baby2k's Profile

忙碌工作完當然要食返餐好獎勵下自己，揀佐間隱世，環境又舒適食Omakase餐牌只係好簡單大概寫食物上菜嘅順序座位唔多，所以每節招待嘅客人都係好少，確保食材夠曬新鮮，而師傅都可以照顧曬咁多位客人簡單問佐有咩食物唔食/敏感之後，好快就上佐第一道前菜裡面有蟹肉、海膽仲有魚子醬，味道唔會搶，食得出鮮味☺️醬蟹非常出色，果凍嘅口感，再配埋濃厚嘅蟹膏，正😍經過炙燒嘅蠔同鮑魚多佐d野味，搭配啱啱好黑松露分量非常足，好濃厚😍壽司每件都食得出食材嘅新鮮，油脂分佈得好好，入口即溶。無諗過仲會有海膽配甜蝦杯，口感鮮甜軟糯相反焦糖布丁唔會好甜，蜜瓜多汁清新，啱啱好唔會食得太濟。掛住食有好多都無影曬相，但絕對無超所值…Read More

難得係西環搵到間睇落好正宗嘅湘菜，一於入去試試。睇Menu樣樣都想食，而且圖文並茂，唔洗估估下。但可惜得兩個人，擔心食唔曬，最後只係點佐兩個餸。點完菜仲會上碟瓜子俾你一邊食一邊傾計，瓜子都係好香口又脆，飲下茶眨下眼就上菜啦。泡椒田雞 - $258配埋個爐熱住咁上菜，越滾越食越辣越入味😍而且田雞全部都大大隻，肉質嫩滑，煮得啱啱好，入口好容易就骨肉分離水煮牛肉- $198超大份，一上檯已經聞到好香，迫不及待熱辣辣咁食。份量好足，除佐牛肉外 配菜仲有木耳、芽菜、千張掛滿汁好惹味，送飯一流。環境亦非常舒適，雖然店面唔大，但勝在位置安排好闊落，並無要擺多兩張檯而令到位置好窄。食飽飽出黎仲見到外國人都準備入去食，絕對值得一試…Read More

遠離銅鑼灣鬧市有間隱世日式餐廳，估唔到門面咁清新會係食涮涮鍋，忍唔住入去一試🤣餐廳舒適座位亦闊落，唔怕食到成身臭，影相打卡都非常靚😍除日式涮涮鍋外，亦有丼飯、刺身，兩個人一人一款share食啱啱好😌餐廳非常用心，連飲品都係日本果汁極上黑毛和牛A4套餐和牛雪花分佈非常靚，而且份量都十分足以為普通嘅麻醬沙律，蔬菜都好新鮮，無失望鍋一滾起即刻迫不及待要落肉，肉質嫩滑，配埋無菌蛋液，即刻想飛返轉日本😍本 丼飯炙燒過嘅刺身令魚油更香☺️材料足又新鮮，一啖接一啖食唔停口飯後仲有甜品熱茶解膩☺️唔會好甜嘅綠茶蕨餅，連埋熱茶，口腔即刻無曬油膩感，大大滿足感…Read More

收工同男朋友覓食☺️見到間泰國菜好多人排隊，心思思排埋一份等佐大概10分鐘左右就安排入座，餐廳好有泰國風情🇹🇭仲有嘟嘟車樣嘅4人卡位，打卡一流😍菜式款式齊全，價錢亦合理唔貴，仲有2人套餐選擇😍飲品點佐泰奶同椰青，椰青清甜新鮮，泰式奶茶亦十分地道明爐烏頭😍酸辣味啱啱好，魚好新鮮，非常惹味泰式菠蘿海鮮炒飯🇹🇭估唔到海鮮份量非常足☺️每啖都食海鮮同肉鬆，飯都炒得非常乾身串燒沙嗲☺️見係每台必點菜，肉質嫩滑唔乾，配埋惹味沙嗲汁，難怪個個都點地道又抵食泰國菜越黎越少，我同男朋友都邊食邊讚👍🏼咁近返工一定要經常黎食😍…Read More

