SmallRilak's Profile

之前來過幾次食lunch,上一次來都係上年既事。昨晚經過就來呢間食晚飯，叫左有大蝦同帶子天婦羅🍤果款，個汁另上，個set百幾蚊。 炸物都冇咩問題，幾好食，天婦羅都脆口。 但個飯就好似唔同左，食落好似冇日本珍珠米feel, 好似用返中國米咁，個飯用來做中式炒飯應該幾適合，但做天婦羅飯就美中不足咁。印象中以前食，個飯係日本米質感。This system requires 200 words minimum to give rating, using Eng is easier. …Read More

呢間我有時中午會來食午餐，唔平但坐得舒服，食過Laksa同海南雞飯都正常。 於是乎今日晚餐都來幫襯，冇套餐就散叫，點知一試其他野就中伏。 又話個蘿蔔糕係推介，超級難食！！！ 每舊都好硬， 完全冇蘿蔔味，成口硬粉，唔知係個廚師唔識整蘿蔔糕，定係放雪櫃雪左一個禮拜，雪到乾晒先拎出來煮……仲要暖暖地咁上都唔熱既，收百幾蚊碟，都離晒譜！ 個蝦面，個湯淡，唔香，有幾片開邊薄蝦，明顯水烚冇味，仲要蝦腸成條見到晒😓貴夾唔好食，唔會再幫襯！唔怪之得時代廣場冇咩人變死場，餐廳都差都咁😔…Read More

久違了的去食個午餐，上一次食已經超過2年前。以前鍾意佢炭火燒烤既食物，連雞扒都燒得好香，有BBQ風味，個咖啡又好飲，貴少少都唔緊要。點知今日去食走晒樣…….menu 已經少野選擇，雞扒飯變成細塊切粒，下面有切粒牛油果同凍既蛋卷切粒，勁細碗，百幾蚊個餐連食都食唔飽，老實講雞扒同飯都好平je….雞扒粒完全冇燒烤味……..唔怪之中午冇咩人幫襯，仲要點完餐等好耐，然後等到既係咁細份既食物………失望，唔會再來。…Read More

睇OpenRice 食評唔錯，專登星期日上去試，12:30pm左右，點知上到去佢唔開…打電話又冇人聽，唔知咩事…佢部笠入面寫星期二closed,所以星期日應該開吧…上OpenRice 再check,佢又俾人book, 又唔係執左笠……Read More

見咁多好評，就中招被騙….叫左煎豆腐，完全冇豆味，唔滑！最恐怖係連魚肉都冇味！ 唔知用咩料可以做到咁，因為驚食材有問題所以唔敢再繼續食😰另外叫左腸粉燒賣魚蛋拼盤，全部係現成低質食物蒸熱上碟。 唔怪之得明明咁多好評都冇咩客，唔會再幫襯。😩Need to have 200 words to give rating, it’s easier to use English for it. I don’t recommend this restaurant at all. …Read More

假日來到觀塘，找到這間評語不錯的樓上餐廳一試～環境寬敞，幾舒適，難得假日都咁少人。叫左2個餐，首先有南瓜湯，個湯好味👌~沙律🥗有返個sauce會好d, 片包凍的。主菜之一：油封鴨脾😋不愧為廚師推介，皮香脆，肉juicy，鴨香味充足，絕對值得再叫！鴨脾本身值5粒星滿分，但配菜就要改善…個薯蓉凍的，冇香味；仲有件好似酒浸梨既野味道一般..另一個主菜：西班牙豬扒😄皮煎得香脆，入面唔會太乾，個sauce香，唔錯～個人喜歡粗薯條多過幼的。奉送餐飲，叫左cappuccino,味道ok😊Overall, 呢間餐廳夠大夠舒服，食物幾好食，每人$2xx左右，值得推介！但唔知點解星期六咁少人，希望佢做得住～…Read More

