趙基's Profile

呢排好少出街，今日要同同事去尖沙咀有急務，於是同事提議去粉麵店到快快醫肚食野，之後仲要趕去做野。入到去同事照平時叫粉麵，但發現原來呢到係有海南雞飯食，基當然叫黎試下。海南雞飯(油飯)海南雞經已去骨，啖啖肉，皮薄肉厚之餘雞皮好爽而肉就好滑，仲好有雞嘅鮮味，食海南雞一定就係要配油飯，呢到嘅油飯就煮到好香，香茅味同雞湯精華入哂味，而且飯粒好煙韌，唔會煮到過哂火喉，誘出雞油香氣。紫菜湯出面飲一碗紫菜湯都唔平，而呢到就套餐包埋，紫菜幾清，味道幾鮮又無沙，又夠營養又好飲。但呢到食海南雞飯真係夠哂抵，都係$48，仲有紫菜湯飲，係尖沙咀食到呢個價錢真係好唔錯!桔仔冰（午餐加8元）生津解渴，入面仲有話梅，酸甜鹹味都好突出，清清涼涼，而家夏天飲就夠最適合不過，同鹹香惹味嘅海南雞飯好夾。基評分: 味道(基基基基基)**外貌*(基基基基基)**抵食(基基基基基)**服務(基基基基基)最後基言:港式的風味 , 貼地的價錢 , 又新淨舒服 , 食物質素好, 下次可以來試粉麵…Read More

之前約左朋友去尖沙咀，上網睇到有間餐廳好多人推薦，我地就去左食下，而且呢間餐廳對住海景，邊食飯邊望海，好陶醉馳名烤鴨侍應會好細心講解兩款唔同嘅食法，分別係中式同新創食法，中式就係加上蔥絲、青瓜同烤鴨醬，薄薄嘅麵皮包住鴨肉一齊食，非常好味，新創食法就係加上爆炸糖、藍莓醬同洋蔥絲，都係好好食，味道好特別張氏獅子頭獅子頭同飯係分開上，獅子頭好入味，入口即溶，肉碎好嫩，係香港好少食到咁正宗嘅獅子頭。醬汁下飯一流黃扒魚肚南瓜汁非常濃郁，看似個醬汁熬左好耐，南瓜味出哂黎，醬汁掛滿係大大片嘅魚肚到，好滿足，魚肚煮到好軟腍，膠質豐富，好養顏又健康松露海皇羹松露味好香濃，海鮮粒新鮮爽口，仰有蛋白絲做點綴，增加另一種口感同鮮味，好高貴嘅感覺芥末沙律蝦球蝦球炸到脆卜卜，就算等左好耐先再食都唔會出哂油，仲係好脆身，食落蝦肉好飽滿同彈牙，上面有大量秘製嘅芥末沙律醬，酸酸辣辣好開胃，一啲都唔滯，仲有蟹籽提升口感，下面仲放左脆米片，成個食口感好香脆，仲好豐富添巴蜀口水雞味道辛辣帶點麻香，好好食，雞肉好嫩且皮爽，食落一啲都唔油膩，真係食唔停口基評分: 味道(基基基基基)**外貌*(基基基基基)**抵食(基基基)**服務(基基基基基)最後基言:個景觀真係一流, 服務同食物都是一等一 , 朋友都估我唔到有咁好的介紹…Read More

約左friend食韓燒，呢間野係韓國好多分店，今次第一次食香港分店出品呢。基常去韓國玩，次次都食牛，今鋪係香港就試下食下豬，因為咁岩遇上節日優惠有豬護心buy one get one! 又叫埋拼盤，同部隊鍋呀! 豬護心基知係肋骨同肝附近D軟肉，一隻豬得200g 。店員教燒，大火燒，燒到有龬紋，封住肉汁，好香，食落肉味好香好濃，有㸃咬勁，然後入面腍香，肉味好重，一流，好食，同牛肉有得揮，加少少韓式辣醬重惹味! 另外拼盤D厚切五花腩，我自己大火燒，迫晒D豬油出來，好香好香，燶先好味，食落爆出豬油，肉味無護心肉咁濃，但勝在夠油香，厚切肉汁特多，好好味! 其實重有D韓國年糕燒都幾好味，加多D辣醬重好味。而部隊鍋韓泡麵勁辣，麵底好爽彈又飽肚， 韓國午餐肉好好味，我地食到噴火啦。基評分: *味道(基基基基基)**外貌*(基基基基基)*抵食(基基基基)**服務(基基基基基)*最後基言:服務不錯，有韓國的感覺，又多配料免費添。…Read More

