letstalkabtfood's Profile

近日趁放假，同朋友一齊去咗人氣爆燈嘅Bakehouse食lunch🤟🏼最近先發現原來位於灣仔嘅Bakehouse已經有得dine in，除咗有以前外賣嘅包類，仲加添咗唔少嘅輕食。同朋友嗌咗一份Bakehouse Breakfast；一份Avocado Egg Benedict with Smoked Salmon😋基本上Bakehouse Breakfast 就係cafe裡面嘅All day breakfast，入面會有幾款食物，啱晒想一次過食到唔同口感嘅朋友仔！😝而當中令我印象最深刻嘅就係佢嘅Scrambled egg，不但蛋味同牛奶味好平衡，嫩滑得來又會保留應有嘅口感😙其他食物反而唔太有記憶點，唯一有啲失望嘅係佢嘅sourdough toast，比想像中硬同埋味道平淡。而Egg Benedict就相對出色，幾樣嘢平衡得唔錯。唔會有其中一樣食物，搶咗其他食物嘅味道。略嫌有啲遜色嘅係poach egg有少少過熟，但口味各有喜好，唔算係太大嘅問題。Muffin嘅口感亦都係驚喜之一，即使係再翻熱，加上有荷蘭醬同蛋汁留咗上去都保留到佢嘅彈性🫶🏼呢到嘅嘢食始終以輕食為主，午餐來講唔算太大份。即使去到下晝4~5點都依然有人排隊，雖然等得唔耐，但如果再去都要排隊，未必會再食，寧願試吓灣仔其他餐廳🤥…Read More

真係十分失望嘅一餐🥲近日同朋友去咗呢間小有名氣嘅Cafe食飯，以前成日見到佢排長龍，亦都有唔少讚賞呢間Cafe嘅食評，所以一開始對佢都有啲期望。可能期望越大，失望越大，食完只係覺得無論係食物質素定係環境都好普通。兩個人嗌咗一個主菜，一個小食，同埋一個甜品，三樣都好普通。朋友因為見到網上嘅食評好多都讚Cafe嘅髒髒提拉米蘇，所以我哋都嗌咗一個，諗住應該唔會太差。但食完覺得最失望嘅就係呢個甜品，提拉米蘇入面只有好少嘅咖啡味，亦都食唔到有任何嘅餅乾成分，大部份都係甜到漏嘅cream。而上面嘅朱古力粉亦都提唔起任何嘅作用，食落去唔覺得有朱古力味，亦都冇任何減膩嘅效果。同朋友食咗兩啖就冇再食。本身同朋友都鍾意煙韌嘅口感，所以大家都對貓耳朵意粉好有興趣，加上都見唔少食評話餐廳嘅慢煮口水雞扒好出色，又再次將期望值拉高🫠可惜換來嘅只有失望。唔單止蘑菇忌廉汁唔夠濃郁，貓耳朵意粉嘅口感亦都唔煙韌，而且唔夠掛汁。慢煮口水雞扒色落去唔太感受到口水汁，但雞扒口感滑嫩，有加分👍🏼總括嚟講覺得三樣嘢唔係好融合到。而黑蒜醬炸薯條就正常味道，唔可以話好特別，而且越食越鹹，醬嘅分布亦都唔夠均勻，所以有啲會重味啲，有啲又會唔夠味。環境方面，見到好多人都話餐廳嘅暗黑風裝修型格，值得打卡，我就不敢苟同。餐廳嘅裝修比我嘅感覺係好簡單，唔太覺得佢有用心營造型格嘅感覺。如果相似風格來講，我會比較欣賞位於長沙灣嘅Contrast🫡…Read More

