草菇達人's Profile

今日黎到大角咀覓食，上openrice見到呢間餐廳好評幾多就試下佢個日咁岩都8點幾所以都唔洗點等位，我地好快就入左去，黎到環境都幾好，睇menu發覺都幾多野食我地3個人叫左鹹豬手配酸菜同薯仔沙律、安格斯肉眼扒、香蔥芝士薄餅、卡邦尼意粉豬手脆bobbob，而且配上酸菜一齊食個感覺都幾特別，又大又多肉，肥瘦剛剛好，如果一個人食根本食唔哂🤤呢個價錢咁既質素簡直冇得輸安格斯肉眼扒多肉汁，煎到岩岩好，唔會好鞋，大大塊，哂上黑椒吊出哂個牛味，再配上佢地既醬汁簡直一種食物食味兩種味道香蔥芝士薄餅配上獨家醬汁，淡淡既檸檬味，入面有芝士洋蔥，不過加上醬汁一啲都唔漏卡邦尼意粉大大碟，勁多意粉又勁多汁我諗呢到既主食根本正常一個人都未必食得哂，而且呢到有埋酒飲適合朋友仔一班人黎摸下酒杯底食下野傾下計😚依家諗諗下又覺得好似差唔多要約埋班fd一齊去聚下chill下🤤…Read More

朋友推介一鍋豐當然要去試吓啦，今日等朋友收工後，待應話十點有消夜價當然等一等啦，三人打邊爐食消夜有得平$188就有得食仲有個海盤，睇落去都幾抵食，首先來的是蕃茄湯底，味道都濃不錯，海鮮盤的海鮮質素都不錯每人一件都夠食。當然之後就點野食，白鱔和海鮮蝦同蜆新鮮度唔錯而且份量都足，牛肉叫了二款但牛肉味好少就一般。烏冬細舊都幾夠食，最後叫二舊三人食剛好，響鈴偏淋身，丸和午餐肉味道一般，好似冇咩咬口，芋頭都吾錯炸得剛好而且芋頭味濃，上菜速度都幾快而且加湯後湯底都吾會淡晒幾好，坐都舒服而飲品選擇都可以，最尾仲有雪糕。…Read More

作為一個吃貨一個超中意食放題既達人，點會唔去試下Running燒呢！呢到既燒肉放題仲有海鮮任燒任食！🥰首先黎到由於book左位係絕對唔需要等候，即刻安排位置你坐，有剔剔紙俾你寫反你想食既野，之後我就去左拎調味料，呢到唔到普通烤肉唔係hea你淨係俾燒汁，佢有得你自己mix醬汁，有蒜蓉、辣椒、蔥等等！係等緊我d肉肉同海鮮之際，佢送左3碟小食俾我地，咦唔係喎，點解張相會有4碟既？原來個蘿蔔係拎黎抹個爐燶左個d位！真係細心都爆😛飲品方面都好多簡，佢出色既係d飲品唔係隨街買到同埋巿面上放題係冇既，而我簡左薑啤同冬瓜茶，好有小朋友既回憶🤤重頭戲黎拉，牛脷粒爽口彈牙！睇過我食評既人都知我係牛脷迷haha，薄切西冷牛扒好簡單地用左小小調味料調味，提升左牛既鮮味而且都幾嫩口又大塊，牛肋骨有筋，岩哂我中意食筋既人，佢d五花腩擺碟又肯哂d心機卷埋俾我地😙肥瘦也剛好，唔會太漏！海鮮我叫左蒜蓉芝士蠔、扇貝、大蝦，而我呢個蒜蓉怪物黎講就自制放左好多蒜蓉😂多汁肥美既海鮮，有海水味，而且唔會漏單，你寫幾多佢黎足幾多架，海鮮呢個位食多幾隻就值回票價😂另外仲叫左幾隻餃子同炸雞，佢既辣醬大家都要小心，我食開辣，食之前點一點試下佢既味，真係俾佢呃左，由喉嚨一直辣落去，哈哈想陰我？好彩用筷子試下味，好刺激😂😂而最後埋完單佢又會送雪糕/雪條你食，而d雪條都幾正！我簡左蜜瓜雪條，但我食完先記得影相。。。😂😂😂…Read More