基和朋友好愛吃日本拉麵! 那日和友人在大埔遇上了一間小店，真有驚為天人之感。友人住大埔，我地大家都是拉麵痴，特別相約來試，全因我們都愛博多拉麵!小店很隱閉，開在小巷，看來不是連鎖大店，我揀了叉燒拉麵，少辛辣的香滑湯底要蒜和蔥，友人跟我一樣，但湯底要大辛辣，我的湯底入口順滑，湯頭很濃鮮，但不會油㵉㵉，少少稠的，很有豚骨的味道，辣味少辣，很香，叉燒火灸過，半肥瘦有油香又滑，肉味佳，溏心蛋真好吃，蛋味濃，流心狀，加上尚好的木耳絲，筍絲，蒜和蔥香，還有幼身，彈牙又的掛湯的博多拉麵，整體配合得天衣無縫，我們吃到雪雪聲，特別滿足，溫暖。至於小吃也十分有驚喜，煎餃子， 海蜇，還有芝士玉子燒(有溶了的芝士!)，都很好吃。基評分: *味道(基基基基基)**外貌*(基基基基)*抵食(基基基基)**服務(基基基基)*最後基言:味道好過屋企樓下的拉麵店，這家是很難想像會有如此窩心的出品，加油!…Read More

之前都聽過唔少人講樂天大喜屋好食，今次就同朋友一齊嚟試，入到去見已經不少人來吃放題，而且見到款式都的確非常之多，價錢都合理，我哋好快就攞住一大疊餐紙，點食物，而出邊仲有唔同嘅飲品同甜品選擇。很快食就嚟到，竟然有雞窩的確比較少見，味道幾清甜而且雞肉都嫩滑，味道都唔錯。之後唔同嘅壽司來到，黑椒牛肉味道都幾好，但牛肉味道就鹹少少。吞拿魚醬汁就甜啲，但係整體來講味道同口感都OK。仲有熱食嘅燒牛肉，牛味都係保持到，而且口感都幾軟熟。當然仲有我最鍾意食嘅炸物，這裏的炸物味道不錯熱度都可接受，最後當然就仲有一盤好大盆嘅刺身啦，刺身方面款式又多，而且味道都唔錯，夠鮮甜，同埋新鮮驚喜係甜蝦味道十分好食，而且帶子雪味唔算重。基評分: *味道(基基基基基)**外貌*(基基基基)*抵食(基基基基)**服務(基基基基)*最後基言:整體來講刺身嘅質素都有驚喜，最後當然仲要食埋甜品和雪糕，發現都好多選擇。…Read More

又嚟到元朗食野，行過雞地有間台式撞奶，想念起台灣到處可見的青蛙撞奶（青蛙就是珍珠的意思），忍不住試試。有兩款限量新品，分別是金蛋黑砂布蕾撞奶（$42）及宇治綠蛙奶蓋撞奶（$42），兩杯都用蛋形的杯裝著好可愛。最後選了抹茶味。店員建議先嚐嚐奶蓋再拌勻飲下面的撞奶。奶蓋有濃濃的芝士味，非常香滑，上面還有些綠茶粉，令我忍不住飲完一口又一口奶蓋。至於下面的撞奶，抹茶味漸漸出來，配搭奶味濃香，而且裡面的珍珠都是綠色的綠茶口味，夠Q彈有新意，十分滿意。基評分: *味道(基基基基)**外貌*(基基基基基)*抵食(基基基基)**服務(基基基基)*最後基言:金蛋還附送蓋子，飲完杯子還可循環再用呢！…Read More

今日又要入東涌一轉，就諗住不如大家一齊去飲茶，就經過見到有間聯邦就入咗去試。到去唔使等太耐就有位，但係侍應好耐都未比茶我哋，要搵左幾個侍應先至可以嚟到。之後我哋就叫咗少少點心，同埋一個炒河，就諗住大家一齊食。茶來到時茶味不多，可能茶葉不足，要叫待應再加，等左一陣點心才來到，整體食品嘅質素偏差，首先就係乾炒牛河，感覺上佢唔係偏凍，而且牛肉冇乜牛肉味，牛肉嘅份量亦都唔算多。之後再嗌左三個點心，燒賣感覺上冇乜豬肉嘅口感，而且蝦都唔算好新鮮。山竹牛肉，感覺上牛肉梳打粉整左好耐，所以口感同埋味道都係比較差。鮮竹卷，可能腐皮比較油身，所以整體都覺得點心偏油，而且入邊嘅材料唔算好多最後豆腐花甜品分量唔算十分多基評分: *味道(基基)**外貌*(基基基)*抵食(基基)**服務(基基基)*最後基言:價錢上來說，真的有點貴，覺得以這個價錢可以有更多選擇。…Read More

