早耳's Profile

嘩！天氣突然轉冷，梗係打邊爐啦！朋友介紹依家氣溫話服務態度一流，即call即有，梗係打去book啦。因為疫情期間我選擇足不出戶，所以另外加錢call咗車叫司機幫我拎回家，即送到門口，真係快靚正呀！呢個雞煲嘅份量都唔少一打開香氣四溢，拎到回家時仲係有啲微溫，放上鍋直接煮加個蓋，好快就食得雞煲非常嘢未，可以加面落個湯底度食，真係食唔停口啊，牛肉都非常新鮮係白切雞肥牛，加入雞湯雞煲嘅執導處，真係極惹味呀，鴨血都非常好食好林配上雞鍋嘅湯底真係絕配呀！另外菜嘅份量都唔少，仲有手掣嘅餃子，餃子非常之新鮮美味，所有食材都令我好滿意。而且而家做緊優惠餐都幾抵，下次再打邊爐又唔想買嘢食一定會再叫佢啊。…Read More

一直知道呢間店有勁大隻炸雞脾！今日下午茶好肚餓，就去試一試！舖頭裝修10分簡約，點餐竟然係用智能系統， 10分新穎！餐牌內容有點複雜，叫餐時有點不知所措，幸得員工細心教導，終於成功叫餐。估唔到呢間除咗食炸雞脾外，仲有好多唔同嘅選擇，見到佢有豬膶薑米湯米粉，呢啲乍暖還寒嘅天氣啱晒嚟暖下身。叫咗一客，配上薯角。當然唔少得要叫雞髀，特別叫咗新疆辣味，希望可以暖一暖身！估唔到呢度仲有老火湯可以叫，有杏汁豬肚湯，梗係叫過嚟滋潤下啦。雞髀先上枱，嘩！真係好好好好大隻呀！熱辣辣㗎 ！不過店員唔記得咗幫我落辣粉，佢哋好快好細心同即刻同我加返辣粉上去，隻雞比即刻野味晒！雞皮吹卜卜，肉汁鮮嫩，雞髀真係超級大隻，勁香口！一個人真係食唔晒，好彩我同朋友一齊嚟。薑米湯豬潤米粉係極其好味，嗰薑米湯我忍唔住要飲晒，因為實在太鮮甜啦!最後，一定要講吓佢個杏汁豬肺湯，湯有濃濃嘅杏仁味，極度濃郁鮮甜，有點飲糖水的感覺。豬肺好乾淨好新鮮，入口軟綿綿，吸盡湯汁，真係極好飲，飲完個肚暖粒粒，有一種極補身嘅感覺。食完邪惡嘅炸雞脾，飲返個健脾開胃嘅湯，成個人平衡返。真係非常之滿足嘅一個下午呀！…Read More

難得屋村區都有串燒店，梗係要去試一試啦！呢間隆亨串，舖頭細細，但坐位都唔少！最入仲有一間房可以book來做私人房！裝修都唔錯！一坐低，店員就介紹有串燒嘅肉拼盤，三串有雞肉，牛肉，羊肉。我最鍾意食嘅羊肉嘅我，梗係要試一試啦！另外佢仲推介呢度嘅燒雞翼，有一隻辣一隻唔辣。辣嗰隻仲要講到明食得辣先好試！鍾意食辣嘅我梗係試一試啦。其他野食就普普通通叫左燒茄子燒韭菜燒菠蘿咁啦！仲有送酒必備既雞泡魚乾！叫咗啤酒，當然要嗌埋雞皮LA！雞皮好快到，燒到脆卜卜！好惹味。另外雜錦肉串都好快到！肉串大大串，有肉汁，燒得好香！果然係店員推介呀！呢度嘅雞泡魚乾都好平，送酒一流！大大塊都只係$40. 其他茄子燒菜都有一般水準。特別想講一講燒雞翼，鹽燒嘅外脆內有肉汁，都算交貨啦！地獄辣嘅雞翼真係唔野少啊，食咗一啖成個口已經辣到有啲麻痹嘅感覺，我同朋友食到辣都食到想叫救命呀！店員見我哋咁辣，好窩心咁樣拎咗少少砂糖俾我哋解辣  ！啤酒都飲咗幾杯先至可以冷靜落嚟，雖然真係好辣，但係又覺得好過癮，好少何會係普通舖頭食到呢啲咁嘅勁辣雞翼，真係鎮店之寶，嚟到點都要試一試啦！…Read More

