揀左N+ Sparkling Lemonade，食完咁多重口味、惹味濃郁嘅burger同薯條，飲杯清爽解膩嘅lemonade就岩曬啦☺️…Read More

出去食飯有時候會想食健康啲，其實都有唔少選擇嘅。想食健康啲，重點梗係啲餸全部都可以自己揀，咁樣就可以更輕易避開曬啲地雷，可以揀按自己心意揀好味又健康嘅野食今日就介紹位於銅鑼灣嘅一間低卡低脂健康輕食，用黎做lunch就岩曬啦～其實食落去就好似平時去日式料理店食嘅日式魚生飯差唔多，而Poke Bowl最大嘅分別就係由飯底﹑配料﹑再到醬汁等全部都可以按個人喜好去選擇同搭配所以大家可以好隨心咁按照個人喜好，又或者按自己當日要攝取嘅營養而去決定當日嘅搭配。而Poke Bowl另一大賣點就係望落去每款都色彩繽紛﹑每一款望落去都相當吸引，令人胃口大開同時，Poke Bowl當中嘅選擇都會比平時傳統嘅日式料理店多好多，所以總有一款岩你食可能有人又會問，咁多選擇，仲要由底到醬汁都要自己選擇，咁有選擇困難症咪有排揀？:(唔使擔心，其實除左自由搭配之外，Peek-A-Poke其實都有幾款搭配好嘅Poke Bowl比大家揀。大家就可以唔使諗咁多，見到邊款鍾意嘅，直接嗌個款就得啦想試下好味又健康，而且又岩曬打卡嘅Poke Bowl，就快啲去試下啦～…Read More

今個Christmas冇特別出去book到餐廳食聖誕大餐，同另一半決定搵個地方一齊stay下就算啦。睇左唔同嘅package之後，發現銅鑼灣柏寧酒店嘅staycation package - “Simply Escape” 都幾抵！即使係24－25號呢啲平安夜同聖誕正日，佢地個pakcage連埋二人早餐都係1599！其實都真係幾抵架今次就同大家分享下Park Lane Hotel嘅breakfast buffet有咩好食啦之前有試過佢地嘅lunch buffet，一比較之下，早餐就真係遜色不少啦。首先係選擇方面啦，比起lunch同dinner已經開少左兩至三個區域。而有開放嘅食物區域選擇都唔算太多:(麵包區域已經算係比較多選擇架啦，隔離就有兩款Jam同埋有一個Cheese platter比大家搭配麵包一齊食。而佢地隔離就仲有一啲冷盤，例如Salami同Ham比大家選擇，夾埋同麵包一齊食都ok ge，自制一個sandwich食。再行過少少就有比較輕盈嘅選擇比大家：牛奶﹑cereal﹑果汁等等。所以大家即使on diet都可以輕鬆揀到比較低卡路里嘅食物。中餐方面都有個area嘅，不過食物方面嘅選擇就真係好少啦。基本上就係得粥﹑炒麵同一至兩款點心係度。每樣味道都ok嘅，但選擇就真係少左啲，好似點心咁得兩款，搞到每次一出都好快就冇曬又要再等過:(Overall，柏寧staycation附送嘅免費早餐都唔錯嘅，雖然選擇就真係唔多，但叫做味道都還可以，只係你問我如果你地book嘅package冇包早餐嘅話就唔使特別加啦。反正酒店附近都有大把餐廳，朝早落去買都可以啦～…Read More