嗰日返工比老細鬧完一肚氣，極度想化悲憤為食量，滿肚氣同個friend食餐飽順便發洩下!呢次主攻係食串燒，我同個friend最愛食串燒，那晩的牛脷好食，好軟身又夠牛味，好食好食好好食，食咗N轉，都有嚟，無特登漏單播! 雞軟骨也是我地目標，鐘意佢煙韌彈牙，好有咬口，食了N轉。另外D燒魚類都唔錯，好似你燒鯖魚和燒鰻魚的貨色唔係太差，起碼有魚味，唔會勁腥。另一串燒必食係燒凡立貝和羊架，味道唔錯。我完全唔吃生野，所以主力攻D壽司，天婦羅同串燒類，天婦羅呢間OK，都可以，D炸物一口芝士和芝麻雞翼都勁好味。另外有D料理類都好食嘅，好似係蒜片牛柳粒，D牛柳好juicy，其實唔係上等牛柳，但都做得好好食，好鬆軟。另外有款鮑汁花膠，見好多人勁叫，實係好野，食落D膠好腍也入味，正的。而友人係好愛刺身，佢話D刺身合格，起碼融雪夠。至於壽司，卷物，軍艦，都OK，甜品唔算多，叫有得食，飲品唔錯多多選擇，食放題有樣好就係飲品多揀過D酒店自助餐! 還有我愛吃的葡Tart，做得唔錯，好味的。…Read More

情人節前夕，平時食黎食去都通常都係放題，今次食反餐好既！對自己個胃好d先🤭💓今次黎到中環既Sushi Sase，Dinner Menu有2種，$1380同$1680，而我話明食好d！就簡左$1680。一坐低就會幫我掛起我件褸擺好袋，而且倒上熱茶拎條熱毛巾俾我地，呢到服務真係好好，坐低左就如皇帝般既享受😛之後就介紹Menu 2個餐有咩分別拉！仲會問下我地有咩唔食/敏感，好貼心❤️首先黎左三碟既前菜，主菜陸續有黎🤪黎個左口魚上面配上蘿蔔蓉、蔥同酸汁，左口魚配蔥好夾，加上酸汁成件事好醒胃，已經喚醒了！！北海道蟹肉好有海水味道而且好多汁，上面仲會有埋蟹膏添🥰鏗魚唔會有筋！加上小小Wasabi好正！魷魚頭配鮟鱇魚肝 入面有好多魚卵不過小小腥味都冇，由於我對腥味好敏感，呢個魷魚值得推介一下！魚肝加上wasabi入口即溶阿🤤拖羅好肥美，咬落去簡直就好邪惡好滿足！爆脂❤️飛龍騰 佢係蝦肉加豆腐做成，好重既蝦味配上春筍食有咬口！佢既汁好鮮，海帶加上佢既汁，100分阿！仲有海膽飛魚籽，好新鮮！一啲都唔會腥，底下加小小飯，從來未食過咁好食既海膽！黎到壽司推介拉，第一款魷魚，中間夾小小wasabi加埋青檸汁，有咬口好清新！第二火灸拖羅，微微焦味好香口，油脂感..好強！第三海鰻配玉子，玉子好似食緊海綿蛋糕、你，燒過既海鰻好香而且冇骨，好厚身咬到有口感！最後黎到甜品，我簡左柚子雪糕，有碎碎的柚子皮，有淡淡的柚子味，唔係死甜假柚子味，好清新好香，我覺得食完個雪糕覺得好似食左個柚咁😂😂總括黎講呢個服務呢個食物，我願意繼續反黎試佢新野❤️…Read More

同fd好耐都冇泥過吉壽，勁即慶咁去咗😂因爲地方乾淨又大，野食飲品種類又多！有刺身，熱食，炸物，甜品，壽司，手卷。佢嘅刺身都有好多選擇，有甜蝦，三文魚，帶子，鮑片，北寄貝，吞拿魚。三文魚吞拿魚全部都好厚肉，而甜蝦都好大隻，全部都好新鮮，好鮮甜，唔會有腥味😋而且全部都真係凍冰冰，唔似擺咗好耐咁。熱食佢最好嘅係佢有蟹粥，又有牛肉鍋，全部都係熱辣辣，牛肉鍋入邊有粉絲有豆腐有菜，好足料❤️仲有佢嘅牛柳粒唔會好un而且好大粒，唔會好咸😋佢甜品全部都好細杯唔會話怕會好濟好飽，而且賣相都好靚，味道都唔差🤩🤩仲有雪糕，雪條。佢嘅壽司都唔會話d飯好多，份量比例岩岩好🤩佢嘅雞軟骨都好好味，燒到好香，好脆唔會話好難咬。佢嘅燒波蘿一定要食，因為真係好甜好多汁！一d都唔酸😋最扺讚嘅係佢真係會比足你係張單到寫嘅數目而且岀野又快，雖然好多人但服務態度都唔會差！…Read More

