wendychow's Profile

茶記嘅早餐，不設厚望。但……呢個早餐真係一團糟、步隊鍋咁款。明明係味道唔差，但比個賣相搞wo，早餐： 餐肉、火腿、煎蛋配茄腩湯蜆殼粉/通粉。但上枱時係一碗咁出，所以餐肉、火腿＆煎蛋一團糟咁放上面，要知道餐肉＆煎蛋最忌漏住湯，再加上完全冇湯，似撈粉囉！洗多一隻碟者，下次有机會再嚟，一定試吓餸另上，睇吓点先😓…Read More

在5月底的一個星期日，曾致電訂位；奈何答案係不設訂坐，最終取消。今晚二人7点前去試吓場，点知我倆係第一枱，心惗小小伏。之後点左是日晚餐～义油雞飯 ＆ 腩仔燒鵝孖寶。首先嚟嘅义雞飯；可以嘅！但嗰碟葱油就奇差，真正葱加油，冇薑不突止仲好臭青，唔知係葱腥定油腥，總之要放棄。跟隨係孖寶，冇乜特別。配嘅係沙律前菜。真唔明燒味飯應配油菜唔係恰當D咩，莫非此乃fusion ! D月鵝真係唔多似鵝，烏卒卒冇相片咁誘人，所以有失望感覺！但晚餐最後都有点兒惊喜嘅～反而佢嘅奶茶～得👍🏻。芝士馬騮搣奶蓋～問心真係好得👍🏻👍🏻另外還点在件日式原味cheesecake, 質感味覺唔錯，睇圖order冇比例，嚟到發覺係mini size。有点唔夠喉囉！埋單結帳後到門前，睇吓D掛爐鵝真身啦！發現掛在高處嘅賣相唔錯，但瞓喺下面嘅就烏卒卒似我哋order同隔離枱嘅款。但其實我眼見店入面，叫鵝肶飯又唔差喎，所以我相信燒鵝有分rank 嘅，朋友想試好嘢呢，下次一定加錢要鵝肶😅總括而言「唔係唔好食、但呢個價錢食燒味飯，就唔外抵囉！」…Read More

朋友睇左Youtuber嘅推介，今晚4人决定人來一試。聽聞經常排隊所以我6:05先到。可能時間尚早，店內只有6、7枱客不過10人。侍應對對我說人未齊不能進店，至6:20左右，齊左3人終於可入座。各人点左4款麵1️⃣招牌～三寶手工麵(3片牛肚、牛筋＆牛肉各1係燜得夠淋）麵質口感佳、葱花香，湯汁濃但有youtuber所講有牛肉味及油香。2️⃣燉蕃茄腱心半筋半肉幼麵(蕃茄去皮、半筋半肉腱十分淋)3️⃣麻辣蒜味半筋半肉麵～不過不失。小食有1️⃣鹵水拼盤～見相片(唔知係汁味道唔啱定係個人覺得有点宿味）no good 2️⃣ 鹽酥雞～粉厚唔酥、冇鹽花香味，但夠大碟。3️⃣鮮豚肉鍋貼~比較有驚喜，皮薄饀足煎得香口有5隻。4️⃣醬炒青菜～係冇得揀甘，只有椰菜。所以醬係只豉油但唔多覺有囉，椰菜好硬。飲品方面：珍珠奶茶～茶味正常珍珠其少。 凍頂烏龍～唔錯夠凍。香芋珍珠奶茶～係開粉唔係鮮芋頭打嘅，所以唔like。但最最吊鬼係～大約19:30左右，有位侍應前來話： 我們的用餐時間已到，店外有人排隊等位，意思是希望我們埋單，我當時覺得奇怪，侍應講門口寫左用餐限時45分鐘，我頓時覺得唔係吓嘩，4人晚餐惠顧返8舊水，竟然限時45分鐘，正常放飯都一粒鐘啦！況且点樣衡量用餐時間呢？難度1、2、3、4人,同一樣45分鐘，我個人應為大過份。結帳後見店外不到10人在排隊，心裡真不舒服。而食物質素真係一樣、座位尚算舒適，返家後覺得口渴，大家領悟是怎麼一回事啦！…Read More