買左之前買過既鴛鴦，發現水準退步，幾難飲吓…奶份量太多，茶同咖啡比例太少，唔香… 仲要價錢加左，$20蚊一杯。我飲左半杯飲唔落去😖 希望佢地定期review 下,作出改善啦… I want to give rating, but this system requires 200 words, which is unreasonable. Hence I need to use English to extend the word count to 200. …Read More

來呢度朋友聚餐最好食海鮮🦞～ 先去隔離街買海鮮，買左龍蝦，蟶子，扇貝，瀨尿蝦，硯，瓜子班，再拎來煮！先來豉椒炒蟶子，正！ 蟶子夠大隻，厚肉鮮甜又唔韌，好惹味，不過個人覺得辣左少少，同埋個豉椒可以再香d。椒鹽瀨尿蝦，好大隻呀！！蝦肉鮮甜，加埋d香蒜冇得輸啦～ 呢餐最正的就係呢個芝士焗龍蝦！賣相吸引，芝士面香脆，加埋入面熱辣辣得來又juicy既新鮮龍蝦肉，真係食到唔停得口！個人覺得呢個好食過容龍既芝士焗龍蝦，呢個比果邊既更juicy，食多件都得！ 😋😋😋硯肉都係鮮甜好吃的，一d沙都冇。不過走左辣既豉椒更顯得個汁唔夠香。呢條魚好嫩滑，火候剛剛好，以後記住叫瓜子班👍本來最期待扇貝...但只係一般，唔係好大隻，蒸得太耐，冇咩粉絲，唔夠蒜香... 可能唔當造。最後來2個菜，一般啦，白菜仔幾老下。Overall 好食！最正係芝士焗龍蝦，必試！!！👍👍👍…Read More

第一次來呢度食晚飯慶祝生日，睇到facebook既相已經覺得幾靚，食落更覺味道有驚喜，喜出望外！ 由於慶祝生日，我地都選擇tasting menu，同埋選擇唔同菜式share食，大部分都跟部長推介，食得出係功夫菜，要加錢都絕對值得。先來包，夠熱夠軟，尤其黑色個墨魚汁包夠香！呢2個係頭盤，賣相好靚，味道夠豐富，仲有d脆脆係入面，令口感提升，好好味！呢個係魚生，冇筋唔腥，口感好賣相靚，個sauce微酸開胃，唔錯。呢2個係第2道菜，用魚夾住蝦，煎得剛剛好，蝦肉彈牙，魚上既香料好味，唔點sauce 都冇問題！不過橙色個醬一試停唔到，夠香夠野味但唔鹹，醬都食晒。呢個味道更正更豐富，一口一件，黃色既係燒溶鵝肝，配有日式酸薑，個sauce酸酸地幾fresh，入面既幾種食材融合得出奇地好，配出有驚喜既好味！第3道菜，海膽新鮮creamy高質素，配埋火腿同一層豬油，個意粉仲口感剛剛好，堅正！！必試！烏冬用墨汁整，有鰻魚係入面，橙色既係烏魚子，有煙燻味，味道好濃郁，烏冬口感又係剛剛好，係日本都好難食到呢隻質感，一吃想再吃！主菜之一係羊，好大件，煎得剛好，夠嫩又juicy,仲有羊肚菌，好味！呢個係suckling pig, 皮脆肉軟滑，幾好～呢個甜品好正，dark chocolate 夠醇，上面配raspberry sorbet 既酸就一定係絕配，下面仲有dark chocolate cake, 加埋有酒既cherry，個chocolate 味好出！由於係生日飯，個甜品有寫happy birthday , 個綠茶sorbet 唔錯，但個pie 太heavy，整體都ok~食完覺得好滿足，會再來食，但奇怪咁好既餐廳只得3、4枱，可能因為係weekdays，真係值得再支持😊…Read More

同事介紹呢間餐廳既有機菜唔錯，就來試下。午餐大概$110 per head， 蔬菜食得出新鮮，最難得既係佢冇咩人，唔逼又唔曹，環境舒適悠閒，中上環來計算唔錯。 頭盤選擇左mushroom soup, 味道唔錯，夠熱～個包有烘過，口感ok~Main course 叫左鴨胸，味道調得不錯，肉夠林，幾香，不過我都係覺得個皮韌左少少。菜好好食，仲有fusion 菜芯，夠甜！整體來計唔錯，不過最好餐飲有多d選擇，而家只有汽水or 檸水，有埋咖啡同檸茶就好啦～…Read More