聖誕🎄嘅dinner，由於我地book左staycation，所以就簡簡單單叫外賣就算啦～今次住Park Lane係銅鑼灣，所以就叫左附近嘅牧羊少年咖啡館嘅外賣😁自己不嬲都幾鍾意呢間餐廳，而外賣仲有折，所以好快就揀好左啦～BBQ青椒手撕豬薄餅 ＄128 🍕呢款Pizza嘅用料都十足，面頭灑滿左青椒🫑﹑芝士🧀﹑手撕豬🐖同埋意大利人大忌🍍（波羅）Pizza係用類似餅乾底個款做成嘅，咬落十分香脆，係我自己鍾意嘅款式。不過overall黎講，我地覺得個Pizza味道不太豐富，就只有單純手撕豬個陣陣嘅鹹香味。食過牧羊推出嘅另外兩款Pizza︰千島香芒牛油果雞肉Pizza，千島海鮮Pizza都更加出色啊👍🏻韓式泡菜西班牙豚肉長通粉 ＄108🍝呢款我都幾推介大家試試～ 自己一向都幾鍾意食韓國菜，無諗過mix埋落西式度都幾好味😍～ 韓式辣醬食落去辣辣地又帶有甜味，所以唔係好食辣嘅朋友都可以試下👍🏻豬腩肉用韓式辣醬一併炒香，所以入口都十分惹味香口。而且醬汁都整得幾creamy，推介大家試下～韓式洋釀雞翼 ＄68 🍗所謂嘅韓式洋釀應該就係韓式辣醬，配上大量嘅炒香蒜。食落其實淨係focus左係蒜嘅味道上哈哈，因為真係落得好多，所以唔係好食得出其他味道🥸要特別講就真係韓式辣醬個少少嘅甜味。不過雞翼又烤得十分香脆，所以overall黎講都幾好味～👍🏻…Read More

今年聖誕就同左另一半同朋友一齊去Times Square 樓上嘅ℙ𝕀ℤℤ𝔸 𝔼𝕏ℙℝ𝔼𝕊𝕊食Christmas dinner 🎄👻 𝓢𝓽𝓪𝓻𝓽𝓮𝓻 烤焗雞翼配蜜糖芥末醬焗爐香烤雞翼烤得幾香脆，配上蜜糖芥末醬更加惹味香口☺️ 𝓢𝓪𝓵𝓪𝓭 海鮮沙律 （細份）叫一個沙律大家share黎食都唔錯👍🏻 裡面嘅配料都幾多，包括煙三文魚他他、鮮蝦、章魚等☺️ 配埋其他蔬果例如柚子同車厘茄等，十分開胃，好岩頭盤食👍🏻 𝓜𝓪𝓲𝓷北京烤鴨薄餅🍕本身叫個陣都怕伏伏地，但心思思都想試下，估唔到又幾正😂 其實就好似平時食Peking Duck咁，只不過變左做pizza , 估唔到又幾夾☺️ 醬汁味道偏重口味，濃郁美味👍🏻🍕蟹肉白酒汁意粉🍝呢款意粉食就同岩岩嘅pizza 相反，係無咁重口味👍🏻 咁就岩曬啦，可以中和一下～ 蟹肉配上銀魚柳醬汁加埋白酒🍸一齊煮，味道香濃得黎入口又唔會覺得好大負擔，比較清爽嘅感覺🍝👍🏻推介大家試下…Read More

今次帶大家睇睇K11 Musea 樓下food court 一間好正、專門食腐皮壽司嘅 - 𝓓𝓞𝓙𝓔 🍣佢地嘅腐皮壽司件件都大大舊、十分足料，而且口味都係我地平時食韓國野鍾意嗌嘅～ 所以見到就即刻想試試佢🤭 明太子沙律 $35平時鍾意食明太子沙律嘅就唔好錯過la ✨牛五花 $35肥美牛五花配上香濃韓式燒汁係重口味人士首選🫣 泡菜炒豬肉 $35香辣泡菜配炒豬肉，平時大家都好鍾意食😍 配落腐皮壽司原來都咁正🤓雪花牛扒 $38牛扒醬汁濃郁、入口香嫩，平時鍾意食牛嘅朋友絕對值得一試😇 Overall: 試左呢4款都覺得幾正，唯一敗北就係價錢真係貴左少少😕 食4舊壽司就比左成130幾蚊😂 不過味道又真係唔錯嘅✨…Read More

