ivyc1120's Profile

最近終於訂到全城熱話嘅千海水產海鮮火鍋放題餐廳空間寬敞，一入門口就見到即撈鮮活海鮮池，海鮮選擇非常多而且會不斷補貨。有蟹黃豐富嘅藍蟹、肉味清甜嘅三點蟹、新鮮肉厚嘅鮑魚、爆膏嘅大頭蝦、彈牙嘅九節蝦、爽甜嘅沙白、花螺等等仲有自助區都非常豐富，有多款前菜、冷盤、火爐配菜、水果、甜品及飲品，連清酒、梅酒都係任飲，真是太貼心了！ 推介：外皮微焦、咬落香甜嘅燒榴槤、榴槤布甸仔、CocoBerry沖繩鹽味雪糕，簡直係必試！另外，餐廳仲可以用QR code落單，服務迅速，上菜、收碟都好快，完全沒有漏單嘅情況。 必點：油花滿滿嘅澳洲M5和牛、外脆內軟嘅鵝肝多士、清新可口嘅海燕窩椰汁燉木瓜。食完後真係超滿足！ 不過兩個小時有點不夠，下次要再來！…Read More

上星期同朋友行完花墟，行到腳軟，就諗起旺角有間殿・大喜屋日本料理，之前聽人講過幾抵食，於是就上去試吓。入到去環境都幾舒服，坐低之後就開始掃QR code點嘢食。刺身都幾新鮮，熟食選擇多，燒牛舌幾有咬口，炸物都唔錯。日本海膽味道幾鮮甜，唔會有腥味。推介海膽拖羅鱈魚乾手卷，海膽嘅鮮甜加埋拖羅嘅油脂，再配埋脆口嘅鱈魚乾，口感好豐富。最驚喜係呢個價錢連魚子醬都任食，食落幾過癮另外，佢哋嘅燒榴槤真係一絕，榴槤控一定要試！燒過之後香味，入口即化。仲有鮑汁鮑魚撈花菇，鮑魚入味得嚟又唔會太韌，花菇吸晒啲鮑汁，好惹味。花雕醉鮑魚都唔錯，酒香濃郁，鮑魚爽口彈牙，食完仲有陣陣回甘。最尾食埋個椰皇燕窩燉蛋白，超滿足。椰皇嘅清香加埋燕窩同蛋白嘅滑溜，甜度剛剛好，食完唔會覺得膩。…Read More

姨甥女生日帶左佢去Kuromi😈主題餐廳慶祝順手食聖誕大餐😋💜與Kuromi 共享全日早餐可愛既Baku熱香餅加上太陽蛋、茄子、煙三文魚、煙肉、腸仔、炒蘑菇等，超豐富，勁滿足。💜Kuromi 邀你共享精緻意大利飯邪惡Kuromi造型既意大利飯，米粒軟滑搭配豚肉卷同酸甜脆口醃蕎頭，好醒胃。💜Kuromi 藍莓希臘乳酪梳乎厘擺盤精緻，日式梳乎厘食落輕盈蓬鬆，淡淡蛋香，輕滑忌廉伴酸甜藍莓與果仁香脆，多重口感。💜Kuromi 無花果藍莓沙冰（上）飲落口感清爽，果香味濃，消暑又解渴💜Kuromi 紫薯咖啡(下）香甜紫薯同咖啡好match，感覺好健康。…Read More

朋友喺外國返嚟，知道佢地都好想食中菜。我即刻訂位同大家聚聚舊！掌翼 $88掌翼份量十足，鹵汁滲透每一寸，食落口感滑嫩，鹹香味十足。蜜汁脆燒鱔 $278燒得外脆內嫩，蜜汁既甜味與鱔既鮮香完美結合，令人無法抵擋，忍唔住不停食黑松露玻璃燒鵝$238玻璃燒鵝燒得香氣四溢，松露既獨特風味與肉質完美融合，食落肉嫩多汁好juicy 糯米炒膏蟹 $588份量十足既糯米炒膏蟹煲，一煲夠4-6人食，軟糯既糯米飯吸哂蟹汁、蟹膏及蟹肉既鮮香，讓每一口都充滿驚喜南非鮑魚啫啫雞 $538熱騰騰既南非鮑魚啫啫雞，一上枱已經聞到好香，鮑魚大隻口感彈牙，雞肉滑嫩，南非鮑魚啫啫雞簡值係perfect match。濃湯一級竹笙浸翡翠 $168當日無哂絲瓜，所以轉左菜芯。濃湯配上鮮嫩既菜芯，食落爽脆香甜。最後叫左甜品牛乳奶凍同椰汁桂花糕，好滿足。…Read More