因為是一間小黃店，咪嚟支持下。悉逢假期最後一天，人數唔算多，環境唔錯Dinner Set 較網上提供為多，優惠提供二選一，但唔明点解，明明選擇全單88折，但需要每人至少叫一個Set才可享有，咁如果我哋想單点其他呢？還有option 2 pay cash 才享有88折，pay credit card 就得返9折啦。食物一般般啦，嗰意大利飯咸左D,沙律有点驚喜，Burger 係全晚至好食，件牛肉好juice ，天使丐都唔錯，眼見多枱人慶生，帶備蛋糕係免收切餅費，侍應還能主動替食客拍照，一贊…Read More

此店真心講真係冇乜得！因為珍珠奶茶唔得，所以冇再叫，茶冇茶味稀到死，似奶水，珍珠超硬，明顯唔新鮮。仲有佢嘅排骨便當，排骨炸到燶哂，連埋D炸粉，都係薄EE, 厚度0.5cm,比豬肉紙厚小小。唯一可讚係牛肉麵，有水準。所以奉勸大家嚟呢度，只食牛肉麵好啦！…Read More

1. 無骨海南雞～店員推介話剛浸起，必試 一隻雞夠大隻可分兩碟， 但可惜冇雞味，有湯汁味 完全冇味冇下次。2. 咖哩牛腩煲～味道可以，我哋選配薄餅 但只有一小件，早知揀法 包。多叫一客＄25只得 一小件，唔抵食。3. 香茅燒烏頭～唯一驚喜，贊4. 豬頸肉撈檬～肉烤得香口，得…Read More

近日在FB見呢間【相馬日式火鍋】狂賣廣告，旅是入OpenRice 訂枱仲有75折，咪到荃灣一試，心覺係中伏1) 75折不適用至低級別牛肉(相片中是$248) 睇落唔肥好骨子，但全冇牛肉味。2) 我入坐20:30但炸物中嘅虾 & 雞軟骨卻沽 清。3) 串燒~雞腎過硬雪藏味重，豬脷充當牛舌。4) 丸類全冇標示，都唔知攞唔攞好。5) 慶幸冇upgrade 海鮮，因為見其他枱嘅海 鮮全是急凍貨…青口、小墨鱼……6) 甜品亦冇標示，望落似裝飾唔多新鮮冇 興趣嘗試。7) 飲品…可樂、雪碧，high C外，其他是 大家久違了嘅Yeo's 清涼爽、馬碲爽…8) 雪糕仲差: 自助筒裝只有兩款不知名 (仍冇標示名稱) 加埋數款Apollo 雪條。老實講呢個價錢都冇乜期望，但今次真係有点失望。連鮮虾都冇跟每人兩隻，真係幫唔到佢囉。最後失敗係埋單竟然唔收信用咭，只收現金囉。如果冇現金咪……死火 …Read More

記住呢間，千期唔好嚟，第一冇得訂枱。即場20:01取票，20:56只得4人位要加一坐位在路邊，坐低就話21:15 截單，嗰D侍應遞上一張食品暫停指引，有13樣係暫停。話可以食到10点喎。搞Q錯。食物方便: 全晚至得黑金流沙(黑皮流沙包)，擔擔拉麵(得麻辣冇麻醬香)，芝士蝦飯(冇芝士送㗎喱，不如改名叫㗎喱蝦炒飯)，仲有個粉墨登場(墨魚汁、薄荷葉炒飯)，貨不對辦，menu上係鮮墨魚仔，但嚟到係日式墨魚仔，失望到底点。埋單又有驚喜喎，我哋埋單$520 ，竟然送100 coupon 4張, 原來喺四月份，凡惠顧滿200，就可用100 coupon一張。咁大家惗吓佢哋嘅食物資素啦。…Read More