Sandynip's Profile

同老公去油麻地行街，行過比佢嘅櫥窗的食物模型吸引住，咁就入去試一試先。其實呢間餐廳已經開左有一段日子，地理位置很好，就在地鐵站出口附近，價格亦合理。在日本係一間好出名嘅連鎖式吉列豬排專門店，喺全日本仲有超過300間分店，都有20幾年歷史㗎喇。安排座位坐下後，見枱面放有醬料，一樽係麻醬應該要嚟撈沙律菜，另一樽醬汁應該用係炸豬排上，我哋兩個人叫左兩個餐，無叫飲品，店員主動比左杯水我哋。吉列豬扒定食炸豬排即叫即製，香脆可口，脆皮緊密附在豬扒上沒有鬆開亦不油膩，豬扒味道標準沒有騷味，可惜有點乾欠缺肉汁，白飯軟糯，口感甚佳，附送的湯和菜也不錯，以70幾蚊一個套餐嚟講，其實都無嘢好挑剔。雞扒牛肉壽喜燒鍋定食雞扒牛肉壽喜燒鍋定食原來塊雞扒係浸住啲汁上，食落已經淋曬！個壽喜燒仲有隻半熟蛋，用嚟撈飯都唔錯，牛肉同汁嘅味道都可以，如果雞扒可以分開上會更加好。味噌湯好濃味，但唔鹹，估唔到碗湯咁足料，好多蔬菜，仲有豬肉片同蒟蒻，好飲。總括嚟講推薦吃套餐，雖然佢哋嘅質素一定唔會係最高嘅級別，不會有超水準的期望，菜單上的照片看起來比實際的食物好看，大家如果有興趣嘅話就去試吓啦！唯一要注意的係餐廳只能以現金及八達通付款。…Read More

我都幾喜歡食台灣野，見到屋企附近新開左一間台式火鍋，即刻要試下。今次我哋揀左Top1嘅套餐，是澳洲200日榖飼牛，有成100款食材，套餐可選90或120分鐘。這次我們選擇120分鐘任食澳洲200日穀飼牛放題，餐廳採取一人一鍋，我自己本人都幾鍾意一人一鍋，因為可以唔使遷就別人口味，各自選喜歡的湯底，唔使爭，我們選了香濃豬骨味的QQ骨膠原，仲可以任叫任飲台式茶飲同任飲生啤。餐廳面積都幾寬敞，裝修有明亮感，特別卡位，二至六人都坐得舒適，樓底高，空間感十足，適合三五知己相約大快朵頤。佢哋嘅肉類都好多選擇，淨係牛肉都有唔同部位，個人最滿意係「澳洲200日殼飼牛」同「澳洲純和牛」，一坐低就狂攻澳洲200日穀飼牛，牛味濃郁，比想像中好食有牛味，肥瘦適中。澳洲純和牛係意外之喜，雖然係低一個Level, 但都唔錯，一樣好食，同樣油花靚，牛味濃，比穀飼牛瘦少少，所以食落比較有口感，同埋夠大塊啖啖肉，係唔錯嘅選擇。一鼎榖飼牛，食落肉質都唔錯，這款牛脂相對少，肉質偏瘦，雖然唔算好肥美，但肉質都算軟身。反而個牛舌就幾有驚喜，就算佢薄切都保持到個爽脆彈牙。海鮮方面都有幾多款選擇，我地叫左大蝦、大蜆、生蠔，生蠔肥美飽滿，最緊要係好新鮮，好鮮甜，完全無腥味，輕煮後依然保持嫩滑，無縮水。大蝦肉質彈牙爽口，蝦肉緊實。大蜆真係好大隻，吸滿湯底精華，肉質飽滿，冇沙清甜，入口鹹香。除左火鍋食材仲有前菜同台式小食，前菜我就鍾意冰釀梅汁蕃茄，呢個開胃菜，酸酸哋醒胃。值得一提，除左雪櫃嘅飲品任飲，仲可以免費order台式飲料，就連生啤都可以任飲，真係超級爽。我就叫左黑糖珍珠牛乳，甜度剛好，奶味香濃，珍珠煙韌。另外仲有非常多蔬菜及麵類比大家揀，真係唔使驚食唔飽，食飽飽後仲有部雪糕機，可以比我哋整杯雪糕嚟過下癮，整體質素都好高，無論環境定係食物都好出色，值得一試！整體嚟講，如果你喜歡火鍋，呢間火鍋放題啱曬你，無論係肉類、海鮮、小吃定飲品，呢度都可以滿足曬不同口味，性價比極高，服務態度亦都唔錯，最重要的是價錢不是太貴，食物質素也算高，下次一定要再來幫襯！…Read More