常常都覺得韓國菜都是以烤肉和泡菜，但這間朋友介紹的餐廳令基改觀了韓國菜的思想，今次朋友就帶我來到這裡吃飯，這裡的裝條都比較西式，而且這裡坐得都十分舒服，食物方面真的十分驚喜。 蒜香忌廉汁蟹肉及龍蝦肉意粉來到時見到表面都不少蟹肉已非常吸睛，蒜味都好足夠，而且口感沒到咁滑十分creamy ，意粉口感吾錯，而且蟹肉和龍蝦肉都好鮮甜，份量都大份，2個人吃很飽了。海鮮拉沙拉，罕有海鮮多過菜，海鮮種類款式都多，而且味道上都好新鮮， 重重的其蒜香，好似蒜蓉炒出來一樣，非常惹味。每款都有少少，岩晒二人份來吃。最後我地叫了芝士蛋糕作為我們的甜品，呢個芝士蛋糕好神奇，神奇在上面的料子是大蒜來的，蒜應該經過 醃製漫沒了本身的辣和濃味，多了幾份甜味，說就好似梅子一樣酸酸的易入口，本物身芝士蛋糕味都重和滑身，餅底餅乾整得不錯吾會好硬身，配合起來特別合得來。基評分: *味道(基基基基基)**外貌*(基基基基基)*抵食(基基基基基)**服務(基基基基)*最後基言:職員說餐廳時不有join活動送野食，剛好基食果日送蛋糕，請分享一下您去時送什麼…Read More

放工心情大好，就相約去旺角的Cafe Hea下，吹下水，享受下。訂檯佢話事，所以唔知有無訂位，不過去到人不多，應該平日不用訂位。入內，很大，有塌塌米近窗位，不錯，很有屋企的感覺，舒服。㸃菜原來用QR code，都係第一次，好大鄉里，要店員教學，都好學下新方式㸃菜。我地大家都是唔羶唔食，㸃了慢煮羊後膝，那多108蚊多一份，抵食D。羊膝以慢煮方式烹調，令羊膝肉質更嫩滑，羊膝很新鮮，吃時有香料的味道，再加了些孜然粉，肉味更有層次，配上燒汁，完全配合羊羶味，好好吃。酸忌廉煙肉焗薯，焗薯很幼滑，薯仔味濃同開胃的酸忌廉和咸香煙肉味好配合。飲品是橙汁水果茶，令人開胃又怡神。溫泉蛋沙律，很fresh，沙律醋汁很美味。煙三文魚他他多士吃，甜甜地有咬口又幾惹味，不錯。無臭不歡?! 大家寧加$也吃了D24榴槤慕絲，慕絲口感綿滑，入面D24榴槤好似奶油咁，好重榴槤香，底部有D啫哩，食落榴槤味由淡轉濃，好享受呢個甜品。基評分: *味道(基基基基基)**外貌*(基基基基基)*抵食(基基基基基)**服務(基基基基基)*最後基言:呢間cafe幾好，無人趕你走，慢慢食，慢慢吹水，好Relax。…Read More

Chef's Stage Kitchen搬咗過黎鳳攸南街之後，都係第一次食。今晚等埋朋友放工之後，黎到都九點鐘，但係餐廳內依然爆曬人，可見它在元朗的地位有多高。餐廳燈光偏暗，很有氣氛，十分適合朋友聚會或情侶一起進餐。店員好有禮貌咁帶我地坐低之後，放低個Menu俾我哋，基決定叫一份板燒美國頂級1855肉眼牛扒配粗薯條跟雜胡椒汁，同埋一客墨魚汁鮮帶子海蝦扇意粉，兩個晚餐都升級做套餐，會連埋餐包、湯/沙律、餐飲。餐湯基再升級做牛肝菌蘑菇忌廉湯。先講餐包，配埋一個微酸嘅醬汁，十分開胃。牛肝菌蘑菇忌廉湯更是出色，蘑菇味道濃郁，加上牛肝菌，另整個湯更香濃，忌廉的份量亦剛好，不會太稀亦不太稠。主菜來到時，肉眼扒比想像中還要巨大得多，比一個成年人的手掌還要大，order了五成熟，肉質鮮美，口感嫩滑，連埋少許肥膏一起吃，油脂更香，基非常喜愛這份肉眼扒！！意粉方面，不單是單純的墨魚汁，應該還加了少許忌廉，吃落口感覺香滑，而且意粉軟硬度適中！帶子鮮甜肥美，海蝦吃得出是新鮮蝦，並沒有雪藏味道。基評分: *味道(基基基基基)**外貌*(基基基基基)*抵食(基基基基)**服務(基基基基)*最後基言:整頓晚餐都很滿意，無論是環境、服務還是食物質素，都遠超出這個價位，一定會再來光顧。…Read More

