bcheung1205's Profile

電影中心睇完戲，諗住係附近搵間餐廳醫肚，就發現咗呢間樓上餐廳，價錢望落唔貴又咁啱有想食嘅嘢，就決定一試。炭燒美國草飼肉眼牛扒份量十足，牛扒嘅表面燒得小脆，肉質鮮嫩，識落夠爽口，又唔會燒過龍，保留到牛扒嘅肉汁。燒汁夠香濃，仲配埋黃芥末，食落風味十足。軟殼蟹黑松露忌廉汁意粉呢個價錢識到全隻軟殼蟹都算抵玩。軟殼蟹開半後再炸，食落夠晒脆口，保留到軟殼蟹嘅鮮味，而且仲食到有蟹膏。個意粉嘅黑松露味道偏強，又夠晒creamy，同軟殼蟹都幾夾。配套餐會有法式烤包，同埋餐湯或者沙律。烤包夠香脆，牛油又夠香滑。餐飲揀咗指定口味果汁，係芒果汁。逢星期六晚仲會有live band…Read More

一直以來都係牧羊少年嘅支持者，不過尖沙咀呢間分店都係第一次食。凍薄荷奶泡朱古力朱古力上嘅奶泡打得夠細密，朱古力味又夠濃厚，口感一流。慢煮豚五花迷你漢堡配配波本威士忌燒烤醬以前菜嚟講，呢三個迷你漢堡絕對唔迷你，份量十足。漢堡包外皮有俾牛油烤過，食落夠脆口。入面嘅豬五花充滿肉汁，外皮又燒得香脆，配搭返漢堡包嘅配菜同酸瓜，食落唔會覺得太肥膩。海膽黑魚子醬蟹肉貓耳朵粉一上枱已經聞到好香濃嘅鮮味，醬汁味道濃郁又夠鮮甜，仲超級多蟹肉，啖啖蟹肉嘅口感一流。照燒烤挪威三文魚柳配辣根蛋黃醬及烤日本南瓜魚柳烤嘅時間啱啱好，保留到魚肉入面嘅油脂，又唔會太乾，魚皮食落仲有少少香脆。加上蛋黃醬同烤南瓜，令成道菜冇咁油膩又更有特色。相比起其他牧羊少年，呢間分店嘅裝修比較有格調，都幾適合情侶嚟食。餐牌上嘅食物，都同其他分店有較大嘅分別，選擇亦都足夠。…Read More

冇得去旅行，就繼續喺香港搵嘢食。今次就喺佐敦食到間又抵食又多選擇嘅越南野。火五火車頭牛肉粉夠晒大碗，份量十足，有生牛肉、熟牛肉、和牛牛丸同埋扎肉。生牛肉上枱時仲係粉紅色，浸完湯食啱啱好，夠晒嫩口。和牛牛丸好重牛肉味，肉汁豐富又爽口。香茅雞翼撈檬撈檬夠晒大碗，而且仲有四隻雞翼。撈檬食落夠爽口，而香茅雞翼嘅香茅味十足，外皮又夠曬香脆。手作大蝦米紙卷米紙卷嘅外皮唔會太厚，又晶瑩剔透，而入邊嘅蔬菜餡料夠爽口，食落口感豐富。越式炸蝦春卷春卷應該係啱啱炸起，食落夠香口。凍越南三色冰…Read More

