Toby Fan的个人专页

好喜歡，龍鳳呈祥佈置 🐉 服務生，中國風制服 🧧 冬蓉海皇羹（清甜鮮味，吃完心情舒爽 🌿）揚州窩伊（豬潤，火喉剛好、難得的拿捏 🔥）兩味懷舊名菜，必食 🉐 梨木煙燻熟成乳鴿（煙熏味濃郁，市面少有）必食 🉐 子薑麵醬蒸魚雲（魚雲，新鮮滑口 😋）推介 🫰 飯後甜品，贈送牛奶公司雪糕 🍦市面少有懷舊菜，能造得如此色香味 🥰 食材新鮮、沒添加味精、真材實料、價格合理、良心製作，實屬難得 👍 還有很多懷舊小品菜色，會再幫襯～ 😁…查看更多

看 OpenRice 之前食評相片，手切安格斯肥牛是用圓形碟，份量十足，所以，嚟到我先會叫，點知上枱用長方形碟、份量差不多少一半、得 14 片、少到數得出，二人差啲不夠食，早知是這份量就不會叫，$298 我在九龍城大大碟，二人食到飽，唉～ 😮‍💨…查看更多

星期六。OpenRice 寫關門時間是 03:00，我都唔預可以咁夜，但起碼都 02:00最無品，00:30 問我哋要唔要叫嘢、但又唔話俾人知收早，我哋不知情底下，又點咗兩杯啤酒，01:00 就隊張單嚟、01:30 就話收工，有被誤導感覺！冇服務、又要收服費，怪不得，香港的餐飲如此衰落～ 👎…查看更多

是日，點了章紅魚刺身、餐廳話係活魚劏的，不過，食完兩小時後，我跟朋友都有肚痾跡象，其他食物，都係打火鍋配料，淥得好熟先食、尤其是我朋友，佢淥肥牛都可以好耐，點知，仲要係佢肚痾先、我遲佢半個鐘，咁最大可能，就係刺身方面問題，怪不得，餐廳係咁 sale 人食，唉 …… 😒湯底叫了花雕醉雞鍋，雞冇乜花雕味、味道普通，湯底、醬料、飲料幾貴，喺哩啲方面收貴張單，服務，成日走嚟收嘢、又未到時間收工，真係好煩 …… 😪…查看更多

在日本，也不會刻意去食，通常，在沒辦法情況底下，才會選擇吃牛肉飯，難得品牌專程開到香港，就一番誠意排隊去食不知道，是剛開業關係、抑或，其他什麼原因，我跟朋友分別點了牛肉飯、燒牛肉定食，兩樣都是一樣，牛肉是凍、飯只是暖，燒牛肉凍不特止、口感還挺硬，好像放在外涼乾很久完全不明白，為何飯不熱、牛肉全是凍？！早知係咁，我去食壽司，食完，一肚氣、嘥咗一餐食嘢 quota，無論味道幾好，溫度係凍都冇用，這方面，吉 XX 就做得不錯，叫外賣到家，牛肉、飯仍然是熱再講，衞生真的要加強注意，用的匙羹全是油漬，真係嚇死人，好彩，我習慣會睇一睇、自己再用水濕餐巾再抹，大家要小心！…查看更多

廿年陳釀巨型瀨尿蝦，保證有膏、回味無窮 🤩 鬼火深喉巨型瀨尿蝦，野味香辣慢慢滲透 🌶️ 煙燻龍井少爺雞，上菜前在面前注入松木煙，滿滿儀式感、煙熏味 😋 椒鹽無骨九肚魚，脹卜卜脆卜卜🫰環境優雅舒適，員工服務態度佳、有禮貌又貼心 🥰 最重要，營業至凌晨二時，絕對是宵夜好去處 🕑 是近年少見用心製作，自創新一派中菜小品 🥢 價錢雖非大眾化，但絕對物有所值 👍 作為香港人，要支持香港小店、承傳屬於香港味道的中菜～ 💪 …查看更多

由中環店，已經幫襯這品牌，之前，只有三間店、直到現在開到已十間店，我家住九龍，那就試吓其他分店，第一次吃荔枝角分店，挺有驚喜，點了北海道刺身 6 點盛、原隻毛蟹、極上海膽刺身丼、本鮪三色丼、梅酒（剛有折扣 30%），視覺效果一流、挺新鮮，剛剛還有特價，勝價比挺高 。日本菜，基本上睇相大概能知道好味與否，這餐廳品牌，主打拖羅素質高，值得一提，師傅刀功了得、擺盤精緻能刺激食慾，希望，能保持水準、及優惠，將來會繼續幫襯～…查看更多

不知何時，這品牌慢慢步向劣食行列，由會員定期幫襯，到現在徹底失望，可能，日本投放輻射水入海、令生意慘淡，不過，也不應將代價轉價到顧客身上，這是傷了多年客戶的心，疫情的時候，我也是有鼎力支持、那時候，食物素質也能保持一定水準，現在，我覺得有點被打劫的感覺！日本菜，尤其刺身壽司，是一種用肉眼也能斷定食物素質，我不想再浪費時間逐一描述食物是怎樣，就光看我上傳的照片、也能知道我的難過，尖沙咀價錢、深水埗質素，不單浪費金錢、也浪費時間、進食 quota、及將那天的心情弄壞了 ………查看更多