話說滿樂潮州開張已有一段時間，一直不在該區無機會入去試試。今晚剛好在東涌晚飯，決定跟三五知己一起入去試試。我阿媽係潮州人，所以令基一直以來，都對食潮州野都有一定要求，不過今次滿樂潮確實有驚喜。呢到咁靚，當然對呢度有一定期望啦，竟然出奇地好吃。先講呢度服務相當一流，上菜都唔會拖拖拉拉，是東薈城來講，相當不錯。先食佢既馳名的鹵水鵝拼盤，鹵水汁的味道剛剛好，配上爽滑鵝肉，入味之餘唔會太咸，兼有少少甘香。配上爽滑彈牙的墨魚片，喜歡食鹵拼的絕不可錯過。再來杏汁白肺湯，有別於其他地方飲到的杏汁湯，呢度既杏汁似是真係磨出來的，杏香濃而清，豬肺更有潤肺的功效，在屋企好難煲得出呢種湯的清香。欖菜肉碎炒飯最為驚喜，開頭以為好油，點知竟然炒得剛剛好，米飯粒粒分明，唔油有咬口，加上飯是蓋上雞蛋，更見大廚的心思。潮州蠔烙有別於平時蠔餅的煮法，有點似台灣的蚵仔煎，但食入口唔會太粉漿，蠔仔也相當飽滿，啖啖肉的蠔仔入口有相當的滿足感，加上不會太炸，相對唔似蠔餅咁熱氣。不過魚露不宜點太多，否則會有點咸。但比起平時的蠔餅，這蠔烙是破格之作。芋茸鴨又係喜出望外之作，在芋茸釀入少量的配料，入口有芋香之餘，也不會太粉，可以說是手工菜，盡見心思。喜歡食香口野的我，當然唔會錯過啦！最後，我們都發現太多肉了，好在叫了個火煵香菜煲，冬菇實在是大大隻，火煵被炆過，與芥菜相當夾，可說是為這餐飯畫上完美的句號。最後基言:這滿樂是東薈城難得的潮菜館，整體是性價比高，又坐得舒服，確實值得推介。…Read More

最近到過這間高級泰與朋友吃晩飯，無論環境，服務，以致菜式的味道，我都給予很高的評價。那晚吃了一個很棒的菠蘿炒飯，炒飯盛得滿滿，灑上很多肉鬆，有香脆腰果，雞肉粒和菠籮，飯充斥著蛋和香料的味道，飯很清爽，一㸃也不油，真的相當美味! 飯粒仲炒得很乾身，充滿菠蘿味，一份已經好夠肚啦！還有香芒軟殼蟹卷，用米紙包著芒果肉和蔬菜，加上香脆的軟殼蟹，食落清新，㸃上泰式甜辣醬，很開胃，跟我上次左越菜店吃的，完全是兩碼子的事，這店食材夠新鮮，蟹也沒有多餘的油味啊! 豬頸肉也挻好吃，表面有碳的焦香，肉質好彈口，這款最愛㸃酸辣醬，很開胃，唔夠肥膏，啖啖都係肉。柚子沙律，金柚子肉入饌，多甜微酸伴鮮味蝦和魷魚，很清新開胃，喜歡吃沙律的必試。甜品是我最期待，特別要讚是椰青大菜糕，糕底清甜軟潤，滿是椰青肉香，椰汁西米糕和千層糕也好吃，是清清的椰甜，單是品嚐泰式甜品，也令人快慰無比。下次會再來試埋個泰國咖喱呀。基評分: *味道(基基基基基)**外貌*(基基基基基)*抵食(基基基基)**服務(基基基基)*最後基言:價錢上來說，是屬於中價， 之後介紹了不少白香港和日本的朋友來吃，都大讚。另外泰式奶茶做得正宗，必試。…Read More