原本對呢個墨魚汁意粉好有期望，但食完只係覺得所有味都唔夠突出🥲墨魚汁味道正常，但蒜香味明顯遜色，蒜味無論食落去定聞落去都完全唔夠。味道嘅層次不足🫠手工青醬慢煮雞胸長通粉，係一款十分普通，感覺自己喺屋企都可以煮到嘅意粉。食落去唔係好感受到青醬嘅味道，雞胸嫩滑但完全唔入味🥲味道嘅變化可以話係零🤥咖啡味道正常，Americano反而係成餐飯中最有驚喜嘅，飲落去會有層次嘅變化。酸度同苦味嘅平衡剛好🫶🏼，反而喺香味方面略顯不足。因為兩個主菜食完都唔太夠飽，所以叫多咗個酥炸北海道生蠔。味道正常。但擺喺底嘅炸生蠔可能因為焗住，食到尾嘅時候炸皮會冧咗，食落去更加油膩。$78 6粒嚟講可以一試，但應該唔會食第二次🤥值得一提嘅係店員嘅服務態度好好，好有善🫶🏼環境十分舒適，好適合想搵間Cafe坐下休息吓嘅人。希望佢哋嘅食物會有所改進！🫡…Read More

點解咁多人讚得落🥹???早幾日睇咗伊丹十三嘅電影蒲公英，成套片都係圍繞住拉麵，經過見到呢間拉麵，記得成日都排隊，咁就諗住試試佢，入到去發現係沾麵，而且係粗麵，都姑且試吓😚✨濃厚豚骨魚介沾麵一上嚟，個湯冇煙，夾起麵沾落去見唔到有咩溫度變化，因為兩樣嘢都係凍嘅，食落亦都完全唔熱，湯係濃但唔厚，偏死鹹冇層次🥲麵質算係咁，算彈牙，食到尾所有麵嘅質地都冇唔同，應該係煮嘅時間啱啱好。至於配菜——1️⃣叉燒：厚切叉燒，肉味唔濃（唔知係咪因為個湯底太鹹），肉質偏韌😵‍💫2️⃣荀：爽脆度每條唔同，而大部份都係冧嘅3️⃣半熟蛋望落okay, 食落反而冇乜味😨另外嗌咗碗赤沾麵，更鹹，冇特別。真係未試過嘅想睇我講嘅係咪真，可以去試吓，但都建議大家慳返啲時間，排隊就完全唔使考慮🙏🏽尖沙咀仲有好多間更值得去嘅拉麵店🙌🏽…Read More

深水埗近年出現咗好多cafe，尤其大南街，但好多都比較地方淺窄，等位等好耐，莫講話要坐耐啲，食嘢飲嘢都未必坐得舒服。呢到空間感十足，亦都完全唔難搵，算係就腳💯喺到由佢開鋪1100坐到2000，兩個人total叫咗4樣嘢食同2杯飲品，一路做嘢、睇書都覺得個vibe幾好，採光唔錯、整體以白色為主調都令人覺得精神，音樂唔算太大聲，想聽住自己歌做嘢/同朋友傾偈都一定冇問題，但亦唔會細聲到令你覺得講嘢大聲少少都好尷尬🤓之前見到啲嘢食相已經覺得好吸引，嘢食嚟到真係如圖，賣相好有心機同埋係真係好食，唔係虛有其表🤩✨炸雞煎蛋窩夫（$95）大推！！！本身個combination係鹹窩夫嚟講已經係好吸引，佢係做到擺埋一齊喺口入面都好融洽和諧嘅感覺🤩 炸雞調味剛好，外脆內嫩，係單食都相當高質嘅炸雞🍗但最impressive係個waffle, 簡直係如題：不得之了！有蛋香味，夠脆得嚟中間又唔會係食緊空氣咁，配炸雞咁重口味嘅嘢一齊食都毫不失色，講真waffle個質素係好過好多cafe ♪(´ε｀ )✨煙三文魚班尼迪窩夫（$95）穩陣之選：Waffle🧇一貫高水準，Benedict egg由質感、蛋黃流心程度，甚至個荷蘭醬都掌握得不錯，可惜煙三文魚稍為失色，個質同量都較為一般ಠ_ಠ 不過欣賞佢喺窩夫同三文魚中間放咗頗多份量嘅牛油果粒，一次過滿足你三個願望🥳✨辣茄汁煙豬肉面貓耳朵粉（$95）平平無奇。個醬汁名副其實，就係辣辣哋嘅茄汁，開胃嘅，但都只係止於開胃。煙豬肉面/煙豬面肉(?)好重油香，食落配起個辣茄汁又唔太肥膩，鹹鹹香香咁。覺得貓耳朵粉真係喺香港cafe比較少見，口感不俗，仲冇食意粉咁整到周圍都係咁麻煩🍝 仲另外有個vegan choice！✨薄脆拿破崙（$72）Feel到係一款好有野心做嘅甜品，整體賣相係100% 打卡able，但食落就有少少強差人意🤏🏾食多幾啖會滯，可能中間啲custard同Nutella(?)太多，整體亦有啲過甜。啲nuts係好脆好香的，另外欣賞佢落咗爆炸糖嘅巧思，令個薄脆感覺再脆啲hahaa 不過整體就真係好睇人口味🧐✨Hot Cappuccino ($30) 有好明顯嘅一層奶泡，已經贏咗一堆cafe^-^✨Iced Hojicha Latte ($36)偏甜，焙茶個茶味都唔係好出，不過夠大杯，可以慢慢飲HAHAHAHAATo warp up, 我會話totally worth a try, 冇加一、整體價錢相宜同性價比高。係會再去的cafe(⁎⁍̴̛ᴗ⁍̴̛⁎)!…Read More