明明有一塔啤酒叫，特登唔同你講、又冇廣告牌，等你叫杯裝之後、先發現有一塔啤酒叫，我哋叫了五杯、仲貴過叫一塔，做生意唔係咁，咁樣呃客、邊有返頭客？！重點，態度又差！…查看更多

。咖喱吉列廣島蠔蛋包飯 $188，切勿點，啲蠔唔新鮮 👎。牛油果大蝦凱撒沙律 $128，味道 Ok，但價錢唔值，唔係特別想食沙律，可以唔使點，天氣炎熱，所以，先點嚟食 😑。一口厚切牛舌咖喱蛋包飯 $238，味道 Ok ，但價錢唔值 👎。士多啤梨梳乎厘班戟 $148，好味的，這價錢算合理 👍。虹吸式咖啡 $52，咖啡香濃、加上，有個玻璃壺，拍照效果更理想，這價錢合理 👍無咩服務，純粹傳遞餐飲，咁都要收加一，全張單 $829，食咖喱飯，都要食到哩個價，真係 crazy，加多兩舊，行過少少 Rosewood 都食到，問心，食物味道、服務素質、餐廳環境，這餐飯只值 $600，打卡食一次，唔會再食第二次～ 😪…查看更多

又一城店裝修完，第一次幫襯，點知就領嘢，以前，都試過兩次同樣情況（我住附近），這間分店、時不時會出現魚生海產唔新鮮的情況，就睇你好唔好彩，我同男友二人，是晚已經點豐州嘅級數都咁，真係冇話好說～ 其實，見刺生個樣都知唔新鮮（冇光澤、乾燥冇乜彈性），貝類海膽仲有腥味，我已經吐了一半出來，以為無事，點知都係痾痾地、個肚咕咕聲，我男友比我仲痾多啲，睇嚟都係暫別這間分店為妙，寫梗食評仲痾梗！尖沙咀分店，幫襯兩次、兩次都幾好，我諗要轉場～…查看更多

由開業，已經幫襯，有散叫過、有食過 Omakase，以前價錢超值、Omakase 坐無虛席，而家，價錢調高到中環價錢，我不如直接去中環食。今次，我冇打算食 set、想散叫，但服務員不斷咁 sale，真係好煩～ 有位服務員，在我哋用餐時又不停斟茶，其實，我係想同朋友傾偈、先搵間靜啲、坐得舒服嘅餐廳食飯，真係好騷擾～ 打電話去詢問時，又話關門 23:00、結果未夠 22:00 趕我哋走，向一位女部長詢問問題，每次都要問兩三次，佢先會答你，唔知究竟佢係唔識答、抑或扮聽唔到？！其實，如此服務，如何收中環價錢？！食物方面，冇任何驚喜，串燒（$45-$110）調味層次不足、主要只能食到咸味，而且，其實都幾咸；麵食（蕎麥麵、稻亭烏冬。$120），則比較正常味道、正常份量；刺身係新鮮，但 $680 份量則較少；再點了苦瓜炒豚肉，味道普通到唔普通（$220）～ 睇 OpenRice 啲相片，Omakase 已經沒有以前那麼吸引，份量少了、款式沒甚特別、價錢沒勝價比，其實，好多地方都做到，以這個價位，應該可以選擇更好的餐廳～ …查看更多