朋友仔最近搬咗去大圍，當然要去佢新屋探下啦！之後我哋去圍方搵間坐得舒服又高質嘅中菜食。五香牛展份量真係超乎預期，五香調味剛剛好，配酒一流！豉油王鵝腸豉油王鵝腸份量十足，食落口感爽滑，豉油味好濃，絕對值得一試。蜜脆銀鱈魚超推介！銀鱈魚外面酥，裡面嫩，食落冇骨啖啖肉，令我不停咁食！薑蔥粉絲蝦球煲蝦球食落嫩彈，薑蔥香氣撲鼻，粉絲吸咗湯汁真係好惹味。琵琶豆腐最後點左個清淡無負擔嘅琵琶豆腐，口感啱啱好，健康又好味。…Read More

原來人氣串燒店燒烤堂已經開到筲箕灣，咁近我無理由唔去試下架！餐廳裝潢簡約、食物款式選擇多，除左有基本豬、牛、羊、海鮮，仲有卷物、燒魚等等，我同老公兩個人叫左超多串燒，當中有幾款值得encore。雞皮墨魚滑雞皮包住墨魚滑，燒到外脆內軟，口感層次分明，有驚喜。焦糖鰻魚芝士玉子玉子燒上既焦糖增加咗香甜風味，搭配滑嫩既鰻魚同芝士，令人不斷回味。牛油果豚肉卷豚肉多汁配上牛油果同沙律醬，美味又健康蒜蓉燒廣島蠔蠔飽滿多汁，蒜蓉味道濃厚，鮮味十足川燒活元貝/浜燒活元貝厚肉活元貝燒得恰到好處，蒜蓉同粉絲口感增添層次，但唔食得辣既朋友，建議叫浜燒活元貝較好。即打芒果乳酸芒果乳酸口感滑順，芒果味道清新，飲落好消暑…Read More

老公升職加薪，梗係要出去食飯慶祝下揀左嚟間主打星級粵式菜既餐廳，餐廳樓底夠高，座位寬敞舒適，仲可以遠眺維港景色。我地樣樣都想食，最後揀左個$488一位既套餐川貝陳皮水鴨燉湯個燉湯好足料，飲落濃郁清香，感覺好滋補香橙鵝肝/XO醬海蜇頭/蔥油吊片香橙鵝肝 -   濃郁鵝肝與清新橙片好夾， 賣相精緻XO醬海蜇頭 - 海蜇頭清脆爽口，配上XO醬微辣，好開胃蔥油吊片 -  吊片肉質鮮嫩，食落好爽脆蜜汁叉燒叉燒肥瘦適中，外皮微焦香脆，入口肉質軟嫩柚子片皮雞有驚喜！雞皮薄脆肉嫩配上清新爽口既柚子，好match ，令我越食越開胃。鳳梨咕嚕蝦球外層金黃酥脆包住爽彈鮮味既蝦球， 酸酸甜甜，好滋味大廚脆炒黃瓜皮黃皮瓜爽口不油膩，微辣好惹味東坡肉煎飯肥而不膩既東坡肉鋪喺煙韌既煎飯上，口感豐富西施川貝雪梨茶川貝雪梨茶清甜潤喉，配上刀工了得既豆腐花，好睇又好食…Read More