假期前夕想chill下，見到環境幾唔錯，決定去試下😉地方有點隱世，雖然位於尖沙咀，但都可以遠離嘈雜街區，飲杯嘢chill下傾下計。室外非常空曠舒適，秋涼同一班fd傾下計必選。室內適合宜家天氣炎熱，聽下歌氣氛一流。有少量串燒、海鮮、小食提供，飲嘢傾計口痕都可以嗌d食下。特色cocktail 好味打卡都一流用當季時令生果特調cocktail - 荔枝Mojito店員誠意推薦果然零舍不同☺️荔枝非常甜，搭配起Mojito嘅清爽，即刻少佐分炎熱，多佐分清爽香甜荔枝菠蘿Mocktail意想不到地好夾，一d都唔單調雞泡魚乾真係飲酒口痕必備之選😂燒得啱啱好唔會太乾各類燒肉串燒都非常惹味😍燒五花腩簡直無得頂，肥瘦相宜，即刻想飲多杯啤酒🍻…Read More

紀念日拖埋男朋友一齊食銅鑼灣Sugar+ 26樓嘅鐵板燒，夠高景色都特別靚🥰慶祝節日夠曬浪漫🌹位置闊落，唔怕聽到隔離檯嘅傾計聲，都坐得舒服😌去到發現所有套餐都有優惠😍Order 佐 Dinner Teppanyaki SetPromotion Price $1380 / per person靚景+高質嘢食真係超抵👍🏼季節前菜：擺盤非常靚同充滿日式感，特別係白粟米驚喜滿滿😍鮮甜爽脆，比起係日本食更鮮甜。季節刺身：切片池魚配上特製柚子醬，師傅講解唔需要加豉油 wasabi，已經鮮甜清新油甘魚肉質細膩油脂豐富，超新鮮拖羅油脂更加無得彈，入口即溶食刺身時師傅已經好用心煎香蝦頭，以為只係擺盤靚，好奇心驅使下入口酥脆，食唔停口😂以至忽略佐爽口鮮香嘅虎蝦肉🥰香煎銀鱈魚火候控制啱啱好，睇落乾身但內裡鎖住肉汁，證明師傅功力十分了得南非鮑魚彈牙新鮮美國頂級牛肉薄款配上蔥花熟蒜，咬落野味唔油膩厚切5成熟，啱啱好唔會有血水流，但入口Juicy又唔韌鐵板燒炒飯乾身唔油膩，配埋櫻花蝦十分惹味最後甜品係柚子雪芭，簡直係完美句號。濃濃柚子香味同柚子粒，將口入面嘅肉味一掃而空，只係得返柚子清香…Read More

專登慕名而來打卡呢間創新中菜館環境已經非常靚同有特色蛇王芬臘腸蟹肉蛋白炒飯$59炒飯夠乾身唔油膩，每啖都食到臘腸、蛋白、蟹肉，足料得黎每樣味道都好分明又好夾。冬瓜瑤柱燉響螺$79非常鮮甜，冬瓜同螺肉嘅味滲曬入湯，燉得火候啱好，湯料唔會散曬。藥膳醉鴿$129好有心思切件再還原擺盤，影相視覺一流，鴿肉滿滿嘅酒同藥膳味，好香好滑。涼拌花甲$79最意象不到係呢個涼拌菜，竟然打卡感滿滿，不但賣相好味道都非常好，每隻花甲都啖啖肉，而且酸辣開胃，底下嘅青瓜亦爽脆新鮮。店員一拎上檯記得要拎定相機準備，一倒水落乾冰😍嘩 視覺衝擊不愧可以令人專登到訪。菊花蝦餃$34本來以為係視覺上有菊花感，點知入口都有淡淡菊花清香。原味小籠包$29新派食法，將醋擠落肉餡內，一口咬落去全部都係湯汁，醋味會係咬到肉時先食到，完全唔會影響湯汁…Read More

落雨濕濕，最啱食d辣嘢去下濕氣😂又好掛住內地嘅串串小食，見到有即刻沖入去試。餐廳雖然睇落細細間，但座位間距好好同男朋友都算大食，所以揀佐放題☺️選擇都好多，有小食有主食仲有甜品汽水、茶、其中一款啤酒都係任飲。嗌佐菊花普洱茶&竹蔗茅根，為開餐清清熱氣先🤣🤣🤣香油碟同乾碟辣椒粉需要額外加錢，但係重口味必備湯底辣度只需要第一轉選擇，之後再加串串就會加落同一個湯底，如果需要改變辣度可以同店員講第一轉基本每樣都叫佐少少，簽好乾淨，湯底非常麻香同正宗，點埋麻油蒜碟，即刻好似返佐內地食串串咁。用料非常新鮮，特別推薦筍同泡椒牛肉，筍爽脆帶出湯底香味，泡椒牛肉酸酸辣辣❤️一啖一串好過癮。唔夠飽可以要一份乾拌麵雖然細細份但好出色，有肉碎、麻醬、辣油、醋每啖都好香好好味，食唔停口。最後食到超飽個肚脹曬先肯停口下次一定會再幫襯。…Read More