相信以粉紅色做主調嘅火鍋店，喺香港都係絕無僅有。小食同醬料都係自助形式，相比起其他火鍋店，呢度提供更加多唔同類型嘅醬料，而且仲提供埋調配嘅方法。拎完小食同醬料，火鍋同配料就已經上咗枱，服務夠晒快。湯底係鴛鴦鍋，分別揀咗滋補養生香辣鍋同清涼解熱雪耳鮮椰子鍋。椰子鍋嘅湯底係椰子水，飲落夠晒清甜，而鍋入邊嘅椰子都淋，就咁食都冇問題。養生香辣鍋入邊當然加入左唔同嘅香料，食落夠晒風味，又唔會太麻。美國安格斯牛三角平時唔太鍾意食太肥嘅牛，呢款牛三角嘅肥瘦比例就啱啱好。牛三角食落充滿肉汁，肉質又夠晒鮮嫩。嫩肩小羔羊肉呢款羊肉嘅質素唔錯，就算放完落香辣鍋之後，食落都仲會有少少羊騷味，夠晒可口。鮮扇貝扇貝夠新鮮又夠大隻，食落夠晒鮮味，而且仲啖啖肉。花雕甘榜雞雞肉本身就浸左係花雕入面，煮熟之後仍能食到花雕嘅味道，而且雞肉夠晒鮮嫩，又唔會太乾身。軟骨爽肉丸 珍寶鮮蝦水餃軟骨爽肉丸入邊當然有軟骨，食落每啖都有軟骨嘅口感，夠晒新奇。蔬菜綜合盤打邊爐當然唔少得蔬菜，而呢個綜合盤就係一個好選擇。入面有唐生菜、油麥菜、甜粟米、冬瓜片、萵筍片，實會啱食。最後仲有柚子沙冰做甜品。…Read More

Burger Joys其實係全球top 50漢堡包店，之前都試過另外兩間分店，今次黎開灣仔買嘢，就決定試埋灣仔分店。香草味奶昔 奶昔永遠係每次必叫精選，因為總係覺得奶昔配漢堡好夾。今次叫咗香草味奶昔，雪糕同冰打得夠幼細，飲落夠甜又好幼滑。芝士牛肉漢堡牛肉夠晒Juicy，配上半溶嘅芝士，食落夠晒滋味。配上洋蔥、生菜同蕃茄，蔬菜嘅新鮮感，剛好中和到牛肉同芝士嘅油膩感，口感一流。洋蔥圈平時最怕食到炸皮同洋蔥分開嘅洋蔥圈，呢度嘅洋蔥圈係即叫即炸，炸皮同洋蔥唔會分離，食落外脆內軟，洋蔥又唔會太乾。魚柳漢堡魚柳夠晒大塊，而且肉質夠結實，炸到香脆之餘又，保持到入邊魚肉嘅嫩滑。…Read More

首先我想講，餐廳個名改得非常貼切，食串燒又有酒飲，而且餐廳真係巷仔入邊，名副其實係“串酒里”。札幌芝麻香燒餃子雞翼+鹽燒厚切牛舌餃子雞翼嘅外皮燒得好香脆，而入邊就夾咗明太子同肉，識落唔會好鹹又淡淡肉。牛舌選料唔錯，夠晒厚身，食落又好爽口。黃金蒜蓉燒扇貝扇貝夠晒大隻，食落有口感，又好有海水嘅鮮味。上面嘅蒜蓉吸收晒扇貝嘅精華，好易入口又唔會太辣。汁燒煙肉蠔卷本來以為煙肉會蓋過蠔嘅鮮味，但食落兩種味道又好平均，有煙肉嘅鹹味又會食到蠔嘅鮮味。麻吉燒+鹽燒日本秋葵秋葵唔會燒得太乾身，但入面又唔會好濕，食落啱啱好。脆燒日本原條鰻魚原條鰻魚賣相一流，而且肉質鮮嫩又無骨，加上香濃嘅鰻魚汁，食落口感一流。…Read More