今日去左尖沙咀食放題，尖沙咀有太多選擇啦！！！！今次就試下一樂日本料理啦！！！！！而間既點餐係手機掃瞄QR code點餐的,真係好特別呀，完全就係顛覆傳統新體驗呀。餐廳食物種類好多，揀到花多眼亂呀，因為我地想食多Ｄ熟食，所以唔係叫左好多刺身同壽司。首先係吞拿魚壽司，味道唔差，同埋黑松露帆立貝，舊飯好精緻，可以食多幾舊咁就易回本啦！！！而到除左點餐之外都會有圭自助拎野食食可以等緊野食黎既時候都可以食住先。我拎左Ｄ魚柳，滷水蛋試下，平時好多邊爐同放題既自助餐區Ｄ野食都會有Ｄ凍，但係我９點幾先入座Ｄ自助餐區野食都重暖暖地，令到可以食到熱既食物。至於口感食物都冇淋到，應該係新鮮整的，可能係好食所以比人清得快掛！！哈哈。重有個龍蝦湯保有龍蝦湯的鮮味和濃郁，喜歡龍蝦湯的話，就不要錯過了。至於燒肉及串燒，「沙嘩啲卡」燒豬頸肉和羊鞍燒得岩岩好。…Read More

聽人講新麻蒲新出咗個大大份嘅牛肉野菇韓鍋，叫得草菇達人嘅我當然唔會錯過呢個鍋啦！我同朋友坐低後，店員立刻送上2碟無限refill嘅前菜- 韓式泡菜及醃海帶。多數餐廳前菜都較隨便，所以本來無咩期望，點知2碟都好好味，泡菜夠味得黎又唔太辣，而海帶酸得黎十分醒胃。食過數輪前菜後主菜終於預備了，一開蓋果然無令我失望！有金針菇、茶樹菇、杏鮑菇、秀珍菇同香菇，啱晒我呢個草菇達人！另外中間有韓式牛肉配粉絲，亦十分惹味，總括黎講健康得黎又好味，唔錯唔錯！而且新麻浦環境十分好，以為韓燒會好大陣油煙味，但估唔到抽氣做得好好，完全唔覺有油煙味！值得一讚👍👍…Read More

今日行行下諗住求其食啲野，見到十大碗，新式既雲呑麵餐廳，啲裝潢睇落去完成吾覺得似雲呑麵，光線充足，食野都精神d😛同埋環境仲有好靚既畫添，而且個feel會好吸引年青客人🤪行到入去簡個靚位坐低，侍應即刻倒水俾我飲，服務態度都幾好架👍🏻👍🏻選擇困難，佢地推薦我食咩好。價錢都幾大眾化，大大碗仲要入面好多大大舊既牛腩，佢既牛腩唔會太un，半肥瘦我最愛阿❤️佢既河粉幾爽口q彈，而且佢既湯仲好落足料有重牛味，好明顯真係落足牛骨煮添，，枱面上仲有好多醬汁任君選擇添，凍奶茶茶味香濃細滑，飲落冇碎冰就算溶左都唔會淡味。飲埋個湯都唔覺得口渴，證明個湯都冇落味精，實力十足！同埋十大碗無論麵、飯、腸粉其實都選擇好多，就算幾揀飲擇食都好，總有一款岩你食😱真係睇唔出佢用料十足份量又多對得住個價錢有多😛…Read More