遇正打風日唔使返工，梗係瞓到自然醒先落街搵野食，去到商場一樓見餐廳人客超多，橫掂未試過，一於試一試。餐廳主打食重慶麻辣野，喜歡吃辣、喜歡吃重慶味道、喜歡吃川渝風味的朋友仔，不要錯過啊！菜式有分辣和不辣，食物飲品配搭好多，就算不吃辣的也有其他選擇，價錢亦好親民，自助QR code落單，完成後直接喺手機比埋錢，若想支付現金，店員亦樂於幫助。蔥油拌麵+軟骨丸子（2粒）跟餐蔥油拌麵不辣的，麵條粗身，口感煙韌，不算太重口味。軟骨丸子有軟骨咬口，咬落去軟韌，真材實料，軟骨唔難咬。經典清燉牛肉麵湯麵份量不少，牛肉好軟好淋，但只得三片薄牛肉，完全唔抵食。蔥蘇骨湯抄手薄薄的餃子皮包住飽滿的肉餡，細細粒，皮薄、彈牙、爽滑，輕輕一咬就吃到肉餡內有菜粒及香料，味道豐盈，適合不能食辣的人。原味酥脆雞排（1塊）雞皮香脆，雞肉超嫩又有肉汁，最驚喜，又唔會好膩。鍋巴土豆鍋巴土豆比想像中有驚喜，外焦內嫩，甜甜地，好吃。爆漿豆腐串（2串）望落以為係豆卜，點知咬落去原來入面係滑滑嘅豆腐。茉莉凍凍酸梅湯（跟餐）飲品酸梅湯酸酸甜甜，出面咁熱叫呢杯好開胃，還加上冰粉，夏天點這個很不錯白玉厚椰乳（跟餐）飲品有淡淡椰香味，白玉似仙草滑嫩口感，食完辣野飲番啖好解辣。總結：食物一般，不算好吃，冇乜服務可言。簡單嚟講路過咪食囉，特登嚟就唔洗啦！…Read More

今日同老公去沙田新城市廣場，意外發現了這家義大利餐廳，我幾中意佢呢種裝修風格，好似去左外國西餐廳咁！午餐都有很多選擇，還可以根據自己需要加配甜品。還有，每個餐都有法包，不夠的還可以問店員添加。喺上菜之前，佢哋會用一個紙袋裝住幾舊細細嚿嘅法包（5塊），跟著店員會倒上黑醋和橄欖油在碟子上，原來是用來配合法包嚟食，包有啲乾身唔太軟熟，未能保持微溫，如果唔夠是可以refill, 味道ok啦，唔係差不過又唔算好好食。吞拿魚醬小牛肉塗在上層的吞拿魚醬好香濃，好creamy, 但比較有少少鹹，塗在下層的小牛肉薄片幾香，唔會好乾好硬，有口感，勁美味。大蝦海鮮濃汁黑細麵餐廳所有意粉均為手工製造，比一般普通餐廳出色，好多餐廳煮意粉係煮唔到啲意粉入味，而呢個麵好夠味，新鮮大蝦配上香濃的海鮮汁真係好滋味，大蝦鮮甜多汁，蝦肉飽滿，細麵爽口彈牙，口感特別煙韌。意式奶凍配紅莓醬紅莓醬在奶凍的面層，奶凍好香甜，香濃柔滑夠奶味，甜和酸很搭配，比例好好。這裡真的是一個非常好的選擇，舒適的環境，氣氛好，適合和朋友慢慢傾計。食物都唔錯，以lunch set嚟講性價比極高，頭盤/餐湯、主食和甜品不用$200, 店內職員都好有禮貌，不時斟水，服務良好，它有多間分店在港九、新界，呢間沙田分店都算大，大家不防可以嚟試試。…Read More

