delightful.foodie's Profile

早兩日好想食西餐，係將軍澳海旁一列餐廳揀左呢間The Hunter，係食地中海菜，採用異國風情嘅裝修，仲可以揀坐室外睇海景添🌊今日我哋叫咗lunch食，前菜+Main+飲品+dessert，價錢由百幾至三百幾蚊，性價比都唔錯！是日餐湯係花椰菜湯，味道濃郁，而且夠熱，非常好👍🏻主菜我哋揀左Grilled Half Chicken粟飼半隻黄油雞、配薯蓉跟蒜蓉汁呢個烤雞都幾嫩滑，唔似坊間有啲整到鞋恰恰，烤香四溢，岩哂胃口較細或者健身人士🤭21-Day Dry age Ribeye 300g日乾熟成肉眼扒我地叫左Medium rare，熟度剛剛好👍🏻燒到外酥內嫩，有好香嘅炭燒香味。入面嘅脂肪仲要入口即浴🤤最後跟餐仲有甜品係strawberry cake，為午餐做個完美句號。…Read More

人多食飯嘅好處就係可以叫好多餸，滿足哂乜都想試下嘅貪心慾望🤭前排我地一行10人去左荔枝角呢間大公館，連埋甜品叫左11碟野食🤤因為人多嘅關係，所以某啲餸我地加大左份量，所以文中圖片份量不能作準喔！11樣野入面我覺得有4樣野係做得特別出色！首先係鮮菠蘿咕嚕肉 ，呢味餸係街成暐食，但真係做得出色就無幾多間！佢嘅外皮厚薄拿捏得剛剛好，入口完全唔覺得厚，十分脆口！而且肉質非常嫩，唔係咬極都唔爛果款！第二樣係蟹粉帶子燴豆腐，由於我唔係好食得蟹，只係淺嘗左幾啖就收口；蟹粉味十分鮮香濃郁，口感鮮香，要黎送白飯係一流！👍🏻👍🏻第三樣係金蒜瑤柱蒸冰島鰈魚鰭籠仔飯，初初叫嘅時候無為意，上菜時發現原來即係左口魚🤭之前都有講過我係左口魚Fans🤣🤣今次用籠仔蒸，又有另一翻風味！鰈魚非常鮮甜又滑，本身個飯就咁食無咩味，所以佢有附上碟豉油，吊完味之後就十分正喇👍🏻最後係甜品金箔懷舊芝麻卷，佢嘅黑芝麻香味非濃郁，口感煙韌彈牙；之前有食過一啲塊皮又厚又硬，呢度就整得又滑又彈牙！最後想讚下當日嘅侍應妹妹，十分好禮貌，又同客人講得笑，十分欣賞！要提一提，呢度上菜會稍為慢啲，俾人慢慢飲下酒傾下計；如果你想滾水淥腳咁食完餐飯，我諗呢度就未必岩你喇！1）鮮菠蘿咕嚕肉 $1682）七味黃金豆腐粒 $883）大公館秘制稻草肉 $78（每位）4）蟹粉帶子燴豆腐 $2585）蝦乾啫啫芥蘭煲 $1486）黃金沙律汁蝦球 $2587）脆米蒜香雞 $228 （半隻）8）糖芯皮蛋酸薑 $789）金蒜瑤柱蒸冰島鰈魚鰭籠仔飯 $28810）金瑤櫻花蝦蛋白炒飯 $18811）金箔懷舊芝麻卷 $48…Read More

因為呢間餐廳係寵物有善餐廳，所以一直放左係我個list好耐，咁岩今日朋友話黎呢度試，就可以係探下環境，下次再帶埋🐶🐶黎。先講環境，餐廳面積好大，走日系風格，檯同檯之間嘅距離十分足夠，私隱度十足。另外有室外可以坐，空間都夠大，唔係坐左兩個人就無哂位果啲餐廳咁。問左店員，如果帶狗狗黎就要坐室外，貓咪就可以係室內。因為已經食左野先黎，所以只係叫左甜品同咖啡。Tiramasu $68濕潤度剛剛好，佢嘅酒味同咖啡味非常適中，唔會太甜；軟綿綿，very nice👍🏻抹茶麻糬捲蛋 $68麻糬好令到成個捲蛋口感提升；淡淡嘅抹茶味；捲蛋本身整得唔算甜，中和返相對較甜嘅麻糬。至於咖啡，就點左Ice Americano, 正常發揮！下次帶埋🐶🐶再黎，試下正餐先🤭…Read More