最迎其實都有減肥衝動，但係每次朋友叫食放題，基都係會同自己暫時放低減肥plan先，下次再努力過，好似上個禮拜咁，基去咗間好正嘅放題，幾多好野食，基完全好似去了勁食比賽咁，刷到盡。我好鍾意食海膽，簡直用痴來形容，係咁叫海膽軍艦，真係好食到無朋友，想叫十次，隔離見基我食到咁盡，眼瞧瞧我一於少理。那晚個咖喱蟹都好好食，肉蟹大大隻，D咖喱汁夠香辣好惹味，有多肉，叫了5次啦都食唔厭。另外D一品料理基都有encore，瑤柱花甲粥，露筍炒珊瑚蚌，燒凡立貝，每次都有encore 2至3次，但越食越想食，又叫埋芝士年糕，幾好味，入面D芝士夠軟又香濃，重有芝麻雞翼，個炸脆皮奶好好食，外脆內軟滑，叫了5次。朋友軍佬係沙律怪，全部D黑松露帶子沙律，柚子大蝦沙律，蟹肉胡麻豆腐，海葡萄沙律統統食齊，基我沙律唔太喜，但有吃胡麻豆腐， D豆腐豆味好濃，豆腐又夠嫩滑，好吃。燒物簡直是基最愛，所有都好吃，無得頂，牛舌，日本燒肉，青花魚，雞翼，菠籮，秋葵，雞脾菇，全部都好新鮮，即叫即燒都冇咩點漏單仲有任飲7喜，韓啤，道地綠茶，果汁先生，可口可樂，飲到唔記得幾多枝了，很多很多，重有D刺身，甜品基評分: *味道(基基基基)**外貌*(基基基基)*抵食(基基基基)**服務(基基基基)*最後基言:選擇幾多，食到1人變5個人份量，食到變左個大胃皇…Read More

好日唔來呢間飲茶，結果係D野食水準好唔惦，但服務好添茶快都係扣晒分! 叫咗兩碟炸㸃，炸春卷，凍D，唔係熱辣辣，有油益味，D皮開始腍，入面D料唔好食，煎埋也有油益味呀，個皮好柴皮，凍食真好難頂! 㸃心只係奶店皇包比較好味，起碼係熱，奶皇OK無死甜! 炒野叫左碟牛柳絲炒麵 ，麵底夠脆，但係好咸呀D獻汁，D牛柳唔新鮮，肉質麻麻，太多咸獻汁，食到想死了! 芝士蝦伊麵，啲芝土汁又係好咸，蝦又霉，都唔知廚師係咪大整古，重有D伊麵煮得太生，索唔到汁，食到乾哽哽基評分: *味道(基基)**外貌*(基基)*抵食(基基基)**服務(基基基)*最後基言:價錢上來說，真的有點貴，呢餐飯食到叫救命，集團式食物真要改善下啦!…Read More

今日去旺角度做野，天氣非常熱，好想食d酸酸地既野去開下胃，所以難就揀左最鐘意既泰國菜!!! 呢間餐廳外面有一個好signature既擺設，所以一眼就會認得出係泰國菜，就共入去試無影門牌。佢個lunch set 又真係唔貴，旺角來說算好抵!!!一入到去，餐廳已經坐滿晒人，好多上班一族都會係度食lunch!! 叫左兩個 set, 一個係阿來海南雞飯，d雞肉超滑!!個醬辣辣地，好好食同好夾添!! 另一個係泰式炒金邊粉，好大碟呀!!份量超多!! 熱喇喇，擠埋青檸汁落去就更加好食!! 仲叫左馬拉盞炒通菜，又係好大碟!! 食落去係超夠鑊氣!!!不得了!! 我地仲叫左個金柚子鮮蝦沙律，我最鐘意既泰國菜式之一!! 估唔到，佢d柚子好多，仲要有d好大舊，不辣，仲甜甜地，岩晒我鐘意食柚子!! D蝦都好大隻!! 飲品就叫左青檸梳打 同 椰汁三色冰，兩杯都好解暑，岩哂大暑天氣飲。基評分: *味道(基基基基基)**外貌*(基基基基)*抵食(基基基基基)**服務(基基基基基)*最後基言:呢度食野超抵，份量又多，又高質呀!!…Read More