CarolCheng0718's Profile

好耐之前已見到用app訂檯有半價～仲要係peak hour都有！但因為佢地點太不方便了，要行好遠先到，平時放工時間想黎d fd都寧願揀間mtr附近的...今次二人行駕車黎到，終於有機會試了。入到去好有文青cafe feel，好溫馨的佈置，窗邊有得睇海景。環境十分闊落，坐得舒服💕 仲有board game玩，都有唔少款。我地都叫左幾多款野食，因為前菜小食同主菜都有半價優惠！蕃茄忌廉湯偏淡同稀，麻麻...黃金廣島蠔 炸得幾香，唔會得炸粉滿意～蜜糖雞槌香脆可口，點埋蜜糖一齊幾好食！香煎慢煮西班牙黑毛豬配自家製蘋果醬 (跟薯角)跟佢推介叫左八成熟，黑毛豬切開肉質好嫩滑，雖然有小小位置會較肥膩，但令肉質更香。所謂的自家製蘋果醬...較甜不太討好，可能因為我本身就唔鍾意肉配果醬。揀左配薯角，炸得好脆！        蟹肉蟹子意大利海鮮飯一見到綠色已經覺得怪怪，食落草青味好重！無咩蟹肉..但個意大利飯質感其實ok，忌廉都香...不過整體味道都係奇怪！半價兩人食左咁多野都係三百幾, 唔錯…Read More

好彩早食lunch~walkin都有位！餐廳佈置得幾靚，走工業風，環境唔錯～而且坐位幾寬敞，坐得幾舒適。Menu係以西餐為主，有意粉、燴飯、牛排、pizza等等我地二人各叫一個lunch set~套餐跟湯或沙律+餐茶。我地揀左湯，估唔到湯都可中伏！好稀好水，完全無味！至於飲品...友人叫左呢杯凍檸茶，一睇個賣相幾有誠意，點知一飲！嘩！又係無味！走左糖咁！橄欖油蒜片鮮蝦扁意粉香草味好濃好入口，橄欖油味重但碟意粉唔太油，幾鍾意個質感！有蒜片同洋蔥調味，蝦當然係冰鮮蝦但都好食，整體唔會太鹹，好評。西班牙海鮮飯米飯幾大粒，但質感唔會好硬，可能有人覺得唔夠正宗，不過太硬我怕胃痛，所以反而幾岩我食。海鮮份量都唔少，有青口、大蝦、蜆同埋魷魚等海鮮味道超級香濃又鮮甜，幾入味～總括黎講，飲品同湯真係好奇怪，但主食係ok不過星期六日仲要加一，價錢偏貴，在附近的話可以一試吧！…Read More

朋友指定話要食呢間米線，心諗佢推介啲乜好野呢～點知一禁入去睇食評，嘩真係嚇一嚇！有人話衛生差，仲要係影埋有蟑螂！勁誇張！好似我咁不食辣的，也可選「小小辣」, 因為走辣的湯是沒有肉碎，同埋真係幾乎無辣味。湯底係行重口味路線，偏鹹，都估到佢係落勁多味精，果然食完勁口渴！！友人叫左雞翼同蘿蔔，蘿蔔幾入味，索晒個湯底。我就叫左肥牛同魚腐，我自己覺得米線同啲配料都無咩特別，可能因為唔食辣，覺得呢間野真係好普通。好彩食完無事，價錢唔貴，環境方面就地方殘舊...叫做填飽個肚，還可以中評吧.....…Read More

星期日7點幾去到walkin無咩人，多過一半都吉檯已心知不妙！佢無分時段，仼食兩個鐘。而我第一次食放題，竟然野飲唔係任飲，$20罐或者另加$40任飲。刺身第一次食放題話三文魚賣哂，但七點幾炸喎，好癲...叫左帶子，甜蝦，北寄貝，松葉蟹棒，係得帶子ok！刺身係薄切，無口感，而且新鮮...平時食放題都唔會叫壽司，今次真係無野揀就叫左....燒烤選擇勁少，d肉又薄又韌，一食就知好平的肉。係有款熊本一口牛算ok...另外仲有蜆、蝦、青口等海鮮大蝦算正常，其他都好難食。呢間野絕對冇下次！小食方面又係極差，炸蝦成隻都係粉...兆萬百幾蚊放題都好過佢！甜品每人得一盒movenpick雪糕，仲要唔問都唔講！ig好多推介但原來質素係咁，明白哂！如果想食燒肉，用呢個價錢，over $300尖沙咀大把更好選擇啦！…Read More

