Lady.B's Profile

慕名而來，真係好鬼正！蠔餅炸到好脆，仲有超多蠔，好creamy!餅底好chewy, 口感好豐富！食完番尋味，外賣返屋企同屋企人分享。最驚喜嘅係外賣番屋企，個幾鐘頭車程後，個餅皮仍然保持到好脆😋…Read More

聞名已久嘅車仔麵店！今日終於食到啦！食評一個詞可以概括晒：「精緻」🍜湯底：車仔麵好與壞，湯底好重要！呢度嘅湯底係有啲料到，濃而不「漏」。可以按口味㨂清湯、麻辣、古早辣。LadyB最愛麻辣，係溫柔有內涵嘅辣，唔係出面果啲死辣。🐷招牌豬頸肉：爽口、入味！🐔鳯爪：好冧、好入味、好有骨膠原😋🐖麻辣豬手：大細啱啱好，爽口、調味好正。🐷韓式腩肉：好入味、又爽口。🐔豉油雞翼：好入味、好味😋❗️❗️❗️精萃❗️❗️❗️店方提供配菜：菜甫！冇錯係菜甫！菜甫調味適中，微辣、咸甜分佈啱啱好。為呢度嘅車仔麵添上獨特色彩！店面設計：港式霓虹燈招牌、大排檔style、打做港式貼地懷舊風情。無他，舊時嘅香港好值得回味、係建立我哋身份認同嘅源頭🇭🇰📱設備：呢度QR code落單，夠哂方便，與時並進。👍🏻…Read More

從未試過有餐廳可以令LadyB 係一個星期內encore 嘅,台蔡做到了平時行過成日見到人龍，不明所以。親自食過後，完全感受到佢嘅魔力😋首推：鹽酥雞🐔炸粉輕巧，洽到好處，做到剛剛好，係好難架。入口鬆化，雞肉保持到肉汁，又彈牙，唔鞋，真係好好味🤤食過返尋味👍🏻不過紫蘇葉就炸得太油，可以改善下。🐷招牌滷肉飯🍚🐷滷肉汁肥瘦適中，咸甜都平衡到。加上微微辣嘅酸菜，好好味😋唯，店家忽略咗另一個主角：🍚唔知道係米本身嘅問題定係煮嘅問題，总之囗感好實，好濕，冇飯香味，影響咗整體嘅體驗。藥饍排骨湯🐷唔會太重藥材味，但又飲到當歸味，飲完好暖身，正👍🏻…Read More

好耐都冇食四姐，今晚特如其來嘅機會。能夠保持到一貫高水準，難得！👍🏻呢度按人頭收費，再按人數計算菜式嘅數量。是晚2人食用：2個前菜，3個主菜，再送一碟青菜。份量超過2人所需😆我哋叫咗：🐠🌶️招牌水煮魚🌶️🐠魚塊好厚身，又大塊，好新鮮，好滑，好味😋🐔辣子雞🐔雞粒炸到好香口，辣味唔係太重，好啱送啤酒🍻爽👍🏻🐷魚香肉絲🐷甜甜酸酸好開胃😋🫑油扁椒🫑呢個有驚喜！！！外皮脆，內里沾滿蒜蓉，配埋黑醋汁，好開胃🤤LadyB食唔停!涼拌涼瓜涼瓜唔苦，好襯蒜蓉汁，好正！一句講晒：招牌老店保持到水準，難得👍🏻…Read More