去朋友屋企食飯，梗係要買d禮啦！近近地喺Yolanda Bakery買左d曲奇、甜品上去。椰香銀耳/楊枝甘露即食花膠 $55/盒有驚喜，細細碗有3、4嚿花膠，花膠飽滿彈牙，令人難忘，有機會想試埋另外2款味道特濃咖啡 / 特濃抹茶招牌曲奇 $25盒開蓋後聞到香濃咖啡/香濃抹茶味，曲奇入口鬆化，回甘咖啡味喺口腔久久不散 ; 清香抹茶帶淡淡甜味黎罐有齊4款招牌曲奇，而且獨立包裝，好方便。蜂蜜岩燒蛋糕 $20軟綿綿既蜂蜜蛋糕配上咸香既岩燒芝士，食落層次豐富，值得一試爆珠楊枝甘露 $22大大粒芒果肉+爆珠配綿軟濕潤既蛋糕，食落清新酸甜。芒果布甸 $16布甸表面光滑，內裡夾雜住粒粒芒果肉，相信小朋友會鍾意。…Read More

琴日心血來潮想去soho東食飯，喺openrice book位原來有買一送一優惠， 好抵食。其實已經唔係第1次食黎間， 一直都keep到水準。第1次室內坐圓枱，平時都會坐戶外多Slow-cooked Crackling Pork Belly $258Pork Belly 脆皮金黃酥脆，肉質柔軟， 入口即化，好有驚喜Seafood Paella $235色香味俱全既西班牙經典海鮮炒飯，每一口都係滿滿既海鮮，食落微辣令人越食越想食。…Read More

今年太古城中庭嘅聖誕裝飾好靚， 係我鍾意既米奇，打完卡後就喺附近食西班雅菜預祝聖誕節。餐廳每個角落都充滿聖誕氣氛，枱與枱之間有空間感，不會覺得好局促。西班牙燒八爪魚 八爪魚粒粒肉質嫩滑，燒得好香口。碎蟹肉青瓜卷子 碎蟹肉嘅鮮味同青瓜脆爽好夾，好fresh。西班牙乳豬 乳豬皮烤得好香脆，肉質嫩滑多汁，想再encore。風乾和牛腹側扒150g 和牛味濃郁，食落肉質細嫩多汁，牛魔皇必試。燒海鱸魚魚扒 必食推介！海鱸魚魚皮燒得夠香，食落肉質鮮嫩，配上酸甜醬汁，簡值perfect match。西班牙油條配巧克力醬 油條炸至外脆內軟，趁熱沾上濃郁既朱古力醬，令人好滿足。F.I.G.S Tart 白朱古力撻 撻皮酥脆包住濃郁既白朱古力餡料，食落甜而不膩。…Read More

旅行前約左媽咪去西環chill and grill 食飯兼做節。記得上次黎食已經係兩三年前，鍾意佢環境舒適，氣氛都唔錯。原來依家多左dinner set， 好抵食。美國頂級西冷300g 炭燒紋賣相好吸引，7成熟既西冷，肉質緊實有嚼勁。西班牙斧頭豬扒 媽咪最鍾意西班牙斧頭豬扒，豬扒超厚身，食落肉質柔軟無筋，老人家都食到。美國頂級肉眼300g 揀咗5成熟，肉質粉嫩多汁，牛味與炭燒香味交融，讓我回味無窮。炸魷魚鬢配他他汁 魷魚鬢外層酥脆可口，沾上酸甜他他汁，非常開胃。…Read More

同老公喺銅鑼灣睇完戲，突然好想食泰國菜， 就過左百樂中心搵好嘢食。火山排骨排骨肉質柔軟而嫩滑，配上泰式醬汁，酸辣味道，令人回味無窮。泰式黃咖哩炒大頭蝦大頭蝦肉質爽口彈牙，配上香甜黃咖哩簡直係perfect，令人食指大動。香煎薄餅有咖哩又點少得薄餅呢～酥脆口感既薄餅蘸上香甜黃咖喱，令人越食越想食。馬拉盞椰菜苗揀椰菜苗因為比較少食，入口清脆帶點甜，配馬拉盞炒，清新又開胃。泰式奶茶泰式奶茶散發出濃濃既茶香和奶香，口感滑順，香甜中帶點微微苦澀。凍青檸茶凍青檸茶酸酸甜甜， 味道非常清爽，絕對係夏天既最佳飲品。…Read More