喺旺角行街行到悶悶地，經過女人街，見到呢間粉紅少女Cafe有甜品食，就一於試一試佢！芒果西米杯 $44自從香港冇晒許留山之後，好似就無食過呢啲西米杯😂芒果夠哂凍又唔會太甜，西米嘅份量都超級多，一個人食肯定夠飽！韓式牛牛窩夫 （鮮果+2球雪糕）$98牛牛窩夫即係牛角包窩夫，呢個我覺得好好味！好香牛油味，咬落好鬆軟！伴碟嘅生果都好新鮮，另外雪糕係芒果+椰子味，都係好清新嘅配搭！薯條 $38即叫即炸，正常發揮！另外呢度仲有女團Lolly Talk入面MeiMei嘅應援物資，當日都見到有Fans黎支持嫁❤️總括黎講，野食都唔差，全間店粉紅色好岩一班女仔黎打卡食甜品🤭…Read More

Weekend諗住去大館行下，去之前係中環搵野食，行下行下見到呢間Cafe就入左去試下，原來除左係cafe都係一間傢具店黎，入面裝修都好時尚。聽店員講，原來呢度可以俾大家租嚟開party, cooking classes, events 等，價錢大概$3000 起，詳情可以問返店員。呢間Cafe以輕食，但都有少量pasta可選擇。龍蝦忌廉汁大蝦長通粉 $108大蝦好彈牙，龍蝦汁整得好creamy，完全包住哂啲長通粉，唔錯！Smoke salmon w/ potato salad $88煙三文魚入面包住薯仔沙律，啲薯仔煮得夠淋，軟綿綿咁。Cake of the day- Apple Tart $48即刻焗起，上台時熱辣辣，唔會太甜。Chocolate Chips Cookie $30呢個超好食，有焗熱左，入面啲chocolate chips微溶，外脆內軟，我食左大半塊🤭Earl Grey Chocolate $55呢杯只有熱飲揀，都好好好飲，Earl Grey味好香好出，無想像中咁甜，唔想飲咖啡就可以試呢個。Cappuccino $48Long Black $39呢兩杯咖啡就正常發揮，唔差！…Read More

多數人嚟呢度都係揀食燒肉，不過由於嗰日黎唔算好肚餓，我就叫左個lunch set加串燒同朋友share。呢個帶子火炙左口魚丼飯set，真係Oh my goodness咁好食！左口魚嘅份量俾得一啲都唔吝嗇，食左口魚一定要揀炙燒嘅！用火槍燒過嘅左口魚黎到時散發住炭香味，係口內享受佢嘅油脂味香🤤🤤仲要入口即溶！我平時唔食太多飯，呢日成個丼俾我KO左🤭🤭串燒就正正常常無乜特別，呢個雞之盛宴係串燒set，我個人就鍾意食佢個雞皮，燒得非常香口！相比起朗豪坊果間淨係食壽司嘅丸十，我覺得Moko呢間性價比會高啲！難怪lunch time都坐滿哂！…Read More

早幾日同阿爸阿媽去左呢間英倫扒房。鋪面唔算大，牆身掛左幾個用金色牛頭裝飾，裝修為藍色英倫風。我地叫左兩個main同一個tasting menu。Main會跟埋黑松露薯條🍟，新鮮炸起又熱，可以無限追加！另外會有手工麵包配餐廳自家製嘅牛骨髓牛油，幾有心思。法式保雲蘇紐西蘭肉眼牛扒$298保雲蘇係指係牛扒面塗一層芥末，再灑上麵包糠係面。我地叫左Medium rare，燒得岩岩好，唔會變左medium，肉質鮮嫩、配合埋保雲蘇嘅煮法，外脆內軟，值得一試。炭燒美國頂級T骨牛扒 $328平時我食開肉眼，不過今日佢賣哂就叫T bone啦！雖然T骨唔似肉眼咁油脂豐富，但牛味相對會濃啲，唔使點汁都夠味！另外我特別鍾意佢個伴碟燒蒜頭，燒得好香！成個俾我清哂😂Tasting Menu $588Daily soup + 飲品精選生蠔兩隻，好新鮮又大隻，夠哂鮮味！烤紅東星斑柳伴龍蝦尾，東星斑塊皮蒸到脆卜卜，好香口！Signature Cocktail “O” $98用Gin作酒底，酸酸甜甜，無乜酒味，好岩女仔飲🥰餐廳距離太和站大約行5分鐘，唔算隔涉，店員服務態度都唔錯，值得一讚👍🏻…Read More