餐廳位處於厚福街嘅H8，係一個美食林立嘅地區。餐廳高水準嘅食物質素，同埋優良嘅服務，絕對值得再黎食。餐包拼盤雖然唔係嗌套餐，但仍然奉上餐包拼盤。麵包夠晒鬆軟，而且仲提供左三款選擇。海膽吞拿魚他他多士分量冇令人失望，海膽食落夠曬新鮮，而吞拿魚他他亦都好鮮味，多士都夠晒香脆。餐廳現時有推廣優惠，凡惠顧推廣白酒一支，即可以優惠價享用迷你海鮮盤一客。我哋就嗌左一支香檳，職員仲好樂於幫我哋斟左幾次酒，服務值得一讚。迷你海鮮盤雖然係叫做迷你海鮮盤，但都有四款海鮮，佐酒一流。松葉蟹味噌蟹羔鵪鶉蛋意大利麵呢款意大利麵可以選擇伴忌廉汁或者龍蝦汁，而我哋就選擇左伴忌廉汁。忌廉汁夠晒香濃，意大利麵食落好creamy。低溫慢煮美國羊T骨配燒原個蒜頭伴意大利青醬羊T骨選擇左五成熟，感覺啱啱好，肉質夠晒鮮嫩，又唔會太老太乾。朱古力心太軟伴雪糕…Read More

又一次比樓下嘅餐牌吸引到。見到呢間樓上cafe嘅食物選擇夠多，而且價錢又相宜，就決定上去渡過呢個週末嘅下午。泰式香茅燒春雞雞嘅份量冇令到我失望，而更有驚喜嘅係除表皮有香茅味，而入邊嘅雞肉亦充滿香茅味。表皮夠香脆，雞肉亦夠嫩滑，口感一流。龍蝦汁海鮮扁意粉扁意粉入邊加入左頗多嘅蘑菇同埋蘆筍，食落夠晒清新。扁意粉煮得軟硬適，而伴隨着嘅龍蝦汁又夠晒入味。最後不得不提cafe嘅飲品。即磨咖啡嘅質素非常好，飲落唔會太酸又夠晒香，冇加糖冇加奶，直接飲曬咗整杯咖啡。…Read More

舖面雖然面積唔大，但就充滿外國風情，參考外國style，又播住外國歌。食物都係即叫即製，大概等左10分鐘就有得食。Cheese Burger 芝士牛肉漢堡首先好欣賞用盒子裝着漢堡包上枱，美觀得來食落又夠方便。包嘅外皮有烤過，夠晒香脆，而包身入邊仍然保持鬆軟。芝士牛肉漢堡入邊，除咗有生菜、洋蔥、番茄、酸瓜呢啲基本配料，有夠晒Juice嘅牛肉漢堡同埋半溶嘅芝士。Chicken Burger雞肉漢堡雞肉漢堡入邊嘅雞塊夠晒大塊，又烤得夠香脆。Tater Tots 薯堡套餐除咗可以揀薯條或者洋蔥圈，仲有呢款薯堡可以選擇，食落就好似細細粒嘅薯餅咁。…Read More

除咗餐廳係用粉紅色做裝修主調，最深印象嘅就係服務員好熱心嘅服務。餐廳使用iPad點菜，環保又方便。湯底揀左鴛鴦鍋，左邊係餐廳最出名膠原蛋白養顏美容鍋，右邊係維他命C番茄玉米鍋。剛上湯底，店員就建議我哋先裝一碗湯底飲，膠原蛋白湯底飲落夠曬香滑。老虎蝦本來諗住叫活醉海花蝦，但剛巧賣晒，就揀咗老虎蝦。老虎蝦夠晒大隻，食落蝦肉夠實淨，口感不俗。仲有店員先行剝殼，服務一流。美國安格斯牛小排餐牌建議牛小排只需煮八秒，但我地都係煮長啲。但食落肉質依然非常嫩滑，入口即溶。花雕甘榜雞估唔到雞嘅份量有咁多。雖然湯底嘅味道偏濃，但係雞件煮熟後，食落仍然食到入邊嘅花雕味。軟骨爽肉丸+珍寶鮮蝦水餃軟骨房肉丸就係喺豬肉入邊再加入軟骨，食落口感特別。珍寶鮮蝦水餃入邊嘅鮮蝦亦冇令人失望，夠晒大隻又爽口。唐生菜…Read More