泰國菜一向係我哋嘅至愛，今日去開荃灣見到呢間泰式食店，見鋪頭好大，都幾靜，決定入去食。佢嘅食物選擇非常之多，五花八門咩都有，由於天氣轉涼，所以決定嗌鐵板！希望熱辣辣，佢有一個香辣鐵板蠔，我哋一睇就想試了。另外食泰國菜一定必叫嘅梗係冬陰功湯啦。不過見到佢有一個叫冬陰功湯鱸魚嘅菜，可以一舉兩得，所以就叫咗呢個啦！今晚想飲啤酒所以叫咗泰式拼盤！泰式拼盤一上枱嘩！超級大碟呀，性價比極高，一口咬落去蝦餅度，嘩！超級香脆好味，春卷魚餅都非常大件！仲有兩件泰式香葉雞。呢個拼盤真係不得了，應該係我食過嘅泰國餐廳裏面最足料嘅，蝦餅都特別大，魚餅嘅香葉味好重，魚肉彈牙！十分之香口，配埋泰國啤酒簡直一流呀。呢度嘅啤酒仲要有特價，我行日嚟食有半價，超級抵呀，如果同朋友嚟飲返兩杯，加個小食，真係平過去酒吧好多啊。個泰式鐵板蠔上枱，熱辣辣，醬汁非常野味，蠔嘅份量都算唔少，送啤酒一流呀。另外一定要講冬陰功爐魚，佢俾咗一碗冬陰功湯我哋，另外有爐同魚，一個價錢有兩個餸嘅享受，真係勁抵呀！個冬陰功湯非常好味，用料十足，魚都好鮮甜，加埋配菜食真係一口接一口呀！另外叫咗菠蘿糯米飯，味道10分好，淋上面嘅椰漿10分好味，強力推介！最後仲送咗泰式奶茶布甸，同樣係非常好食，不過已經太飽啦所以唯有打包走啦。估唔到呢度嘅食物咁大碟！下次一定要同一大班朋友過嚟，雖然佢嘅價錢唔算平，但係對比佢嘅份量，真係性價比極高啊！…Read More

今日行開去九龍城，見到呢間好旺茶餐廳，門口好得意咁樣有個牌寫住酒鬼檔，因為好奇心入去睇睇，一問，店員話原來七點後有串燒食！嘩真係好有趣呀，所以坐低試吓，原來呢間茶餐廳仲有啤酒叫！即刻叫咗兩杯同朋友一齊飲！啤一啤佢！佢嘅串燒嘅選擇比想像中多，店員推介有一個雞嘅拼盤，一定要試，就即管試吓啦！，仲有一個叫蘭王蛋白蘆筍既串燒都好吸引！另外叫咗一般串燒都會嗌嘅燒茄子牛舌同埋雞翼。仲叫咗燒魷魚來送酒，仲有燒粟米等等。嘩！雞拼盤上枱好澎湃啊，有雞軟骨雞皮雞肉香蔥雞串燒雞腎同埋鵪鶉蛋呀！好奇問問鵪鶉蛋點解連殻，店員話因為可以連殻食㗎 ！呢個叫做甲羅燒，喺日本好出名㗎！一口咬落鵪鶉蛋到！哇！個殼燒到卜卜脆好似薯片咁，裏面嘅蛋好香，配上佢嘅特色醬汁！真係一流呀！另外再試試佢嘅雞皮，真係不得了，薄脆香口！應該係我食過最好食嘅雞皮串燒啊，唔知師傅點燒嘅呢！佢壓都薄薄地吹波波，真係超級好食呀！佢另外嘅串燒肉都非常之好食，配上佢嘅醬汁好可口！同埋呢度嘅啤酒黑啤同埋普通啤都非常好飲，同串燒好夾呀！另外粟米！非常好食！有濃濃嘅牛油香，茄子都好有水準！都係一樣好味！燒魷魚都好味！另外一定要講講佢個蘭王白蘆筍卷呀！哇個蛋香到不得了！佢用蘭王旦包住白露筍來燒，外軟內爽脆，口感十足。另外燒雞翼都係數一數二之選！同燒雞皮一樣出色！師傅技巧真係好勁！燒得好好味呀！牛舌都非常好味！另外甜品有燒菠蘿加冰沙，冰火嘅感覺10分好！完美嘅完滿左今晚呢一餐。呢間茶餐廳真係估佢唔到，串燒嘅食品水準一流，遠勝於我食過嘅日本串燒舖，不過唯一可惜嘅係師傅手腳有D慢，要等待嘅時間比較長，但係食品水準真係高到不得了呀，比起真係去日本食更好味呀！…Read More