今日喺紅磡做完嘢諗住食完飯先返屋企，就同屋企人執咗置富都會呢間紅蔥頭。西餐黎講，呢度真係幾抵食，份量都唔細，經濟實惠！叫左三個set，有餐湯、麵包、飲品包埋。煙三文魚凱撒沙律$108三文魚、沙律菜非常新鮮，雖然唔多沙律醬，但有煙肉🥓嘅咸味令到成個沙律調味岩岩好！烤美國安格斯漢堡伴炸薯條$88漢堡麵包好鬆軟，牛肉夠味又juicy，整體口感唔錯！鐵板肉眼扒 $155想据扒呢度有唔少選擇，我又揀左最愛食嘅鐵板肉眼🤭大大塊，煎得好香，塊扒好腍滑！薯條都係熱辣辣炸起，夠哂脆～呢度環境都好寬，晚上人流比lunch少好多，坐係到傾計好舒服！…Read More

星期六朝早去做運動之前要食返個靚早餐先！平時嘅茶餐廳快餐店食到悶悶地，今日見到呢間Castle Cafe就入去試下！早餐種類都幾多，有19個餐可以揀！我就揀左火腿蕃茄濃湯螺絲粉配奶油脆豬+即磨咖啡 $36。呢度嘅早餐性價比都幾高，最貴個餐都只係$39，已經係全餐！首先我要讚一讚呢個螺絲粉好夠熱，出面好多茶記嘅螺絲粉都係唔熱甚至係微凍嘅！蕃茄味唔會過甜過酸，調味剛剛好！奶油脆豬都好正，大量練奶🤭焗到外脆內軟！Nice~值得一題，呢度飲品都有好多選擇，除左平時叫嘅奶茶咖啡檸茶檸水，仲有慢磨鮮榨果汁、花果茶、特飲，非常多元化。工業區平時地鋪選擇唔多，黎嘆個早餐絕對可以一試！…Read More

🍽️：瘋狂小面 (佳德商業大廈) (中環)今日放工係中環附近，同朋友想食下辣野，搵到呢間瘋狂小面。入口係商業大廈嘅一樓，去到大廈門口有指示牌指示，唔使驚搵唔到。餐廳麵食有3款套餐可以揀，我叫左麵+小食+飲品+甜品。我點左肥腸酸辣粉+紅肉柚子+棒棒雞+成都老冰粉。朋友就點左個瘋狂牛肉麵。酸辣粉個碗面鋪滿左肉碎，湯底揀左BB辣+小麻; 辣度對我黎講岩岩好，唔會食到好辛苦；而且個粉軟硬度都拿捏得好好，好易咬但又唔會過淋👍🏻肥腸洗得好乾淨無異味，大大舊軟淋淋👍🏻棒棒雞即係手撕雞，辣辣地幾惹味🌶️最後係成都老冰粉做甜品，食完辣嘢食碗冰冰凍凍嘅冰粉就最好不過，都幾多份量，食完飽哂😃…Read More

🍽️：荷華庭園景餐廳 (大埔)今日約咗媽咪同埋兩個Auntie去大埔林村行吓，附近基本上無乜野食，所以book咗黎呢度食。呢度除左有室內，仲可以揀室外，仲可以一檯包左一間房咁，夠哂私隱度！👍🏻4個人叫左3個lunch set加散叫一個沙律：Set:1）香煎魚柳配蜜糖柚子汁 $228魚柳肉質都幾鮮嫩，個皮煎得好脆，點少少個柚子汁味道幾得意，不過就算唔點汁都好食！仲配埋好滑嘅薯蓉添！2)黑松露什菌Pizza $198係薄底Pizza，餅底脆卜卜，鋪滿芝士，口感非常好。3)燒美國安格斯肉眼扒 $298煎得幾香岩岩好散叫：大蝦解果沙律 （S) $228好大盤，啲生果有好多款超級新鮮又好甜，竟然仲有士多啤梨🍓添！Overall 食物質素唔錯，而且環境寬敞又坐得好舒服，放假過黎同朋友屋企人Chill下都非常不錯！📍：大埔林村放馬莆43號地舖…Read More