買咗優惠卷發覺要另加$20已經感覺有啲差，之後去到再問加$40要刺身使唔使加嗰$20，樓下個帶位同事可能忙亂之中又答錯我哋話唔使，所以加咗，最後埋單要$120/兩人，加埋等於$138，原來最終出到嚟只係平過本身$10 HAHAHAHAHAA 嘢食好一般，種類多嘅，有點心、少少炸嘢、有得打邊爐，但我諗質素重要過數量，可惜做唔到。服務態度okay但環境真係污糟 連夾食物嗰啲嘢都污糟。坐嘅位置，側邊嘅隙都好多垃圾。真係唔會再嚟。…Read More

放工揾野食，上Wolipay睇附近有咩黃店好食，一眼睇到呢間漢堡包，咁就㩒入去睇吓，見好多好評就決定要try try佢。一入到去好多文宣🤩，燈光偏暗，感覺好似舊香港咁。佢仲分咗兩個區，近門口嗰邊係類似吧枱，可以盡享一人之鏡！再行入少少就for多啲人坐~8點半都仲坐滿7成人，但好彩唔使等位～我哋兩個人嗌咗一個dinner set同一個小食。✨Dinner Set(公司漢堡配薯格$118)Dinner set 配咗一個沙律/是日餐湯，另外仲有跟一杯$16以下嘅飲品。黎到Fast taste緊係要試下大受好評嘅漢堡包！所以我哋二話不說即刻揀好要嗌公司漢堡餐(平時一定冇咁快)公司漢堡包分層係黑松露炒蛋、和牛漢堡、煙肉、車打芝士、再嚟一塊和牛漢堡、生菜蕃茄with honey mustard 。個包係香港舊式快餐店用開嘅芝麻漢堡包，外脆內軟，好香芝麻味。佢跟咗薯格做配菜，夠熱又夠脆唔會過鹹。沙律係最basic嘅田園沙律跟莎莎醬，上面仲有4舊烘過嘅麵包粒，上到黎都仲脆！而野飲我哋就揀咗凍嘅柑桔檸檬，用酒杯裝住，不過唔係好夠凍，柑桔同檸檬味都唔係好出~✨香辣茄蓉煮青口($50)食得出個茄蓉係好有心機整，辣度適中唔太搶，個主角青口就偏細，亦都唔係太有青口味，唔知係煮耐咗縮水定本身來貨都唔大隻，始終$50食到青口呢個價錢都好難要求咁高，下次可能會試下大蜆！仲有唔少小食都好吸引~原來仲有甜品食！是日甜品係法式焦糖燉蛋同埋心太軟~下次再食一定要試試佢！整體都係性價比好高，嘢食好味又抵食，值得再嚟，bookmark咗嘅深水埗餐廳✌🏽…Read More