很喜歡這間Vici Bar，這裏的飲品10分出色，今次叫了青瓜味及花味的飲品各一杯，兩杯也10分出色，而且份量不少，性價比甚高。這裏一坐下就有人遞上炮谷作小吃，炮谷是鹹香的，新鮮用爆谷機做起，比起一般酒吧只會想花生薯片，顯得特別有心思。食物叫了黑松露雜菌pizza， Pizza的份量很大，芝士及配料太多，性價比10分高，熱辣辣上枱，餅皮香脆可口，芝士軟滑香濃，和松露10分配合。另外叫了意粉，是冬陰功意粉，味道不太辣，茄汁味濃後，意粉彈牙可口，本人10分喜愛。這間酒吧的食物偏向泰式風味，特意叫了有名的酸辣無骨鳳爪，鳳爪的溫度剛剛好微微的凍，也不會太冰冷，明顯無骨鳳爪是新鮮的，很爽口很好吃，配上紫洋蔥，番茄和酸辣汁，酸酸辣辣的10分開胃。推薦必吃的小食之一！在這裏坐着坐着，和朋友聊聊天，喝著這裏搭配的飲品，又是一個美好的晚上哦！…Read More

今天再去這個餐廳，因為很懷念這裏的燒乳鴿及小炒。還有朋友介紹這裏有一個新的酸辣茄子， 份量十分大又可口，所以特意來一試。急不及待叫了燒乳鴿及這裡有名的霸王雞及砂薑雞。雞仍是十分好味，，砂薑味突出，看似用上新鮮的砂薑，味道特別鮮香，也不會過鹹。這兩款雞真的十分好吃，真的想一試再試，乳鴿的水準也保持一樣，外脆內軟，內有肉汁， 十分可口抵食，相比一般茶樓的價錢，這裏的乳鴿真的是大件夾抵食喎。另外叫了一些小炒： 班球炒西芹，咕嚕肉，兩款也是上乘之選，比一般茶餐廳有鑊氣，份量也大。另外叫了黑松露炒飯，這裏有一些黑松露系列，今次試試炒飯，黑松露味洋溢，炒飯粒粒分明，10分可口！不太油膩，是推薦之選！最後一定要說說朋友介紹的酸辣茄子，以鐵板上枱，上枱時有渣渣的聲音，令人垂涎欲滴。茄子全部也是包着脆漿炸過，上頭淋上酸辣汁，味道有點像咕嚕肉的汁，配上香炸的茄子！茄子外脆內軟，配上酸甜的汁，能把油膩的感覺減去，這個配搭真的10分配合，是驚喜之作，而且份量10分大，一班朋友來暢快大口吃，真的不錯喔！…Read More

一向都喜歡紫既我，知道左太子開左呢間我最愛既紫色為主題的餐廳，急不及待要去試一試！！！遠處看到門面，是一片紫色的𥖁牆，配上一些紫色的乾花點綴，還有白色蕾絲窗簾，感覺少女味十足，好浪漫！一進入鋪內，被紫色包圍着，牆上配上大型的紙花，及一些紫色系乾花點綴，感覺十分夢幻！在正門有一個打卡位，是一張大型的搖搖椅， 十分識合用來打卡留念。店內的飲料樣子十分討好，看到有一些是冰沙的飲品，顏色十分繽紛夢幻。但由於天氣已轉冷，不太想飲有冰的飲料，所以叫了一個水果茶，及一個熱抹茶牛奶。水果茶先上，估不到茶香四溢，內裏有大量水果，味道十分討好，媲美外邊有名的水果茶舖頭。抹茶牛奶抹茶味豐富，略嫌過甜，但明顯用料十足。另外叫了一客意粉及一盒意大利飯。意大利飯配上雜菌，味道清新可口，不太油膩。意粉配上蟹子及蟹柳，明太子味突出，份量不多，但味道豐富，蟹子有一爽脆口感，蟹柳林滑，配上彈牙的意粉，這個配搭不錯呀！喜歡紫色的我坐在這舖頭，人客都坐滿。但也不太感到嘈吵，適宜慢慢坐閑談，這裏的飲料，特別水果茶味道不錯！下次想來試試這裏的蛋糕，看來樣子也不錯呢！…Read More