今日揸車黎到西環，就試下傳說中既火鍋撚🤙🏻🤙🏻呢間餐廳其實個名好爆好正，我想試好耐架拉，去到其實5點15分，佢地5點半先營業所以等左一陣同時都諗緊食咩好👀👀因為實在太多選擇拉，咩都好想食咁！佢呢間新店好大好有中式火鍋既感覺，而且仲有個兵馬俑歡迎大家👏🏻😂😂咁岩個日早到，早食完7點半前離座依家仲做緊全單85折，真係堅秋抵阿🤙🏻🤙🏻一入到去侍應都好好笑容遞上醬料俾我地自己調制，呢到既蒜蓉係汁黎架，由於我係蒜怪，但又怕臭親人，呢到既蒜食個下好濃味，食完個口吾會好勁蒜味，所以唔洗太擔心❤️而且呢到仲有水煙食，真系好chill😛😂我地就order左麻辣and酸菜白肉鴛鴦鍋、極品安格斯大肥牛、肥美鵝腸、黑松露墨魚鴛鴦蝦滑、唐生菜、黑柏葉、水蜜桃沙冰同1664啤酒鴛鴦鍋值得去試下，因為佢麻辣個邊有好多蜂巢豆腐同鴨血，食呢到都覺得飽左😂酸菜白肉超多豬肉片同椰菜絲，仲要好夠料添😝基本上食個鍋都飽飽地😂肥牛真系好有誠意，整左2朵玫瑰花型既同埋仲加埋乾冰，成個效果真係好靚，而且佢真係厚切架，但又唔會咬唔到。終於食到肥既鵝腸真係好難得，好多餐廳既鵝腸一係好瘦一係就俾鴨腸當鵝腸，但呢到我可以食到肥鵝腸！墨魚滑加左黑松露，好夾同埋真係有好多黑松露架！蝦滑出奇地好食，佢成粒蝦不在話下，而且超級爽口彈牙添！黑柏葉都大塊又爽口，淥佢10秒縮哂就食得！仲有生菜青bb好新鮮！水蜜桃沙冰唔會藥水味真心幾好飲架！成日覺得個名爆會中伏，今次火鍋撚俾左好大驚喜我…Read More

今日朋友仔約我去三門仔食飯，係完全對呢間餐廳吾熟悉之下當然搵搵openrice大神，發覺原來呢到食海鮮，無論小菜定邊爐都有，而且仲相比出面仲平好多添阿，而且佢地仲做緊優惠添阿，每張枱都可以用優惠價食到海鮮。由於平日既關係今日都係吾洗等位架，呢到既招呼都吾錯，入到去即刻倒熱茶俾我地，而且仲俾花生我地食住睇menu。我地嗌左個招牌炸子雞、冰鎮海生蝦、香檳一字骨、蒜茸粉絲蒸貴妃蚌、一條灼石蚌魚、雞油炒豆苗同埋乾炒豬頸肉河，招牌真係招牌，佢個炸子雞炸到個皮好脆而入面既肉好滑好多肉汁，完全吾「鞋」，冰鎮海蝦其實主要都係食佢既鮮味，完全吾需要點啲咩醬汁，不過佢話點豉油加wasabi會好食好多就俾等地試下，佢地灼完再用冰鎮，目的係鎖住蝦既味道，香檳一字骨係好似金莎骨咁，不過用香檳汁整，個感覺幾特別同新穎，因為我未試過haha，不過佢既蒜茸粉絲蒸貴妃蚌真係要讚下，因為佢粉絲吾會整到好乾，好多蒜茸，而且佢既貴妃蚌好！大！隻！灼石蚌魚出既形式好似刺身咁，但原來要淥一淥佢，大概淥佢2-3秒就可以，幾鮮甜，亦可加$30加工椒鹽剩下既魚頭，都吾錯架！炒豆苗係用雞油，但都係吾會好肥好油，豬頸肉河....啲豬頸肉多到驚總概黎講我今日又搵到一間平靚正既餐廳，雖然地方吾就腳小小，但食物同價錢黎講，完全值得上去食，因為香港好小有咁有誠意既餐廳了。…Read More