紅日食5點半－8點，時間都足夠，早場又平d預先book左位，直接可入場，侍應就介紹番會有第一輪的刺身、海鮮、燒肉。~~刺身~~第一個打卡位！有乾冰的效果噴哂煙！帶子、三文魚、甜蝦都算新鮮過得去～帶子算唔錯，口感爽滑。生蠔就勁嘔心，成口都係沙，從未食過咁難食的生蠔！就算$10果d可能都只係唔好食，佢直頭放唔落口...我無食第二舊了。海膽就正常d...除左海膽，其他都可以繼續無限追加。~~海鮮~~海鮮有帶子、蟹腳、大蝦，啲蝦隻隻都好大好鮮甜，燒完勁香，而且完全不用沾醬！後來我地都追加左幾隻👍 燒帶子都唔錯但就無得追加～~~燒肉類~~餐廳將肉類都放小牌子分門別類，起碼知自己食緊乜哈哈～牛肉款式好多，有和牛西冷、肉眼、牛舌、胸腹等。個人最鍾意牛胸腹，燒完特別香同juicy！豬方面，七味豚拖羅都好惹味，係醃咗嘅豬頸肉。雞翼同雞肉腸就無咩特別。~~其他~~仲有好多唔同款式如菠蘿片/ 金菇/ 芝士年糕 / 雞軟骨 / 紫芋圓等等燒菠蘿 － 放題必點實無死，好食！芝士年糕 - 芝士年糕熱辣辣都算ok， 但個皮好厚，麻麻...不過整體都ok吧！雪糕 - 有movenpick! 有Dryers的批，仲有榴蓮雪糕！！！總括而言，質素都ok，早場的話價錢可接受，可以一試！…Read More

5年前開始已經知佢很紅，但由於住得遠，佢開放時間又短，遲遲都未有機會黎食！今次4點半左右黎到原本只係經過，但見完全唔洗等位，忍不住就要去食了！我地要留肚之後食野，所以我地只叫了兩樣野share～牛油檸檬蜜糖脆脆呢個真係好正，而且夠哂熱辣辣🔥夠脆之餘，個味仲好特別呀！又酸又甜好開胃。茄牛麵勝香園最出名嘅～必點！蕃茄湯底非常夠味，有好多蕃茄肉，我地仲飲埋啲湯，啲牛肉亦好多，足料！除左牛仲有好多配搭，麵都可以揀其他如公仔麵、通粉、米粉。環境方面佢係大排檔模式，喺戶外，要預左熱同坐得唔算舒服，夏天真係好熱，但呢到一年四季係都大排長龍！聽講咖央多都好出名，下次再試吧！…Read More

桔梗可以話係近期大熱，除左網絡好多報導，朋友間都有討論！呢間文青Cafe係源於台灣，成3層高, 2樓有桌球, 3樓有天台花園比人食水煙，係幾特別！另外，呢度係全自助式, 要記得自己拎水、餐具、食物，同埋收餐盤韓式炸雞 - $98本身唔太鍾意炸雞，朋友們話想試呢個就點左了～味道都正常啦原本都無太大期望。黑色幽默美乃滋 － $98講真賣相唔太靚，有炸魚柳、蝦、魷魚。唔會太鹹同油膩，唔錯！海底世界海龍王真的來了 - $228豪華的龍蝦超甜，好爽好彈牙，最驚喜係個汁，十分creamy!飯入面仲有蝦肉粒同魷魚，再加上烤脆嘅藜麥，好有口感！台灣眷村好味道 - $158注意有少少麻辣的～不過整體幾惹味，值得推薦。燉牛肉質感都軟，而且煮得好入味，配合埋溫泉蛋超好吃！水上芭蕾舞 - $168五粒帶子表面香煎至黃金色，厚身大粒仲加入煙三文魚調味🍚連埋温泉蛋＋忌廉好香！蜜香洛神花茶－$58飲品方面我地4人叫左一jar share~酸酸甜甜幾清新! 埋單四人共八百幾，有小食有主食有野飲，價錢還可接受吧～唯一唔滿意係無甜品供應，但店員話公司研究緊，約兩個月內推出，遲下再黎試多次先！…Read More