睇完Mill Milk嘅介紹，專登過嚟試吓。好受歡迎嘅店舖，呢頭係週末都滿座，係勁嘅👍🏻🍜🌶️試吓佢嘅豬軟骨肉酸辣米線🍜🌶️豬軟骨煮到好淋，軟骨化成collagen式jelly狀態，好好口感，好大滿足感😋最令LadyB 欣賞嘅係佢嘅細心：芽菜係有去到最尾嗰啲絲，呢個做法唔係度度地方做到。細節位都能做到咁細心，要大讚👍🏻👍🏻👍🏻👍🏻👍🏻👍🏻🐷招牌豬頸肉🐷見到好多人叫豬頸肉，所以LadyB都唔執輸，叫咗份外賣。返到屋企仲熱辣辣，外面好脆口，內里肉質入味。好好味，唔怪之得咁多人叫！仲有特制醬汁，好濃嘅香茅香葉味，酸酸甜甜好開胃🤤🦐蝦多士🦐另一樣招牌菜。同豬頸肉一樣，周車勞動後，仲係好鬆脆，蝦肉保持到肉汁，唔太油，好正👍🏻🐔椒鹽雞翼尖🐔好香口，好入味，好啱送啤酒🍻😆又一細心位：炸物外賣盒特登開咗個窿，等啲炸物唔好返潮，保持品質口感，真係無得彈👍🏻樣樣都高質，樣樣都做到極致，價錢又咁親民，受食客歡迎係有原因㗎😊…Read More

話說經過灣仔，見到呢間酒店樓下嘅餐廳，新裝修，幾企理咁，門口餐牌show 午市套餐，包有小菜一份、飯🍚、蔬菜🥬、湯🥣。價錢正常。見有酸菜魚🐠，所以試吓佢。服務1)呢度QR Code 點菜，用一般相機功能scan 極冇反應。之後問職員先知要用微信App scan。咁LadyB 再用微信App scan, 入到餐廳版面但撳極都係冇反應。最後都係要職員幫手用佢嘅電話點菜（sign…….)2) 酸菜魚也是湯？午餐上菜時係用個木托盤上枱，賣相企理、唔錯咁。後來發現沒有上隨餐的湯，所以同侍應小姐講。侍應小姐話：午餐沒有湯，而且你的酸菜魚也是湯。我可以俾杯水你。 既然你咁講，我都無話可說，冇再糾纏。離開餐廳時，LadyB 再睇下門口嘅餐牌，明明寫住午餐有包湯。酸菜魚係套餐中屬於小菜。🦋感性之言：LadyB 並唔係為咗碗湯睇唔看。個侍應睇落似係新黎嘅，唔知餐廳的情況。LadyB只係希望呢種唔清楚情況、求其講啲嘢搪塞過去、胡混過關、得過且過、貪方便嘅態度/作風/文化/mentality 唔好散播開去，唔好成為呢個城市嘅新常態。其實唔明，咪問下人，都唔係好難姐😮‍💨🐠食物🥬🥬炒菜LadyB 研究咗好耐：點解每塊菜嘅邊都係黑色？（見圖）最後，為咗安全起見，都係放棄咗成碟菜。LadyB平時唔浪費食物，幾難食嘅食物都會食晒佢，今次都真係接受唔到。🍚呢度最impress LadyB嘅係白飯。認真，唔係度度地方嘅白飯係好食，呢度嘅飯係有驚艷到LadyB。🐠酸菜魚味道不過不失，正常發揮。…Read More

週末黎到尖沙咀想食韓國菜，朋友提議黎呢間漢城美食, CP 值超高！舖頭門面超靚好繽紛，sharky pink嘅大門好搶眼😍入到舖內見到「漢城美食」個牌扁，先知原來呢間店已經開咗好耐，近排新裝修，煥然一新🥳✨LadyB 是日精選✨🐔蒜香蜜糖炸雞翼🐔韓國炸雞真係冇得輸。香脆嘅炸皮外面包滿住厚厚一層蒜香🧄同蜜糖🍯，好食到停唔到口😋🍝韓式炸醬麵🥗呢度嘅炸醬唔會太濃味，加上有清新嘅青瓜絲🥒麵條囗感煙刅，好啱飲完酒食👍🏻🥕紫菜卷🍙紫菜包住啲蔬菜爽口，用料新鮮，好地道。🧀芝士炒年糕🍳年糕口感煙刅，芝士濃味，又有拉絲嘅效果，食完大美足😋…Read More