昨晚去試新嘢，近年流行的一人燒肉餐廳，餐廳用咗外星人同埋飛船做主題好過癮，餐牌一目了然，自助下單延方便，一人一爐，火力十足，特別之處是用飛船送餐給客人，它帶來食物盤子，你把它拿下來，然後自己燒，夠賣點，很創新，非常自動化，用餐基乎可以唔洗同人溝通，亦適合親子一齊去，小朋友一定會食得好開心。而且餐廳內部也很乾淨，所有的湯匙和筷子都放在桌上的抽屜裡，可以好好用餐。他們有豬肉、雞肉和牛肉套餐。總的來說，食物不錯，每個套餐還有米飯和湯。餐的選擇都好有彈性，有得簡幾多克肉，幾多克飯，女仔一個去食都唔會食剩。套餐還可選沙律或泡菜，仲有一碗昆布清湯減輕油膩感。米飯可選擇3種不同份量，岩曬不同size胃的人（100克、200克、300克），亦可加$15升級至和風湯紫菜溫泉蛋飯，更加滿足。紫菜溫泉蛋飯紫菜帶有鹽粒鹹鹹地撈飯非常正，飯粒飽滿有少少黏性，咬落有彈性，米香差少少，溫泉蛋更加令到白飯更juicy，但我覺得啲飯有啲淋，不過已經好過茶餐廳的白飯，飯控一定唔可以錯過。醬料方面，餐廳提供燒肉汁、鹽味汁、玫瑰岩鹽和原粒黑椒，還有自家製的BBQ汁，仲有自家製甜辣醬，配燒肉吃滋味十足。店內選用日本特製的現代燒烤爐，爐邊設有抽風系統，熱力集中喺磷片，聽聞會比火燒更加能夠鎖緊肉汁，至於抽風系統真係要讚，食完全個身一啲味都冇，勁啊！還可以保持餐廳室內環境空氣清新，絕無油煙感。整體黎講肉質及米飯都係對得住個價錢，餐桌設計新穎舒適，特別推薦宮崎A5和牛肩胛翼板，牛肉好香好滑，其他燒肉個人就覺得很一般，成個體驗都好好，與其他烤肉連鎖店相比，它的氛圍更安靜，最正係燒烤完無油煙味。…Read More