朋友介紹呢間餐廳好抵食，所以今日經開長沙灣就試試。地下做外賣，餐廳堂食要上一層，好多街坊客，職員好熱情而且好快手已經留意到有客人等位，示意我地等等好快安排入座。等大概十分鐘左右已經可以入座，睇餐牌有套餐價錢實惠好多，見好多客都係幾個搭配一齊嗌。最後我地無跟餐牌嘅搭配嗌套餐，但店員都好好咁幫我地特別安排搭配套餐咁嗌。燒腩仔肥瘦適中，皮非常脆口，而且切到大小啱啱好擺入口，忍唔住食完一舊再一舊。蒜蓉粉絲蒸蝦，蒜蓉落得好足蝦亦非常新鮮，食得出蝦肉係彈牙鮮甜，以為套餐上會細碟，點知食極都仲有，超抵食菠蘿生炒骨，炸得好酥脆，配埋酸梅汁同新鮮菠蘿，好開胃，飯都食多兩碗兩個人4個餸連汽水白飯都只係$480，超抵食，唔怪得吸引一大班街坊客聚餐而且又好味、份量足、用料新鮮，性價比超高。…Read More

重口味嘅人無論幾熱都會想食辣🤣🤣今次試佐間價錢親民但味道正宗嘅川菜環境一d都唔似食川菜，以為係清吧有好多唔同選擇：魚鍋、雞煲、烤魚、串燒等等，未食已經流口水汽水係懷舊玻璃樽裝特別好飲一開始上佐最期待嘅酸菜烤魚(小辣）配料十分足，有豆卜、冬瓜、芽菜、大量酸菜滾起就已經可以食，魚肉外面經過烤煮好香，唔會咁易滾到魚肉散曬，入面d肉依然好滑，而且湯底因為落得夠多酸菜，非常入味燒茄子非常出色，都一樣落得好足蒜，完全符合重口味嘅人，燒嘅火候掌握得好好，一夾就同皮分離，食到停唔到口最有驚喜係紅糖糍粑好多舖都中意係面淋上紅糖，或者另上，但呢款係藏係心入面，雖然一整好食要好小心，好容易焫親條脷，但係咁樣會更易令紅糖味滲入糯米糰內，越食越香甜。…Read More

門面係一間低調小店，好有深夜食堂feel😌次次經過都會想試下，見今日紀念日，一於試試可惜係當晚好多人，無得坐鐵板旁欣賞師傅煮嘢🥹Order佐「鳥海山二人套餐」$1198 -沙律出乎意料地新鮮，咬落爽脆多汁，配埋日式沙律醬，即刻胃口大開-刺身店員會好貼心地介紹及講解邊款開始食先。每款都非常新鮮清甜，特別係炙燒過嘅真鯛，魚油魚香係嘴到散開-鮑魚平時食鮑魚都會覺得好韌，但師傅煮得火候啱啱好，咬落仲食到鮑魚鮮甜及彈牙，但唔會難咬-龍蝦啖啖肉好滿足😍而且每一啖肉都包滿蝦膏，非常香口彈牙，一啖接一啖停唔到口-鵝肝多士香脆，配上軟糯多汁鵝肝好邪惡啊-薄燒牛肉內裡充滿炸蒜同蔥，咬落口感豐富又惹味-炒飯&炒菜鐵板燒尾聲一定係食返碗鑊氣十足嘅炒飯，同埋炒椰菜清下肉嘅油膩。估唔到炒飯都咁出色，除佐有少量炸蒜提味，仲有大量櫻花蝦，蛋液包滿每粒米，炒得好乾身即使食到好飽都忍唔住食曬成碗飯。2人連加一都只係$1318，食到咁多海鮮仲有鵝肝，性價比超高…Read More