想一次過試吓亞洲有名嘅美食？嚟「KIN Food Hub」喇！佢喺鰂魚涌太古坊，係KIN全香港第一間既旗艦美食廣場，集40間亞洲人氣同埋米芝蓮餐廳品牌。Food Hub 提供300個座位，有開放式廚房同大型酒吧，環境舒適，座位都好寬敞。除咗可以用自助點餐機，你仲可以用QR code落單，方便又快捷。Potaupho 越式番茄蟹肉湯粉湯底用番茄同螃蟹煮成，味道酸甜好好味。加埋越南扎肉、蟹肉、魚片、豬肉碎同生菜，食落口感豐富有層次。Chef Eddy 龍蝦湯喇沙龍蝦湯底拌埋喇沙醬煮成，好香濃。配埋上摻摻(米粉同油麵)，仲有時令海鮮，真係鮮味十足，令人食到停唔到口。Sip Song 芒果糯米飯糯米飯蒸得恰到好處，粘稠但唔膩，連埋新鮮芒果一齊食，口感清爽又香甜。芒果越南紙卷紙卷皮薄而柔軟，裡面有青瓜、紅蘿蔔絲同酸甜多汁嘅芒果，食落清爽健康，好開胃。Momo's 焦糖窩夫香蕉船連兩球雪糕窩夫烤到金黃酥脆，配埋新鮮香蕉同兩球滑溜嘅雪糕，再淋上濃郁嘅焦糖，食落口感超正！Matchali 抹茶拿鐵抹茶味道好濃郁，飲落帶點微苦甜，抹茶控不要錯過！Sunday's 梅酒高球用梅酒代替威士忌，味道酸甜清新，飲落好清爽。白灼菜心菜心鮮嫩冇渣，食落爽甜。…Read More

老公生日，朋友介紹咗官塘一間性價比高嘅扒房比我，環境舒適，氣氛都唔錯。餐廳係掃QR code點餐，方便又快捷。美國1855安格斯肉眼七成熟切片上，肉質鮮嫩多汁，煮得剛剛好，保留咗肉嘅原汁原味。伊比利豬鞍10oz肉質鮮嫩粉紅，獨特嘅脆爽口感，令我留下了深刻嘅印象。明太子忌廉大蝦意粉意粉煮得剛好彈牙，明太子忌廉醬汁濃郁香滑，配上新鮮大蝦，令人越食越想食。杏仁海鹽焦糖忌廉碎冰 (前) 杏仁香醇配上海鹽同焦糖，鹹甜交融，口感獨特，值得一試。士多啤梨乳酪碎冰 (後) 士多啤梨乳酪賣相吸引，口感滑順，乳酪濃郁，但與杏仁海鹽焦糖忌廉碎冰相比，味道稍淡。榛子朱古力焦糖香蕉梳乎厘班戟加雪糕梳乎厘班戟香軟可口，搭配榛子朱古力同焦糖香蕉，絕對是perfect match。原來雪糕係盒裝另上，充滿驚喜。…Read More

去澳門一定要試試豬扒包，今次我就去左勝利茶餐廳啦。當天好多人，我排隊等左約10分鐘左右有位。豬扒包$33厚厚既豬扒夾喺麵包入面，肉質嫩滑多汁，咬落去好有嚼勁。麵包本身都香脆到爆，同豬扒真係絕配！仲有佢哋特製嘅醬汁，食落好滋味，每一口都好滿足！如果你想抵食d，可以考慮下午2點半或之後去食下午茶，因為佢哋嘅下午茶套餐好抵！以豬扒包為例，如果你單叫一個豬扒包$33再加一杯凍飲$21。但係如果你食下午茶時段，只需$40，就可以有一個豬扒包同一杯飲品！真係超抵食嘅！另外，要留意餐廳有最低消費，每人要$18。…Read More