scottpang's Profile

套餐係 無骨海南雞飯+湯係$46。剛剛開舖已開始城襯，起初唔使問都會有跟湯。半年後畀錢是會問要唔要湯，我反問乜要加錢咩? 佢又話唔使。近月開始就愈來愈差，已經好幾次去攞外賣時無湯，要問先話唔記得放，攞明想偷雞唔畀湯。而且雞肉已經愈來愈少，湯都愈來愈少。做生意咁唔老實不如去KK園啦。另外，個木匙羮又細又平根本𢳂唔到飯，食一次掉一次飯。…Read More

街坊食堂，可惜只收現金。幾個月前曾收過一排八達通，但佢地話只係試用供應商的試用優惠，不想報稅，所以往後只收現金。食物質素比疫情前差，大概因為人手少咗同埋通漲原因。…Read More

因上水無乜選擇，所以經常光顧這間餐廳。每次落單都會叫凍飲少冰，但每次都係一杯冰。有單據和相片為證。雖然小事，但商家想慳錢，又知水吧為餐廳賺唔少錢，想客人唔夠飲再叫多杯，呢個明白。不過次次都係咁真係好煩，因為要攞個杯自己夾走啲冰。…Read More

1）乾炒牛河係翻熱再翻熱，河粉成pat嘢。牛肉無味，成碟嘢無味。2）凍檸檬茶少冰，永遠都係成杯冰。係出單問題定係水吧特登？ 幫襯咗十次，十次都係咁。學咗食神的史提芬周咁無良？（相中杯凍檸檬茶已拎走半杯冰）成餐飯有種喺廿年前大陸工廠食嗰啲感覺，完全唔好食，只求食飽個肚。不過而家喺大陸啲包伙食都講究咗好多。…Read More

今日食咗細蓉配腸粉。無叫嘢飲。味道還可以。唔算抵食。連水都無杯，但又收10％服務費。咁不如去食茶餐廳。不過叫做坐得舒服。周圍無選擇，所以焗住黎呢間。希望服務做好啲，嘢食大份少少。…Read More

今晚去食。叫咗一碗外婆紅燒牛肉麵，一碟生煎飽，一杯凍豆漿。1。碗麵同紅燒牛肉係分開上，應該係為咗用同一煲湯黎煮麵，方便配不同餸。咁就變咗紅燒牛肉還紅燒牛肉，淨麵還淨麵。不倫不類。為咗令淨麵無咁陽春，啲湯好濃，飲咗幾啖即刻血壓升。要飲返半杯豆漿沖淡。2。點知凍豆漿唔凍，無豆味。又係用豆漿粉開水。3。招牌生煎飽，裏面好多水，食時要小心。為咗 噱頭整到鬼咁多水但無肉味，飽唔香。想學人整醬爆生煎飽噱頭，但紙巾都唔畀張。埋單九十幾蚊。完全唔抵食。無下次。…Read More

食物垃圾1）個秘製特色牛骨湯河完全無味，求其用滾水滾熟啲肉，啲湯又無味。2）海南雞飯又係無味。3）連杯檸茶同好立克都無味。希望呢間野快啲執笠，開過另一間，大家唔好中伏。…Read More