第一次試老撾菜！見到呢間主打老撾菜既餐廳，未食過老撾菜既我當然要試下！友人去過老撾但佢睇餐牌話無食過呢d haha我見d款式都係泰國、越南菜之煩～老撾蝦米紙卷 －$48蔬菜多，米粉仲多....差不多成舊都係...太多米粉了唔好食！青芒果沙律 －$68無泰式沙律咁辣，幾清新~而且入味得黎個汁不會過鹹，唔錯的。老撾雞肉100%全米湯粉 － $68好足料，好多芽菜，雞肉有好多舊，我地兩人share食極都仲有質感都幾鮮嫩～飲落個湯底椰子味同薄荷葉味好濃！米粉就比平時粗身，幾滑同彈牙，而且好大份量，抵食啊！整體上菜速度都算快，環境闊落，唔會趕你走。食物味道唔算好突出，但幾有新意思, 呢區黎講又唔算貴，都值得一試！…Read More

餐廳裝修已經好有泰國風味，連侍應都係泰國人，似係地道嘅泰國餐館!但質素偏差，朋友叫我劣評呢間餐廳😂泰式生牛肉金邊粉 - $39個湯底有點咸，牛肉正常，當填飽個肚算...泰式雞絲撈麵 - $42雖然佢平，但份量都唔少,聞落都幾香可惜食落無味...友人表示十分不滿，話唔知食緊乜。午市套餐，送埋飲品～椰汁我走了冰所以偏甜，我諗椰汁冰還好掛！佢位置就在旺角朗豪坊隔離嘅朗睛坊，好方便！午市時段仲免加一，不過如果對泰國菜有番咁上下要求，我諗就唔係好的選擇了...…Read More

聽講呢間成日要排隊，而且都見有social media介紹，今次黎到呢度食宵夜！但真心好差呀👎🏻 唔會推介比人！😫9點幾黎到，無需排隊，我地原本諗住叫兩份招牌的黯然銷魂飯，但已經賣哂，最後就叫左常餐，老實講覺得五十幾蚊偏貴，所以有點期望！炒蛋雙腸＋牛油厚多士炒蛋都算滑，腸仔還好，多士一般沙茶牛肉公仔麵個汁同牛勁咸呀痴線...一食個公仔麵，嘩勁硬！友人果份係比我早到，但佢果份係淋身少少，不過d牛又係勁咸，好誇張...個特餐仲衰過普通茶餐廳，無奈！…Read More

難得平日過海做野，揀間有保證的食好點餐廳喺利舞臺夠哂方便～ 地方好大，但都好多人座無虛席，一打開餐牌Set lunch真係好多款揀，見到啲相真係好吸引，種類豐富，跟餐再送野飲。Lunch set 已包沙律，刺身，前菜，麵豉湯etc。沙律酸酸甜甜幾開胃，刺身都幾夠新鮮、甜美！ 蒸蛋好滑！ 廣島蠔釜飯 － $108個釜飯上枱時會有一個小漏斗，店員話等1分鐘就食得～一打開木蓋，傳來陣陣海鮮香味...好期待要試食！廣島蠔都幾肥美的，但個飯就好普通，明明呢間係出名食釜飯～仲要即叫即整，但真心麻麻...同區的話奈良XX好好多...用app訂又有優惠。火灸三文魚腩伴黑松露丼 - $138呢個反而比釜飯出色～黑松露味好濃，三文魚腩又夠新鮮，火灸燒到半熟，好香呀！！！價錢還可以接受，但始終唔算特別好食，而且限時1.5hrs!中評吧！…Read More