週末黎到旺角想食泰國菜，朋友提議黎呢間泰屋, CP 值超高！午市套餐都係$40-$60左右，係旺角區黎講，係好低食。✨LadyB 是日精選✨🥘紅咖喱豬柳🐽第一次食紅咖喱，原以為好辣，食落又唔會太辣，偏甜，好creamy，好味😋要特別讚下塊蒜蓉包🧄外脆內軟，濃厚蒜蓉味，點埋咖喱食，－流👍🏻🐙印尼海鮮炒貴叼🦐夠鑊氣！每條河粉都沾滿調味醬汁，好惹味😋 海鮮配料足，用料新鮮，大大份，正🙌🏻🧋珍多冰分唔清楚「珍多冰」同「三色冰」嘅LadyB, 揀咗真多冰。足料，無溝水，食完濃味嘢飲，超爽😮‍💨🫘紅豆冰🫘朋友點既紅豆冰都好足料！紅豆大大粒，甜糯有咬口，朋友都話爽😃呢度係旺角中心地帶，就腳得黎環境寬敞。好天時係度晒住窗外温暖嘅陽光，同朋友吹下水，感覺好似去咗泰國渡假緊咁爽。🤭🌴…Read More

☕️好少何有機會喺官涌街度覓食，難得朋友今日話帶我去試一間果度嘅餐廳。餐廳坐落嘅位置旺中帶靜，店面設計行西方簡約風格。餐牌方面選擇非常之多元化。除一般日式食物，例如魚生，烏冬，壽司、串燒等等，又有一般西餐菜式，例如意大利粉，意大利飯、沙律🥗 另外，呢度有多款酒水可以選擇，又有日本清酒、日本Gin 酒、又有多款cocktails 同埋mocktails, 可以話滿足唔同顧客嘅需要。✨LadyB 是日精選✨🦐串燒大蝦🦐 （@$38）是日精選串燒有幾種大路選擇，例如雞翼、茄子等。我哋就揀左大蝦。蝦都算係大隻，唔會燒得太乾，保持到肉汁同鮮甜味😋🦀甲羅燒 🦀 （@$128）好好味，大讚👍🏻啖啖蟹膏、蟹肉。配菜嘅麵包🥖非常鬆軟，夾埋啲蟹膏蟹肉，簡直係完美嘅享受😋🥰美中不足嘅係個炭爐唔俾力，個甲羅燒唔夠熱😅🦞波士頓龍蝦扁意粉🦞 （$198）份量唔算大。🍝意粉質地Al dente, 有好豐富嘅配菜, 例如有特色嘅羅馬茄子。主角🦞波士頓龍蝦肉質甜美，如果龍蝦再大隻啲就更perfect 🤗整體味道唔錯。🍮椰皇焦糖燉蛋🍮 （$72）超級好食，大推👍🏻👍🏻👍🏻👍🏻👍🏻👍🏻👍🏻👍🏻👍🏻有別於平時嘅creme brûlée, 呢個crème brûlée 充滿濃郁嘅椰皇味，啖啖椰皇肉增加焦糖燉蛋嘅口感，為呢一餐畫上一個圓滿嘅句號🥳🍾呢度8點前，所有酒精飲品都係HH 價，好啱LadyB 🤭🍹Bora Bora ($50 @Hh)係冇酒精嘅雞尾酒,有好豐富嘅菠蘿汁同埋橙汁, 飲完之後彷彿感覺到東南亞嘅海風輕輕撫我面🏝️sorly 係有少少誇張咗啲, 不過係好飲嘅🤩🍓Pinky Crush ($55@HH)啖啖新鮮士多啤梨果肉，如果果酒精底可以再豐富啲、濃厚啲，就更滿足啦🤭LadyB 係佐敦嘅飲飲食食精選名單上又增加一名成員啦✅…Read More