今次終於試到人氣過江龍 - 𝓐𝓯𝓽𝓮𝓻 𝓨𝓸𝓾 𝓓𝓮𝓼𝓼𝓮𝓻𝓽 𝓒𝓪𝓯𝓮，平時去銅鑼灣見到都好想試，但真係次次都勁多人排隊🥲 今次早左食完dinner，見到有位就即刻衝入去試試佢🤭 士多啤梨芝士蛋糕刨冰🍧 🍓𝓢𝓽𝓻𝓪𝔀𝓫𝓮𝓻𝓻𝔂 𝓒𝓱𝓮𝓮𝓼𝓮𝓬𝓪𝓴𝓮 𝓚𝓪𝓴𝓲𝓰𝓸𝓻𝓲🍰一送到黎，驟眼望落唔係好大碗，但兩個人食真係岩岩好🤭 刨冰面頭淋上香甜士多啤梨醬同埋有少量士多啤梨🍓 刨冰食落好綿密，士多啤梨醬唔會太甜幾好味👍🏻 仲有一細杯仔比你，唔夠可以再自己加✨ 食食下就見到裡面有個口感似海綿蛋糕嘅芝士蛋糕🍰 overall 芝士味道唔係好出，但係都幾好味🤓 士多啤梨金寶 🍓𝓢𝓽𝓻𝓪𝔀𝓫𝓮𝓻𝓻𝔂 𝓒𝓻𝓾𝓶𝓫𝓵𝓮呢個係熱辣辣咁送上黎嘅😍 望落細細個好得意好吸引✨ crumble 好香脆配埋上雪糕同埋士多啤梨醬幾好味👍🏻 但係🤨 唔知係咪因為又雪糕又士多啤梨醬，再加埋底嘅奶油等等，令到成件事真係太甜，好快會膩😔 雖然冷熱交融嘅口感不錯，但最後都係太甜食唔曬😅 如果甜度調整返少少會好啲啦👍🏻Overall: 整體黎講都唔錯嘅啲甜品，但食完呢兩樣決定下次都係食返刨冰會好啲🫣 另一樣值得一提嘅就係價錢貴左少少😅 $138食一碗冰但配料又唔係好多，真係性價比唔太高，亦都唔值排咁耐啦🫣 不過個人經驗，你同我一樣8點零去食，唔使排嘅就去試下啦～ …Read More

星期日晚又去左銅鑼灣The L.Square搵好野食🤭 encore 左之前試過覺得幾正嘅一間泰菜 - 𝓒𝓱𝓪𝓷𝓰 𝓣𝓱𝓪𝓲 𝓡𝓮𝓼𝓽𝓪𝓾𝓻𝓪𝓷𝓽 & 𝓑𝓪𝓻🇹🇭今次經OpenRice 訂位仲有8折優惠🤓✨ 🔹風味小食拼盤 $138 大大份嘅小食拼盤，可以試齊5款泰式小食：春卷、蝦餅、雞棗、雞翼、泰北腸，同一班朋友黎一齊share食就岩曬👍🏻 個人最鍾意係蝦餅，夠曬惹味香脆☺️ 🔹黃咖哩配雞肉 $118黃咖哩聞落去同食落一樣咁香濃，帶有少少甜味，唔會辣，怕辣但又想食咖哩嘅朋友就岩曬啦👍🏻☺️ 雞肉香嫩、配上濃郁嘅黃咖哩，正👍🏻 我地叫左份蒜茸包點咖哩食，都好正🥰🔹泰式鐵板煎蠔餅 $128煎蠔餅通常香脆惹味，不過個人認為味道方面就鹹左少少，如果冇咁鹹就再好味啲👍🏻 但真係份量十足😦 最後都食唔曬🤦🏼‍♂️ 有興趣就去銅鑼灣The L.square 試下啦～…Read More