今日約左一家人食飯，行經商場見到有間叫做「綠茶餐廳」，佢係內地人氣食肆，主打新派浙江菜，近年在香港大展拳腳，短短幾個月內迅速開左七間分店，而且非常受歡迎，店內環境充滿杭州氣氛，裝修同環境都好特別，典雅而富濃厚嘅中式氛圍。順帶一題，用膳時間只有90分鐘，餐廳還推出了會員App，入面有迎新優惠，大家一定要使用呀！入座後，店員送上茶，再給餐牌用QR code下單，我哋揀左幾個招牌菜，落完單唔夠幾分鐘就上菜了，幾有效率。首先要品嚐一下杭州靚茶，九曲紅梅茶歷史悠久，係紅茶中的珍品，口感醇厚，甘甜爽口，茶味挺芳香，飲落好舒服，色澤如紅梅般偏紅。龍井烤雞 呢個係打卡菜式，店員首先放上煙燻木筒，裡面原來係原隻烤雞，然後問要唔要影相，之後幫我地剪開雞件，服務非常唔錯，烤雞外皮薄薄的，金黃酥脆，還帶點淡淡龍井的茶香，油脂唔算好多，所以食落唔會有負擔感的感覺。細看下，原來木盤底部有龍井茶葉，茶葉幽香慢慢滲入雞肉之中，非常有心思，係必食嘅皇牌招牌菜。粉絲裹蝦店員奉上小爐在客人面前即場烹製，再用計時器計時，當響起時店員就會過嚟幫你兜亂啲紛絲就食得，由生至熟只需蒸焗幾分鐘，包保熱辣辣。粉絲在吸收蒜蓉蝦汁後，非常上色及入味，唔會煮得過火，蝦仁軟嫩彈牙，份量都好足，還有紫洋蔥同蒜蓉都吸入醬汁後好入味，是惹味的菜式。砂鍋西施豆腐豆腐嫩滑，加入肉碎煮成，再加埋蒜蓉同蔥花提香，再以砂鍋上菜，砂鍋煮出嚟嘅湯汁濃郁，還保持住啲豆腐嘅溫度，夠熱辣辣，配白飯一流。麵餅醬香五花肉在外面吃飯應該點一些家裏做不到的菜式，呢個好似北京片皮鴨咁，用麵餅包住肥瘦適中嘅五花肉、青瓜、薄脆一齊食，醬汁好入味，五花肉較幼身，唔會覺得膩，將所有材料配合一齊食，味道變得均勻，又夾又好味，恰到好處。蛤蜊絲瓜簡簡單單用蛤蜊、蝦米、絲瓜煮成，蛤蜊鮮嫩，分量又夠多，絲瓜好清甜配合蝦米嘅鹹香，煲出嚟嘅 湯鮮甜濃郁，清清地幾好味，是一道很好的清口菜。雞汁大黃魚黃魚比我想像中大，揀左不辣食佢原汁原味，黃魚非常嫩滑，加左雞汁鮮上加鮮，食唔到有腥味。蕭山蘿蔔乾炒飯蘿蔔乾好夠味，炒飯粒粒分明，每粒米飯都吸收咗蘿蔔乾嘅香味，炒得好香口，唔會覺得好油膩，食落好飽肚。西湖雷峰塔 甜品造型十分精緻，襯托在綠色的湖水中，真係好似雷峰塔，賣相一流，採用山藥泥同埋牛奶造成嘅布甸，食落清清地，帶點淡淡嘅甜味，幾好食，唔算好甜。筆墨酥香 造型非常有特色，毛筆嘅筆尖炸得酥脆，食嘅時候點一點朱古力醬，裏面原來係甜薯蓉，有得玩有得食，第一次見已一見鍾情。紅寶石琉璃賣相討好，大大杯十分解渴，熊仔冰可愛至極，美味又好看。裡面有馬啼爆珠嘅石榴汁，讓人咬下去時有爆感又有脆爽的口感，酸酸甜甜，夠晒解渴。總的來說，餐廳的菜式擺盤相當精緻，選擇都很多，食物上枱速度很快，據店員說餐廳內有限時要25分鐘內上菜指引，夠專業。…Read More