呢間韓式小店位於車廠區附近，附近環繞嘅都係整車嘅地方，無LALA有一間小店喺呢度，我覺得好特別啊！估唔到依間鋪嘅設計都咁有特色，設計到好似一間學校咁，真係好切合店舖嘅主題。鋪仔細細，坐喺學生枱度叫嘢食，感覺幾好。叫咗兩個定食，一個牛肋骨飯，另一個石頭鍋飯。牛肋骨嘅汁十分入味，係極度入味啊！我好似未食過咁嘅牛肋骨，就咁食覺得有少少濃味，但配飯食真係一流，呢度嘅飯係韓國飯，煙煙銀銀，品質有保證！配上牛肋骨，真係飯都扒多兩碗啊。另外一定要讚一讚佢呢度嘅Kimchi泡菜，一問之下係老闆自己整嘅，佢有幾間分店都係由佢整呢啲葉菜配菜㗎。泡菜真係10分好食，有別於外邊嘅舖頭，少少辣，蔬菜新鮮，冇外邊嘅泡菜咁行。佢呢一度有大量嘅拍泡菜配菜外賣，下次我一定會嚟買泡菜嘅外賣。今日喺呢度食咗我就唔買住啦。但係真係好值得推介！…Read More

極喜歡韓風，小火焰有好幾間分店，終於殺到入嚟大圍，實在太好啦！平時行過都見到企左好多人喺門口等位。今日成家人一齊去幫襯，因為早去嘅關係，六點拎定飛，頭幾張枱已經到我哋，唔駛等好耐，實在太好了！坐低，諗都唔使諗，即刻問佢有咩味嘅炸雞，叫咗最傳統嘅甜酸醬，聽朋友講呢度嘅炸雞仲好食過好多轉炸雞嘅舖頭，梗係要試啦！上枱先發現原來炸雞有配年糕，佢啲年糕係又有條條嘅，可以有好多醬喺面嗰度，同一般出邊粗身嘅唔同，呢個有年糕配炸雞真係一流呀，酸甜汁配炸雞，有少少辣，炸雞皮脆肉亂，裏面仲有肉汁，脆皮襯埋嗰個酸甜辣汁，真係忍唔住炫耀選埋手指啊。另外仲有佢嘅炸紫菜卷，都非常之好味，我呢啲只做節咋紫菜卷來點埋啲酸甜辣汁，真係物盡其用，一滴都唔浪費啊。再嗌左炒粉絲，呢度嘅炒粉絲比一般食嘅韓國菜鋪，味道看香好多，口咁油煙銀好多，配菜都特別多，我覺得又抵食又好食，屋企嘅小朋友食完一碗有一碗，個個都讚好食！另外叫咗韓式魷魚，佢嘅賣相同張相對比就有啲出入，不過都大大碟，仲要鐵板上，上枱嘅時候咋渣聲熱辣辣真係好吸引。啲魷魚都算林，佢嘅配菜十分之多，好在冇叫炒雜菜，估唔到佢嘅炒粉絲同魷魚嘅配菜都咁多，一般食韓國菜都比較少才女揀，但係呢一間嘅配菜咁多就唔使另外再叫菜啦，實在太好啦，始終晚飯唔可以淨係食炸雞肉食麵食，要食多啲蔬菜先健康㗎嘛！ 係咪！…Read More

一向都好喜歡食中式燒烤同酸辣粉，見到荃灣開咗呢間新鋪，門面10分光線，座位睇落去好舒適，今日決定一試。一坐低就即刻叫兩碗酸辣粉，酸辣粉好快上枱，配料十足酸菜肉操花生樣樣齊，略嫌花生揸得唔夠趣，面有啲林，酸辣唔夠酸辣，如果可以更加龍尾就更加好了。之後，梗係要叫串燒啦你想食咩啊，全消，一定要食燒茄子燒韭菜呢類嘅蔬菜，配上味粉真係一流呀，另外呢間竟然仲有雞泡魚乾再叫咗去推介嘅龍蝦留心炸薯餅。滑個留心好香滑外脆內軟，真係一流呀。另外仲叫咗好多嘢食，粟米菠蘿牛舌心多春魚雞軟骨等等，全部都係合格之選，另外仲有特價嘅消耗，好重有肉汁唔會燒得太乾，我10分滿意。個燒茄子簡直係必叫之說，大量嘅蒜蓉在面，我攞咗啲嚟撈麵食呀真係又香口食麵都食多幾口。買單一家人先四百幾真係好抵呀，而家舖頭咪有酒牌所以仲可以去外邊買啤酒，正呀。…Read More