首先要值得一讚嘅，係餐廳呢個自由組合，相比起出邊嘅漢堡店，就提供左更大嘅自由度食到更多野。炙燒芝士鰻魚漢堡＋黑松露雞肉雜菌忌廉意大利飯呢個價錢食到原條鰻魚，雖然係比較細條，但仍然係非常抵食。意大利飯識落唔會太濕，而且忌廉味十足，食落夠晒香濃。照燒汁流心蛋牛肉漢堡＋明太子鮮蝦牛油果意粉第一啖食落去唔記得咗佢係流心蛋，一咬落去蛋黃就流出黎，好彩多數都係流落飽到。明太子意粉食落軟硬適中，配合埋鮮蝦味道一流。…Read More

希雲街雲集左多間各國美食嘅小店，今次就揀咗間Cafe。店舖嘅鋪面唔大，但裝修都幾有特色。芝士奶蓋白桃紅茶雖然餐廳主打西餐，但竟然有芝士奶蓋飲，而且味道仲非常不錯。奶蓋飲落夠晒香滑，而且芝士味濃，份量仲要非常十足。蟹肉鹹蛋黃意粉值得一讚。係意粉嘅軟硬度適中，食落感覺剛剛好。再加上意粉上嘅鹹蛋黃碎同埋蟹肉，夠爽口又滋味。沙樂美&辣肉腸pizzaPizza係即叫即烤，Pizza 邊同底夠曬香脆。上面用上冇咁濃味嘅芝士，既唔會搶去肉腸嘅香味。亦唔會令整個Pizza太鹹。…Read More

墨西哥薄餅芝士雞肉即叫即烤嘅薄餅表面夠晒香脆，而入面嘅芝士溶得啱啱好，食落仲會有拉絲。左起分別係燒雞胸軟骨串、安格斯牛肋、串燒豆腐、翠玉瓜。特別想提下燒雞胸軟骨串，並唔係雞軟骨串，而係雞胸部份中間果排軟骨。問過店員，原來通常都係日本居酒屋，先會有得食。串燒豆腐嘅外皮燒得香脆，表面嘅醬料亦夠香甜，入邊嘅豆腐就好嫩滑，食落口感特別豐富。日式汁燒魷魚筒有別於出邊會燒得比較乾身嘅魷魚筒，笑得啱啱好嘅魷魚筒，食落幾有鮮味，而且仲好彈牙。食串燒當然唔少得配搭啤酒。…Read More

武士拉麵，一個富有日本特色嘅鋪名。拉麵都係以日本歷代將軍命名，係正宗嘅“武士拉麵”。豐臣將軍拉麵就係四國香蔥油湯底，湯底比想像中清甜，仲有陣陣嘅魚介香味。拉麵嘅軟硬度適中，吸收埋湯底嘅精華，非常惹味。 叉燒應該經過上湯嘅烹煮，食落特別入味，既唔會太肥膩，食落又好爽口。德川將軍拉麵就係醬油豬骨湯底，湯底比剛才嘅香蔥油湯底濃得多，有好香濃嘅豬骨味。日式煎餃子餃子係即叫即煎嘅，所以上枱時仲好夠熱，表皮仲好香脆。…Read More

餐廳打正雞翼專家旗號，除咗提供多款雞翼外，仲有”雞翼煲”選擇。黑椒麻油香炒毛豆一上枱已經聞到非常香嘅麻油味，而且份量十足。唔止係好好嘅開胃菜，佐酒更加一流。黑芝麻海鮮蜂蜜雞翼作為雞翼專門店，當然提供多款乾身同濕身嘅雞翼揀，而我就揀咗濕身嘅雞翼。雞翼嘅表皮非常香脆，入邊嘅肉好嫩滑，而雞翼上嘅醬汁亦好入味。越式手撕雞翼蒸包顧名思義，就係蒸包入面夾左去骨雞翼。蒸包食落比想像中實淨，入邊嘅雞翼同樣外脆內軟，肉質鮮嫩，再加上上面嘅配菜，成個蒸包食落口感好豐富。炒毛豆送酒一流Passion Fruit Lemonade …Read More