係旺角行街行到攰，周圍搵地方食飯，就係openrice見到呢間部屋咖啡室，上到去都坐滿哂，好多人幫襯！我地兩個人，叫左3樣野食同兩杯野飲：1）烤雞蘑菇闊條麵 $132比想像中大碟，忌廉汁夠creamy夠掛麵，雞粒大小切到剛剛好可以一啖食一舊🤭而且雞肉都嫩口2）椒鹽魷魚酥 $52炸粉唔厚，炸得夠香口，有得送啤酒一流！3）凱撒沙律 $118份量超級大🤣啲菜好新鮮，唔錯唔錯！最怕食唔新鮮嘅菜！4）手沖冰波奶茶$53將奶茶雪成左冰波再另外用玻璃樽送上奶茶。都幾好飲，甜度剛剛好！5）玫瑰洛神花茶$62大大壺，呢個抵飲🤣，酸酸地幾開胃。…Read More

心血來潮想食串燒，就搵左呢間紅磡串門子。唔好睇佢店鋪細細咁，野食都幾有水準，叫左都唔少野食，以下呢幾樣係我特別推介嘅！😋惹味蒜蓉燒茄子$36原條茄子切開，鋪滿蒜蓉同香料，燒得夠哂淋，入口口感超正！😋皇牌牛脷心 $35呢個超級正，必 須 試！！雖然好厚，但非常腍身柔嫩，呢個價錢食到呢個質素非常難得，我仲encore左多一串！😋 燒秘制麻辣田雞 $35田雞本身已經唔多地方有得食，仲要串燒田雞😂 燒得唔過火，保持肉質嫩滑，唔怕食嘅朋友仔可以一試！😋燒日本特級一口和牛 $35油香同牛味夠重，夠爽口彈牙！總括黎講，食物質素唔錯，燒烤嘅時間都拿捏得好好，唔會令食物過熟，而且都好地道，絕對值得再黎👍🏻…Read More

平時經過呢間餐廳長期都要排隊，呢幾日復活節長假期應該好多人都去咗旅行，竟然唔使等位就一於try try佢。叫左個Set lunch，廣島燒豚肉燉飯+烏龍茶$138，再跟餐加左個明太子雞翼$38。Risotto好creamy同豚肉其實夾埋一齊教幾好食，豚肉都幾夠味，但Risotto有少少偏咸，可能同廣島燒有少少關係，如果食開重口味嘅朋友仔可以試下。太子雞翼好高水準，先將雞翼去左骨，再將微微辣明太子放係雞翼入面，炸得剛剛好超嫩超juicy，再加埋佢地份量超多嘅蛋黃醬，必須試！！！侍應都好有禮貌，餐飲我點左一壺烏龍茶，飲完佢地都肯幫我再加水，埋單時態度都非常好，讚👍🏻…Read More

星期日喺荔枝角上完瑜伽堂，落堂就行咗去長沙灣嗰邊搵嘢食。行到過去見到呢一間門口寫住沖繩二段料理嘅餐廳，門口見佢menu主要係食蒸飯；由於未食過沖繩料理，而且咁岩仲病緊，蒸飯好似幾岩我（笑！）就入左去食喇！我叫嘅set有3款蒸飯同12款炸雞/鍋燒料理可以揀。最後我揀左沖繩原味蒸飯+柚子雞+熱烏龍茶+沖繩海鹽焦糖雪糕冬甩 $85沖繩原味蒸飯嘅配料有冬菇、雞肉、紅蘿蔔、宮城秘製醬油。蒸飯嘅份量都幾大，由於配料都幾健康，相對清淡，岩哂我呢個病人食😂下次再黎會試佢重啲口味嘅飯！柚子雞唔錯，雞肉好嫩滑，柚子甜度剛好，中和返本來清淡嘅蒸飯。最後係甜品雪糕冬甩，跟餐配埋唔使加錢，真係非常抵。但我唔敢多食，只係試左一小舊冬甩🍩，正喎！煙煙韌韌好彈牙！又唔會過甜，值得一試！呢間餐廳絕對可以再黎👍🏻👍🏻…Read More