馬鞍山出名係美食沙漠，家下應該可以有更多選擇了！今日去到西曬呢間小菜，外表冇乜特別都係似普通嘅小菜飯店，但坐低睇睇Menu，嘩選擇多到不得了！好多都係大排檔嘅菜式，唔知呢度做得夠唔夠鑊氣呢。今日一家人嚟食餐好嘅，希望滿意啦。先叫咗黃金蝦球，蝦球大大哥，炸到脆卜卜，配上黃金醬，好友鹹香味，配上彈牙嘅蝦球，好友鑊氣，好滿意呀！另外再食咗風沙茄子，茄子外脆內軟，配上香口嘅蒜頭粒，炸蒜粒，真係食完$1在$1 ，停唔到口呀。另外叫咗乳鴿，乳鴿愛皮脆肉亂，而且10分抵食。，由於有老人家，叫咗松露翠玉瓜炒魚柳，同菜膽雞。菜膽雞真係不得了，雞肉亂畫，個汁好味到不得了，忍唔住要叫白返嚟撈汁啊，另外松露魚柳翠玉瓜，上枱時熱辣辣，鑊氣十足。全部餸都令我好滿意，呢間店真係好適合一家大細嚟食晚飯啦！…Read More

長沙灣呢間燒味外賣真係不得了，成日做特價$48.1隻雞，連招牌叉燒都成日特價。唔單止價錢平到于得了，佢嘅味道都非常好，送飯一流呀！今日叫咗半隻燒鵝，一盒麻辣手撕雞，半斤叉燒加餸。樣樣份量都好足！拎返屋企做餸真係大大碟。首先講吓燒鵝，估唔到呢個價錢有咁嘅質素，燒鵝唔太肥，個皮脆卜卜，D肉又有肉汁，燒得好香又唔過火。配埋酸甜醬真係一口接一口呀！手撕雞都要一讚，佢個味道較得啱啱好！微微辣，有麻香。D雞肉撕到一絲絲可以用筷子大啖大啖夾入口非常方便，雖然比買一隻雞貴少少，但係物超所值！最後講吓叉燒，佢唔太甜仲有肉嘅香味，最緊要係肉質非常嫩，小朋友食都可以自己咬到，夠晒味。啲叉燒食唔晒留咗第二日愛嚟炒蛋，風味都冇變，證明真係好新鮮！以後屋企如果無時間煮飯，想加餸斬料，都一定會幫襯佢啊！…Read More

大愛越南野，呢間越南野好近大圍火車站，交通好方便，有時遲放工都會去食左先回家。今日放假，見佢D tea好抵，就去食個late lunch!  
特別鍾意佢個牛肉湯，真係好香濃，真材實料，食完唔會口乾，湯都可以飲埋！
今次叫左牛三寶湯河同香茅雞翼撈檬，加配小食有蝦餅同越南春卷，另外再加錢叫左芒果西米特飲同熱情果特飲。
牛三寶湯河真係好好味，加小小檸汁同配九層塔食，一流！九層塔好新鮮好香！河粉好入味，有咬口，一啖湯一啖河真係好好食！牛丸彈牙！大愛！
蝦餅都係我大愛之選，香口彈牙，有蝦既鮮甜！熱辣辣唔係好油，正呀！
春卷新鮮好味，鬆化可口！雞翼撈檬發揮正常，份量都幾大，由於牛湯太好味，我加左D檬落湯食 XD
最後講一講野飲，芒果西米特飲好足料好多芒果，好似甜品咁，好香好滑好正。熱情果特飲我個人覺得偏甜，加左DD水就剛好，一杯當2杯飲都幾抵 XD…Read More

今次係第一次食咁高級既印度菜，平常去既都係普通鋪頭，今次呢間坐落尖沙咀，鋪頭既裝修好高級，用左好多鏡做裝飾，感覺舒適高貴。lunch去食仲有自然光，坐在窗邊感覺溫暖舒適。店員好清楚咁解釋菜單，力推佢地既鐵板雞同薄餅同別店不同。的確，薄餅有松露同香草味，別店無見過，絕對要一試！叫左沙律先清清口，寫明係用有機菜，真係倉得安心健康。沙律配上香濃醬料，有好重既花生味，菜好爽口，好開胃。鐵板雞上枱熱辣辣，好喜歡個鐵板既GG聲，令人食指大動！配上檸汁，雞肉既香味同一般食到既有唔同，雞肉好滑有肉汁，明顯選材上有心思。薄餅叫左香料味，薄餅餅底好有水準，香料好香，唔洗送咖哩都好好味。咖哩叫左羊肉，同雞一樣，佢用既羊肉都好靚！肉質帶點爽口有肉味，肉汁仲保留到，咖哩偏鹹，要送飯會好好多，香濃吸引。另外叫左個小吃～炸芝士條，十分香脆可口，由於都係偏鹹，真係即刻想飲杯啤酒！無叫啤酒叫左最出名既芒果乳酪，完美既結朿！…Read More