Urban Coffee Roaster開得好早嘅cafe, 欣賞🤩見到啲嘢食影得好靚，就兩個人去咗呢間試了。喺門口職員就叫我哋填Google form留資料，環保好多！舖頭唔算大但環境幾舒服，特別留意到嘅係啲工廠風嘅櫈同埋枱，仲有個calligraphy wall. 上面寫住 “A GOOD DAY STARTS WITH A DAMN FINE COFFEE”，環境都係好影響用餐體驗嘅因素🥳我哋嗌左一份signature嘅avocado egg benny W/ sweet corn quinoa salad on sourdough（再extra order咗Salmon）($88+$20)，同埋一份Minced fatty tuna & quacamole sourdough ($98). 飲品就嗌咗Dirty($40)同埋Hot Uni Matcha Latte($42)。Dirty飲落有層次而且咖啡味唔會俾奶味搶咗。而Uni Matcha Latte唔會死甜，飲到抹茶甘香。兩份各有兩塊酸種麵包，上面鋪滿牛油果蓉，酸種麵包外脆內軟，帶有少許酸味。sourdough有驚喜！包邊脆，麵包軟熟，包味好香。略嫌吞拿魚蓉被滿滿嘅牛油果蓉搶味，但整體嘅用餐體驗唔錯。…Read More

想試好耐嘅黃店，行完書展就兩個人去咗食，咁啱有位可以walk-in。嗌咗一個steak set dinner (Flank Steak, $350)，跟咗個side dish grilled veggie；一個pasta set dinner (西班牙墨魚藏紅花扁意粉). 首先上咗個Welcome Wine，白酒嚟，店員介紹係西班牙嘅、可作開胃之用。入口酸味好出，餘韻都last得耐，但唔係易入口、順滑嘅酒。✨Green Salad & Nachos: 正常發揮。個Nachos有三個sauces（sour cream, 牛油果醬同芝士醬）✨Appetiser Platter: 高質。店員上菜嗰陣介紹前菜嘅食用順序、產地同烹調方式，仲送多咗個appetizer 煙燻鰻魚（好有愛🥰）畀我哋。每樣嘢都各有特色，食得出係用心嘅料理。✨Flank Steak: 嗌咗medium rare，見到啲肉嘅熟度係啱啱好，仲好粉嫩，但牛味好重。上面有由三種香草打成嘅青醬，另外再配埋蒜蓉同英式嘅mustard。✨Pasta: 藏紅花將成個pasta染成紅色，連墨魚都走唔甩~個pasta唔算好特別。店員會默默咁留意每枱客嘅用餐情況，適時上菜同收碟，服務態度亦都好好，好親切。（埋單嗰陣店員講咗聲招呼唔到真係嚇親🥺）…Read More

二人午餐，嗌咗一個豬扒便當、一個半筋半肉牛肉麵同埋一份鹽酥雞。上菜速度正常，豬扒便當($61)套餐配碳焙烏龍茶(半糖少冰)，牛肉麵配飲品要另外加錢。碳焙烏龍一飲以為全糖，原來糖漿係哂底未攪勻。牛肉麵($72) 有兩舊牛𦟌幾舊牛筋，冇舊係腍同入味。其他配料都好似未煮過咁，一舊白蘿蔔一舊紅蘿蔔，生到咬唔到咁濟。最後食唔落去要嗌多份鹽酥雞。鹽酥雞($32)值得讚嘅係上到嚟係keep到脆同熱，可惜味道偏鹹。雖然雞肉嫩滑，但炸粉多過雞肉本體。整體服務正常，環境都乾淨幾好坐。總結: 試過一次就夠，唔使特別去食。…Read More