突然之間很想食壽喜燒，上網發現有一間壽喜燒真的很高質，價錢亦非常合理，便同老公來到尖沙咀新開的壽喜燒專門店嘗試一下。餐廳裝修簡約，店鋪面積都算大，門口位置還有個超大嘅牛肉模型。除左卡位之外都有對住師傅嘅吧枱位，吧枱位就每台客人的枱面都有一個壽喜燒鍋，而卡位就採用二人一鍋設計。枱前還貼住張紙詳細教學烹調壽喜燒，只要跟住步驟去做就可以了。壽喜燒套餐嘅牛肉分左兩個size, 分別係120g同180g, 套餐仲包括前菜、蘭王蛋、野菜盛合、北海道直送黑毛和牛、日本米飯或讚岐烏冬及甜品，全日嘅套餐仲要免加一。呢度嘅壽喜燒要由自己親手去烹煮，首先落咗牛脂入鍋內加熱起鑊，再加入適量嘅壽喜燒汁，然後再放入A4和牛在鍋中煎香，煮熟後搭配蘭王蛋液一起食用。最後喺鍋內加入壽喜燒汁或自家製昆布湯汁去煮熟蔬菜同烏冬。我覺得自己燒，自己煮，鍾意幾多醬汁自己加，甜度、熟度都可以自己控制，有得食又有得體驗，感覺幾新鮮。極上肉眼壽喜燒套餐呢個餐採用北海道十勝產A4和牛嘅極上肉眼，脂肪同油花更為豐富，肉汁滿滿，食落柔軟嫩滑，牛味濃郁，感覺入口即溶，加上蘭王蛋漿，增添順滑口感和充滿肉汁同牛脂香氣，肉嘅份量可以選擇120g或180g。牛板腱壽喜燒套餐（尖沙咀店限定）牛板腱油脂分佈更明顯更平均，紋路清晰可見，烹煮後，牛肉的香氣撲鼻而來，肉質軟嫩有彈性，更加滑溜，入口即化，點埋蘭王蛋食讓牛肉沾滿曬香濃嘅蛋汁，一口咬下，立刻感受到香甜嘅壽喜燒汁，香濃細膩嘅牛肉和濃香嘅蛋汁，讓人忍不住一口接一口，簡直是過癮至極。食完肉後，跟住再用壽喜燒湯汁或昆布湯汁煮埋個蔬菜和烏冬，蔬菜非常新鮮，而且吸收曬壽喜燒汁嘅香甜，非常滋味。而每一條嘅烏冬完全吸收湯嘅精華，嘅彈牙又好味。最後當然食埋個甜品，甜品係日本蕨餅，蕨餅有兩款口味，一件沾上抹茶粉，另一件沾上黃豆粉，非常軟糯，口感煙靭綿滑，抹茶味夠濃。整體而言，價格和份量都可以接受，如果您喜歡壽喜燒，建議您來嘗試一下，並確保提前在網上預訂，以免排隊等候。…Read More

最近發覺原來還有味千拉麵店，雖然日式拉麵的風朝已過，但味千還是香港日式拉麵店的開山鼻祖之一。嗰日行經油麻地碧街附近，見到一間味千拉麵店，諗下都好耐無幫襯過，就決定入去醫下個肚。印象中油麻地店有好耐歷史，店舖環境唔錯，牆身有好多介紹味千拉麵歷史嘅資訊，整體幾光猛乾淨，女店員超好人。透過二維碼點餐、付款，亦可以添加飲料和配菜作為套餐，服務員很快就將食物送上，一切都還很熱，食物比預期的好，份量很大，價格合理，味道可以。柚香豚肉拉麵（套餐）拉麵味道家家不同，好吃與否都很個人，但呢個價錢同味道係絕對超值，豚肉都好食，柚香不錯。燉煮豬軟骨（加配）豬軟骨好淋、好入味。味千之霸望落好豐富，裡面有豬軟骨、叉燒、溏心蛋、木耳絲同青蔥，個豬骨湯幾好飲，不太濃，而且夠熱，麵條的質地略帶嚼勁，厚度適中，肉片很嫩，用筷子很容易就能分開，豬軟骨好好食，溏心蛋整出嚟嘅效果都唔錯。味千餃子餃子味道正常，煎得幾香脆。整體感覺唔錯，我已經很久沒去過味千了，最想尋找的是懷舊之情。由以前挺好的一家拉麵店回落到一家一般的拉麵店，雖然水準下降了少少，質數不及以前好，還可以接受的，價錢也大眾化。…Read More

