tina314's Profile

唔會再光顧服務態度真係好差，特別係有個後生男侍應同後生紋身女侍應。首先，坐位安排就已經好有問題。入面大把位，但男侍應安排坐廚房垃圾桶對出既路口位。 我提出坐入面既坐位，對方態度好差咁話冇位:(第二，落單個陣，有位中年女侍應幫手落單，呢個侍應態度好好，好有禮貌，有問有答。落飲品個陣，我問緊特飲係邊幾款，加幾錢之類問題。個男侍應無啦啦衝埋黎，大大聲咁答嘴，真係聲大夾惡到一個點，如果唔係已經落左單，真係起身走人。老老實實，附近咁多餐廳，大把選擇，而且呢間又唔係特別好食，又唔係平。無謂俾錢買難受！…Read More

見呢間啲評價唔錯 又可以即日walk in ,2人set $598，預付仲再有8折，圍番先人均$264。咁我地就即慶walk in 啦。點知…由坐底個下就知中伏🥲1. 服務麻麻👎🏻侍應安排我地入座之後，水都冇杯，又冇交待我地個set要等幾耐先有。咁我唔肯定係咪要叫先會上菜，揮手叫人又冇人，揮左一陣總算有人，侍應回覆等15分鐘就會上菜，咁我地當然冇問題啦～2. 焦糖燉蛋 變 糖水燉expresso 👎🏻到個set黎到，賣相已經唔好～個焦糖燉蛋溶哂咁，啲焦糖好似油咁浮係面，相當唔開胃，而且味道偏苦🫣（用左expresso?)食左一啖就食唔落🙂3. 果醬配餐刀👎🏻鬆餅配果醬賣相擺盤都ok,但係冇提供奶油刀🫠檯上只有大大把餐刀同叉,點樣係細細甖果醬了啲果醬？ 😅問侍應拎，佢地好似唔明咁？只係俾左隻匙羹🤔4. 環境麻麻👎🏻我想話餐廳入面有唔少烏蠅飛黎飛去🙂好擾人，而且感觀都唔好，作為一間5星級酒店既餐廳，呢啲環境同服務真係太得，之前睇咁多好評，真係唔知係咪真🤔反正好失望。5. 小牛肉吞拿魚醬三文治👍🏻成set野入面，唯一好食既就係呢個「小牛肉吞拿魚醬三文治」最後，都係要再吐糟下啲服務，叫左幾次，終於俾左杯水，但兩個鐘，冇人黎fill過水，啲侍應咁得閒企哂係到，但唔識主動睇下有冇客人要fill水🙄…Read More

最近開左好手打檸檬茶店，咁岩係附近食完晚飯，打算搵飲品，一開OpenRice 就推左呢間林香手打檸檬茶店，咁就試下啦～咁我就叫左TOP1 招牌手打檸檬茶，照我慣常order 少冰少甜。點知…店員話不設少冰/走冰，反正冰量冇得郁🫤但可以調整甜度. 其實又唔係沙冰，點解冰量唔可以調？唔明！其實同一條街都有另一間手打檸檬茶，但我費時再轉，咁就照order 少甜正常冰。杯飲品都好快手整完，等候時間約5分鐘。飲筒一督，督兩次先督到落去，下面勁多冰！青檸都好足料 一大舊😄飲左兩啖，真係就兩啖！ 飲完！幾乎大半杯都係冰！！！而且味道好一般，可能維他檸檬茶仲好飲反正唔想再光顧！…Read More

第一次使用OpenRice 外賣落單功能，都幾方便，選擇飲品及甜度冰量後，再選擇埋自取店及取貨時間，就可以用信用卡或Alipay 付款，過程都幾快，而且OpenRice 落單有75折優惠。我就叫左茶里水果茶，落完單先再慢慢行過去拎。由於我早左到，杯飲品仲未沖，當我出示取訂單號碼之後，店員就開始沖飲品，等左大概5分鐘就有啦！成個過程由落單到拎飲品都係perfect。可惜，就係最重要個樣野衰左，杯飲品好唔掂！水果茶竟然冇水果味，得個甜字！好似飲緊糖水咁！真係超失望！我本身係叫半糖少冰，但杯飲品都咁甜！如果係水果甜我冇野講，佢明顯係糖漿甜:(之前係cwb希慎店飲過，覺得好正，所以今次先再叫，但結果真係令人失望。…Read More