有人話金鐘係美食荒漠，今次俾 LadyB 發現一個好啱 lunch 抖吓氣嘅地方，連個名都好係chill guy style☺️ @sleephead。呢度主打輕食，有幾款三文治同埋麵食，最特別嘅係佢嘅nitro-milk tea 同埋nitro coffee。☕️✨LadyB 是日精選✨🍜Mazenen ($98)類似台式滷肉拌麵，肉粒好入味，麵質有咬口，整體感覺清爽😋Trio-set ($98)🍔Char Siu Bolo 呢款三文治盡顯中西合璧，又有香港本土美食特色既𠎀作。外層系甜脆嘅菠蘿包，里面有肥瘦洽好嘅叉燒，嫩滑嘅炒蛋🍳爽脆嘅生菜🥬，叉燒汁多到流出黎，好鬼正！ 🥗Salad with Yuzu Lemon Sauce沙律菜新鮮爽脆，加埋柚子醋，好開胃，又健康。☕️Coffee呢度嘅咖啡用咗阿拉伯咖啡豆，回甘味濃，I like its after taste 🤗🧋Nitro-Milk Tea ($68)LadyB 第一次飲 draft milk tea, 有驚喜！🤩口感比平時嘅奶茶濃郁，厚身，經過加nitrogen既奶茶好似可以「食」到奶嘅質感，好特別！下次一定會試埋佢嘅nitro-coffee☺️🌴環境🌼呢度位於金鐘月街，所以個vibe 特別chill🌼好有度假feel, 真係想請半日off, 享受一下溫暖嘅冬日，嚟個偷得浮生半日閒咁，可惜。。。。。。（LadyB好愛返工😝）Anyway, 可以同friend 子係忙碌嘅工作中，係呢個鬧市中嘅綠洲中，唞吓氣、共聚一下，夫復何求！…Read More

LadyB 好少可咁有效率，食完之後急不及待✍🏻，亦好少寫負評，今次真係特別例外！⛩️環境：懷舊日式居酒屋裝橫，係正嘅。🐷食物：是日點咗自家吉列豚肉午餐🍱有吉列豬扒、白飯、沙律和味曾湯。吉列豬扒外表望落去很鬆脆，本以為很好吃，誰不知入面舊豬扒濕濕地、同埋有啲唔熟通。口感好硬，咬唔開。LadyB 認為一間餐廳白飯🍚食得落口係基本嘢、尤其係日式餐廳。點知呢度嘅白飯竟然令到LadyB食到一半想放棄嘅狀態白飯竟然係未煮熟嘅日本米，又硬又濕又冇飯應有嘅黏性，筆墨難以形容嘅口感。LadyB 從來未食過咁難以下咽嘅日本飯。淨係呢兩點已經足以令佢成為LadyB Black List 名單。服務：原先都係不過不失，但係食到最尾，LadyB仲拎住個碗、飲緊碗味曾湯時，侍應竟然走黎收走晒啲碗碟，搞到LadyB好唔舒服。當時已經係13:50，餐廳冇咩客，冇人等位，唔係好明白侍應點樣要咁趕😮‍💨整體用餐感覺唔良好。完🫠…Read More

夏天打邊爐係常識吧🤭係香港打邊爐邊有分季節架🤗放工同friend子黎@kowloonhumhotpot吹下水。🏮環境🏮門口已經充滿着中國式嘅裝飾，好似搭咗時空穿梭機回到古時嘅中國咁，係中國風浸淫式體驗嘅特色🤗呢度仲有得着漢服打邊爐，不過天時真係有啲熱，所以今次就冇試漢服。✨LadyB 是日精選✨🫕湯底：經典鴛鴦湯底🌶️牛油麻辣湯底:見到佢紅噹噹,以為佢好辣，其實食起嚟唔係特別辣, 對於食開譚仔三小辣嘅人嚟講，呢個辣到啱啱好。白湯底好有火候，好啱唔鍾意食辣嘅人。🐙手打墨魚滑大推👍🏻好鮮甜、好爽口、好彈牙😋🐷西班牙黑毛豬腩片肥瘦分布均勻，有豬鮮味，肉質嫩滑🐽🐮雪花肥牛舌爽口、好濃嘅牛肉味。🐠黑魚片有驚喜！平時啲魚片好容易散，但係呢隻黑魚片喺湯度滾咗好耐都唔會散，而且保持嫩滑嘅肉質，肉味鮮甜，係另一大推之選👍🏻👍🏻👍🏻👍🏻👍🏻👍🏻👍🏻👍🏻🐮潮汕牛肉丸彈牙多汁可以encore🤭🧐海白菜類似海帶嘅海藻類食物。第一次用海白菜打邊爐，都幾特別，尤其係食咗啲油膩嘢之後食海白菜，感覺好清新，口感爽口，下次都會繼續用黎打邊爐。🍋熱情果手打檸檬茶食完麻辣嘢，飲番杯手打檸檬茶即刻爽晒🤭手打檸檬茶嘅茶底用咗清新嘅茉莉花香茶，再加埋熱情果獨特嘅甜香、同埋檸檬嘅香味，成件事情好清新，讚👍🏻🌼值得一讚嘅係呢度嘅茶飲係桂花茶，桂花茶嘅味道非常之清香好特別🌼️…Read More