愉景新城內的選擇都唔少，但有去開荃灣就知呢個商場好食的餐廳好少，多數都去附近其他地方食算...但最近發覺呢間幾多人好評，就同朋友們一齊試下呢間餐廳坐位舒適，四人坐卡位好闊落,一打開餐牌超多選擇，同一般居酒屋一樣，刺身，壽司，串燒，煱物等等都好齊全。安格斯牛肉鍋火鍋不連飯但價錢都合理，不過如要加烏冬就$45，我地覺得唔太抵就無加了...份量都ok，配菜好足料，仲有粉絲同生蛋。甜醬油湯底濃而配雞蛋，唔錯的～雜菜炒牛舌都炒得幾香，合格。炸豬排烏冬普通無特別驚喜～鰻魚玉子反卷鰻魚汁味濃～都幾好食九品刺身盛帆立貝肉厚清甜，三文魚就一般，整體普通吧唔算特別好食壽司拼盤價錢唔貴但質素一般～叉燒串燒就是平時食拉麵果塊日式叉燒吧味道還好。炸魷魚咀呢個係廚師推介果張menu度的，但太普通了,,,失望。                Dessert Collection因為係同朋友慶生，訂位時問左佢可唔可以寫Happy birthday落碟，店員就話只有叫呢款先有得寫，咁我地4人share都ok~但佢地只可寫happy birthday, 無得寫人名！賣相都幾吸引～有蕨餅、慕斯、雪糕、布甸、拿破崙等，十分豐富！                整體來講呢間餐廳都唔錯，店員都幾勤力加茶。不過食完行好遠先番到mtr，始終愉景就是不太方便....…Read More

聽講呢間好出名又日日大排長龍，原本都唔係特別鍾意食炸豬扒，但見佢咁人氣，真係要黎朝聖一下！間舖偏細，座位數量少，不過佢地上菜速度好快，人流都去得快，而我地6pm左右就黎到，所以一黎就入得了～秘制豬扒飯+肉燥汁 - $56塊豬扒超級大塊同厚身，蓋過哂成個碗！肉質好鬆軟😍，好易咬，好多肉汁！平時唔鍾意食炸豬扒的我都覺得值得試👍🏻而加左肉燥汁之後更香，撈飯食一流呀！蔥油豬扒飯 - $60平時都無乜食既蔥油飯，但見佢係人氣推介，我地就點呢個share了～ 賣相好吸引，蔥油堆得滿滿，餸飯好易入口，好香好惹味，唔會太鹹。豬扒同樣都好大塊，其實呢間的飯都好多，女生的話可選少飯。整體黎講性價比高，食物價錢唔貴，質素好之餘好大份。 抵呀😍 會推介比朋友！…Read More

九龍城當然係食泰國野的好地方，今次貪新鮮唔試下日本菜，就出事了！下次去九龍城都係食番泰國菜吧前菜 - $20普通...麻醬三文魚有點怪怪的牛肉壽喜鍋 - $138個湯幾淡..牛肉直頭係硬....質素一般，有待改進!彩虹卷 - $148聽講呢道係佢地招牌卷物，賣相都唔算好靚，幾清新但價錢都太貴了吧...份量細，味道好一般，失望！鹽燒活海鰻串－$68海鰻肉肥厚，都燒得幾香，比其他菜好一點。燒原隻魷魚筒－$118味道淡，直頭聞唔到香味，好差！芝士雞肉軟骨棒 - $35幾有咬口，講到好特別咁....但無想像中咁驚喜。臨叫佢埋單先知有芝麻雪糕送，芝麻味好濃郁，呢個甜品係全餐最好食嘅野....總括黎講，食物質素偏差，定價過高唔抵食呢！唯一優點係服務ok，見我地食完一道菜先上下一道,而且都密密添茶。但同價錢實在有大把其他選擇...…Read More

雖然住附近，不過呢頭都有唔少選擇，見呢間睇落普通，所以遲遲都未試，今次終於黎試了～鮮鯇魚腩泡飯 － $46份量就普通，一黎到見魚湯呈奶白色，試咗啖湯先，味道好鮮甜啊！！相信個湯底都用左唔少時間煮出黎，食得出無乜味精有幾件大大塊魚腩，幾嫩滑唔會點腥。招牌醉雞泡飯 － $45夠濃同入味，醉雞味道不錯，酒味唔會好濃，雞唔算多但對得住個價錢。蝦仔任加來調味，不過我就無落太多，怕搶左d魚湯味！環境方面，雖然係小店，座位唔多但都唔會好逼。最後食完唔會點口乾，似乎真係無味精，可惜今次因為食晚餐就叫左飯，無叫招牌醉鮮麵，聽講醉鮮麵係似台灣嘅新竹米粉，下次再試吧。呢間好食得黎價錢大眾化，推薦～下次會帶其他朋友再黎！…Read More