leotse2023's Profile

今日去太古城中心food court食下午茶，點咗築地GINDACO嘅套餐。雖然當時係非繁忙時間，食客相當少，但都等咗幾耐，嘢食先至整好。攞餐時有問題，於是詢問一個中年男職員，不過佢態度好冷漠，說話亦都幾晦氣。以後再去太古城中心食嘢嘅話，我會揀其他食店。…Read More

呢度食個lunch平均都要80至100蚊，唔單止價錢貴，啲嘢又唔算好食，而且全無服務可言！首先講下食肆職員，一個二個木口木面咁，對食客態度欠佳。清潔工人又唔負責執枱，有次我食完離開，有個女職員叫我行返轉頭自己拎餐盤去回收處，從來未見過一個food court有咁嘅硬性規定囉！呢度嘅價錢同有侍應服務嘅中級餐館差唔多咁貴，但嘢食質素只及得上一般茶餐廳，服務水平仲差過好多快餐店，簡直攞零分！所以我以後一定唔會再光顧。…Read More

可能因為呢間餐廳位於草根階層嘅社區，而且比較多大叔大媽幫襯，發覺唔少食客都冇乜修養，例如見過阿伯因為嘢食遲咗整好發脾氣，喺個位度大呼小叫。另外，亦都遇過大嬸粗聲粗氣話我坐咗佢個位，但佢行開又唔放嘢喺張枱或者櫈上面，點知佢坐嗰個位呢？至於員工態度方面，大部分都OK，不過有個執枱嘅阿姐比較冇禮貌。食店除咗餐飲味道之外，其他顧客同職員嘅素質都好重要，所以我唔想再去呢間餐廳，費事遇到冇禮貌嘅人。…Read More

早排幫襯呢間麵包店，收銀處有個負責將麵包入袋嘅男店員，對顧客講嘢語氣好冇禮貌。啲麵包賣到咁貴，唔該請啲質素好啲嘅員工啦！咁樣嘅服務態度，連屋邨嘅平價麵包鋪都不如。…Read More

放假去行山頂，見到呢間餐廳有啲食評話唔錯，於是入去試下，點知中咗伏！好耐都冇見過有餐廳嘅職員一個二個都咁冇禮貌，呢度唔畀坐，嗰度唔畀坐；呢樣又唔得，嗰樣又唔得。食物質素只算一般，唔明點解佢哋對食客可以咁囂張傲慢去完呢間敏華之後，絕對、絕對、絕對冇下次，連其他所有分店都一定唔會再去！…Read More

趁長假期到昂坪一遊，見到呢間食店，就入去坐下。原本想享受地道小食，點知有唔太愉快嘅經歷:(首先講下員工嘅態度，無論係入面賣豆腐花嘅阿叔，定係外面賣點心嘅阿嬸，對食客完全無冇禮貌可言，講嘢語氣又倔又寸。價錢方面，明白旅遊區係會貴啲，但一碗豆腐花要20蚊，即食麵都要40蚊，服務同環境都唔應該做得咁差。如果大家想去郊遊有美好嘅回憶，就千祈唔好幫襯呢間食店喇！…Read More

呢間茶木唔似其他分店咁可以攞籌等位，企咗喺門口幾分鐘都冇人理，負責安排座位嘅中年男職員態度亦都麻麻地。至於食物方面，味道OK，不過湯麵唔夠腍，小食亦都太細份。埋單每位差唔多100蚊，咁樣嘅服務質素唔值得呢個價錢。:(…Read More