午餐一個人突然之間好想食川菜，諗起附近呢間北京菜餐廳，擇日不如撞日就去試吓佢啦。午市餐牌非常啱我口味，尤其係水煮魚。🐟🐟水煮魚套餐🌶️老牌餐廳嘅水煮魚，份量大，用料充足，煮法正宗。主角魚係用新鮮鱸魚，魚肉彈牙鮮甜，又厚肉。配菜有大量嘅鴨血、芽菜同埋寬粉。寬粉煙韌程度啱啱好，爽口唔腍。辣湯辣味非常之惹味，滿足左LadyB想食辣嘢嘅慾望。🍮午市套餐跟埋老火湯同甜品。今日係杞子雪耳糖水，好啱食完辣嘢食，夠清爽。🪭環境🪭呢度環境寬敞，坐得舒服，無論係一個人定係同朋友黎，都非常合適🤗…Read More

週末同朋友行MegaBox，行到攰，搵個地方歇下腳，見呢間西餐廳裝修環境好靚，所以就入咗嚟休息下傾下計。🌸環境🌸係少女甜美風，周圍擺咗好多花。每個卡位都有隻大熊仔🐻喺度陪伴你，好可愛🥰✨LadyB是日精選✨🥞Classic Earl Grey Soufflé疏乎厘好spongy, 好滑，唔會太甜。伯爵茶配汁嘅茶味清香，啱啱好可以中和左疏乎厘嘅甜漏。另外仲有伯爵茶味嘅蒴餅，幾chewy。仲有其他小甜點作配搭，食完成個甜品後大滿足😋☕️Caramel Crunch Cafe Latte脆脆粒好有咬口，咖啡底比較重果味，配埋焦糖脆脆，成個感覺好邪惡😈🥛Classic Dirty Expresso 夠熱，同啲凍牛奶，形成冰火相融，成件事情好正😊🐥Fried Single Bone Chicken Wings雞翼炸到脆脆哋，幾香口。美中不足嘅係份量有啲強差人意，連熊仔🐻都表示驚訝🤭總括而言，呢度環境寬敞開陽，每個位置都格到好開，設計夢幻🦄 係一個好啱同閨蜜聚腳傾偈嘅地方👩‍❤️‍…Read More

路經駱克道，見到呢間小小咖啡店。呢度周圍都係裝修材料店，工業味氣息極濃嘅地方竟然有呢間咁有特色嘅咖啡店， 格格不入嘅同時，又有一種反差感嘅型格，令LadyB喜出望外😍 人靠衣裝，物靠包裝。咖啡杯對一杯咖啡黎都好重要。咖啡杯嘅設計係一個媒介俾店主去傳遞佢嘅咖啡理念。好明顯呢間咖啡店嘅理念就係分享☺️🫶🏻Good Coffee is meant to be shared🫶🏻✨LadyB是日精選✨ ☕️Cappuccino☕️ 咖啡有濃厚果仁味，咖啡豆屬深烘，full body, 好襯附近嘅環境☺️ 呢度嘅Barrista好有心機，我點咗外賣咖啡，佢竟然喺入面拉花🌹仲要係咁靚嘅花🌹如果我唔係開咗個杯蓋嚟影相都見唔到咁靚嘅拉花🥰要讚👍🏻飯後一杯好味嘅咖啡，係一件賞心悅目嘅事黎嘅☺️…Read More