超多人排隊，我哋就試下佢係咪真係咁好食，在日本吃過另一家的漢堡扒，相對這一間只有外型似，完全不能比較，落差有點大。進餐廳前，先在門口處售賣機揀左想食嘅set先，然後揀漢堡扒數量再付款，之後就會有店員安排入座。店內環境寬敞，餐廳的設計是坐吧檯座位和開放式廚房，並在每位顧客面前放置迷你烤盤，讓顧客可以一邊品嚐美食，一邊觀看廚師的精湛手藝。店員首先上飯同麵豉湯，麵豉湯都有好多蜆肉，佢地嘅套餐有多種選擇，最多可以有三款漢堡扒，主打日本和牛漢堡扒同埋芝士和牛漢堡扒。套餐中仲有一隻醬油日本蛋、西蘭花、麵豉湯同埋白飯，白飯、西蘭花和湯可以無限追加。餐廳有2種套餐，一般係兩件漢堡扒或三件漢堡扒選擇，我哋兩公婆每人都叫左三件漢堡扒套餐！我自己就揀左$140三件漢堡扒套餐，牛油果漢堡扒、原味漢堡扒和芝士漢堡扒，呢個套餐就可以試曬三種唔同口味嘅漢堡扒。而老公就叫左另一個套餐$125三件漢堡扒套餐，一件係芝士漢堡扒，另兩件係原味漢堡扒。好快就上第一件漢堡扒，店員會將漢堡扒煎完之後放到顧客前面的鐵板，鐵板細細塊，上面還有三粒西蘭花伴隨，而西蘭花都係任添，西蘭花幾香，幾好食，我都添加左幾次。漢堡扒就因應自己喜歡生或熟去烹調。我覺得原味和牛漢堡扒最適合搭配多款唔同嘅醬汁食用，建議跟教學嘅醬料配撘，味道更豐富惹味。食完第一件好快再上第二件，呢件係濃味芝士漢堡扒，一塊厚厚嘅車打芝士蓋住扒面，然後放上鐵板後仲會即場係您面前親手刨大量芝士碎上面，係滿滿的芝士碎，真係好有邪惡的感覺！啱曬鐘意食芝士嘅人，熱辣辣嘅漢堡扒配溶左嘅芝士，非常惹味，食完芝士漢堡扒，店員就會上埋最後一塊牛油果漢堡扒。總的來說，個人覺得芝士漢堡扒最好食。但同日本嗰間比較，肉味冇咁香，冇咁濃味。呢間漢堡扒比較碎，一夾就散開，價格算合理，尤其是提供無限量的飯、湯和蔬菜，店員服務都不錯，未試過嘅不防試下。…Read More

幾年前Owens喺太子店起家已經食過，對佢哋優質嘅甜品同埋親切嘅服務印象深刻，估唔到將軍澳開咗分店，即刻同老公去幫襯下。餐廳環境都幾靚，坐位比太子店寬敞、舒適。不過2人枱偏細張，如果嗌得多嘢食就會逼啲！北海道帶子明太子意大利粉好濃郁明太子味，有3粒帶子，忌廉底相當Creamy，都幾大碟，意粉份量一定夠你飽肚，幾好味。是日餐湯忌廉甘筍湯甜甜哋，口感香滑，忌廉比例剛剛好，幾香甘筍味。意式白酒煮蜆每隻都好肥美，肉質飽滿脹卜卜，有淡淡嘅酒香之餘又唔會比啲海鮮搶咗陣味，食落滑嫩彈牙，超級新鮮。蒜蓉 / 芝士焗生蠔呢個好推介要追加，我揀左芝士，芝士味道較淡冇咁濃味，表面鋪滿大量芝士超creamy，生蠔隻隻都好肥美飽滿，真美味又好食，生蠔控唔好錯過。開心果麻糬提拉米蘇外觀精緻討好，上層鋪滿厚厚一層開心果碎，下層係麻糬和海綿蛋糕，唔太甜，有層次感，仲有提拉米蘇嘅綿密柔滑，每一口都能感受到開心果嘅醇厚香味，值得推介。紐西蘭頂級肉眼牛扒（五成熟）可配飯 / 意粉 / 薯菜牛扒正常Size, 熟度剛好，唔會太韌幾易切，配上醬汁味道都唔錯。紫薯芋泥麻糬卷蛋 +$38造型美觀悅目，色澤鮮豔，食落蛋糕柔軟綿滑，雖然紫薯味唔係太突出，但中間嘅麻糬質感就好煙韌，都可以接受。整體來說，服務人員態度親切，食物質素佷高，價錢公道，整體用餐體驗很愉快，值得推薦給大家。…Read More