在這裡食過幾次晚餐，水準穩定地好，晚市set dinner 夠多野食而且賣相靚，都幾抵食😋Appetiser 有幾款小食，樣樣都好食，魚子一d都唔腥，海帶同海蜇好開胃，芥末味同泡菜味既魷魚都好食～～～刺身都唔錯，蝦夠鮮甜，其他魚都唔腥，係有d筋～～～下面呢個係湯，夠木魚味同埋d料入晒味！天婦明顯係新鮮炸起，熱辣辣，蝦夠彈牙，粉漿又薄脆😋跟住係主菜，成幅畫咁，牛肉又香又冇筋，口感同味道都好好😋😋😋由於2個人有2個餐，我地可以試晒2個主菜！呢個海鮮好足料，有魚有蝦有帶子仲有芝士！正！主食有茶漬飯，清清地又有燒魚係面，雖然飽都要食埋佢👍甜品係雪糕，仲有幾款選擇，好滿足！…Read More

被食客既食評吸引，就來試下食lunch。睇完d相，就點左火炙三色魚丼～個沙律幾新鮮，仲有d豆腐粒，湯都幾唔錯。最surprised 係除了有3款魚生外仲有魚子，睇個餐牌真係睇唔出！師父燒d魚生既時候傳出好香既燒魚味，都幾開胃，可惜味道不如香味。我個人覺得三文魚同左口魚背都可以，魚子都ok唔腥，但吞拿就有d腥... 唯有用d醃蘿蔔同牛旁送左佢...😅Overall 個set 都可以啦，以銅鑼灣咁貴租來計$138都算不過不失啦。…Read More

為慶祝周年紀念而來，有驚喜😋💕💕 食物presentation 靚，店員逐道菜介紹，食得出用料質素高味道好，環境夠靜唔多人，浪漫慶祝又一好選擇～😊前菜，個sauce開胃Soba 都ok，不過唔夠日本食過既好食😁鮑魚好味，質感好又唔韌，清清地😋個蝦好正！輕輕一煎外層，外面香內裡爽甜！！👍個魚都好juicy,伴碟既蜜瓜同西瓜都製過，味特別濃，第一次咁食！雞卷係主廚家鄉菜，ok啦😊牛肉好好味，香而又剛好熟，個sauce好夾，我全部點晒😂甜品賣相唔錯，都ok,綠色珠珠一入口就爆漿好好味😋…Read More

今天聽友人介紹來試這間鐵板燒，這裡的金鯛魚真是有水準！！外脆內軟好juicy,連魚鱗都可以脆卜卜，雖然它是炸的而不是用鐵板燒的😁沙律賣相非常靚～牛油蒜蝦好味彈牙鮑魚都係牛油，好味個魚最正，外脆內軟juicy又夠滑，配南瓜sauce 既香甜好好味，真係個汁都食晒😋牛肉捲蔥ok,薄牛肉質感剛好～炒飯就一般，個人唔鍾意佢加薑因爲薑味大濃。Surprisingly 牙菜好好味，又甜又新鮮咁最後可以選咖啡或雪糕，2樣都好唔錯，柚子雪葩好消濟，咖啡好香冇酸味😄…Read More

同家人食晚餐，一定選中菜。太爺雞遠近馳名，其他小菜亦唔會令人失望，價錢合理，性價比高，一家食得開心，推介～～～調味非常好，雞皮一定要食，唔理得咁多！釀苦瓜有驚喜，苦瓜夠淋，質感剛好，內裹肉夠香，有鹹魚味仲有冬菇粒，用煲仔熱辣辣咁上，正！！！都好味！肉餡同上，不過豆腐似一般街市買到的。味道好但肉太硬。通菜好嫩，雖然腐乳唔係好香，但菜新鮮，加分。…Read More