很久沒寫評論，今次不吐不快，是此慶祝生日，好彩唔係正日，否則，分分鐘喺餐廳已沉唔住氣！！食物。點了晚市套餐：📌 自家製鴨肝凍。賣相，好似佐敦吳松街啲西餐廳嘅視覺、味道好淡，好彩仲有鹽可以調味，但，唔明點解冇鹽樽，要廚房攞出嚟？同埋，點解係粗鹽？！📌 朋友另點，忌廉汁煮青口，賣相味道好的、青口幸好是新鮮～📌 是日餐湯。粟米忌廉湯，味道無驚喜，不過，比罐頭好飲嘅～📌 主菜，澳洲 M3 牛柳。牛柳味道素質好的、全晚最好味，不過，棵菜嘅賣相，真係睇到呆咗！📌 朋友另點。燒羊柳，不是很新鮮、肉質不夠嫩～📌 甜品，意式芝士餅。應該係我喺餐廳，食過最難食、賣相最老土嘅一件，完全唔係意式、係港式，我食咗兩啖就放棄，Happy Birthday 手字，好似小學生咁，我睇其他 OpenRice 相都唔係咁，專門寫字嗰個放咗假？！專登打電話俾我，問我使唔使寫名，我話要，結果咪又係無寫，做咩者？！📌 點咗 wine pairing set。汽酒、紅酒 Ok，個白酒 Chateau de Saint Cosme Little James Basket Press Blanc，冇果味好淡、難飲～📌 紅茶。點了 Early Grey，茶好鞋口，一飲就知係下等茶葉～啲服務，真係有啲似去咗澳牛：📣 話唒都叫慶祝生日，不過，基本上係唔會有人理你，按排咗張最入嘅枱、挨住幅牆、有啲焗，我話要轉枱、想坐鋼琴隔離張枱、又話唔得，逼我哋坐喺走廊位，啲侍應成日喺面前行嚟行去、又對正風口位，如果，係打邊爐就掂唒！以為，鋼琴隔離張枱有人訂咗，結果，到關門都冇人坐，唉～📣 不斷用各式其色方法催促你（未有耐 22:00），起初，以為係想睇吓張枱有咩收、先不斷騷擾你，點知，到張枱真係有嘢收時，就冇人主動嚟收，要我多次叫人，真係無話好說！睇 OpenRice 有評論話，食飯似打仗，我都有同感，食完，消化不良胃痛📣 餐廳裝修極盡奢華，可惜，食物、服務完全同個裝修係同步唔到（唔明，咁多評論話好味？！）真係觀音頭掃把腳，間餐廳，如果主要用嚟打卡，不如轉行做影樓，餐廳，主要功能係用嚟食嘢，打卡之餘，啲食物都要好味、及服務都要有一定素質，點解，唔可以餐廳靚食物美味又有好服務？當然，價格要提高，倒不如，重新 target 啲客路，唔好辜負餐廳咁靚嘅裝修（靚過，好多五星酒店嘅餐廳）📣 我對這間餐廳期望太高，所以，真係都幾失望，卡就打完，以後唔會再去，錢事小、嘥咗 quota 食嘢、年紀大減肥唔容易，食咗啲難食嘅嘢、我又會當堂心情低落，個胃又唔好、食嘢唔可以俾人催，希望，有日能革新，要不然，真難於經營長遠～…查看更多

座落，長者服務式住宅隔壁，餐廳是同一個集團，本意，是希望長者住戶能以 9 折光顧健康的餐飲，本著，想吃得健康來一試（1）餐廳裝修雅緻簡潔，不過，冷氣開到好凍，完全唔明，究竟係點適合長者來光顧？！（2）服務態度，一如其他評論，都是沒禮貌，我已是較幸運，沒有遭到惡言相向。食物，點了二人套餐 $168（3）最頂隱，竟然唔包飯（白飯 $10 / 紅米飯 $15），咁其實叫咩套餐呢？！（4）揀了蟲草花蒸雞，份量有啲少（5）加 $50 煎封黃立倉，幸好是正常 size（6）加 $60 有燉湯，個燉湯打開得七成滿，唔知以為俾人偷飲（7）加 $35 有上湯素菜，正常份量，整體味道係可以，不過，餐廳標榜健康（8）但，好像有點味精，唔知道是否採購豉油貨源的關係、抑或，其他原因？！將個 $168 餐，左加右加，最後埋單 $333，這個價錢，我覺得完全唔值，住在隔壁的長者，都應該是非富則貴，如果，唔點二人套餐，都可以點晚餐（$78 - $88。包飯、湯 / 飲品），如果份量是正常的話，都 Ok 抵食嘅～ 看它的經營模式，一係唔使 / 好平舖租、一係唔志在賺錢，要不然，再不革新（服務態度、食物價格）、恐怕也難逃結業的厄運。…查看更多

國慶假期。到將軍澳搵食，在 OpenRice 搜尋到有間法國小菜館，喜歡法國菜的我、當然不會錯過試吓。首先，餐廳開了幾個月（1）貨源不是太穩定、是日，生蠔、餐湯、Foie Gras 都沒有，我本來嚟想點哩幾道菜，有點掃興（2）wine list 成本字典咁厚，但又唔係全部齊貨，一開始點兩支不同 red、兩支都冇（3）由於，餐牌全英文帶點法文，有部份菜式不太清楚、wine list 也多種類，兩者皆詢問侍應有關資料、兩位年輕侍應都答我唔到（4）侍應他們倆，間中會互相傾偈，他們除了送餐收碟埋單之外，完全提供唔到其他任何服務（5）牆上有酒 display 供選擇，酒樽上有個價錢，後來先知道，在餐廳飲要加多 $100，如果當開瓶費就貴咗啲，加 $50 會較合理。點了（1）法國蝸牛，豐富牛油香草味，值得一試（2）油鴨腿，可能，我去巴黎食慣有對比、有點失望，比較咸、冇油香、皮太油、肉有啲鞋（3）牛扒 500g，非常新鮮、濃濃牛味、價錢抵食，喜歡吃牛的朋友，一定要點（4）薯條味道好，可惜，唔係粗薯條、敗筆（5）焗菜炒菇，好好味、推介～餐廳（1）一半零售法國食品酒類、一半餐廳（2）如果，二人進餐，張枱真係好細，放咗支酒，再放兩碟主菜、兩 side dishes，真係好迫、成餐飯都要好小心翼翼，其實，之後冇客人，應該給拼埋隔離張枱，客人舒服啲、又唔會咁容易打爛嘢（3）待天氣涼啲，外面有兩張四人枱可供選擇。…查看更多