假期前夕想搵間Bar同男朋友chill下飲下嘢啦尖沙咀好多場，但都比較偏嘈雜同飲啤酒多，而呢間Hans最吸引我就係氣氛好好，cocktail選擇多😉男朋友有揸車，所以點佐杯mocktail - Americano $88，味道好符合個名，但睇返餐牌係無添加到咖啡的而我因為cocktail選擇太多店員好貼心因應我要求推薦佐我試呢杯：East Side $98飲一啖已經有好濃嘅青瓜同薄荷味，十分清爽酒味出但唔會太濃烈，好適合揀黎作為開始嘅第一杯酒❤️照燒雞肉好嫩滑，醬汁味濃帶微辣店員表示餐牌上未有，會因應當日食材改變歡迎大家同店員傾傾計🤣🤣避風塘薯條$58非常適合飲嘢傾計食，又脆又香基本每台客必點🤤加點：woo woo $88比起上一杯多一點Fruity❤️同樣非常清新好飲酸甜味同酒味好夾燒厚切牛舌：$118一d都唔韌 食完想再食😜充滿情調氣氛嘅餐廳&Bar 每樣嘢都做到極致有機會真係要一試…Read More

夏日炎炎最啱食日本嘢，位於旺角特別有間裝修和風味十足嘅餐廳，性價比高值得一試！一入到餐廳滿滿嘅日式風，係旺區都可以有咁闊落嘅座位，坐得舒服自然食嘢傾計都覺得更正先上兩杯飲品消暑解渴😉一杯係菠蘿梳打，一杯係巨峰梳打，兩杯都唔太甜，但又各自水果味都突出，跟餐加$12。牛肉壽喜鍋$58牛肉嫩滑，味道正宗，有埋雞蛋、蔬菜、芋絲令到湯底更鮮甜。角切魚生丼$98加州卷$48滿滿嘅材料價錢亦十分實惠，內有三文魚、甜蝦、魷魚、青瓜、蟹子、蟹柳、玉子，一啖已經充滿豐富口感。加州卷用料亦好有誠意，唔會一夾就散，味道正常發揮。手打冷烏冬$58冷烏冬陪胡麻醬真係一流，口感煙韌彈牙，唔係出面普通一夾就爛嘅烏冬。兩個人嗌成檯嘢，食到攬住個肚走，連服務費都只係$315，上菜速度亦快。…Read More

番茄湯飯整得好味真係要有樓下冰室一席位！環境闊落又有懷舊特色最中意每次必點一定係番茄湯飯，而且如果中意食辣真係要試下麻辣番茄湯，麻辣味特出又麻，但番茄味依然好夠出同男朋友都好中意食雞🤣所以嗌佐最出名嘅瑞士雞亦雞髀外，都再要加多個例牌口水雞口水雞椒麻味好香，雞肉都好入味😋特色係仲有脆脆同花生增加口感，正！瑞士汁雞髀入味得黎，雞肉多汁又滑，啖啖肉鍾意有汁味同骨嘅我就中意食雞亦以為淨係主打菜色出色，點知其他嘢食都好好味，厚切吉列炸豬扒即叫即炸，又脆又唔會乾，熱辣辣超好味連飲品都做得好有誠意，菠蘿特飲係超多新鮮菠蘿肉，絕對無罐頭味，唔太甜嗌佐咁多嘢食加特飲都只係$249，食到超飽，茶餐廳價錢，但誠意滿滿…Read More

落雨濕氣重，個人好攰，有藉口食d辣嘢去一去濕🤣🤣長沙灣呢間麻辣佬想試好耐，比起深水埗另外食麻辣嘢嘅鋪頭，裝修同位置都好闊落同舒適👍🏼睇餐牌火鍋同烤魚都好抵食，可惜今日同男朋友兩個人驚食唔曬，試試其他嘢😝下次再約埋朋友試烤魚😌一坐低店員已經上前菜同埋幫手用滾水沖碗筷😍好貼心竹蔗水清甜唔會太甜，後悔自己嗌錯一杯唔係嗌一樽🥹解辣又唔會濟4個餸嘅小辣孜然味乾鍋😍好香好惹味有酸爽蓮藕仔、脆香肥腸、惹味田雞、爽口雞腎，越食越過癮停唔到口😆剁椒魚頭無辣度選擇，相對食開小辣嘅我會稍辣dd，但完全無掩蓋到魚嘅鮮味，亦唔會食到魚頭嘅腥味，正👍🏼男朋友一邊食一邊讚魚肉好滑。臨走仲聽到有客話專登揸車過黎食，真係值得一試😍而且店員好好禮貌，只係輕輕同男朋友講有d凍，即刻貼心幫忙關細d風一定會再約朋友黎食…Read More