黎到尖沙咀點可以唔去食新泰，其實我不嬲都係佢地既fans😂因為佢係我食過咁多間既泰菜最道地最好食既餐廳，所以之前朋友帶我食過一次就一試難忘啦😝佢地方好寬闊，坐落去唔會好大壓迫感，已經全部侍應姐姐都係帶有泰文既廣東話，個感覺好熟悉❤️❤️好似帶左我反泰國咁！由於佢地方大而且平日，所以去到都唔係好需要等位，一入到去就會立即斟水俾我地飲仲好好禮貌俾menu我地睇我地叫左蒜蓉包、大拼盤、蜜糖燒肋骨、青咖哩雞同埋蟹肉炒粉絲。佢個大拼盤係世界級好食，由於我係一啲眼闊肚窄既人，我係嗌到成枱我想食既野但又食唔哂，呢個拼盤幫到你！佢有肉碎生菜包、蝦餅、魚餅、春卷，每款有4件而生菜包可以包到8舊添🙈個價錢平到你驚，仲要佢又好食喎😝🤤叫青咖哩點會唔叫蒜蓉包，佢青咖哩唔太辣啲雞好足料，每件雞都好大舊，點埋重口味多蒜蓉包簡直好食到上天🤤🤤🤤熱辣辣脆卜卜架！蜜糖燒肋骨真係好好食，甜甜地燒到好似焦糖咁，好有咬口，不過唔好見到骨就覺得冇肉食，佢係大大舊肉阿💪🏻🙈炒粉絲真係好考廚師技巧，要炒到唔濕又唔乾真係好難，試過好多都係會太乾，但新泰絕對唔會！炒到好qq好彈牙，而且佢蟹肉唔係蟹柳係真。蟹肉！🦀🦀呢餐飯食到飽到上心口都值得，佢永遠都keep住個水準！抵佢又再開分店！下次過海都多個選擇👏🏻👏🏻👏🏻…Read More

今日吃貨黎到太子尋美食，行過發現有淥易搞，當然上openrice搵一搵有咩推介，見到有其他食客好推介食海鮮，咁當然我地都吾執輸拉。入到去吾洗等位就可以直接入坐，可能係平日關係所以就吾洗等位，建議其他朋友仔吾想等就平日黎拉。入到去店員都好好禮貌比menu我地，仲有圍裙、有手套，真係好貼心👍🏻仲立即幫我地倒水，佢地呢到係用檸檬水吾係普通水，飲落去fresh。佢地既環境好舒服，令到同朋友仔食野都好放鬆。呢到既款式都有好多選擇，不過最令人注目就一定係shake海鮮，完全唔貴，而我地就叫左鮑魚、桂花蚌、蝦、大聖子、牛扒條、生菜、金菇😱😱而我地簡左蒜茸醬，黎到真係熱辣辣架，佢係即叫即整既，佢有個好似籃既碟，真係好似真🤣海鮮隻隻都好肥美好大隻，一啖根本就食唔哂😂佢地既蝦好大隻！而且入口好鮮甜，爽口又彈牙，叫左生菜同金菇簡直精華所在，索哂海鮮既鮮味，好入味！！🙀後尾再加左一杯情侶套餐飲品，唔好睇佢係黃色以為係波蘿，其實佢係水蜜桃梳打，味道吾係個D藥水味，真係有水蜜桃味架！！但係想講佢好大杯，兩個人都飲吾哂...總括黎講，佢地咁出名係有原因架！！大家都真係值得去try try，估吾到香港都仲有d平靚正既餐廳架!…Read More

我係附近返工，最近食過呢間車仔麵，簡直一肚氣。話說我打算買個外賣返公司食，想食下呢間車仔麵啦，好耐無食車仔麵啦，叫咗三送河粉(花枝丸，豬肉丸同籮蔔)外賣，其實那日有幾個客等緊外賣，佢地個樣黑晒，都知唔好野，我等左十五分鐘都未有，見佢淨係掛住理樓面，我咪催佢，咁五分鐘內有了。返到去打開外賣，辣汁勁少，D河粉又腍晒，食落好散，又冇水，D花枝丸其實好食，又爽又彈，但係淥唔透，扣分! 豬肉丸都算幾好味! 蘿蔔炆得好腍都好食，但係得蘿蔔好食…Read More

有次星期日早上跟朋友到葵青劇院聽演奏會，表演結束，友人拉我來到這間cafe聚聚，說環境不錯。環境幽暗，蠻有情調，說實室內位置有點擠迫，幸好樓底夠高，那日天氣炎熱， 我們都沒有選設帳篷的戶外小座，揀了靠近大窗的位置坐，可以望到小公園境，光線透入來，心情特別好。全日早餐來了，牛角飽烘熱，有牛油香，不錯。豬肉腸有點羶，好咸，煎得不夠，雞肉腸取代更好。炒蛋OK，但蛋味唔濃，豬柳好散好咸，唔好吃，煙三文魚有D腥，茄汁豆幾好吃，但收80元的全日早餐，我覺得不值。但友人點的牛角包芝腿治很好吃，英式薯條和沙律都好吃。至於咖啡，差了㸃咖啡味，很普通，但餐具很講究，要讚。…Read More