現今的素食已不同往日，除咗選材多樣化之外，連買相也可算一絕。從心素食位於坑口地鐵站上面的東港城1樓，地點十分之方便，這裏裝修簡單，座位亦都寬敞舒適。招牌原隻菠蘿咕嚕肉非常推薦原隻菠蘿咕嚕肉，用左新鮮菠蘿和猴頭菇製作，酸酸甜甜，真係冇得輸，口感和味道都取得平衡，是伴飯殺手。靚竹笙米湯浸鮮露筍最失敗就係竹笙米湯浸鮮蘆筍，味淡如水。蜜汁叉燒素叉燒，味道真不錯，叉燒係用小麥麵筋製成，再用上自家製素食叉燒醬醃製，咬落去煙韌有口感，如果你像我一樣是肉食者，這個素食版本根本不會讓你失望。 總結：呢次素食用餐經歷有好有壞，環境不錯，食物味道也不錯，一定令你有驚喜，職員招待一般，都適合朋友//家人相聚晚飯，價格屬中高檔，健康有益，素食者必然之選。…Read More

心血來潮想吃上海菜，老公建議到將軍澳坑口東港城，見就腳便來到這上海菜館「上海婆婆」吃晚飯，款式都算多，味道都唔錯，如果可以少鹽少油就更加好。上海小籠包小籠包即叫即蒸，一份有4個，皮薄加上肉質鮮嫰挺有嘴嚼感，熱辣辣的味道挺香，吃的時候要小心，小心啲爆汁嘅湯汁一湧而出，以這個價錢不算貴。生煎包生煎包尚可，上枱時微暖，一客有3個，比較乾，少少湯汁，但入面舊肉幾新鮮，味道清淡，唔算合格。銀芽炒鱔糊炒到好有鑊氣，鱔肉多，肉質嫩滑好淋，無骨又爽滑，而且醬汁香濃惹味，銀芽口感爽，加埋鱔肉一齊食味道好夾，伴麵或飯都一流。干貝賽螃蟹食上海菜必點菜式之一！干貝賽螃蟹大碟，滑溜蛋白加上干貝，再加埋西蘭花、紅蘿蔔片及菇菌炒製，口感層次感一流，再搭配鎮江醋進食，味道微酸更突顯蛋白嘅清香。雪菜肉絲炒年糕年糕炒得好惹味，煙靭嘅年糕真係好正，仲有好多肉絲同埋菜，感覺幾足料。整體感覺這是一家比較溫暖的上海菜館，睇返佢嘅價錢、食物質素同環境，在將軍澳區算是舒適，喜歡上海菜的您，經過附近可以一試。…Read More