白宮餐廳一向full,係冇預約情況下去碰下運氣。當日落好大雨，好彩唔洗等。樓下個層大概有4-5張檯，全部full哂。於是，被安排到樓上坐。樓上大概有10張檯，環境有少少迫，檯與檯之間既空間好少，如果要傾密計就似乎要諗諗🤔食客入座或離開個時，都要小心翼翼，好驚撞到隔離檯。不過，樓上既裝修，就岩哂鐘意影文青相既人。黎左幾次，最鐘意食呢到既 「黑松露雜菌意粉」，佢既忌廉汁整得唔錯，幾creamy 。😋而且係繁忙時間，上菜速度都算快，下單以後，等大概15分鐘就有得食。服務生態度都幾nice，值得再次光顧。…Read More

5月7日 mother's day的前一日.預早慶祝...對上一次光顧麗都讌客是在農曆新年.由於上次食完,眾親友對這間的食物水準都讚不絕口(雖然貴了點)所以,今日慶祝mother's day 都黎左呢間....10點去hold 位...第一印象 .服務質素極差.人手不足?最低工資?行去櫃檯拎位...等左一陣,唔見有人帶我地入去..於是,自己入去搵....由中間行到左手邊盡頭,問啡色衫侍應,佢指我地行去右手邊前面.跟著指示前行,再問啡色衫侍應. 點知......佢又指番我去左手邊盡頭叫呢位侍應帶位,點知佢叫我地自己去搵,再三要求下,先帶我地去.(火都開始黎)去到"我地張枱",點知有3個人已經係到開餐. (真係勁無奈,搵左咁耐,好似俾人玩咁)個侍應仲要我地自己去櫃檯問番個位小姐....= =死死地去.....出番去.....個小組寫過拎一張枱俾我地,但一句sorry 都冇...(未開餐...就已經一肚火)不合理地貴望見張點心紙, 仲火, 又感無奈.一心打算..早點到,可能仲有點早市優惠,點知.......點心紙寫住.....早上7:00-9:30 早市(睇到呢到,心諗:可能好平的點心冇左好) 再睇落去 9:30 午市 (完全, 9點30分已經係午市,咪玩啦!!! 搶錢都唔係用呢個term ar!!!)大,中,小點 全部俾早市貴3蚊..一碗粥(計埋加一)都$20餐具不清潔我一向飲茶都慣左要清潔餐具呢到d 餐具,洗8套,有2套都要換同碗都有污垢:(食物水準急降一眾親友黎到,貴都要叫啦(不過佢地見咁貴,都就住叫)印象最深有以下4樣:1>香煎蝦米腸 可以用3個字形容--{好難食} 腸粉被煎到一d水份都冇, 好似食緊張紙,要同口 同時用力,先拉得斷. 好乾,好油,冇鮮味 . 咁多樣點心入面,最難食.2>香煎雞翼 一班張朋友話要食,冇理由唔叫. 因為佢地印象中,上次係到叫的b]香煎雞翼 好好食. 但今次......b]香煎雞翼 好咸,好咸,要不停灌水.而且好多雞毛.3>雪菜肉絲米 老人家們印象中,上次的雪菜肉絲米,不但好食,而且賣相好. 但今次的雪菜肉絲米 賣相不變,只係味道就不同了. 淡淡淡淡!!!枓又少左,份量少左1/3. 湯就成窩都係(似乎係加左勁多水).4>家郷煎簿餅 好多油, 而且切都勁大塊 整塊簿餅只係被切成4份, 小朋友同老人家真係難以入口. 而且切唔斷,切一半唔切一半/.....:(2小時多內,從未見這茶樓滿座大約叫了10多碟.+茶位每人$6+ 加一小費.盛惠3百多元.…Read More