今日想喺觀塘搵間酒樓同屋企人飲茶，我哋去咗一間位於觀塘新派中菜館「張公子」試吓佢哋幾款特色小菜，酒樓裝修雅致，燈光明亮，地方闊落，坐得幾舒服，而且每一台嘅茶壺都有蠟燭座喺下面為熱茶保溫。由於去嗰日係平日，所以唔算好多人，可以靜靜地同屋企人食住飯傾計。我地點咗幾款招牌菜，一試之下真係驚喜連連，菜式亦非常有特色，而且味道不錯。豔影蝦球 (轉帶子)薄薄嘅炸漿包住厚實的帶子，外皮非常鬆脆，金黃色嘅醬汁同樣出色，以檸檬汁同沙律醬調製，賣相和味道令人食慾大增，下面還鋪左檸檬，甜甜酸酸作為頭盤好開胃。公子牛肋排呢碟賣相雖然冇咁靚，但份量嚇一跳，原條牛肋排上碟，塊塊都厚肉，肉質軟嫩多汁，經過精心調味後，以慢火烹飪，煮得好腍好入味，同埋油脂嘅香味會一直喺口入面迴盪。翠綠色的蘆筍鮮嫩爽口，再加上秘製的醬汁，令這道菜的香味更上一層樓。鮮腐竹蕃茄浸菜苗呢個菜非常清新，蕃茄湯底清甜帶微酸，仔細嚼嚼，會吃到腐竹嘅豆香味，菜苗都好新鮮清甜，真係一個非常健康菜式，好有住家菜的感覺。生煎蓮藕餅外皮煎得金黃酥脆，內裡保持軟嫩，蓮藕切得好碎，混入肉餅之中，配上喼汁鹹香可口。總結：呢間中菜坐得舒服，是和家人朋友飯聚的好地方，食物方面味道非常高質，還有很多特色的菜式，多啲人食就可以試多幾款菜式，因為每一碟都份量算多，對這間酒樓有興趣的不妨嚟試吓！…Read More

經過香港仔一品魚蛋王，就入去食個麵吧！餐廳地方不算很大，座位不算多，但都不是坐得很擠迫。落單幾分鐘後便有得吃，可算是另類中式快餐店，食物選擇算多，價錢也大衆化，起菜速度都好快。崩沙腩爽口好味，湯底唔鹹，米粉質素正常，唔係最好但也不算最差。墨魚丸比預期的好，墨魚丸算彈牙，但味道也偏普通，魚麵很特別，好爽彈，吃起來有嚼勁。炸魚皮都可以，浸湯後的魚皮非常脆口，生菜都好嫩。整體：地方談不上很大，勝在舒適，地方清潔，服務員態度正面，食物質素中規中舉，選擇亦算豐富，崩沙腩、魚麵、墨魚丸都好食，好有街坊氣氛，好親切，有興趣的朋友，可以去試下。…Read More

話說將軍澳廣場開左間好大隻牛字嘅招牌，我同老公去到門口見到排曬長龍，心諗……真係咁好食？原來呢間店舖來頭唔惹少，係日本餐廳品牌，全自助，自己落單，自己取餐，自己收盆，完全冇服務。座位亦唔多，要自己搵位，落完單之後，都好快就有得攞餐，價錢算是適中。【鹽蔥】牛小排燒肉丼（套餐）鹽蔥牛小排丼的味道主要來自醬汁，完全無法品嘗到牛肉本身的鮮味，表面仲有啲焦香，但唔會好乾，再配埋個醬汁，味道係有提昇。個飯仲有幾片泡菜都好清新，配埋辣蘿蔔，辣爽脆，一齊食，感覺沒有那麼膩，增添咗口感層次，食落唔會覺得咁單調。個人覺得個汁比較鹹左啲，但配埋個白飯係可以接受。如果份量唔夠可以另外加錢加份量，還有可以加流心蛋或者小食炸雞。炭火烤牛咖喱燒肉丼（套餐）濃郁咖喱同燒肉香氣完美融合，牛肉燒得岩岩好，外脆內嫩，咖喱嘅香辛味仲令整碗飯層次感十足。整體出餐比較慢，食物唔夠熱，份量唔算多，味道一般，重口味，我覺得唔值呢個價錢。…Read More